عسل
21-04-2000, 11:07 PM
======================يوميات محششة ===============================
** مع قدوع الصباح **
تحت خرير الماء الساقع المتخرخر من سطل أمي حيث كان هو الوسيلة الوحيده لايقاظي و تحت البطانيه الدافئه,أصحو ظهر ذالك اليوم السعيد جدا بالنسبة لي فهو زواج إحدى الصديقات العزيزات ...تلك الفتاة الشابة اليانعه المتفجره بانواع اللطف والنعومه...ريم ..يالها من فتاة جميله فهي تشبه وائل كفوري في جمالها ... فهذا المدعو وائل أصبح الصيحه في عالم الجمال عند الرجال وكذلك عند النساء وقد أصبح ميزان المقياس في عصرنا هذا ....ريم كانت من أرق صديقاتي مع إنها عصبيه وشديدة العنف في الظروف العصيبه ولكن بما أن شلتنا هي شلة حسب الله فريم أصبحت وردتنا....المهم إستيقضت من نومي الخالي من الاحلام فأنا لاأحلم لاني أنام وعيوني مفتحه ...وغسلت وجهي وفرشت أسناني و أكلت العلك اللذي كنت قد مضغته قبل أمس لأن أمي تكره العلوك فأضطر لتحمل علك واحد طوال الاسبوع.....وأكلت التشيبز المتفتفت له كذا يوم في درجي يعني بالعربي أفطرت ومن ثم إتجهت إلى التيلفون لاحجز عند الكوافير لتنصنفرني وتجعل مني لوحه الوان فلوماستر وكأنني بهلوان معزوم في شلة قرود ....طبعا نحن السعوديات بشعات جدا جدا جدا لذلك لازم نتزين جدا جدا جدا لكي نلقى العريس المريش الذي يقول للقمر وخر وانا أشتري بدالك ....والحمدلله أنا لا ألبس القصير فلا أحتاج لصنفرة في الركبه ....المهم إتصلت بالكوافير وكالعاده أتضارب معها بسبب الموعد هي تقول لماذا لم تتصلي من قبل و انا أقول لقد كان الهاتف معطلا ..هذا كان عذري الدائم معها ...المهم الحمدلله تمكنت من الانتصار عليها هذه المره فأخذت بالاستعداد بالخلاقين اللتي سوف أرتديها و جلست أنتظر الموعد بفارغ الصبر ...وبعد بساعات طويله قدام التلفزيون وبعد ان إمتلاء وجهي بفقاعات العلك..أتى موعد الكوافير .."يالله يمممممممه تراني بمشي والحقيني بتكسي" قلت هذه الكلمه وبعدها بدأت العصافير تحلق فوق رأسي حيث أنني كنت أركض متجهة الى باب الخروج ولكن أخي الحبيب مد قدمه المصون فجعلني أتدحرج دحروجه ريشه في مهب الريح ثم إرتطمت جمجمتي بالعاير وفي ما أنا أجمع نفسي لاقوم وإذا بنعلة أمي تهوي على رأسي عشان قلت بروح والحيقيني (جعلك في الجنة الخضراء ) و فجأة وجدت نفسي في قاعة 000 للافراح لقد فقدت الوعي ولعبت بي الكوافير لعب وأظن أنها إنتهزت فرصة غيابي عن الوعي لكي تنال مابرأسها هي وأمي وطبعا أمي فرحت أكثر فأصبحوا وكأنهم في غرفة عمليات وصرت أسمع "مقص","مشرط","دبوس","قهوه"..لاهذي طلبوها عشان يشربونها....لقد أحسست أن المبلغ الذي إندفع لهذه الشمطاء المفروض تاخذه أمي فهي من إشتغل فيني ....المهم أنني ما إن وصلت هذه القاعه إلا وتوجهت مباشره إلى المراه لاشاهد العرس الذي فوق رأسي قبل ان اشاهد العرس اللذي أنا فيه....إتجهت إلى المراه وكدت أسلم على الفتاة التي كانت قدامي لان وجهها مو غريب علي ...فما أن مديت يدي إلا واسطدمت بيدها ولكن ماهذا؟؟ إكتشفت أنني أعرفها جيدا والدليل أن أمها جائتها وقالت لها "يالله يامصعفق تعالي سلمي على أم محمد" ياااا إلهي ياااإلهي لقد أصبحت لاأعرفني فكيف لصديقاتي معرفتي؟؟؟ فرقة شعري من النص كاشفة عن طريق صحراوي في المنتصف....توكات أم عشره وكأن رأسي أصبح بسطة مساويك ...وماهذا الروج لون ليس له إسم "من بكشة جدتي اللي عطتها أمي يوم زواجها؟؟" عموما والله ما أرجع البيت حتى لو حلقوني صفر...نظرت إلي شكلي نظره أخيره متحدية فيها بنات عصري قائلة"طيب وش فيها؟ والله بكره يسوون مثلك..بيضحكون؟معليش خليهم يضحكون من برا بس من جوا ماهقيت" مشيت بخطوات ثقيله متجهة إلى البست "المكان الدائم"حيث جميع صديقاتي متركزات في وجه الذاهب والاتي بحثا عن.....احم المهم وصلت اليهم بعد جهد بذلته في الدرج " من طول الكعب" ولما وصلت لم تقم منهم أي وحده لتسلم علي فقلت معليش مشغولين وكل وحده تفكر في صديقتنا ريم وماهو مصيرها هل سنشوفها بعد شهر أم شهرين؟ وهل زوجها حلو "مع العلم إن كل وحده فيتا تقدر ترسمه من كثر ما ريم دبلت كبدنا فيه كل يوم رازه صورته مابقى إلا تحطها ستيكر وتلزقها في دفاترها بدل صور قريندايزر" مع العلم إنها ماعاد صارت تحط صور قريندايزر بعد مانخطبت تقول عشان مايغار خطيبها المهم اني لما شفتهم ماسلموا قلت يابنت خذي لك مكان بينهم واقعدي وبعدين يصير خير..توني بجلس إلا ويقعدون يتمسمسون قدامي وكل وحده تسرح في هالشعرتين اللي فوق راسها واللي قامت تحط روج واللي تزحف تبيني أجي جمبها ..؟؟وانا بس أطالع ماعاد عرفت اتكلم ..شوي إلاتقوللي نوال تعالي هنا ياخاله أم محمد...(ياكثر اللي إسمهم ام محمد في ديرتنا لو امسك الميكرفون حق الطقاقه واقول تعالي يام محمد جوني كلهم ماعدا أمي) ...والثانيه تقول هنا أريح لس ياطنط...طنط؟؟؟؟إعنبوا الدلع لين جا في شي غلط ...... عسى ماشر؟؟؟؟ماعرفتوني؟؟قالوا مييييين أم الدواهي؟؟؟؟؟ قلت أم الصعافق "والله كننا في منجره مهب عرس" المهم زحفولي وجلست وطبعا هم للحين مابعد قالوا شي يحسبون إنها شكل مركبته وبشيله مادروا إني بقعد كذا معهم لين أخر العرس لا وباسلم على العروس بعد ...المهم جلسنا نحش شوي في أهل المعرس شوفي إخته لا شوفي بنت جدة عمة امه وهكذا دواليك الليييييين مابديت اسمع صوت امي الرنان تناديني عشان اسلم على فلانه وعلانه وبصراحه انا ابي دوا لهذي المشكله امي تستلمني وودها تشوفني ادور في هالمكان دوران ..هذي ام فلان؟؟هذي حماة فلانه..هذي صديقتي..هذي جارة ام عزيز...والمشكله انهم نفسهم من بديت احضر زواجات وانا ما اشوف الا هم...والظاهر انها بتصير تخليني أسلم على الطقاقات من كثر ماهي مشتاقه لهم .........
وكل شي كوم وهل العجز كوووم أصلا هم قاهريني من زمان ...مفتحين عيونهم ومطولين يدينهم ..يعني مابقى بنت إلا ومعطو شعرها عشان يتأكدون هو صدق ولا لا..وتلقى الوحده منهم مشخصه وتمزح وهي تشوف نفسها شبابيه ..ههههه إيييه يحق لهم قاعده لاتتمسمس ولاشي تجي تطالع وتمشي ولامنها فايده هي ومطالعها ..أجل وشوله قطعتوا شعورنا ..وطلطلتوا في رجولنا وودكم تقيسون كم طول الكعب هاه؟ يالله الشكوى لله حريم اخر زمن وش نقول.............
