تعال…

[بنت الأحزان]

من غرامك… صارت الدنيا بلياك جحيم
من عذابك… صِرت مع الدنيا غريبه
تصدق اني… بديت أحس انك غريب
تصدق اني… حسيت لحياتي ألوان عجيبة
روحي،… روحي صارت رخيصة لاجل عينك
روحي،… روحي فدوة لاجل شوفة بسمتك
لا تباعد ولا تقاطع… لاني بلياك بجحيم
ولا تفكر بقطع الوصال… لاني للقاطع وصول
صرت بشراييني… بين دمي وروحي
صرت أعيش معاك وبك أحلى أيامي
لغلطاتك وزلاتك… تلقى عندي الاعذار
لهفواتك وهجرانك… تلقى عندي الاعذار
من قلبي أقولها واخبرك وما لغيرك خبر
انته الأول والاخير… لو كنت بحبك صدوق
انته بدايتي ونهايتي… لو لحبي خالص الوفا
بسك بعاد وهجران… لاني بديت أحس بغربتي
بسك بعاد وهجران… لاني بديت أحس بفراقك عني
بسك بعاد وهجران… لاني بديت أضيع من بعادك عني
تعال وخذ بيدي اليوم… ولا تقول انتظري باجر
تعال وخذ قلبي اليوم… ولا تقول نتريا باجر
تعال لاجل خاطري اليوم… لاني ما اضمن باجر

تحياتي.. :)

[الحفار]

بس اقول لك

ان كتاباتك السابقه افضل من هذي


ليش ما ادري

بس هذا رايي

يا اختي العزيزه

[بنت الأحزان]

صباح الخير..

تدري إني أدري.. انها ضعيفة!!
بس لقيتها بين أوراقي الماضية
فقلت أطلعها للنور .. !!
حرام تظل بيت الأوراق !! :( :)

أشكرك على صراحتك المعهودة أخوي :) :)

تحياتي :)

[القط الوردي]

حــــزونـــــة :):)
شـــذي حــنا ماعندنا لــعـب :)

[نجمة المساء]

الحمدلله انها شاافت النوور

[بنت الأحزان]

القط الوردي.. .. :)

لعب ؟!! ما فهمت؟!!


نجمة المساء.. :)

الحمدلله على كل حال :)

[المري]

على العموم زين انها شافت النور

بس مشاء الله كلام كله ذوق وجذب مشاعر مع احترامي للبقيه
اهنيك على ذوقك اختي
مع اطيب واخلص تحياتي لك

[بنت الأحزان]

المري.. :)

أشكرك على كلامك ..

ورايك عالعين والراس :)

تحياتي لك

[عسل]

keeeeeeeeeeeeeep going

[heartking]

اتمني ان واحده تقولي هالكلام من قلبها, كان احطها في قلبي واسكر عليها للابد.

[شرخشين2000]

جميلة جداً ،، واحس ان فيها صدقاً في التعبير عن المشاعر

الى الامام دائماً ،، أنا في انتظار المزيد
تحياتــــ للجميع ـــــي

[بنت الأحزان]

عسول سوالف :)

thanks :)

----------

heartking.. :)

ربك كريم أخوي..

----------

شرخشين2000.. :)

شكرا لكلامك اللطيف..

تحياتي للجميع