اعتـــــــــــتذار له ولها وللجميــــــــــــــــــــــــع

[ساهر الليل]

اود هنا ان اقدم اعتذاري لمن اخطأت بحقهم واعترف بخطأي
وندمي على ما بدر مني تجاه بعض الاخوان والاخوات في سوالف

وهم الاخ عبودي .... والاخت المعشوقه

نعم اخطات بحقهم واعتذر منهم عن اي شئ بدر مني وارجو ان يقبلا اعتذاري واسفي وعذري ان القلوب صافيه من الداخل ولا احمل لهما اي شئ بقلبي لانه لايوجد شئ في الدنيا يجعلنا نحمل الحقد لبعضنا
فنحن اخوه قبل وبعد اي شئ .... وما قلته من كلام لا يليق بي وبهم لم يكن من قلبي ابدا ...

وليعلم بعض الاخوان انني لاارتدي اي اقنعه اخفي فيها وجها اخر كما قالوا سامحهم الله هذا هو وجهي الحقيقي الذي اظهربه دائما
ولااخفي خلفه حقد او كره لاحد ... والله يعلم بصدق كلامي ...

وجميعنا بشر نخطئ .... وانا واحد منهم اخطأ وندم على خطأه ...


واعتذر ايضا من جميع الاخوان والاخوات في سوالف فقد اخطأت بحقهم ايضا .... ارجو ان يقبلوا اسفي ويسامحونني على اي شئ ...


اعذروني ووداعــــــاً
-------------------
اخوكم ساهر الليل

[تركي المنصور]

ما جاء منك الا كل خير ..
.
.
ولا يكون بتهد سوالف ..
انـــــتـــبـــه ..

[النعسانة]

الإعتراف بذنب فضيلة

خيرهم من يبدأ بالسلام

يا سلاااام عليك

[khalid99]

احييك اخي الساهر على شجاعتك الادبيه

واعترافك بالخطأ والاعتذار عنه ( مع اني مااعرف السالفه )

وهذا ديدن الكبار فقط

اكبر تحيه للساهر الكبير دائما

[الحفار]

اسمع يا بعدهم
انا ما انكر انك اخطأت في حق عبودي

اما معشوقه فلم تخطي بحقها بل هي التي ابتدأت بذلك والبلغتني ان اقول لك بان المعشوقه تكرهك يا ساهر الليل

علما بانك لم يسبق لك قبل ذلك ان وجهت لها اي كلمه
وهي من يجب ان تعتذر لك
وانا اجزم انها تسرعت بعض الشيء بحكمها عليك
لانني متاكد انها على خلق وقلبها لا يختلف عن قلبك
من حيث الطهاره

,,
ومع ذلك احيي فيك هذه الاخلاق وليس هذا بغريب عليك
فلا احد يعرف بالدنيا كم قلبك طاهر ونظيف الا انا

,,
لكن ان تترك سوالف والله ما ارضي ولا يمكن اقبل
واعرف انك ما ترفض لي طلب
عندي شغل وبرجع لك
:):)
يا عااااااااااااااااااااا :):)
هاهاهاهاهاهاها

[عسل]

شف وانا اخوك ...انت علمت الكثير هنا معنى الادب...صدقني بكلماتك هذي علمتهم معنى كلمة انسان محترم...انسان ما يجرح احد ..واذا غلط مره يرجع ويعتذر..انا الحين بالمكتب ومدري وش السالفه برجع البيت ونتفاهم ...
ايه على فكره من الادب انه الواحد يسمع كلام اخوه الكبيييييييييير :):).. ويقوله ابشر وسم :)

همسه الى البس .. ابيك وشلون احصلك...!
من ناحية المعشوقه .. عندي انا اضمنها.. انسانه مؤدبه ومحترمه ووعدتني انها ماتقول فيك شيء ثاني ( صح معشوقوووووو):)
والباقين .. ان شاء الله نصفي النفوس الليله ...
---------
عســـــــــ لا للشلليه ــــــــــــل

[BRABUS]

مثل ما قال عسل نصفي النفوس الليله انشالله

وبعدين لازم تسمع كلام أخوك الكبير عبدالله وبالمره بعد اسمع كلام أخوك الصغير محمد ولا تطلع ترا أزعل عليك وما أتصلك ولا أكلمك أبد


