المرسال
28-07-2000, 10:47 PM
تخيلوا لوكان الطفل يولد عاقل ...
ويفهم كل شي حوله ..
لكن حنا ماندرك هالشي .؟؟
ونحسبه -طفل- ولايفهم !! ..
في المستشفى
قعدت في بطن أمي تسعة شهور ... وكان بطن أمي مملكة أنا الملك فيها وأنا المملوك .. وكنت وأنا في بطن أمي اسمع عن الحياة الخارجية .. وش يصير فيها من زين ومن شين .. من حق ومن باطل .. كل شي أسمع فيه .. وهالشي هو اللي يخلي بعضنا يالاطفال نستعجل الطلعة للدنيا أو نتأخر .. فبعضهم يكون متحمس ويحب التحدي تلقاه يطلع بعد ثمان أو سبع شهور .. وبعضنا كلما سمع شي زاد خوفه .. وتلقاه يقول أنا هنا -في بطن أمه - آكل شارب نايم .. وليش أطلع للدنيا وأتبهذل !! وتلقاه يطق في بطن أمه سنة كاملة ... لكن أنا من الأطفال المعتدلين .. يعني من يوم كملت تسعة شهور طلعت على طول ..
وقبل اطلع من بطن أمي كتبت تاريخ الخروج على بطن أمي ... مثلي مثل أخواني اللي قبلي .. كل واحد كاتب تاريخ طلوعه .. ورقمه ( تعرفون مالنا أسامي) ... واللي يكتب ذكرياته بعد !!.. ويوم طلعت من بطن أمي كان هالكلام في أحد المستشفيات ... ماانتبهت الا والدكتور يسحبني وهو يضحك !! .. أنا استغربت ليش يضحك ؟! .. وانتبه لنفسي وألقى ماعلي هدوم !! .. وأنا أحس بالفشيلة وأبكي .. وهذا سبب صياحنا يوم ولادتنا .. المهم غسلوني ولفوني بقماش .. ورجعوني لأمي .. اللي أول مرة أشوفها بحياتي .. وتضمني لصدرها وأنا أبكي من الفرحة بشوفتها ..وتضمني بقوة لين طقطقت عظامي .. وشربتني من الحليب لين ارتويت ونمت .... وماصحيت ألا على بوسة ! وافتح عيوني وألقى رجال كبير أول مرة أشوفه .. ولاعليه لبس الدكاترة ... وعرفت بعدين أنه ابوي ... وهو يقرب من اذني اليمين توقعت انه بيقول لي سر ولا يبغى امي تسمعه .. عاد انا افكر وش هالمونة من أول يوم يتعرف علي ؟! وهو يكبر ويهلل في اذني .. ويأذن .. ويم خلص أذان راح لأذني اليسار وأقام فيه .. بس والله ياأنا أول أهوجس لي بحاجات .. بس من عقب هالآذان طلعت شياطيني .. وراحت الهواجيس .. وهو يجي يبي يشليني بيديه الكبار .. ويوم تمصعت وأنا أصيح .. وهي تجي أمي وتشيلني منه وأنا اسكت على طول .. وسمعت أبوي يقول وهو يضحك (ول عليه !! مايبغاني !!) ... بصراحة حقدت عليه .. أبوي على عيني وراسي .. لكن تمصعني كذا لا .. يعني أنا فاهم كلامه بس ماأقدر اتكلم وأرد عليه ..
