وشلون تبدأ علاقات الانترنت بين البنت والولد

[عسل]

ببساطه ... تبدأ بكلمة ..ممكن تعتبريني اخ لكي فقط ..
يعني كم من البنات تجيهم رسايل من شباب ... ولنأخذ مثلا ..منتدى سوالف على سبيل المثال ...
اول شيء يرسلها ..تعقيب على موضوع كتبته ..وكثيرا ما يكون بإسلوب مدح ...يعني مثلا..موضوعك اليوم رائع ..والا يقولها ردك على موضوع فلان ما فهمته .. والا ودي اشوف ردك على الموضوع الفلاني...(طيب ليش ما يكتب الكلام ذا في سوالف ليش الواحد يحب اللعب خلف الكواليس )؟؟؟؟
بعد كذا .. ويمكن قبل كذا ..بكثير.. يرسلها الله لو تقبليني اخ لك فقط (اخ )...غريبه .. ليش؟؟؟ هي من البدابه اعتبرتك عدو ؟؟؟؟ ولا والمشكله .. انها ممكن تطنشه ولا ترد عليه .. وبعد فتره (اسبوع ..شهر.. سنه) يعيد ويرسل نفس الكلام ..:( بالله مو شيء يفشل .. البنت وش تقول عليك يا دلخ ..
المهم نفرض ان الغبيه ..(البنت) عطته وجه ..واعتبرته ( اخ ) على قولته ...تبدأ نوعية الرسائل تتغير..من كلمة اختي الى كلمة عيوني .. او حياتي ..ومن كلمة اهلين كيف الحال ..الى كلمة وحشتيني !!!!!!!!!!!!!!!!!!
وتبدأ العلاقه .. تأخذ منحنى غريب ... ولا حست البنت بالخطر.. الله ..وحاولت تبعد (كان من الاول يا غبيه).. قام ابو الفوارس (الدلخ) يستعرض رسايله وبطولاته معها قدام الله وخلقه ..:(
المهم .. الموضوع ممل .. ومقرف ..وانا احس نفسي لاعت الحين .. وبصراحه ...شيء يفشل والله .. ويا شباب .. ممكن تخلوا عندكم كرامه ..شوي ..بس شوي.. لانه الرساله اللي ترسلها اليوم لوحده..ماتدري يمكن غيرك سبقك .. وسبقها .. وشاف رسالتك
يمكن غيرك علاقته فيها اقوى واعمق...وانت ماتدري .. والا وانت مفضوح قدام الله وخلقه .. خصوصا اذا كنت عضو .. ولك مكانتك بسوالف (لكن الاكيد ..مالك مكان عندها ..) :(
-----------
عســـــــــ رجال .. وش تعرفون من الرجاله ..هه اساميكم بس ـــــــــل

[نملة]

شنسوي يعني...ناس و ما يستحون :(:)

[ma3gool]

مو انت قلت هو دلخ..وما عنده كرامه..وهي غبيه وعلى نياتها او شي ثاني..!!!


http://www.geocities.com/nokat1/realone.jpg

[طيبة]

صباح الإحساس والطيبة
والله صدقت ...
وبعدين وين راح الضمير:( ..
ليش يفضحون في الله وخلقه :(..
على قولة المثل:
ما شافوهم هم بيسرقوا .. شافوهم وهم بيتضاربوا ....
سبحان الله .... عجبي:) ...
بس لاتنسى إن الله يمهل ولا يهمل ...
بكره يشوفها في أهله ....
بناته .. أخواته ... أمه ... زوجته ...
الحق عند الله مايضيع :) ... سبحان الله :) ..

تحياتي وتقديري ....

طيبــــــــــــــــــــ http://www.alshamsi.net/cards/rose1.jpg ـــــــــــــــــــــــة

[ناظج]

هلا بك يا ابوشباب عسل


موضوع خطير جدا ياخطير , تسلم والله علي هالموضوع

تخيل ان يرسل احد الاعضاء مثل هذه الرسائل لعضوه علما بان هذه العضوه رجل ملقب نفسه بلقب نسائي.....تخيل الفشايل:):)

عسل انت عضو ولا عضوه ,,,, الله لا يهينك اذا انت عضوه ارجو انت تعتبرني أخ لك وتعطيني الايميل بتاعك , عشان عندي رد علي موضوع عسليات و غربة وعسل......, ارجنت بليز:)



تحياتي لك عسل:)


نــ:)ــاظج

[دكتور / مجنون]

^1

هذا الموضوع كتب فيه الكثير و الكثير .. و الحقيقه لو تروح الارشيف اكثر المواضيع من هذا القبيل ... ( كأنك تكلم جدار مو بني ادم )

