يوميات بومبا(الجزء الثاني)

[بومبا]

اليوم : الأحد
التاريخ : 20-8-00


في البدايه عندي لكم سؤال وهو تعرفون معني العشق ؟؟
انتضر اجابتكم ؟ غلطانين لني جربته والعشق احساس ماينوصف صدقوني على العذاب الي تحسبه لاكن مثل الادمان كل يوم تعيشه ماتقدر تتركه بعدها ... يوم عن يوم يزيد ويكثر ويحلو بعد
شباب قصتي بدت من مده ماقول طويله لكن فتره خلتني اتأكد من مشاعري اتجاه الي احبه وصدقوني اني احمدالله كل يوم لنه يبادلني نفس الشعور يمكن اتقولون هذا فاضي ولاماعنده سالفه ولاحتي يمكن اتقولون اي عشق اي عوار راس خلك حر احسن لاكن صدقون مافي احلا من ان وحده تبادلك نفس المشاعر الي تبادلها
ولاتزعلون ولا تقولون هذا يبا يخربنا :) لني متأكد ان في ناس بيقولون هذا الكلام لكن صدقوني مابا منكم غير انكم اذا حبتو تحبون بأخلاص وبجد بعد لن الحب احلا كلمه في الوجود وانا ماحب اتكون هذي الكلمه سبب لعذاب انسان واسف على الأطاله لكن مثل ماقلتو فاضي وماعنده سالفه ... العاشق بومبا

[نملة]

أخ بومباالعاشق.. بغيت اصحح لك شي

لكن=لاكن...وبس ما عندي كلام ثاني اقوله :):)

[بومبا]

بس اقول كله انتي الي تردين علي وين الباقين اذا مب عاجبهم الكلام يقولون وانا انسان دمقراطي يعني عادي لا وبقتنع بعد بكلامهم ومب كاتب :) بس ردو وقولو رايكم في الموضوع

[نونتان]

كلامك صح X صح ....... وصح ألسانك عفواً قصدي قلمك...

[لميس]

صحيت جروح كانت نايمة..
لكن
.
.
.
.
.
.
.
.
.
.
.
.
.
.
.
.
.
.
كلامك عدل
200/100 عدل
:) :) :) :)

[سنفور غبي]

بس أقول لك
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
روح كده وانت شبه الخفاش;)

[بومبا]

مشكوووووووريييييييييييييييين على ردكم بس اقول سنفور غبي متي شفتيني عشان تعرفين اني اشبه الخفاش :)
على العموم اشوفكم في موضوع ثاني ... بومبا

[الغامض]

وانا اقول على قوله القايل
الحب واحد لكن الناس أجناس
ترى الحب بعد الزواج وبالتحديد بعد 5 سنين
يمووووووووووووووووووت وهذي نظريه علميه مسؤوله عنها الهرمونات
ومو دايم نهايات الحب سعيده ومصيرها الزواج؟؟؟؟؟؟؟؟؟؟؟؟؟
الحب ما ياكل عيش وحتتذكر كلامي بعد ما تأخذ الي تحبها وتخترق الحياة العمليه عموما اتمنى لك التوفيق والمزيد من الراحه
وغختلاف الرأي لا يفسد للود قضية

[بومبا]

والله اخوي الغامض هذا رايك وانا احترمه مثل ماحترم راي اي واحد في هذا المنتدي لكن اسمحلي اذا قلتلك غلطان لن لومر على زواجنا خمسين سنه عمر الحب الي بينا مب ميت ولا حتي بيتأثر ...اخوك بومبا

[الغامض]

الأيام بيننا يا بومبا
وبعد 5سنين زواج نتقابل هنا

[بومبا]

وحياتك يالغامض لوبعد خمسين سنه وبنشوف من الي صدق كلامه

[Timon]

