تذكر او مااااااااااا تذكر

[الحفار]

للجنسين
....

تذكر اول يوم رحت فيه للمدرسه كيف تصرفت او كيف تصرفتي,,

...

تذكر اول يوم استخدمت التليفون ؟على من اتصلت

..

تذكر اول يوم رحت فيه للدوام كيف كان وضعك وشو هببت هناك :)

..

تذكر او يوم قعدت قدام الانتر نت وش الموقع اللي دخلته؟؟

..

تذكر اول شخص بعثت له ايميل :)

[قايد الريم]

عبدالله ممكن تسمح لي أن أوجه لك هذه الأسئله



اول يوم رحت فيه للمدرسه كيف تصرفت او كيف تصرفتي,,؟

...

تذكر اول يوم استخدمت التليفون ؟على من اتصلت ؟

..

تذكر اول يوم رحت فيه للدوام كيف كان وضعك وشو هببت هناك ؟

..

تذكر او يوم قعدت قدام الانتر نت وش الموقع اللي دخلته؟؟ ؟

..

تذكر اول شخص بعثت له ايميل ؟


تحياتي

ا
ل
ر
ي
م

[ونات]

نعم اتذكر
وانت ؟

[ريماز]

اهلا عبدالله...
بالنسبه لي طبعا اذكر
اول يوم رحت المدرسه الله له طعم خاص
اذكر اني طول الوقت قاعده
امشي مع اختي الكبيره واذا
راحت لم فصلها اقعد
ابكـــي :(:(:(
و بصراحه مااذكر اول يوم استخدمت
فيه التليفون:):):):)
اما بالنسبه للدوام انا الى الأن طالبه :)
واول موقع دخلته هو
.
.
.
.
.
.
.
ســـوالف عن طريق اختي اللي علمتني عليه
واول شخص بعثت له أيميل هي أختي :):):):)

[Huda76]

مرحبا عبدالله ..

ايوة اذكر :) :)

* اول يوم رحت المدرسة جلست ابكي بعد ما امي خلتني http://www.swalif.net/sforum/images/icons/icon9.gif

* اول ما طلعت الموبايل اتصلت على امي ..

* اول يوم داومت بدري وااااااايد .. حتى لما دخلت الشركة اسال باي طابق قسمي .. الsecurity يقول لي للحين ماكو حد داوم http://www.swalif.net/sforum/images/icons/icon11.gif

* اول موقع رحت له كان hotmail :)

* اول ايميل ارسلته كان رد على صديقتي اللي ارسلت لي كارد بمناسبة يوم ميلادي :)

وسلااااااامتك ..

[طاوي الهم]

و اذا ما تذكرنها ... اجل وش نتذكر !!

في المدرسه
وناسه كل شي غريب بالنسبه لي ... كأني قاعد اكتشف عالم ثاني


التليفون
ما ادري والله ... و اما الجوال اقدراقولك
اني دفيت على البيت عشان اقولهم كيف صوت التلفون ( اجربه في المحل )


في العمل
تذكرت شي كنا دايما نسمعه و حن طلاب
(( اذا اشتغلتو رح تحسون يمتعه ايام الدراسه ))

وش بعد ؟؟
اول بريد ايه ... ارسلته لاخوي


اول موقع ... ياهو عشان البريد

طيب انا اتذكر اول شي قلته في حياتي !!
قلت واااااع واااااااع :):)

[زهرة الليلك]

أول يوم رحت للمدرسة طبعاً كنت مع ماما :) خلتني وراحت .. كان الموضوع طبيعي جداً عندي .. حتى المدرسة قالت لماما خليها وروحي :) وجلست لحالي .. عادي .. فيها شي :)

تلفوين البيت ما أذكر بصراحة .. بس أول ما طلعت الجوال اتصلت على أخوي :)

الحمد لله ما هببت أي شي في أول يوم للدوام .. بس لما انتقلت لعمل ثاني أول يوم داومت فيه كانت المديرة عاملة اضراب وما داومت :)

أول ما استخدمت الانترنت دخلت على الياهو.