*** أنا ما اشوف زي هذا الكلام هنــــا ( يمكن شكلي صغير على هذا الكلام ) هاهاهاها ... لكن يصلح أولاد و بنات المسلمين اجمعين

قوووووووووووووووووووووول آميــــــــــــــــــن

[بياع القلوب]

عســ عيني بعينك ؟؟؟ ــــل

[زهرة الليلك]

عسول .. مااعتقد ان فيه داعي انك تعصب للدرجة هذي وكل هذا بسبب شي واحد عارف ايش ..
الولد أو عفوا خلنا نقول الرجال لو حط وحده في باله مستحيل يطلعها من راسه الا اذا وصل ولو لجزء من اللي يبغاه .. سواء كان عن طريق الانترنت أو غيره ..
انت اعطيت مثال عن الانترنت وانا بعطيك مثال آخر خلنا نقول عن طريق التليفون ..
تلاقيه سامع عنها والا شايفها في مكان وحطها في باله .. جاب كل شي عنهاباحدى الطرق القذرة - وعفوا على هذي الكلمة - وبعد كذه لو كان عندها هانف خاص تلاقيه دق عليها.. عفوا .. ممكن فلان
لا والله غلطان .. وتتكرر المكالمة أكثر من مرة .. عاد بعدها ياتأكله تبن .. وتعرفه قيمة نفسه المعفن والا تصير خبله وتمشي ورا كلامه..
لا والمشكلة اذا ماعطته وجه راح ووزع رقم البنت ونشر معلومات عنها بين المرضى اللي مثله من أصحابه ..
طيب ليه كل هذا .. مش هذا جزء من اللي يصير في الانترنت .. الخراب والعفن موجود .. في كل مكان وبكل الطرق .. وللأسف الوضع صار مقرف بطريقة تدعو للأسف على شبابنا وبناتنا..

الظاهر اني بوقف الكلام الى هنا وبس لأني لو بظل أكتب فيه ماراح أخلص ..
وسلامتك ..

[الشاص]

عساك منتب تلعب خلف الكواليس

[unique]

هلا عسل :)
على قولتك :)
بس عاد امانه ما قد سويتها :)

[نملة]

رهييييييييبة يا تسالي اوووه سوري اقصد زهرة الليلك:)

كلامج صحيح مليووووون بالمية :):)

[شوق الامارات]

بس على الرغم من كثر الكلام عنه ..
الا انه مهم لا وفي غايه الاهمية ...


عسل .. مو مهم اشلون تبدأ ولا مهم اشلون تنتهي .. المهم مدى صدق هذه العلاقة .. و شو اساس هذه العلاقة.. يعني شو الهدف منها و ليش صارت ..
طبعا انا ما ابي الجواب .. اكيد فيه اكثر من جواب لاكثر من علاقة .. و اكثر من هدف بعد ..
و بعد ..
ايه قبل لا تشفق على هذه الغبية .. خلها بالاول تشفق هي على حالها .. و قبل لا تلوم الشاب .. و تقول له خل عندك اشويت كرامه .. قول لها وين كرامتك راحت .. و اشياء وايد ..

صدقني يا اخ عسل .. فيه نسبة للصدق على الانترنت لكنها نسبة قليلة جدا .. و اعتقد انه النت ساعد في تكوين العديد من العلاقات بين الاصدقاء اللي من نفس الجنس .. لكن العلاقة بين البنت و الولد عبر الانترنت ... فيها سوالف وايد .. و يمكن ما تكون هي الغبية .. يعني ليش ما يكون هو الغبي .. او حتى يطلعون اثنينهم اغبياء .. لا تستبعد .. كل شيء هذه الايام يصير ..

و السموحه
تحياتي لك

[القط الوردي]

TIME OUT
:):)

[ساهر الليل]

يونيك ضحكتيني والله :)

------------------

عســــــل كلامك جميل ومثالي ما احد ينكر

طيب اذا الواحد عمل كذا وهو فعلا صادق يعني معجب بفلانه وحابب

يتعرف عليها ويكون له علاقه معها قد تصل للزواج لانه من النوع الصادق اللي ما يلعب على كم بنت واذا حب حب من قلب ؟؟؟ فيها شي ؟؟؟؟

ماا عتقد .....