دخل علينا ولد شباب .. وسلم على أمي وأنا اناظر فيه .. من يكون هذا بعد ؟! جاني وبوسني وهو يقول (هلا والله بولد اختي ) ... أيه اجل هذا خالي .. والله كويس ان خالي حلو ...شالني بنعومة ... ولا قلت له لا ... وقال لامي (أبغى امشيه في المستشفى) قالت امي (ايه خذ راحتك ..بس لاتتأخر ) ..قال (ابشري ) .. أخذني معه وقعد يفرفر في الاسياب وهو يسولف علي ..ويلاعبني ... وأنا مبسوط واضحك معه .. ويوم دخلنا حدا الاسياب كان فيه ممرضه حلوة ... شافها خالي وماصار يلاعبني عقبها ... جلسني على الكرسي .. وصار يلاعبني وهو يناظرها .. عرفت ان خالي مهوب مضبوط أبد .. وهو يجي يطلع قلم وورقة من جيبه .. عرفت وش يفكر فيه خالي .. قلت والله لا أخرب عليك ..واقعد اصيح ... وهو يبي يسكتني ماقدر.. وأنا أزيد صياح .. وهو يلتهي فيني يبي يسكتني وتدخل الممرضة في غرفة الممرضات وتسكر الباب ... وأنا اسكت .. يوم طفش خالي وهو يجلس على الكرسي وهو يقول (وهذي قعدة لين تطلعين) ... ويحسبني ماافهم وأنا اقعد اصيح واصيح ولا سكت لين قام ووداني لأمي وقال (خوذي ولدك هالغثيث ) .. قالت (ليش ؟؟ والله ياحوه ويازينه) .. وأنا انبسط ويكبر راسي .. قال خالي (من يوم طلعنا لين جينا هنا وهو يصيح) .. ول عليك يالنصاب .. ودي اعلم عليه انه يغازل لكن مااقدر اتكلم .. بس هين ياخالي أنا وراك والزمن طويل ..وطلع يبي يكمل صيده .. التفتت امي لأبوي وقالت (هاه .. وش تبينا نسميه ؟؟) .. قال ابوي (والله من رايي نسميه عنتر على اسم ابوي) ...قالت امي وهي باين عليها مهيب راضية بالاسم(على راحتك) ... أنا بغيت انجن .. وشلون يسموني هالاسم الشين ... حتى لو كان اسم جدي أنا وش ذنبي اتسمى بهالاسم ؟! .. ليتك فيه ياخالي ... صحيح انه زعلني بسواته ... بس أكيد انه ماراح يرضى بمثل هالاسم ... ونزل ابوي علشان يسجل الاسم ...ولاحتى اخذوا رايي باسمي !!
ويفهم كل شي حوله ..
لكن حنا ماندرك هالشي .؟؟
ونحسبه -طفل- ولايفهم !! ..
في المستشفى
قعدت في بطن أمي تسعة شهور ... وكان بطن أمي مملكة أنا الملك فيها وأنا المملوك .. وكنت وأنا في بطن أمي اسمع عن الحياة الخارجية .. وش يصير فيها من زين ومن شين .. من حق ومن باطل .. كل شي أسمع فيه .. وهالشي هو اللي يخلي بعضنا يالاطفال نستعجل الطلعة للدنيا أو نتأخر .. فبعضهم يكون متحمس ويحب التحدي تلقاه يطلع بعد ثمان أو سبع شهور .. وبعضنا كلما سمع شي زاد خوفه .. وتلقاه يقول أنا هنا -في بطن أمه - آكل شارب نايم .. وليش أطلع للدنيا وأتبهذل !! وتلقاه يطق في بطن أمه سنة كاملة ... لكن أنا من الأطفال المعتدلين .. يعني من يوم كملت تسعة شهور طلعت على طول ..