.طنطنطنطنطنطنطنطن بدت الزفه وانفتح الباب وتتقدم ريم الله يحفظها هدا هدا وكأنها تتعلم المشي... ...وبدت تنزل مع الدرج حبه حبه همن إظاهر إنها ملت قالت ورا ما انزل مره وحده وش ابقعد احتري ؟ شوي الا ونشوفها جايه مسرعه تناقز مع الدرج ولكنها زفه كنها مسابق هجن وحنا طارت بوهتنا فيها إلا انا طارت الرموش اللي كنت ملزقتها ....!!!! يالله لك الحمد رريم وراها صارت كذا ...شكلهم مفطرينها باميا مع ملوخيه وصارت تتزحلق..المهم ماشالله عليها ماعندها وقت المسافه اللي يقطعونها العرايس في ساعه قطعتها في خمس دقايق ويوم سألناها بعدين ليش طايره؟ قالت عشان العالم تتعشى وترقد ...وانتي وش عليك منهم؟؟ يالله يالقلب الحنون معلمتكم عنها هالطيبه عسى زوجها يستاهلها بس.....المهم بعد خمس دقايق ثانيه ................... "يالله تغطوا بيدخل المعرس"هذي كلمه موحده في جميييع انواع الزواجات حتى هنا بدوا يقولونها .....وشكلهم ناوين يحطونها شفره ويحاربون فيها الشعوب...ويمكن تصير الباسوورد لاي مصيبه في الدنيا ..نووي..فيروسات وخلافه..................
دخل المعرس وكأنه معشى (معشى يعني لما تعشون الساعه اللي من اول عشان ترن في الصبح) وجا كالبطريق يترنح ببشته الاسود وكأنه عريس في ليلة عرسه........وماشالله وصل في دقيقتين للكوشه ...وجلسوا كل واحد مديور بوجهه من الحيا(إلا دارين إن فيه ناس مفتحه عيونها 24 بوصه ) وبصراحه ماعرفنا نحش زين ذاك اليوم كله عشان ريم من الشله وكاشفتنا ..... جا العشا وماتعشينا كالعاده نكمل برج المراقبه وبعدين خلص الوقت ورحنا بيوتنا ونمنا ويوم جا الصبح إستيقظت على دش ماء بارد أقييين وقمت كلمت الكوافير عشان أحجز لزواج منال ..
-------------------------------------------------------
للمراجعة http://www.eqla3.com/file/ubb/Forum14/HTML/000067.html
** مع قدوع الصباح **
تحت خرير الماء الساقع المتخرخر من سطل أمي حيث كان هو الوسيلة الوحيده لايقاظي و تحت البطانيه الدافئه,أصحو ظهر ذالك اليوم السعيد جدا بالنسبة لي فهو زواج إحدى الصديقات العزيزات ...تلك الفتاة الشابة اليانعه المتفجره بانواع اللطف والنعومه...ريم ..يالها من فتاة جميله فهي تشبه وائل كفوري في جمالها ... فهذا المدعو وائل أصبح الصيحه في عالم الجمال عند الرجال وكذلك عند النساء وقد أصبح ميزان المقياس في عصرنا هذا ....ريم كانت من أرق صديقاتي مع إنها عصبيه وشديدة العنف في الظروف العصيبه ولكن بما أن شلتنا هي شلة حسب الله فريم أصبحت وردتنا....المهم إستيقضت من نومي الخالي من الاحلام فأنا لاأحلم لاني أنام وعيوني مفتحه ...وغسلت وجهي وفرشت أسناني و أكلت العلك اللذي كنت قد مضغته قبل أمس لأن أمي تكره العلوك فأضطر لتحمل علك واحد طوال الاسبوع.....وأكلت التشيبز المتفتفت له كذا يوم في درجي يعني بالعربي أفطرت ومن ثم إتجهت إلى التيلفون لاحجز عند الكوافير لتنصنفرني وتجعل مني لوحه الوان فلوماستر وكأنني بهلوان معزوم في شلة قرود ....طبعا نحن السعوديات بشعات جدا جدا جدا لذلك لازم نتزين جدا جدا جدا لكي نلقى العريس المريش الذي يقول للقمر وخر وانا أشتري بدالك ....والحمدلله أنا لا ألبس القصير فلا أحتاج لصنفرة في الركبه ....المهم إتصلت بالكوافير وكالعاده أتضارب معها بسبب الموعد هي تقول لماذا لم تتصلي من قبل و انا أقول لقد كان الهاتف معطلا ..هذا كان عذري الدائم معها ...المهم الحمدلله تمكنت من الانتصار عليها هذه المره فأخذت بالاستعداد بالخلاقين اللتي سوف أرتديها و جلست أنتظر الموعد بفارغ الصبر ...وبعد بساعات طويله قدام التلفزيون وبعد ان إمتلاء وجهي بفقاعات العلك..أتى موعد الكوافير .."