View Full Version : حفلة بنات التجار
marwah
12-05-2000, 10:35 PM
أول شي
أنا عضوة جديدة واشكر سوالف اللي أخيرا عطوني وجه وخلوني اشترك
ثاني شي أحب أعلمكم عن بعضض الاشياء اللي تصير عندنا بالسعودية
انا ما أعترض لاكن بس ابغا اعلمكم عن الحفلة اللي اشتكت فيها والحفلة اللي بشترك فيها
بعد الاطالة مع الاسف الشديد:
الحفلة الأولى مع العلم أن المدرسة هي في الشرقية طبعا انبصطنا كثير كان لازم كل وحدة فينا تدفع 3آلاف وهذا لأننا بس بنات تجار طبعا في بنات يدفعون اكثر في وحدة دفعت 30ألف عشان الطقاقات ووحدة سوت الكروت تقولون كروت عريس
والحفلة الثانية بتسير في العطلة بعد شهر وأسبوع ..
وهذي للحين ماتحدد كم لازم ندفع أنا قاعدة أقول لكم هاكلام لأني ابغى اشوف مين اللي من رأي ومأيدني ومين اللي من راي خالاتي ويقول أن ربي بيخسف فينا الأرض جزاء التبذير والاسراف أفيدوووني بلييييس ..
------------------
بروكسي
12-05-2000, 10:42 PM
اهلين
شنو تقصين علينا
عضوه جديده
وعدد المواضيع 2
لو جديده عدد المواضيع 1
لوووووووول
لا تزعلين اتغشمر
ويا هلا والله فيج
وبعدين هذي حفله ولا زواج ؟
وفيها اختلاط ؟ ( اذا فيها ادفع عشره مو ثلاثه ) لوووووووول
صراحه اسراف
لكن راح يجي يوم ما يشوفون النعمة هذي
وقولي بروكسي ما قال
------------------
قالت اموت فيك *** قلت شنو انا مقبره ؟
بياع القلوب
12-05-2000, 10:52 PM
هلا بالاخت مروه
كلامك تقريبا سليم وصار ويصير عندنا كثير ..هذي هين لو السالفة على تبذير لكن الطامه الكبرى التالي:
انا اذكر اني انعزمت على حفلة من تلك الحفلات وللأسف كانت مختلطه وشراب وغناء وكلام له أول ما له آخر ... ..
ولا تقولوا مايصير عندنا !!! صار وانتهى وبالشرقية كمان ، فما بالك بالمناطق الاخرى ؟؟
تحياتي
------------------
من أجلك أعتقت نسائي ..
وتركت التاريخ ورائي ..
وشطبت شهادة ميلادي ..
وقطعت جميع شراييني ...
wildorchid
12-05-2000, 11:17 PM
اهلين مروه,,
ومرحبا فيك عضوة جديده :) :)
شوفي أختي,,,
مجرد مشاركتك في هالشي معناه قبولك له,,
اذن تتحملين جزء من المسئوليه,,
وهاللي يصير نتيجة الفراغ,,مظاهر كذابه وعدم تقدير
للنعمه,,
مع ان فيه ناس تحب تستانس وتوسع صدرها من مبدأ
ان دام عندها فلوس فمن حقها تنبسط فيها
وبــــــــــكيفهم,,
بس ياريت لو يتذكروا ان فيه ناس ماهي لاقيه تاكل
ويعطونهم ولو شوي بس :( :(
ma3gool
12-05-2000, 11:43 PM
اهلين مروه.. :)
طبعا هذا تبذير واسراف ووصفه الله عز وجل المسرفين والمبذرين بانهم اخوان الشياطين...
ودايم الحفلات هذي اللي مالها داعي طبعا تكون عواقبها شينه..اما تكون ضيقة صدر او مشاكل ماتدرين من وين تجي..يعني وراها عقوبه والعياذ بالله..
طيب مو احسن بدل ما تدفعين ثلاثة الاف ريال عشان حفله ليش ما تفكرين تدفعينها لناس محتاجين تدفع عنك البلاء وتكون في حسناتك وتلقينها في الدنيا والاخره...وتزرعين البسمه لشفاه ناس محرومين....
فكري في الموضوع...
