View Full Version : قصيــــــدة أمــــي !!!
بياع القلوب
26-10-2000, 03:46 AM
أمي يا أول حب عشته بدنياي
يا أول اسم تنطق شفاي طاريه
انتي هوى روحي وبعروقي الماي
وعمري بدونك عمر ما عشت أنا فيه
يا ما لقيتك في شتا وقتي دفاي
حضنك يدفيني بحنانه وأدفيه
وياما مسكتي في أعنى الوقت يمناي
خوف علي من الزمان وبلاويه
انتي نظر عيني وبسمة شفاياي
وانتي هوى قلبي وحبه وغاليه
وانتي الجميل اللي تعدى عطاياي
لو عشت كل العمر ما اقدر اوفيه
تدعين ربك لي يسدد لي خطاي
وارفع انا كفي لله وادعيه
يا ربي تمنحني رضاها بدنياي
وان ما رضت عني ترى العمر مابيه
كلمات / على الخوار
Huda76
26-10-2000, 11:32 AM
صباح الورد بياع القلوب
تحية حب لامهاتنا عسى الله يطول بأعمارهن ..
تحياتي
marwah
26-10-2000, 03:58 PM
سلملي على الوالدة :)
ياملاقيف مالكم شغل
بياع القلوب
26-10-2000, 04:55 PM
اختي هدى
هلا بك ويسعد صباحك :)
مروووه
مين الملقوف احين ؟؟؟؟
marwah
26-10-2000, 05:11 PM
اكيد انت الملوف
بياع القلوب
26-10-2000, 08:57 PM
مروووووه
انا ملوف؟؟
لا يكون ملفوف احسن ؟؟؟
الظاهر ابلة الاملاء جوعانه وقت درستكم كلمة ملقوف
أو وقتها كان همك وقت الفسحة وجوعانه كمان ....
امي مهي ام
امي كنز حنيه
حنان هالكون كله
منوخذ منها
محبة الام ليه تصير مخفيه
محبة الام مدري ليش ندفنها
امي مهمه واهم من الاهميه
ابفتخر في محبتها وابينها
كلي لها جد من راسي لرجليا
اعز من عزها واهين هاينها
لين قالت الآه جن شخص طعن فيا
اجي من قصاي فازع لجل اطمنها
عذروبها بس طيبتها خياليه
يا زين عذروبها اللي ما يشينها
قليل في حقها اللي قلت وشويه
اكبر بواجد من اللي قلت عنها
دايم تردد عسى الله يحفظك ليا
تمشي وتدعي عساني ما اخلا منها
*@* المريخي *@*
بياع القلوب
26-10-2000, 09:17 PM
اختي صرخة
هلا بك
وشكرا لك على هذا الاختيار الرائع
ولك مني كل تقدير واحترام
أخوك بياع
اخي بياع :)
شكرا على كل التقدير
ولكنك من اثرت هذا الموضوع
الذي مس فيه روحي..
**والله يحفظ لنا امهاتنا اجمعين **
بياع القلوب
26-10-2000, 09:29 PM
اختي صرحة
شكرا وهذا من ذوقك الطيب والله
وامهاتنا عموما يستحقن ما هو اكبر ذلك
وياليتنا نستطيع ان نوفي حقهن بما يرضي الله ورسوله ...
ولك تحياتي
اخوك بياع
ريانة
26-10-2000, 10:18 PM
ام الغالية ...امي الحبيبة...
احبها واحبها واحبها......وبعد احبها
افديها بروحي وبعمري كلة
مهما قلت او عطيت ما وفيتها
الله يطوللي بعمرها ولا يحرمني منها
احبهـــــــــــ:)ــــــــــــا موت:)
زهرة الليلك
26-10-2000, 11:21 PM
اختيار موفق واذا على مرووووو ماعليك بس هي شكلها ماشبعت من الغدا عشان كذه قالت لك تبي ملفوف :)
بياع القلوب
27-10-2000, 12:22 AM
الاخت ريانه
واخيرا تشرفنا بتواجدك في احدى مواضيعنا المتواضعه ؟؟
بنسوي حفله
ويخلي لك الماما يارب
اختي زهرة
هلا بك
عاد مروووو مانقدر نقول لها شيء
المسكينه وراها حظر انترنتي لمدة اسبوعين من الامتحانات .. احسن ... فكه .. :)