وبعدين هذي لعبه الكل يلعبها من الطرفين :)

قالها المرحوم نزار

مجنونه من مر عهد شبابها لم تلثمي :)


تحياتي لنا كلنا :)

[الحفار]

انت كيف بدأت علاقتك ؟؟

[الروح]

الســــالفة فيـــها بنـــات ...!
وأنا ما كنت موجودة ..؟؟
ودي تيجي إزاي ..؟؟

صدقت عسوووول .. بس الحق ينقال ..
مب كلهم .. في منهم يكون غرضهم النصيحة ..
وفي منهم : من تحـــت لتحـــت .. ;)

[تفاحة]

هلالالالاوين عسول :)//

موضوع فعلا رائع // لكن تدري العاقل خصيم نفسه //

وكلاً يتحمل نتيجة خطأه //

تحياتي //

[ma3gool]

عسل!!!طحت ولا احد سما عليك..:( انت اللي جبته لنفسك..:(:) خلك..!!!هههه.ياشين الشماته..:)ههههههه

[جاسم]

اي والله وانت الصادق يا عسل

لكن يبقى الغلط من التربيه التي تربى عليها البنت او الولد

ولا حول ولاقوة الا بالله

[عسل]

عبدالله ... ودك تعرف :)
يونيك ... ازيك ياست الكل.. انت تعرفي اني مش بتاع جوابات :)
الشاص.. انا العب امام وخلف.. وعلى اليمين وعلي اليسار وفوق وتحت .. وماهمني احد :)
بياع .. اخاف العدسات تطير :)
ناظج ..ياكبرها عند ربي ...:(
البس..ها ها ها ها .. بس على مين ..الـــgame over؟
معقول.. مايهزك ريح ..يا مركب هوانا :)
-------------

عســـــــــــ الباقيين .. راجع لكم .. وانا هع هع ــــــــل

[الحفار]

اقول متى راجع واشنطن


وبعدين ما ابي اعرف :)


انا عرفت من زمان





الحـــــفــــــ تصدق طول البارح وانا افكر بكلامك ـــــــار


عــــــــســــــ اقـــنــــعـــنـــي ــــــــــــــل

[عسل]

حفاري الحبيب .. افتح الماسينجر ضروري :)
-------
عســــــــــــ انا في فرجينيا الحين .. ويكره رايح سانت لويس ــــــــل

[الحفار]

الماسنجر حاذفه

لانه خرب

شغل الاي سي كيو

او ارسل لي ايميل

توصل بسرعه الايميلات

[صغيرونه]

اخوي عسل الحين كل واحد يرسلي ميل يبي يسولف معي يعني قصده شييييييييييين؟؟؟؟؟

[الحفار]

ما ادري اذا الدي اتش ال

dhl

يوصلون الاكل

ودي ارسل لكم

فول ومطبق ومعصوب

واذكروني بخير اذا اكلتوا

والله الله بالهدايا

[عسل]

صغيرونه .. ايه يا ماما .. لا تردي على رسايلهم :)
-------
حفافيرو ...اه مطبق.. الحمدلله ..احسن الناس هنا رجوني عليه ..واذا قدرت تميسه بالله :)
------
عســـــــــ وهديتك ..موضوعها منتهي ــــــــل

[الحفار]

من اللي اشترى هديتي
؟؟؟
والتميس ياصل

[عسل]

هديتك ..ممممممممممممممم مين مين مين ؟؟؟ايه صح .. اكيد انا:)
اهه نسيت اقولك شيء...
تدري انه هنا تشوف( الغزلان) في الشارع .. والله ياعبدالله تقطع السكه .. وحاطين لها اشارات ..مثل ما يحطون للجمل والحمار عندنا :)
----------
عســــــ لا والا السناجب .. اشوفهم الحين من الشباك يلعبون بالشجره ـــــــــــل

[الحفار]

ايه طبعا هم عندهم غزلان

وحنا حمير

الله يسامح بس

حتى حنا عندنا غزلان;)

وصف البيت اللي انت فيه مو غريب علي


كاني سمعت عنه

[كومار]

عزيزي عسل0000
احلى مساء لك وللشباب كلهم0
اولآ0 الموضوع هذا كبير وما ينتهي لانة راح يتشعب الى اكثر من موضوع0
0
0
لكن يفرحتي انو مازال فية شباب يخافون اللة واللة يكثرهم0
0
0
0
0
(على فكرة اذا انت رايح سانت لويس اتمنى انك تعدي علي الكباب هوس في الكينجزهايوي)عشان انا عزمك هناك (بس قول لطارق لعيون SLU911)وبالهنا والعافية0
LOVE U ALL

[الزهراني العجماني]

بسم الله

ماشاء الله عليك و على صراحتك المتناهية في هالموضوع

[عسل]

كومار...الحين الشغلة فيها اكل .. طز في الموضوع .. ابي وصف دقيق الله لا يهينك ..:):):)
واسم الشخص اللي هناك .. وهل راح اقابلك انت (عشان ما اجيب المدام:).. عربي وش اسوي )
--------
الزهراني ..حياك الله
-----
عســـــــــ كباب هاوس ..ممم هذا مو اللي في الرياض كوماروووه ــــــــل

[كومار]

حبيبي......عسل
احنا قول وفعل طال عمرك .
اذا انت متاكد انك رايح سانت لويس ،ايميل مي،عشان اعطيك الوصف والمعلومات كاملة،على فكرة هو مطعم عربي(كبسات ،كباب.....الخ).
حق واحد سعودي ،للاسف كنت اتمنى انى هناك عشان اقابلك.لكن الجاي اكثر.
ملاحظة
(انا ما اعرف دكتور هناك )؟؟؟؟؟؟؟؟؟؟
الدعوة للجميع.
ــــــــــــــــــــــ
ــــــــــــــــــ
ٍslu911@yahoo.com

[مدردش متقاعد]

بداية أوافقك الرأي يا أخوي..

