صباحات شرقية ( 6) ياقلبها الخواف ...

[بياع القلوب]

مساءكم جميل
تأخرت
مو مشكلة
كنت مستعجل على خط الرياض
ماشي 200 كم بالساعة
عادي
واحد مجنون سواقه
طاح بسيارة بي ام سبعمية ومدري كم
بروح اشوف النمره بعد شوي
بس خليني احط اوراق المخالفة بالدرج
كم وحده ؟
ثلاث ؟ يمكن اربع
كلهم سرعة
عادي
قلت للملازم مدري اللواء اللي يفتش
ما اعرف الرتب بس هي ثلاث خطوط ومقصين وتاج ونص
؟؟؟؟؟؟؟
حبيبي انا بسرع 180 عطني المخالمفة عشان الرادار اللي قدام ما يخالفني
قال لا بيعطيك ثانية
قلت له عادي
اغير هواية جمع الطوابع الى جمع مخالفات
الله يخللي جهاز الحاسب
وشششش انمحت المخالفات
يابلاش
ما علينا

شخبار سوالف اليوم؟ اشوف المواضيع بطيئة جدا ؟؟؟
او حاره
مو ناقصنا حراره
يكفي حرارة الجو
وماكينة السيارة

على طاري الحرارة
الظاهر اني من العجلة خليت كمبيوتر المرور يمحي حتى فاتورة البيجر / ومن شطارتهم محو الرقم من الاتصالات :(

مساء الورد لأحلى ورد :)


ملاحظة /
بتقولوا وش دخل قلبها الخواف باللي كاتبه
لا في علاقة
وصاحب الشأن يعرف :)
صح ؟

[ma3gool]

اكيد بتخاف عليك من ذا السرعه الجنونيه...:) المهم الحمد لله على السلامه..:)

[بياع القلوب]

هلا معقول
قلبها ميت والله مو خواف :)
وبعدين ياخي من عذري ارجع بسرعة الشرقية
وش يجلسني بالرياض ؟؟ ماكو احد :(

عادي

[ساهر الليل]

حلوه مغامراتك على الخط .. ماتنلام والله على العجله :) اكيد وراك شي مهم :)

.....

العنوان عجبني
يا قلبها الخواف ...

اذا ممكن اكمل واقول .. لصاحب شأن عندي :)

يا قلبها الخواف ...
ما تدري ان الهوى سكين ....
يجرح ولا يبري ..
...............

تحياتي بياع :)

[بياع القلوب]

شخبارك؟؟
تسلم على ردك الحلو
وهذا لي صار على الخط فعلا :)

صدقني عندي شيء الشرقية يخليني اطير مو بس اسرع ..
وبعدين وقل لي وش فيها الرياض؟؟
ما فيها شي .... بتاتا ...

وتكملتك رائعة وفي الصميم
واتمنى ان ثلبها يتجرأ شوي وينطق
مثل ما نطق الحيط اللي وراي من قهره منها

عادي

ومساء الجماد الناطق :)

[تفاحة]

ليش العجلة // وش الفرق بين انك تصل قبل بنص ساعة
او بعد بنص ساعة // يا اخواني الشباب ارحموا انفسكم
بلاش انفسكم // ارحموا اهاليكم // والناس اللي تهمونهم

الله هو الهادي الى سواء السبيل // الله يهدينا وياكم

[marwah]

بي ام سبعمية ومدري كم
طيب انا ابي المدري كم هذي :)

[زهرة الليلك]

شوي شوي وبلا هالسرعة اللي على الطريق :)

ومرة ثانية لا تخوفها :)

[بياع القلوب]

هلا تفاحه
وشكرا للنصيحة
وفعلا القيادة بعجلة شيء غير حضاري ..
لكن انا كنت ناوي اكسر الرقم القياسي اللي سجلته آخرمره (ساعتين وربع) لكن تأخرت 5 دقايق عن الرقم..
عموما مو مشكلة ابعوضها بعدين :)



مروه
سبعمية وطعش :)
والطعش هذي هدية عشانك :)
طيب عشانك بقول 740
يعني لازم الفضايح ؟ اللي يعيني اليوم بالراشد ، بروح بالسيارة الشبح احسن :)



زهرة الليلك
هلا وغلا
خلاص ، ما تخوفها يس هي تكون راضيه علينا وتعطينا وجه شوي :)
وساعتها ابمشي دروب ودروب ... لعيونها :)
لك تحياتي

[دموع حائرة]

هلا بياع ....
حمدالله على وصولك بالسلامة ...
سوالف نورت برجوعك :)

...................................
ياقلبها المسكين مايردي ان الهوى سكين ...

[بياع القلوب]

هلا دموع حائرة
شخبارك؟؟
والله يسلمك من الشر :)
وسوالف منوره بأهلها

[شوق الامارات]

على العموم ألف الحمد لله على السلامة
و الله يعينها عليك ..

[بياع القلوب]

هلا شوق الامارات
والله يسلمك من الشر .
وخلاص ماراح نخوف قلبها مره ثانية عشان هي تحس فينا شوي :)

شسوي ؟؟ يعني لازم اتهور عشان تنتبه هي ؟؟؟