إلى ســــــــــــــــــــــــاهر الليل .."رد على بعض قصائدك"

[لمسه]

السلام عليكم و رحمة الله و بركاته ...
إلى الأخ ساهر الليل..هذي بعض الردود اللي كتبتها صديقتي "امرأة في الظلام - وحدة مب من عضوات سوالف-" بعد ما قرت قصايدك .. "صرت مشهور برا سوالف بعد..و الفضل لي طبعا..يالله..عطني الحلاوة :)" <-- * وحدة مصدقة عمرها:) *

1) رد على قصيدة "رجل خائف " - اصبر عليها شوي لين ما تظهر":

http://www.geocities.com/uae_touch/Flowers3.jpg

*******************************

2) رد على قصيدة " لحظة ضعف مع امرأة خائنة " :


قلبي ما يطاوعني أرد لك..
حتى لو قلت تبيني بالملايين..
قلبي ما يسمح لي أحب بعدك ..
و لا يسمح لي احبك ..
أنا ما خنتك..لا..و لا فكرت يوم امتع ناظري بواحد جديد..
لكن إنت تحمل في قلبك شكوك..و غيرتك بانت و لا كنك حديد..
شوف يا ساهر..
تراني من عذاب الشوق أعاني..
و قلبي المسكين دسته ألف مرة و يمكن أكثر..
لجل ينسى كلمة قلتها لي :
** خاينة بس أحبك ردي تكفين**
أنا مو لعية بيدينك..لا و لا يمكن أفكر بالرجوع..
أنا عذري لك بقوله..صعب يا روحي الخضوع ..
قراري لك كتبتـــــه..
و بأجمل الألحان صغته..
أنا ما اريدك ..ما أريدك خلاص..
بعيش نابذه قلبي إذا صمم يبيك ..
و مهما مت قدامي و قالوا حياته بين ايديكِِ..
ما أردلك ..لا و لاحتى بـرق عليك..
و إن كنت يا ساهر مت مرة و يمكن مرتين..
فهذا شي يهون قدامي ..
تدري ليش ؟
لأن الموت أهون ألف مرة من عذاب الغدر المشين..
أهون من إنك ..
تموت بسهام الشك مثلي من أول حبيب..
*************************

و الرد على "النداء الأخير لأمرأة صامته".. باجر ان شاء الله ..

و بس..
اقول ادعولي..علي امتحان باجر :(
يالله فحفظ الله :)

[ريانة]

تحياتي لك يا..لمسه............:)

[لمسه]

هلا ريانة :) أخبارج ؟ :)
و مشكورة..بس لازم تشكرين صاحبة الكلمات :)

****

أقول اخ ساهر..عاد انا قلت لربيعتي اني بخبرها بردك باجر..
<-- صح ان ويهي بيحترق باجر من القفطة..بس ما عليه.."اعيش وآخذ غيرها" :)
بس يعني لا تطول في الرد ..ازا ممكن يعني..:) "ادري ادري طراره و اتشرط :)"

[unique]

حلو :)

[شجون المحبه]

يا هلا وسهلا ومرحبا .........بلمسه الغاليه ...:)


يا حي الله هالطله الحلوه ...


كيف اخبارج وكيف الامتحانات والدراسه ؟؟

ان شاءالله تكونين بخير وصحه ...







اقوووووووول الساهر رد على البنت بسرعه لا تاخرها
بكره عندها امتحاااااااااان.......مفهوووووووم http://www.swalif.net/sforum/images/icons/icon8.gif

[khalid99]

حلوه

وفي انتظار بكره

يعطيك العافيه

[الحفار]

وانا
:(:(:(:(

ما احد رد علي :(:(

لان ما احد يقدر

:):)

[wildorchid]

تحياتي لمسه...........:):)

[ساهر الليل]

افتقدنا لمساتك الحلوه واشتقنالها كثير ولك بعد

اخجلتيني والله بالموضوع واسعدتيني

مدري شقولك

بصراحه الكلام روووووعه واكثر كمان

ورح يكون لي رد مناسب باقرب وقت ان شاء الله

تحياتي لك يا لمسه

وتحياتي وتقديري لإمرأه في الظلام على هذا الاهتمام :)

ما انسى جمايلك الحلوه :)

مشكوره يا لمسه والف شكر :)

[لمسه]

في البداية السلام عليكم و رحمة الله و بركاته :)

و "امرأة في الظلام" تسلم عليكم :)

******
هلا يونيك.. و انتي احلى اذا تقصدين التصميم :)
بس اذا تقصدين الكلمات فما ادري شو كانت ربيعتي راح تقولج :)
******
أهليييييييييييييييين شجووووووونة :)
والله الدراسة..لا تسألين..بلا فضايح يعني :)

