View Full Version : ماذا تفعل لو حدث لك هذا (4)
مسيكم الله بالخير
واليكم الموقف
ترن ترن ترن تلفونك يرن الا احد اصقائك يقولك تعال بسرعه عند هذا المطعم ويبعد عنك يمكن ساعه ورحت ووصلت وتصلت لصاحبك وقلت له ما شوف صاير شئ قال امزح معاك!!!!!!
قولي ردة فعلك
؟؟؟؟؟؟
الفرزدق
25-10-2000, 11:51 PM
وأقول تعال للبيت أبغاك بموضوع آخر ،،،ويادار مادخلك شر ،،،
بيشوف نجوم الليل في عز النهار ،،،
كذا ولا بلاش ،،، العين الحمراء ،،،
mouza
25-10-2000, 11:53 PM
بييب غرشة الماي وبصبه في ويهه جدام العرب كلهم عشان يتأدب
هاهاهاهاهاهاهاها
حلوه يا الفرزدق
موزه
مسكين بصير وجهه احمر من الفشيله
الحين انتوا اثنيناكم ردكم شري
يعني ما في واحد يكون موقفه خيّر
نشوف
mouza
26-10-2000, 12:05 AM
ايبني من بيتنا يقول في شيء عقب ما في شيء بصب عليه ماي وبيبسي بعد شو عشان ما يعيدها
ألب أرسلان
26-10-2000, 12:06 AM
سأقول له قال رسول الله صلى الله عليه و سلم: (( آية المنافق ثلاث إذا وعد أخلف و إذا أؤتمن خان و إذا حدث كذب ))
فسيستحي و لن يفعلها معي مرة أخرى....
بالمناسبة أنا أسكن بعيد عن وسط العاصمة فطبيعي تكون ردة فعلي عصبية....
تفاحة
26-10-2000, 12:12 AM
خير يا طير // ماصار شئ
آخذ اكل من المطعم واسير البيت
وإذا مره ثانية قالي تعال في المكان الفلاني ما اصدقه
واقوله اللي يبيني يجيني :)//
تحياتي //
موزه
حدك بتكونين عصبيه
يمكن لو شوفينها تسبحينها مو بيبسي وماي تحطين عسل عليه علشان النمل والنحل يدورون عليه ويتأدب
ألب ارسلان
احسن شئ بتقوله له
لا يجب ما تكون عصبية بس تقوله الحديث كفاية عليه
افضل ما عملتي
اخذتي الأمور بروية
ولا كأن صاير شئ واكلتي بالمطعم على راحتك يا تفاحه
مثل قصة الولد اللي يسوي روحه يغرق ويجونه ويضحك عليهم ومره ثانيه كذلك وجوه ولقوا يضحك عليهم ومره ثالثة يغرق عن جد قالوا لا هذا يبغي يضحك علينا
لووووول
mouza
26-10-2000, 12:17 AM
انا وحده ما يخصني بالعصبيه بس مثل ما يقولون احذر الحليم اذا غضب:)
موزه
اي الحليم اذا غضب ابعد عنه
هيلب
مانقتله
يعني ممكن تربطه وتسحبه بالسياره ممكن
alshams
27-10-2000, 12:37 AM
أتصل عليه واقوله إني انشغلت ..وأساله هو ايش ساير ..
وأقوله تعال بسرعه الشارع الفلاني ,,شوف إش ساير..
تراني في الشارع الفلاني,,,بسرعه ..بسرعه,,
عارف ليش أن سوية كذا ؟..أحب ان أعمل الناس كم يعاملوني..
بس وينك ..أختار أبعد شارع في الديره...
ولى وصل أتصل عليه وأقوله عليك واحد ...
شمس الشموسة
27-10-2000, 01:50 AM
ما اسوي شيء... بس اضحك.. واضحك من كل قلبي على اللعبةالحلوة.. رغم اني كنت خايفة انه في شيء لا سمح الله.. :):):)
ولكن لا.. تراها بتنرد عليه.. يعني انا ما بسكت له.. بيشوف مني شيء ماجت صارله في حياته...:):):)
تحياتي لك..
شموسه:):):)
النابغة الطائي
27-10-2000, 02:00 AM
صراحة ...أعتذر عن زيارتي لك المتأخرة جداً ..
تدري وش أسوي ...أبطلب عشاء وأكلمه وأقوله تعال طلبت عشاء لي ولك ..
أو أقول تعال سويت حادث ... الفزعة ..
أكيد يبي يجي في الحالتين ... وأمشي قبل ما يجي وأخليه ..
اهلين alshams
عامل الناس كيفما يعامولك
زين سويت فيه السن بالسن والعين بالعين والبادي اظلم وخليته يعرف شو سوى فيك
شمس الشموسه
بتردينها له مسكين بكون طول الوقت خايف
مب سهله تنتظرين الفرصه السانحه لذلك وعندك حق والبادي اظلم
النابغة الطائي
ولو
حياك الله في اي وقت
مسكين هو جاي حق العشاء مستانس الا ما يلقى شئ
بينصطدم بس يستاهل مثل ما سوى لك
وردودكم حلوه
واشكركم على التواصل
نجمة المساء
27-10-2000, 03:11 PM
اضحك اكيد
وخل ينطر المقلب مني
يكون اكبر من مقلبه
اهلين نجمة المساء
زين سويين فيه
بس كوني حليمه وياه تره ما يستاهل