أنته نسيت هاكونا ماتاتا يا راجل!!!
أطع الستات و سنينهم
"لا لا يا بنات لا تصدقون "
يا أخي خل قلبك جامد
الظاهر أنك أول مرة تحب
إصحايا بابا
الكل يقول نفس الكلام
أول سنة حب يشوف حبيبته ما فيها و لا عيب
ثاني سنه العيوب تطلع بس يتجاهلها
ثالث سنه يتكافخون بالنعلة
يا بابا
إذا أنت حابنهاو هي تحبك
حاولوا أنكم ما تراسلون بعض
ما تكلمون بعض... إلا عقب ما تتزوجها على سنة الله و رسوله
لأن العلاقة هذي قبل الزواج حرام و الله ما يبارك فيها
و حط قي بالك أنه لكل شخص عيوب ... و لازم تتأقلم معاها
و بعدين لازم تدرس أخلاقها و طباعها ولا تقول و الله حلوة و كلها أنوثة و رقة و الكلام إللزي منو و أنا أحبها و هي تحبني
خل عنك الرومانسية و عيش الواقع
إذا كنت فعلا تحبها و تباها على سنة الله و رسوله
لا تضيع وقتك في الرومانسية و الشعر و" أنا بحبك يا منى"
لا .... أجتهد علشان تاخذها
عورت راسك صح ؟:)

[بومبا]

الظاهر ان المسجل الي انكسر على راسك جاب فايده اشوفك تقط كلام حلو :) على العموم الله ايجيب الي فيه الخير وانا الحقيقه ماقلت الي اني ابيها على سنت الله ورسوله والله يوفقنا ومانشوف الي تقوله من ضرب مادري ذبح وهكونا متاتا ياتيمون :)

[نملة]

سنت = سنة :)

[بومبا]

نسيت اقولك تيمون انا ماحبيت البنت عشان كلامها ولا عشان جمالها ولا مكان هذا حب ولكن كنت سميته اعجاب وعمر الاعجاب مايدوووم لن الي يدوم هو الحب والي الابد .... بومبا

[بومبا]

هلا والله نمله وانتي كل ماتردين علي لازم تصححين لي كلمه زين انا عندي اقتراح شرايج كل ماخلص من موضوع اطرشه لج وانتي تشوفين الاخطاء وتعدلين لي الموضوع وبعدين انشره فكره حلوه صح :)

[نملة]

هلا اخوي بومبا ;)

حلوة الفكرة ولازم نطبقها:)

[little_angel]

اتريا اللي وعدتني فيه :)



وهنيالها اللي تحبها :)

[بومبا]

عاش من شافج بس اي وعد ....... اي تذكرت ولا يهمج :) :)
غالي والطلب رخيص

[نملة]

شو أخبارك اليوم :)

[سلطان نجد]

ما اتوقع فيه شي اسمه حب الا بعد الزواج هو الحب الحقيقي والا الي قبله كله كلام فاضي واذا جاء الجد اول من يتخلى عنك هي ..
اسال مجرب ولاتقرا روايات :) :)

[بومبا]

اخوي سلطان نجد اذا انت ماتوقع ان فيه حب انا اوئمن انه في حب وبعدين اخوي ليش تقول اسئل مجرب احب اقولك مب كل قصه حب ناجحه وانت يمكن صادفتك قصه فاشله وهذا مايعني ان كل واحد بيحب بتفشل علاقته ... وشكرا اخوي على المشاركه

[heartking]

لكل راءيه ولكن لابد من احترام أراء الاخرين. وانا أقول ان كلامك ممكن يكون صح بس مو دايم

[بومبا]

والله انك قلت الكلام الصواب وبعدين انا ماقلت كل تجربه ناجحه والعكس صحيح ولا ماكن شفت نص الموجودين معارضين وهذا ان دل علي شي فهو انه هناك تجارب فاشله ولاماقالو هذا الكلام وماطول عليك لكن الله يبعدنا من هذي التجارب الفاشله