أول ايميل كان لأخوي :)

وسلامتك ..

[الشرقاوي]

انا اذكر اول يوم رحت للمدرسه رماني ابوي عند الاستاذ ولا بكيت ولا قلت حاجه (اقولها بكل فخر):)
واذكر اني تهاوشت مع واحد وسطرني (هذي بصراحه بدون فخر)

التليفوون ممممممممممممم مااذكر:)

اما بالنسبه للدوام فانا لهلحين طالب:)

اما الانترنت اول حاجه كتبتهاWWW.AYNA.COMبس صدقوني ان سوالف كان من اوائل المواقع اللي دخلت عليها

اول شخص كان صديقي واذكر اني كتبت له رد علي بسرررررررررررررررررررررررررررررره:)

[ArMaNi]

مرحبا

أول يوم رحت فيه الاسكول كنت مع ابن عمي .. يعني كنا في نفس المدرسة المهم تركتنا أمي و مرت عمي و راحوا .. و أول ما طلعوا من الصف و بدال ما أنا أبهدل الدنيا بالصراخ و البكاء

قام الحبيب يصيحلي و يقول : أبي ماااااااماااااااااااااا
هذا و أنا معتمدة عليه !!!!!! لا لا والنعم فيه!

:
:

همممممم ... أول مرة استخدمت فيها التليفوووون !! والله ما أذكر
بس أذكر أول كلمة قلتها يوم استخدمتها وهي : ألووووووو :)

:
:

عن الدوام .. إلى الآن أنا طالبة و الحمدلله لا صرت موظفة أقولك شو اللي صار.. الله يستر

:
:

أول موقع كاااااااااان.... يمكن على ما اعتقد كان في حصة الكمبيوتر وكان الموقع يتكلم عن البيئة و إعادة التصنيع وهاي السوالف البايخة

:
:

أول بريد الكتروني أرسلته كان لصديقتي .. قلتلها : فلانة إذا وصلك المسج قوليلي وبس...


هذا والله أعلم :)

[لمسه]

هلا ..
الحين بجاوبك.....
اممممممممممممممم ..
لحظة خلني ادور .............
*
*
*
*
*
*
*
*
*
*
*
*
و النتيجة "صفر"..
Sorry, no results were found
:(

[الحفار]

انااااااااااااااااا

اذكر كل شيء

وكل سالفه لها سالفه

....
المدرسه
اذكر اني رحت مع ولد خالتي اللي معيد في اول :)
وطبعا انا وياه ما كنا نريد بعض وائما نتخانق ,وكان هو اطول مني واتخن مني ,واذكر كان عدد الطلبه اللي حضروا ذاك اليوم
وكنت امشي وراه من بعيد لبعيد لين دخلنا الفصل ,وجلست باول كرسي
وما عجب ولد خالتي وقال لي قوم من على الكرسي هذا قال لي قوم عنه هذا لي وقمت رحت للكرسي الثاني وعمل نفس الشيء:)
لين لفيت على الكراسي كللهم
وعند آخر كرسي ظربني كف :( بنفس الوقت اللي دخل فيه الاستاذ ولما شفت الاستاذ قعدت اصيح
وطبعا مافيه داعي ان الاستاذ يسالني لانه شاف كل شيء
وجلده جلد (( ضربه ضرب )) لين قعد يصيح باعلى صوته ,منها حبيت الاستاذ والمدرسه
.
.
.
.
.
التليفون العادي

ما اذكر

الموبايل /اتصلت على ...... على شان تعرف رقمي

.....