يالله يمممممممه تراني بمشي والحقيني بتكسي" قلت هذه الكلمه وبعدها بدأت العصافير تحلق فوق رأسي حيث أنني كنت أركض متجهة الى باب الخروج ولكن أخي الحبيب مد قدمه المصون فجعلني أتدحرج دحروجه ريشه في مهب الريح ثم إرتطمت جمجمتي بالعاير وفي ما أنا أجمع نفسي لاقوم وإذا بنعلة أمي تهوي على رأسي عشان قلت بروح والحيقيني (جعلك في الجنة الخضراء ) و فجأة وجدت نفسي في قاعة 000 للافراح لقد فقدت الوعي ولعبت بي الكوافير لعب وأظن أنها إنتهزت فرصة غيابي عن الوعي لكي تنال مابرأسها هي وأمي وطبعا أمي فرحت أكثر فأصبحوا وكأنهم في غرفة عمليات وصرت أسمع "مقص","مشرط","دبوس","قهوه"..لاهذي طلبوها عشان يشربونها....لقد أحسست أن المبلغ الذي إندفع لهذه الشمطاء المفروض تاخذه أمي فهي من إشتغل فيني ....المهم أنني ما إن وصلت هذه القاعه إلا وتوجهت مباشره إلى المراه لاشاهد العرس الذي فوق رأسي قبل ان اشاهد العرس اللذي أنا فيه....إتجهت إلى المراه وكدت أسلم على الفتاة التي كانت قدامي لان وجهها مو غريب علي ...فما أن مديت يدي إلا واسطدمت بيدها ولكن ماهذا؟؟ إكتشفت أنني أعرفها جيدا والدليل أن أمها جائتها وقالت لها "يالله يامصعفق تعالي سلمي على أم محمد" ياااا إلهي ياااإلهي لقد أصبحت لاأعرفني فكيف لصديقاتي معرفتي؟؟؟ فرقة شعري من النص كاشفة عن طريق صحراوي في المنتصف....توكات أم عشره وكأن رأسي أصبح بسطة مساويك ...وماهذا الروج لون ليس له إسم "من بكشة جدتي اللي عطتها أمي يوم زواجها؟؟" عموما والله ما أرجع البيت حتى لو حلقوني صفر...نظرت إلي شكلي نظره أخيره متحدية فيها بنات عصري قائلة"طيب وش فيها؟ والله بكره يسوون مثلك..بيضحكون؟معليش خليهم يضحكون من برا بس من جوا ماهقيت" مشيت بخطوات ثقيله متجهة إلى البست "المكان الدائم"حيث جميع صديقاتي متركزات في وجه الذاهب والاتي بحثا عن.....احم المهم وصلت اليهم بعد جهد بذلته في الدرج " من طول الكعب" ولما وصلت لم تقم منهم أي وحده لتسلم علي فقلت معليش مشغولين وكل وحده تفكر في صديقتنا ريم وماهو مصيرها هل سنشوفها بعد شهر أم شهرين؟ وهل زوجها حلو "مع العلم إن كل وحده فيتا تقدر ترسمه من كثر ما ريم دبلت كبدنا فيه كل يوم رازه صورته مابقى إلا تحطها ستيكر وتلزقها في دفاترها بدل صور قريندايزر" مع العلم إنها ماعاد صارت تحط صور قريندايزر بعد مانخطبت تقول عشان مايغار خطيبها المهم اني لما شفتهم ماسلموا قلت يابنت خذي لك مكان بينهم واقعدي وبعدين يصير خير..توني بجلس إلا ويقعدون يتمسمسون قدامي وكل وحده تسرح في هالشعرتين اللي فوق راسها واللي قامت تحط روج واللي تزحف تبيني أجي جمبها ..؟؟وانا بس أطالع ماعاد عرفت اتكلم ..شوي إلاتقوللي نوال تعالي هنا ياخاله أم محمد...(ياكثر اللي إسمهم ام محمد في ديرتنا لو امسك الميكرفون حق الطقاقه واقول تعالي يام محمد جوني كلهم ماعدا أمي) ...والثانيه تقول هنا أريح لس ياطنط...طنط؟؟؟؟إعنبوا الدلع لين جا في شي غلط ...... عسى ماشر؟؟؟؟ماعرفتوني؟؟قالوا مييييين أم الدواهي؟؟؟؟؟ قلت أم الصعافق "والله كننا في منجره مهب عرس" المهم زحفولي وجلست وطبعا هم للحين مابعد قالوا شي يحسبون إنها شكل مركبته وبشيله مادروا إني بقعد كذا معهم لين أخر العرس لا وباسلم على العروس بعد ...المهم جلسنا نحش شوي في أهل المعرس شوفي إخته لا شوفي بنت جدة عمة امه وهكذا دواليك الليييييين مابديت اسمع صوت امي الرنان تناديني عشان اسلم على فلانه وعلانه وبصراحه انا ابي دوا لهذي المشكله امي تستلمني وودها تشوفني ادور في هالمكان دوران ..هذي ام فلان؟؟هذي حماة فلانه..هذي صديقتي..هذي جارة ام عزيز...والمشكله انهم نفسهم من بديت احضر زواجات وانا ما اشوف الا هم...والظاهر انها بتصير تخليني أسلم على الطقاقات من كثر ماهي مشتاقه لهم .........
