دخلت الأم السجن بسبب تغيب ابنتها عن المدرسة !!

[سفير]

أقروا المسخرة ..

عوقبت الاميركية كارول كلينكر في مدينة سيسيرو بولاية الينوي بالسجن لمدة ثلاثين يوماً لأنها لم تتابع وتتأكد من أن ابنتها تتوجه إلى المدرسة بشكل منتظم· فقد تغيبت الابنة عن المدرسة لمدة 134 يوماً وقرر المسؤولون بالمدرسة استخدام سلطاتهم للتصدي لهذا الأمر· ومن ثم تم ابلاغ النائب العام لتنفيذ القانون المتبع في الولاية والذي يقضي بأن أولياء الأمور يتحملون المسؤولية القانونية في حالة غياب أولادهم عن المدرسة لمدة تزيد على عشرة في المائة من أيام الدراسة دون عذر مقبول ..

((الخبر منقول من جريدة الإتحاد الإماراتية))

------------------
وصلاوي يا لون الذهب

[a night of beauty]

أخي السفير

ما فهمت

وين المسخرة؟

هل هي في عقاب الأم؟

أم جهلها أين تذهب ابنتها 134 يوما في الصباح؟!!!!


أختك
ليلى


------------------

أُحـِب من الأسمـاء مـا وافق اسمها **** أو أشبهــه أو كــان منه مدانيـا

على مثل ليلي يقتُلُ المرءُ نفسه **** وإن كنت من ليلى على اليأس طاويا

[شيطونة]

السلام عليكم .. أخ سفير

وين المسخره ؟
بالعكس اللي سووه عدل وتستحق ذلك.. ولا وينها عن بنتها ؟ تتغيب 134 يوم وماتدري عنها؟ مايصير
ما اشوف اي مسخره انا..
تحياتي ..


------------------
>> ما شاء الله <<

Shy6ona@swalif.com

[سفير]

البنت غابت عن المدرسة فليش يسجنون الأم !! (هني المسخرة)
ما في عقاب ثاني ؟؟

------------------
وصلاوي يا لون الذهب

[a night of beauty]

ولو البنت ماتت أو اغتصبت خلال الساعات اللي الأم ما تعرف وينها

تعتقد السجن بيكون لها كفاية؟

بعدين السجن ما راح يتنفذ

عندهم مية وسيلة للخروج من هذا الحكم



------------------

أُحـِب من الأسمـاء مـا وافق اسمها **** أو أشبهــه أو كــان منه مدانيـا

على مثل ليلي يقتُلُ المرءُ نفسه **** وإن كنت من ليلى على اليأس طاويا

[سفير]

a night of beauty ..احترم رأيج ..
صح إن الأم مخطئة بس ما تستاهل ها العقاب ..
الغلطة غلطة البنت .. هي اللي لازم تتعاقب ..
هذا مجرد رأي

------------------
وصلاوي يا لون الذهب

[ma3gool]

الا مقدين فيها..خلها تهتم في بنتها وتصير عبره لغيرها!!
الا في سالفه زيها..
فيه واحد يحضر الماجستير والدكتوراه في امريكا ومعه عياله يدرسون في مدارس امريكيه..
المهم الام عربيه طبعا ضربت ولدها عشان سبب ما ادري وش هو ..صار فيه كدمه زرقاء في الوجه..
اليوم الثاني راح المدرسه وشافته ااتيتشر وانفجعت من اللي شافته وسألته من اللي عمل فيك كذا؟؟ قال: امي...
الام غافله في بيتها ..ما درت الا اللي يطقون عليها الباب وفتحت الا هم البوليس..طبعا تعرفون حركاتهم..ارفعي يدينك واي كلمه بتقولينها بتؤخذ عليك..الخ
وكلبشوها والحرمه ما تعرف انجليزي تبغى تعرف وش اللي صاير..ماش
حطوا ورقه لزوجها: ترى زوجتك عندنا في القسم.. (تخيلو منظرها مكلبشينها وساحبينها للقسم)
الرجال رجع ما لقى زوجته ..وراح لهم وطلعها بكفاله..وحرم يقعد في امريكا ولو يوم ثاني..

[سفير]

الأخ ma3gool .. http://www.swalif.net/swalif1/ubb/smile.gif أشكرك على المشاركة .. http://www.swalif.net/swalif1/ubb/smile.gif
والحمدلله نحن مب عايشين بأمريكا .. (وما زلت أعتقد إن الغلطان هو اللي لازم يتعاقب)


------------------
وصلاوي يا لون الذهب

[القيس]

أخوي السفير ...يمكن البنيه صغيرة ..ماتعدت ..العشر سنوات ..بهالحالة ..لازم تعاقب الأم ..
..

------------------
مهما كانت موهبتك فالعالم بحاجة لها ...

[سفير]

يا هلا بــــــــ قيس ..
وهل يتم معاقبة الأم بالسجن؟؟

------------------
وصلاوي يا لون الذهب

[a night of beauty]

هلا أخوي سفير

صدقني ما راح يدخلونها السجن

بس كلام

لأن القاتل عندهم ما يدخل السجن

إلا بعد مشقة

يعني هذه راح تستأنف....

وبعدين وبعدين

أكثر شي بيصيبها

Parole
إطلاق سراح مشروط

كم شهر

أو

community service
خدمة المجتمع

كم ساعة

وخلصت الحكاية

هذا النوع من النظام في أمريكا بس للتهديد

يعني عشان يصحوا الناس


ولا تنس إنهم ما يستخدمونه إلا إذا كانت البنت قاصر

والقاصر لا يحاكم

شوف القتلة الأطفال اللي عندهم

عشان يحاكموهم يفكرون فيها لوقت طويل


بس يا ريت يستخدموا القوانين هذه هنا

شوفوا كم أم عندنا ما تدري وين بنتها

ولا تدري شو تلبس أو تأكل

الله يعين بس

أختك
ليلى

------------------

أُحـِب من الأسمـاء مـا وافق اسمها **** أو أشبهــه أو كــان منه مدانيـا

على مثل ليلي يقتُلُ المرءُ نفسه **** وإن كنت من ليلى على اليأس طاويا

[wildorchid]

انا من رأيي انها تستاهل http://www.swalif.net/swalif1/ubb/frown.gif
ياعالم الابناء مسئوليه كبيره..
وكون بنتي تغيب عن المدرسه 100 وحاجه من غير مااعرف
اذن فيه شي..
واذا انا ماخفت عليها..قوة القانون راح تجبرني
واللي ينحرق من الشوربه ينفخ في الزبادي http://www.swalif.net/swalif1/ubb/smile.gif

[alrewesh]

مرحبا
اول شئ غلط ان الام تتعاقب على شان غلطه بنتها يعني جذيه الاولاد راح يخطؤون وبعدين يحطونها على الاهل ويطلعون هم منها.
بعدين اذا هالام عندها اربع او خمس اولاد مو معقوله انها توصلهم كلهم يعني هي ماعندها دوام اكيد انهم يروحون في الباص او مع احد الاصدقاء
بس الام كان مفروض عليها انها تسال عن البنت بس اكيد عندها سبب ولا ماكانت تهمل بنتهاوحتى ولو المفروض ان البنت هي اللي تعاقب يعني ممكن يفصلونها عن المدرسه او اي شي ثاني
بعدين هالدايخه وين كانت تروح كل هذي الايام والله عجايب

------------------
اللي يحبوني يراسلوني