الدوام

كنت اعرف زملاء بنفس العمل معرفه شخصيه لذلك ما اهتميت كثير

يعني كان عادي
.
.
.
اول موقع

دخلت موقع http://www.suhuf.com
لاني ما اعرف الا هو
.
.
.
.
اول ايميل
بعثته لنفسي
يعني من ايميل الى ايميل
اما اول ايميل لعضو آخر
كان للعضو كحيلان في سوالف المبتدئين .
.
.
.
.
وبس

[marwah]

..اول يوم رحت فيه للمدرسة امي اتركتني وراحت وبس .. لا واذكر كانت معاي بنت سمرة المهم وانا من البلاهة الزايدة كنت خايفة منها وبعدين انقلبت السالفة اهواش كنت دايم اتهاوش معاها

..التلفون اول ما كلمت صديقتي بعد عشرين مشقة كانت معطتني رقم مكون من 10 ارقام واحنا تلفوناتنا كلها 7 ارقام

..والدوام انا لسا طالبة

..اول موقع دخلتله Microsoft Chat (من السناعة الزايدة) بدو وطاحو ....

..اول ايميل كان لصديقتي

[بسمة شوق]

أول أشكرك أخى الحفار على طرح هذا الموضوع

:)




هيه أذكر ..اول مرة رحت في المدرسة كنت خايفة وااااايد لدرجة أنه ما خليت ماماتي تروح عني .. وكانت الدموع طول الوقت في عيوني... ويوم كانت ماماتي بتروح وبتخليني في المدرسة .. سويت حفلة موسيقية رائعه ... لدرجة أنهم خلوني أرجع مع ماماتي
:) :) :) كنت دلوعه :) ومازلت :))))





هيه اذكر ..اول مكالمه كانت لباباتي ... كنت زعلانه من ماماتي
فرحت وكلمت باباتي في تلفون هذي كانت اول مكالمه :))))





أنا بعدني ما ما جربت يوم بجرب رح اقول لك يا الحفار :)





كان أول موقع دخلته كان موقع لأغاني وأفلام هنديـــــه :)





هيه كان اول إيميل بعثته كان للمذيع المتألق دائما عماد الدين أديب .. لانه هذا المذيع يعجبني واااااايد شخصيته تعجبني وبرنامجه يعجبني أكثر ... وكان هو أول شخص أرسله إيميل




:)





مع تحياتي
بسمة شوق

[قايد الريم]

.
.
.
حلوه
.
.
.
.
.
عشره على عشره ;)



تحياتي
ا
ل
ر
ي
م

[شرخشين2000]

أول يوم دخلت المدرسة كنت مررررة خايف ،، لأن كل اللي كنت أسمعه عن المدرسة ان اللي يدخل لحم يطلع عظم ،، لكن يوم شفت ذاك البسكوت والحلويات اللي قاموا يوزعونها المدرسين استانست :):):) ،، و تعرفت على اللي جالس جنبي على طول ،، وكان اسمه طلال ،، والله أيام ،،

التلفون العادي ما أذكر ،، لكن الموبايل ،، دقيت بيجر على واحد من الشباب عشان يخزن الرقم عنده !

أنا للحين طالب ،، لكن اشتغلت صيفي السنة هاذي ،، اشتغلت في محل خالي ( على فكرة المحل مشهور جداً في الدمام والهفوف والرياض ) أول ما دخلت المحل جلست أسولف مع الهندي لين غثيت أهل اللي جابوا أهله ،، تدرون وش سوّا ؟؟ عطاني لعبة ( هذاك المكعب اللي تخلي ألوانه زي بعض ) عشان يصرفني ،، بس بعدها صرت أوكي معاه ،،

أول ما جلست على الانترنت ،، ما كان عندي انترنت اكسبلورر ما كان موجود غير المايكروسوفت شات و ادّهار اربعة وعشرين ساعة
لكن بعد ما ركبت الاكسبلورر ،، رحت على موقع مكتوب عشان احط لي بريد


وأول واحد ارسلت له ايميل كان للعضو الجوكر ،،

[شجون المحبه]

في شيء اذكره وفي شيء ما اذكره ...

بس ما بقول ..:):):)


ولكن عجبتني الردود ...فقلت اشارك معاكم ..:):)


الحـــفــار ..تحـــياتي لك ...