اللي يسمعني أحين أنا كل يوم أتصل وبالساعات بعد :):):)


يللللا عن الدلع سلطوووووووووون :):)

[قايد الريم]

أخي الساهر ، الكبير كبير بأخلاقه

و بالفعل نحن بشر و نقع في الخطأ

ولكن أعتذارك يجعلك على القمه

و هذا أكيد من طيب أصلك :)

دائماً مميز يا الساهر و تأكد أن صورتك لم و لن تتغير
يا فتى سوالف ;)


و أنا مع عبدالله في كلامه

فأنت لست مجبور على الأعتذار من المعشوقه، بل هي من يجب أن يعتذر منك

هذا و تحياتي

أختك الريم :) ;)

[جواد الليل]

اخوي ساهر

انت ما غلطت ! ليش تعتذر ؟؟ ليش ؟ والله انك زعلتني والحين صار عندك مشكلة معي انك تصالحني .
انا مو ضد الاعتذار ابدا ، بالعكس مثل ما قالو الاخوان صحيح .

لكـــــــن ! انت ما اخطأت ابدا .
وهل هذا يعني انك غيرت مبدأك اللي كنت تتكلم فيه مع من اعتذرت لهم ؟
انا ما اقصد احرجك ولا ابغاك تتخاصم مع عبودي , وانا اللي طلبت منكم امس انكم تهدون الموضوع

ما ادري !!!

على العموم كلنا اخوان , بس انت ما اخطات يا عزيزي .

[عبودي 1]

يا سلام عليك والله
لو الدعوى كذا كان كل خمس دقايق رحت أسب اي واحد هنا وأقول أنت ربع رجال مثل ما كنت تقول وبعد شوي أروح أعتذر منه.
وبعدين انت أصلاً وش مدخلك في القضية علشان أخوك؟
عزالله ما فزعت له الا زودت الطين بلة
انا صح حصل بيني وبين أخوك سؤ تفاهم لكن موضوعي اللي سبيتني فيه كان لإيضاح القضية وتصفية الأمور.
لكن شف وأقسم بالله علشان ماتقول عبودي 1 يبطن غير ما يظهر أني ماسامحتك ولن أسامحك على الكلام اللي قلته.
والشرهة مو عليك والله الشرهة على هالمراقبين الفاشلين اللي مايعرفون وشلون يتصرفون في وقت الشدة
يعني ما عندهم اساس يمشون عليه
هذا فلان أعرفه؟ لا ماراح اوقفه او اطرده راح احذف موضوعه بس.
أيش الكلام الفارغ هذا
وقبل لاتمشي أحب اعلمك اني انا اللي تارك لكم هالموقع وللمراقبين تسووون فيه اللي تبغون .
__________________

[منال]

سلطان

ما راح اقول علشان خااااااطر كل الاعضاء

راح اقول

اذا تعز عبدالله وتحبه وله خاطر عندك واذا كان يهمك بشي

رجاءا لا ترد طلبه وتكسر بخاطره

****

دوري الحين



ما راح تكون في مسابقة اذا ما شاركت فيها

وراح اعلنها على الملأ اني لغيت المسابقة بسببك


عاد انت بكيفك ....

[المعشوقه]

احب اقول لك اعتذارك مو مقبول
لا تستغرب
ولا تعصب
لحظه لحظه لا تقول عني حقوده
ادري فيك الحين تنوي قتلي بدل من تلك المرأه التي ارسلت لها رساله تنوي فيها قتلها


اتعلم لماذا لم اقبل اعتذارك؟؟؟؟
اذا تعال معي لنرى السبب
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
اخوي سلطان
احب اقول لك اصلا ما حصل شي بينا يستدعي الإعتذار
شنو صار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا شي
ولا شي على الأطلاق

صدقني
والله احلف لك ما صار بيناشي ممكن يوصل لدرجه انه يلوث القلوب
كان شي سطحي وراح

اتمنى انك تشيل اسمى من الأعتذار
والله ما صار شي

مو بس اسمي
شيل كلمه وداع
ترى انا اموت من هالكلمه ولا احبها بالمره
واذا اسمعها تنزل دموعي :(
يرضيك تنزل دموعي؟؟؟؟؟؟:(:(:(


