صيف أو شتاء ؟؟؟

[amera1]

إجازة الصيف إنتهت وبإنتهائها راح ينتهي الصيف ..أتمنى :)
والكل حزين لهذا السبب

بس أنا أشوف الموضوع من زاويه مختلفه وهي أن

الشتاء على الأبواب وأنا فرحانه وآآآآآآيد .....:)

لأني بصراحه أحب الشتاء أكثر من الصيف
أحب المطر والغيم والبرد ورغم هذا أحس بالدفئ :)

أحب زخات المطر وأتعمد المشي تحتها برغم البرد مادري ليش
أحس بسعاده !!!

يمكن لأني فتحت عيني على الدنيا في الشتاء !
أو يمكن أحلى مناسبات عشتها كانت في الشـــتاء!

سؤالي الحين لكم
أي الفصلين تحبون أكثر الصيف أو الشتاء ؟؟ وليش؟؟

وتحياتي للكل :)

[ونيت]

ان افضل الصيف لان الاجازه طويله .
وافضل الشتاء لان فيه شهر رمضان المبارك.

[الشاص]

الشتاء00
ليش عشان ادق اللطمه وافتك من ذا المكيفات :)

وعشان شهر رمضان المبارك :)

[القط الوردي]

امـــيرة :):)
عندي ملاحظـة بســيطـة وهي ان الفصل اللي راح
يدخل علينا يوم الــسبت 23-9-2000م
بعد أربع أيام هـو فـصل الخريف وليس فصل الشتاء
لان الشتاء موعده دوماً 22-12-2000م :)
ولكـن اللي يحدث اننا في الخليج موعـد الامطار عندنا
هي مع بداية الخريف , أو مايـعرف بالوســـم وهو
أول خمسةواربعين يوم من الخريف .وبأذن الله المكان
اللي ينزل فيه المطر في فترة الوســم يكون ربيـع عليه
في هذه السنة , اللهم اجعل كل ايامنا ربيع :)
وانا من عـشــــاق فصــلي الخــريف والشتاء لانهم
بــرد وأنا أمــوت بالبــرد :)