وقبل اطلع من بطن أمي كتبت تاريخ الخروج على بطن أمي ... مثلي مثل أخواني اللي قبلي .. كل واحد كاتب تاريخ طلوعه .. ورقمه ( تعرفون مالنا أسامي) ... واللي يكتب ذكرياته بعد !!.. ويوم طلعت من بطن أمي كان هالكلام في أحد المستشفيات ... ماانتبهت الا والدكتور يسحبني وهو يضحك !! .. أنا استغربت ليش يضحك ؟! .. وانتبه لنفسي وألقى ماعلي هدوم !! .. وأنا أحس بالفشيلة وأبكي .. وهذا سبب صياحنا يوم ولادتنا .. المهم غسلوني ولفوني بقماش .. ورجعوني لأمي .. اللي أول مرة أشوفها بحياتي .. وتضمني لصدرها وأنا أبكي من الفرحة بشوفتها ..وتضمني بقوة لين طقطقت عظامي .. وشربتني من الحليب لين ارتويت ونمت .... وماصحيت ألا على بوسة ! وافتح عيوني وألقى رجال كبير أول مرة أشوفه .. ولاعليه لبس الدكاترة ... وعرفت بعدين أنه ابوي ... وهو يقرب من اذني اليمين توقعت انه بيقول لي سر ولا يبغى امي تسمعه .. عاد انا افكر وش هالمونة من أول يوم يتعرف علي ؟! وهو يكبر ويهلل في اذني .. ويأذن .. ويم خلص أذان راح لأذني اليسار وأقام فيه .. بس والله ياأنا أول أهوجس لي بحاجات .. بس من عقب هالآذان طلعت شياطيني .. وراحت الهواجيس .. وهو يجي يبي يشليني بيديه الكبار .. ويوم تمصعت وأنا أصيح .. وهي تجي أمي وتشيلني منه وأنا اسكت على طول .. وسمعت أبوي يقول وهو يضحك (ول عليه !! مايبغاني !!) ... بصراحة حقدت عليه .. أبوي على عيني وراسي .. لكن تمصعني كذا لا .. يعني أنا فاهم كلامه بس ماأقدر اتكلم وأرد عليه ..
دخل علينا ولد شباب .. وسلم على أمي وأنا اناظر فيه .. من يكون هذا بعد ؟! جاني وبوسني وهو يقول (هلا والله بولد اختي ) ... أيه اجل هذا خالي .. والله كويس ان خالي حلو ...شالني بنعومة ... ولا قلت له لا ... وقال لامي (أبغى امشيه في المستشفى) قالت امي (ايه خذ راحتك ..بس لاتتأخر ) ..قال (ابشري ) .. أخذني معه وقعد يفرفر في الاسياب وهو يسولف علي ..ويلاعبني ... وأنا مبسوط واضحك معه .. ويوم دخلنا حدا الاسياب كان فيه ممرضه حلوة ... شافها خالي وماصار يلاعبني عقبها ... جلسني على الكرسي .. وصار يلاعبني وهو يناظرها .. عرفت ان خالي مهوب مضبوط أبد .. وهو يجي يطلع قلم وورقة من جيبه .. عرفت وش يفكر فيه خالي .. قلت والله لا أخرب عليك ..واقعد اصيح ... وهو يبي يسكتني ماقدر.. وأنا أزيد صياح .. وهو يلتهي فيني يبي يسكتني وتدخل الممرضة في غرفة الممرضات وتسكر الباب ... وأنا اسكت .. يوم طفش خالي وهو يجلس على الكرسي وهو يقول (وهذي قعدة لين تطلعين) ... ويحسبني ماافهم وأنا اقعد اصيح واصيح ولا سكت لين قام ووداني لأمي وقال (خوذي ولدك هالغثيث ) .. قالت (ليش ؟؟ والله ياحوه ويازينه) .. وأنا انبسط ويكبر راسي .. قال خالي (من يوم طلعنا لين جينا هنا وهو يصيح) .. ول عليك يالنصاب .. ودي اعلم عليه انه يغازل لكن مااقدر اتكلم .. بس هين ياخالي أنا وراك والزمن طويل ..وطلع يبي يكمل صيده .. التفتت امي لأبوي وقالت (هاه .. وش تبينا نسميه ؟؟) .. قال ابوي (والله من رايي نسميه عنتر على اسم ابوي) ...قالت امي وهي باين عليها مهيب راضية بالاسم(على راحتك) ... أنا بغيت انجن .. وشلون يسموني هالاسم الشين ... حتى لو كان اسم جدي أنا وش ذنبي اتسمى بهالاسم ؟! .. ليتك فيه ياخالي ... صحيح انه زعلني بسواته ... بس أكيد انه ماراح يرضى بمثل هالاسم ... ونزل ابوي علشان يسجل الاسم ...ولاحتى اخذوا رايي باسمي !!