اسفه الي طولت عليك
بس كنت ابي اوضح الصوره
واسفه على كل شي ممكن انه جرحك او كدر خاطرك


مع تحياتي

المعشــــــ http://www.harrythecat.com/menu/scream.jpg ـــــوقه



[تم تعديل الموضوع بواسطة المعشوقه يوم 13-08-2000 في 06:45 PM]

[المعشوقه]

اولا

أنا كتبت ردي قبل ما اقرا ردود الأعضاء وخصوصا الحفار
لأني فعلا رديت على سلطان بكل صدق

هاذي ملاحظه بس عشان محّد يفكر شي ثاني

وبعدين يا عبدالله
هذا شي بينا وينه انت ما يخصك


ثانيا
شكرا يا عبدالله


ثاليا
عسوووووووول
شو السالفه؟
انا قلت السالفه كلها لسلطان انت ما يخصك
ليش تتدخلون بينا؟؟؟؟؟؟؟؟؟
:)


انت يا عسل انا عرفت دواك خلاص
خذ
المعشــــــ http://www.harrythecat.com/menu/scream.jpg ـــــوقه

[الحفار]

مرااااحب

احييك

واشكرك على كلامك الجميل

بس

ياليت سلطان يقتنع وما يترك سوالف
والله كنت سعيد انه يكتب بنفس الموقع اللي انا فيه
:(:(

[المعشوقه]

انا سويت شي
واتمنى سلطان ما يخذلني فيه
لأنه اذا خذلني
صج بزعليه عليه وعلى نفسي
هو عارف
ما في داعي تسأله
اوكي؟؟؟؟؟؟؟؟؟؟؟
المعشــــــ http://www.harrythecat.com/menu/scream.jpg ـــــوقه

[ArMaNi]

ســــــــــــــــاهر الليـــــــــــل :)

أخوي الغااااااااااااالي سلطان
عفى الله عما سلف و اللي راح راح و احنا ولاد النهارده :)

تعرف إذا خليتنا والله ترى أزعل منك :( :(
عاد مب كل ما صار سوء تفاهم بين الأعضاء قال خلاص والله سامحوني و مع السلامة ... يالله عاااااد سلطااااااان عن الدلع ما تروح و تخلينا ترا أدز عليك الانتربول اييبونك و يحطونك غصب ويانا

خلك ويانا باللتي هي أحسن :) تكفى يا اخوي ما تسيبنااااش :( :(

[المعاند]

يمكن إنت ماتعرفني لكن الكل هنا يعرفك من رقي اسلوبك ...
وحوارك الرائع ومواضيعك اللي لها وقع فنان واسلوب صادق حساس
وماشفنا منك إلا كل الخير وكل الفايده .
أسال الله ان تقبل كل ها الطلبات منك ...
وماتترك ها المنتدى ابد ...
وشكرا لك بإسم الجميع
لو لبيت صدق الدعوة بإستمراريتك بينا

[جواد الليل]

من اللي قال انه ساهر بترك الموقع ؟
انتو بس قاعدين تفتحون مواضيع وتثيرون دعايات ؟
الرجال يمكن مهو بفاضي يرد او يدخل للموقع اليوم!
خلوه على راحته.
ولا يعني تبون جنازة وتشبعون فيها لطم ؟!

ساهر اول ما تدخل على طول اكدلهم كلامي

[الحفار]

ان المراقب ما قدر الشيء هذا
:(:(:(

[عسل]

وبس

[بنت الأحزان]

أغيب لي كم يوم عنكم.. وتزعلوا من بعض ؟!!
ولاّ ينطرد لنا دفعة جديدة من الأعضاء؟!!
شو السالفة؟!!