------------------
كل شي معقول
أبوالفلاسفة
12-05-2000, 11:45 PM
يا مرحبا بك معنا
أرجو لك حسن الاقامة هنا
في ربوع سوالف بين أخوانك و أخواتك
------------------
قل لمن ادعى في العلم فلسفة *** علمت شيئا وغابت عنك أشياء
عابر99
13-05-2000, 12:00 AM
السلام عليكم ورحمة الله وبركاته :
حياك الله أختي مروة وبياك .
أما بالنسبة لموضوعك فأقول :
إن دفع مثل هذه الأموال الطائلة في حفلة قد لاتتجاوز الثلاث ساعات فيه مافيه .
ثم ماالذي دفعت فيه هذه الأموال ؟ .
دفعت كما قلت للطقاقات وبطاقات الدعوة وغيرها من المأكولات والمشروبات .
هناك عدة محاذير :
أولاً : الطقاقات لابد أن يصاحبهن الغناء والعزف وهذا محرم كما تعلمين .
ثانياً : المأكولات والمشروبات سيؤمن منها مايتبقى منه ثلاثة أرباعة على القليل والباقي يرمى في براميل النفايات وهذا إسراف وتبذير نهى الله عنه ووصف الواقعين فيه بقوله تعالى: " إن المبذرين كانوا إخوان الشياطين " .
ونهى عنه بقوله تعالى :" وكلوا واشربوا ولاتسرفوا إنه لايحب المسرفين " .
ولو قيل لواحدة من اللاتي دفعن هذه المبالغ الطائلة نريد منك نصف هذا المبلغ للمحتاجين والمساكين لقدمت خطوة واحدة وأخرت عشراً واعتذرت بأعذار كثيرة واهية .
وأخيراً أقول :
إن الله سبحانه وتعالى قد شرع الشرع لعباده وأمرهم بالسير عليه ولم يترك التشريع لعقولهم فلايسعهم الخروج عنه .
ومن ضاق ذرعاً بالتشريع وخرج عنه فقد وعده سبحانه بالجزاء الذي يستحقه .
رعاك الله
بصراحة أنا من رأيك خالاتك لأنك ما راح تستفيدين من هذه الحفلة لا في الدنيا ولا في الاخرة وكلها ساعات معدودة
أنا من رأي معقول أنك تتصدقين بها على المحتاجين وراح ترتاحين نفسيا في الدنيا وفي الاخرة راح تكسبين أجر وتواب عند الله سبحانه وتعالى
والله أعلم
شوهــــ :) :) :) ـــــد
---------
عســــ على قولة بروكسي ـــــــــل
نجمة المساء
13-05-2000, 01:14 AM
هلا فيج مروه بينا :)
الحفار
13-05-2000, 01:48 AM
هلا مروه
اقول وش رايك
تعزمين زميلاتك يروحون معانا الرحله
بس على كل وحده انها تدفع عشر الاف ريال
واذا وافقو علميني اعطيكي رقم حسابي
على شان الحوالات لاني مستعجل عليه لتجهيز اليخت
------------------
عطني عهد ما تســتمع في حكاي
***************************حــتى معك بالحب يبتل ريقي
وعطيك عمرا راح واللي بعد جاي
***************************وذوقك طعم الغـرام الحـقيقي
marwah
13-05-2000, 02:01 AM
آسفة لأني تأخرت بالرد :
الأخ بروكسي.. الحفلة ما فيها اختلاط
بياع القلوب.. انا من اللي يسوون هالحفلات وينبسطون فيها بعد بس بدون اختلاط وازيدك من الشعر بيت انا من الشرقية
wildorchid.. انا ما اعترض على الحفلةوبعدين انا مني مضيعة كل الفلوس على الحفلات لأني اساعد الفقراء والمحتاجين وهم كثير عندنا هنا في الشرقية لو تروح بيوتهم وتشوف يتقطع قلبك عليهم
ma3gool.. انا دافعة مبلغ 7آلاف علشان مكيف لعائلة فقيرة وأنا ما أفاخر ولا أمن لاكن دام عندي فلوس وربي موسع علي لي ما أنبسط وأبسط غيري بعد
أبو الفلاسفة.. شكرا