أقول انتوا دعيتولي و إلا دعيتوا علي ؟!؟ ترا زفت في الإمتحان :(..
المهم ... مشتاقة لمواضيعج اختي :)
******
الأخ خالد :
نفس الكلام اللي قلته لـ يونيك ..اذا التصميم هذا من ذوقك اخوي..أما الكلمات مب لي .. " و لو اني اتمنى انها تكون لي :)"
المهم مشكور اخوي :)
******
سي سيد الحفار :
والله انك يبتها..منو يقدر يرد عليك ؟ :)
******
هلا اوركييييييدتي :)
وصلت تحياتج...و لج مني اكبر تحية معطرة بالورد و الياسمين ...الخ :)
مشتاقة لآرائك :)
******
ســــــــاهر الليل :
آه صح .. انت اكيد تقول انزين وين الرد على "النداء الأخير" ..اقولك ان شاء الله بنزله باجر...بس يعني تدري انت بالحال..امتحانات هالأيام :( بس ان شاء الله باجر بيكون الرد عندك.. و امرأة في الظلام تقولك : "الحمدلله ان الكلام اعجبك..و تنتظر الرد..و لا تستعجل...خذ راحتك"..اعتقد هذا كل اللي قالته..

و آخر كلمة مني "انا لمسه ليكون نسيتوني بعد ؟ " :) :
اشوفكم باجر :) و تصبحون على خير...

[قايد الريم]

مرحب ملايين



هلا لمسه
كيف الحال
و أقول بلغي سلامي لصاحبتج









و تحياتي للساهر ;)












ا ل ر ي م

[لمسه]

و هذا هو الرد على " النداء الاخير لإمرأة صامتة "

http://www.geocities.com/uae_touch/cry.jpg

و بس :)

*****
هلا ريماني :)
يوصل سلامج ان شاء الله يوم السبت :)

[عاندني]

تبين الصراحة ..
الكلمات في منتهى الروعة و اللي محليها أكثر..لمساتج..
و راجعي عدل للامتحانات..تراها مب هينة..:)
و سلامي لامرأة في الظلام و ساهر..

[لمسه]

مشكور اخوي على كلامك.. و هذا من ذوقك :)
و الإمتحانات خلها على الله..:)
مبروووك تصليح الجهاز... على الأقل صرنا نشوف اسمك في سوالف..في تطور ..في تطور:)

[شجون المحبه]

مــــــراحــــــــب عزيزتي .......:)


كيف احوالك ...ان شاءالله تمام ...صح ؟

والامتحانات بعد اكيد تمام ....
لا تقولين خليها على الله ما يصير ...


واكيد ان دوم ندعي لك بالتوفيق ..بس انتي شدي حيلج ..



والرد جميل وحلو ......وصلي تحياتي لمراه في الظلام ..



وسلااااااااااااااااااااااام ......;)

[ساهر الليل]

الرد الثاني اروع بكثير بصراحه وان كانت جميعها جميلة

بس عجبني الرد الاخير

وهو اللي احاول ارد عليه ان شاء الله

الف شكر عزيزتي لمسه على كل شئ :)

وسلامي وتحياتي لإمرأه في الظلام على ابداعها :)



تحياتي لمسه :) دائماً :)

[لمسه]

شجووووونة :)
والله احوالي تماااام...عال العال :)
و عن الإمتحانات تراني كنت امزح :)
أصلا انا لو ما ادرس... كان بتشوفيني الحين معلقة في المروحة ههههه :)
وdon't worry .. و لا توصي حريصة "لا مب هريسة...حريييييصة :)"
شوفيني كيف سهارانه الحين علشان اطبق المثل اللي يقول :
http://www.alshamsi.net/cards/student_cards/student6.jpg
بس عاد سهرانة على شو..لا تسئلين ;)

=========================

ساهر الليل :
لا عادي..لا تشكرني..انا اللي لازم اشكرك على ابداعك المتواصل.. " الله لا يحرمنا من ابداعك ... بس منك عادي هههه امزححححححح لا تعصب..:) <-- خلك جيه"
و سلامك راح يوصل ان شاء الله يوم السبت.."شكلي لازم اشيل وياي شي حق "امرأة في الظلام" علشان اصحيها اذا اغمى عليها :) " لا تصدق نفسك عاد P: ..و الا تدري ..والله يصح لك تصدق عمرك :)

سلاااام اخوي :)

[لمسه]

اقدم اعتذاري عن ما سبق و قلته في حق امرأة في الظلام" في ردي السابق..من عند :"و سلامك راح يوصل ...."..الله يعلم أني كنت أمزح .. بس بعض الناس فهموها غلط...و كنت اتمنى لو اقدر الحين احذف السطور اللي فوق - علشان محد يروح تفكيره لبعيد- بس طبعا تجري الرياح بما لا تشتهي السفن..المهم... لكِ يا امرأة في الظلام " و إلى من يعرفها" اقدم اعتذاري..و اللي اتمنى من كل قلبي انج تسامحيني..آسفة مرة ثانية اختي...