أقول لك أخوي سلطان..
** على فكرة يمكن هذي أول مرة أناديك فيها باسمك؟!!
المهم.. سلطان..
شوف انته صار لك كم شهر تكتب معانا..؟!!
وكم هي الفترة اللي سبقت تاريخ انضمامك للموقع..؟!!
وأول موضوع كتبته .. صحيح انه كان إعلان لانضمامك لأهل سوالف..
لكن اللي رحبوا فيك يا كثرهم.. واللي ردوا على مواضيعك متميزين دايما..
ولا تنسى اللي يقرون لكلماتك وحبوا أسلوبك.. شو ذنبهم ؟!! تتوقف بدون سبب؟!!
يمكن انك للحين ما تخيلت العالم اللي دخلته كيف ممكن تكون بهالصورة اللي
شفتها قبل يومين.. لكن تأكد .. حوادث كثيرة صارت أكبر من اللي تعرضت
لها انته.. وعندك أخوك عبدالله، أكبر دليل على كلامي.. تذكرون أيام الايقاف
الجماعي للأعضاء؟!! وحالة عبدالله لما قرر ينسحب عن سوالف.. لحد ما تدخل
صاحب الموقع.. مشكور وصفى النوايا.. تذكرون لما أوركيد تعرضت لموقف
سخيف.. وصار اللي صار.. لكنها رجعت لنا أقوى من الأول.. تذكرون
المشاحنات اللي كانت تصير بين الأعضاء بالأيام لحد ما تهدى النفوس من
جديد.. والمراقبين ما عندهم خبر..!! من منكم تخيل إنه راح يترك سوالف
وناسها أو أي موقع ثاني هم معروفين فيه من فترة ماهي بالقصيرة ( ولو كانت قصيرة)
ولاّ إذا كل واحد زعل له من عضو.. وصار احتكاك بينهم.. ينطرد عضو وينسحب ثاني وثالث من الموقع.. ويخلى المكان لــ .. .. منو؟!!
فكروا في الموضوع يا ناس..
وتشوفوا إن اللي يريد مصلحة أصحابه واخوانه ما يتركهم في نص الدرب..

والسموحه إذا طولت عليكم.. واعتذر على التأخير بالرد على الموضوع..
لكني توني أشوفه.. ومن الغصة اللي فيني.. ما أدري شو اللي كاتبة فوق..
واعذروني.. إن قصرت معاكم.. ترى شكل الموقع بيصير مثل بيت الأشباح!!

** على فكرة برابوس.. أدري إن هالأسبوع بيمر عليك مثل السنة.. لكن عليك إنك تتحمل هالأسبوع بس!!**

تحياتي للجميع..

[طيبة]

http://www.swalif.net/sforum/images/icons/icon9.gif

[UAE_BaBe]

اخوي ساهر الليل

اولا اعترافك بالخطأ يدل على انك ما تحب تغلط على احد ولو انهم غلطوا عليك... بس ان شاء الله ترجعون اصدقاء واكثر بعد :) :)

وبعدين اتمنى انك ترجع لسوالف ..لانك من اهم الاعضاء الموجودين هنيه ولا تخلي اللي استوى يأثر عليك ...انت غلطت وهم غلطوا..واللي استوى استوى ..خلاص !!

ومثل ما قالت ارماني ..اذا تركت بنزعل منك :( :(

[قايد الريم]

يرفع للأهميه ............;)
.
.
.
.
.
.
.
.
.
UAE_BABE توقيعج وايد حلو :)

[يزيد]

اخوي /ساهر الليل ...........
ممكن انا اتاخرت بالرد لظروف خارجه عن ارادتي ، ولكني اريد ان اعرف سبب هالاعتذار وهل هو عن اقتناع فعلا" انك ارتكبت خطأ ام مجرد تقفيل لمواضيع لا تريد ان تخوض فيها ..............
اما مسألة الاعتذار عن الكتابه في سوالف فأرجو ان تكون سحابة صيف ، وتنتهي.......
وبعدين ابغى اعرف شيْ ........ هل صحيح انك موقف عن الكتابه الان ام ماذا ؟ ارجو الاجابه منك شخصيا" ...... او من المراقبين!!!! لاني شفت موضوع ثاني في الساحه يلمح لذلك !!!!!!!

[عسل]

لنتعلم من هؤلاء...الادب. الاخلاق .. الاحترام ..

كنوز .. ولكن نريد حرقها ...

------------

عســـــــــ اخوان ولم تلدنا ام واحده ـــــــــــل

[wildorchid]

فيه احد يبغى يتعلم منه؟!

[unique]

:(