عابر99.. انت جيت من ناحية الدين اللي انا ضعيفة فيها كثير وهذا له دخل في التربية (ياجماعة احرصو على تعليم اعيالكم مبادئ الدين ) ولاكن ابعد شوي عن هذه الناحية وخلينا في الوناسة ووساعة الصدر ومساعدة المحتاجين
غصون.. وضحي لي وجهة نظر خالاتي وفهميني اكثر بالدين
عسل + نجمة السماء .. شكرا على الترحيب
آسفة كثير على الاطالة .. وشكرا
------------------
marwah
13-05-2000, 02:07 AM
هلا الحفار شكرا على العزيمة بسأل صاحباتي واردلك خبر
------------------
مستمعه :)
------------------
انساك لحظه واذكرك باقي العام
حتى وانا ناسي نسيت وذكرتك
بروكسي
13-05-2000, 04:08 AM
AJ
هنيالج الريلي بلير شغال عندج
عابر99
13-05-2000, 04:31 AM
أختي الكريمة تقولين :
انت جيت من ناحية الدين اللي انا ضعيفة فيها كثير وهذا له دخل في التربية (ياجماعة احرصو على تعليم اعيالكم مبادئ الدين ) ولاكن ابعد شوي عن هذه الناحية وخلينا في الوناسة ووساعة الصدر ومساعدة المحتاجين
وأقول إن الدين لا يمنع الوناسة وسعة الصدر ولكن بحدودها .
وإذا أبعدنا شوي عن هذه الناحية فسنخسر خسارة عظيمة قد لانحس بها الآن ولكن سنندم يوم لاينفع الندم .
marwah
13-05-2000, 06:10 AM
شكرا على النصيحة وانت تقول الانسان ممكن يتعلم من اخطاءه وانا قاعدة اتعلم ولاكن هذا ما يمنع من انك تنصحني لأن الدين النصيحة
عابر99
13-05-2000, 07:00 AM
لا شكر على واجب أختي الكريمة .
وجزاك الله خيراً على تقبلك .
بياع القلوب
13-05-2000, 10:31 AM
هلا بالاخت مروه
تنظيم حفلات كمان ؟؟
طيب اكيد فيه دي جي ايضا ، بس المكان اللي رحت له كان الدي جي رجال ..
لكن اعتقد ان فيه بنات يعملن دي جي لأني اذكر ان وحده كانت تحب تشتغل هذي الشغلة بس من زمان ما ادري عنها ... والله مدري .. شكلك اكيد تعرفيها لأنها كانت تحب تروح هالحفلات هذي اسبوعيا وتتعرف على ناس جدد !!!! وكانت تقول لي عن كل شء يصير معها ....
وعلى فكره ايضا ، أنا من الشرقية ايضا .. وتشرفنا بالمعرفه .. :)
------------------
من أجلك أعتقت نسائي ..
وتركت التاريخ ورائي ..
وشطبت شهادة ميلادي ..
وقطعت جميع شراييني ...
هلا و الله مروة...
بصراحة انا راي ان هالحفلات اذا كانت من غير سبب مالها داعي و أكيد انت سامعة بحفلات التخرج من الثانوية اللي صارت بجدة؟
كل شلة بنات من مدرسة ينافسون الحفلة اللي قبلهم !!
الحمدلله حنا حفلتنا كانت اول حفلة صارت بجدة و صحيح كلفت 115الف ريال لكن عمري ما اندم عليها و بالعكس افتخر بيها :)
و تسلمون كلكم :) :) :)
------------------
كان حلما فخاطرا فاحتمالا
ثم أضحى حقيقة لا خيالا
LEENA
13-05-2000, 09:04 PM
والله شكلك انتي دافعة ومتحسفه ;)
اقول ورى ماتجين في شلتنا ونسويلك خصم خاص
marwah
13-05-2000, 09:38 PM
بياع القلوب .. انا من راي صديقتك لأن أهم مافي الحياة بالنسبة لي هي بر الوالدين بعدين الوناسة
xox .. مبروك واحنا حفلتنا بعد هي أول حفلة
LEENA .. مين قلك اني دافعة ومتحسفة بالعكس انا مبسوطة كثير وبشترك بالحفلة اللي بعدها بعد