وكل شي كوم وهل العجز كوووم أصلا هم قاهريني من زمان ...مفتحين عيونهم ومطولين يدينهم ..يعني مابقى بنت إلا ومعطو شعرها عشان يتأكدون هو صدق ولا لا..وتلقى الوحده منهم مشخصه وتمزح وهي تشوف نفسها شبابيه ..ههههه إيييه يحق لهم قاعده لاتتمسمس ولاشي تجي تطالع وتمشي ولامنها فايده هي ومطالعها ..أجل وشوله قطعتوا شعورنا ..وطلطلتوا في رجولنا وودكم تقيسون كم طول الكعب هاه؟ يالله الشكوى لله حريم اخر زمن وش نقول.............
.طنطنطنطنطنطنطنطن بدت الزفه وانفتح الباب وتتقدم ريم الله يحفظها هدا هدا وكأنها تتعلم المشي... ...وبدت تنزل مع الدرج حبه حبه همن إظاهر إنها ملت قالت ورا ما انزل مره وحده وش ابقعد احتري ؟ شوي الا ونشوفها جايه مسرعه تناقز مع الدرج ولكنها زفه كنها مسابق هجن وحنا طارت بوهتنا فيها إلا انا طارت الرموش اللي كنت ملزقتها ....!!!! يالله لك الحمد رريم وراها صارت كذا ...شكلهم مفطرينها باميا مع ملوخيه وصارت تتزحلق..المهم ماشالله عليها ماعندها وقت المسافه اللي يقطعونها العرايس في ساعه قطعتها في خمس دقايق ويوم سألناها بعدين ليش طايره؟ قالت عشان العالم تتعشى وترقد ...وانتي وش عليك منهم؟؟ يالله يالقلب الحنون معلمتكم عنها هالطيبه عسى زوجها يستاهلها بس.....المهم بعد خمس دقايق ثانيه ................... "يالله تغطوا بيدخل المعرس"هذي كلمه موحده في جميييع انواع الزواجات حتى هنا بدوا يقولونها .....وشكلهم ناوين يحطونها شفره ويحاربون فيها الشعوب...ويمكن تصير الباسوورد لاي مصيبه في الدنيا ..نووي..فيروسات وخلافه..................
دخل المعرس وكأنه معشى (معشى يعني لما تعشون الساعه اللي من اول عشان ترن في الصبح) وجا كالبطريق يترنح ببشته الاسود وكأنه عريس في ليلة عرسه........وماشالله وصل في دقيقتين للكوشه ...وجلسوا كل واحد مديور بوجهه من الحيا(إلا دارين إن فيه ناس مفتحه عيونها 24 بوصه ) وبصراحه ماعرفنا نحش زين ذاك اليوم كله عشان ريم من الشله وكاشفتنا ..... جا العشا وماتعشينا كالعاده نكمل برج المراقبه وبعدين خلص الوقت ورحنا بيوتنا ونمنا ويوم جا الصبح إستيقظت على دش ماء بارد أقييين وقمت كلمت الكوافير عشان أحجز لزواج منال ..
-------------------------------------------------------
للمراجعة http://www.eqla3.com/file/ubb/Forum14/HTML/000067.html