فبناء على خبرتي أيام (الفتوة) في مواقع الدردشة.. كنت أشوف كثير من هالنوعيات معدومين الكرامة... الي ما همهم الا يغررون ببنات الناس... و للأسف بعض البنات. مايصدقون حد عطاهم كلام حلو و باذات المراهقات منهم.. و صدقوني إذا واحد عنده (نص) لسان حلو.. مب كامل.. يقدر ايجعله شلة مشتلة من البنات.. بس نسأل الله العافية.. بس حبيت أذكركم انه إذا الواحد استحل حرمة أخيه المسلم أو استحل عرضه.. فأكيد يوم من الأيام الله بيجازيه بنفس العقاب و الجزاء بيكون من جنس العمل.. و على قولة الإنجليز:
What Goes Around >>> Come Around!!

فما علينا غير نتقي الله و نغض البصر إذا السالفه فيها صور
ونصيحتي لأخوات.. عِفٌوا.... تعفوا

و تحياتي

[عسل]

مدردش متقاعد ..
شكلك شباب على التقاعد .. ورا بدري يالحبيب :)
بعدين ملاحظه بسيطه اخوي... انت قلت انك موافق على كلامي في البدايه .. طيب في النهاية اختلف شيء .. :)؟؟
-----
عســــــــ دايخ .. انصقعت تيكت ـــــــــــل

[مدردش متقاعد]

ما أدري أي نقطة إنت قصدك عليها يا أخ عسل:)

بس أعتقد إانك قاصد نقطة الصور... بس عموما أنا أقصد إنه الواحد لازم يغض البصر و السمع حتى.. و ما يخلي للشيطان أي مدخل علشان ما يوقع في هذه التصرفات الطائشة.. و كم من الشباب الذين أعرفهم و للأسف بعضهم متزوجون و عندهم علاقلت نسائية و من النت و ساحات الدردشة.و كنت أنا برو ح فيها لولا رحمة الله انه انتشلني من هذيك الأماكن الفاضية.. علشان كذا تقاعدت.. فهمت السر؟:)

و تحياتي

[عسل]

مدردش.. ياما تصقعت اجهزتنا باتشات وانا اخوك :)
-----
عســـــ خلك طبيعي ..ـــــــل

[بعد مغيب القمر]

مساء الخير ........ عـســـــــــــل

الصراحه الموضوع حساس للغاية وهام جدا ويحتاج إلى شخص جريئ يطرحه ويتناقش في البركه فيك ما قصرت

المشكله ان الانترنت اصبح اداة حساسه لا يكاد يخلو بيت منها والافضع من هذا ان حرص اغلب الشباب والشابات على برامج الشات
مثل IRC وهنا تكمن المشكله في نوعية الكلام المطروح بين الطرفين ونوعية التفكير ..... انا لا اقول الكل مو زين لا والله الصراحه اعرف اشخاص قد ارتبطوا عن طريق النت والان هم في عش الزوجيه لكن هل مصير الكل هكذا ؟؟؟ هنا السؤال

على العموم لو نفكر بالاسباب اللي تجعلهم يصلون إلى المستوى هذا من التفكير كثيره ...... اهمها الرقابه المعدومه من الاهل اولا ... وثانيا غياب الوازع الديني .......
وثالثا واهم شي انعدام الاخلاق وهنا الكارثه .. وقانا الله ووقاكم منها ....

على العموم كانت هذي وجهة نظري لا أكثر

وشكرا لحسن اصغائكم

اخوكم ........ ركزوا اوكي :) اخوكم بعد مغيب القمر

[dangerouse123]

أحب أعقب على كلامك و أقولك أن كلامك مظبوط مية المية...:)
بس لاتنسى انه في بعض البنات هم يلحقون الشباب.

[عسل]

اخوي (بعد ما ركزت كثير :))
وجهة نظر اقل ما يقال عنها .. راقيه ..
سيدي الكريم .. شكرا لك ..لحسن المتابعه ..والرد المحترم
تحياتي
.........
الخطير ..
واذا هم لحقونا وانا اخوك ..لازم نفتح الابواب للكل ,..:)
وشوف توقيعك .. ترا فيه ردي :)
-------
عســــــــــ فقدتها ــــــــــــل