الوالد خوفني!!

[سردال]

بالأمس أو قبل أمس صارت معاي سالفة خلت الدم يوقف في جسمي!!

في الساعة العاشرة تقريباً وبعد صلاة التراويح، كنت جالساً في غرفتي، سمعت أبي يناديني! فأجبته ووجدته في البهو (الصالة يعني) ومعه الوالدة الله يحفظهم.

قال لي تعال أجلس أمامي، أنا خفت أول مرة يقولها، وأنا عادةً ما أجلس إلا جنبه وبعيد بعد، ليش هذي المرة يقول لي تعال أجلس أمامي؟!

جلست ونظرت في وجهه، فعرفت أن الأمر جد فزاد خوفي أكثر وأكثر!

قال لي: أسمع، الموضوع مهم وظروري تقول رأيك ألحين، وما أريد مزاح.

صراحة أنا أخاف من أبوي كثير في الأحوال العادية، فكيف يقول لي هذا الكلام ألحين؟! صار قلبي عند رقبتي من الخوف....

بلعت ريقي قلت له: خير إن شاء الله...
قال: خير... تشاورت أنا وأمك حول تزويجك، فخطبنا لك بنت من بنات الحارة! والزواج وكتب الكتاب والعرس قريب!

قفز قلبي من رقبتي وانطلق صوب دماغي، أحسست أن جمسي كله ينتفض! كيف يقومون بهذا من دون مشاورتي؟ ثم هل أنا مستعد للزواج، كيف سأجهز نفسي؟ وكيف سأكون مسؤول عن زوجة وأنا حتى الآن غير مسؤول عن نفسي!

المهم نظرت إلى أمي، فلم أجد إلا الجدية هنا سلمت الأمر، وعرفت أنهم جاديين في المسألة...

وفجأة... قال لي أبي.....
.
.
.
.
.
.
.
.
.
..
.
.
.
.
.




هاهاها.... أمزح معك! تعال دلك رجلي قليلاً....

قلت الحمد لله، وجهي صار أحمر والعرق ما شاء الله، وقلبي يكاد يخرج من صدري!!

[BRABUS]

ليتني مكانك :(

[سردال]

ليش يا برابوس؟! :)

لا يكون تظن إن الوالد يقدر يسويها، والله إنا على قد الحال بس الوالد يحب يمزح كثير! :) ومزحه خطير بعد! الله يزوجك بنت الحلال ذات الدين! :)

[مدردش متقاعد]

الله يقطع سوالفك..
موتني من الضحك.. و الله تحريت إن السالفة صدق و بيعرسونلك؟

و إنت ما شاء الله.. تباها من الله:)


ههههههههههههههههههههههههههه

[Huda76]

هلا والله سردال

توقعت اني راح ابارك لك على الزواج في الرد .. اثاري السالفة مزحة من الوالد عسى الله يطول بعمره :)

عسى الله ييسر امورك ..

تحياتي

[aziz2000]

والله لو أبوي قالها لي أقول له على طووووووووول .. تـــم ..:)
ولو قال أمزح معك أقول له .. راحت عليك خلك عند كلمتك وينحرج قدام أمي ويزوجني ..:)
وياسلاااام ..:)
يالله سردال خيرها في غيرها ..:)

[الفرزدق]

متى الزواج؟
وين كروت الدعوة؟























صراحة حركاتك أنت ومدردش هذه اليومين حلوة:)وأبغى أشارك معكم ،،،

[سردال]

مدردش! طبعاً أريدها! ولو كان الكلام جد! منت على طول وافقت ودخلت في التفاصيل! :) لكن الوالد ما كمل السالفة! :)

Huda76: آمين يا رب! :) الوالد هذا ما يخلينا على حال، كل يوم لازم أكثر من مقلب! :)

aziz2000: حلوة تحرج أبوك هذه! أنا إن سويتها أخاف أحصل كف من واحد بحار! (أبوي بحار، وما شاء الله يده لو طاحت عليك .... قول الله يستر بس! :))

الفرزدق: يا ريت! يا ريت لو كانت السالفة صدق!! :) وحركتنا هذي أن ومدردش صارت بدون اتفاق مسبق! سبحان الله! وشاركنا إذا بتحب!

[mr.m]

هاهاهاها


أمزح.

[بنت السعوديه]

حلوه السالفه بس ياخي خليتني حتى انا يوقف فيني الدم
هاها
سلملي على الاهل

[سردال]

mr.m حلوة! :)

بنت السعوديه: شفتي عاد! كيف لو شفتيني وأنا جالس ساكت جدام الوالد، راح تقولين طماطه!

[الأسيره]

ليش يا سردااااااااااال ما كانت القصه حقيقيه ...احين كنا بني عرسك و ناكل عيش و لحم هاهاهاها

[النابغة الطائي]

حلوة ياسردال .....
والله ضحكتني من قلب ..
وأرجو المعذرة لعدم الرد في مواضيعك
لكن يعلم الله أني أقرأها بأستمرار ... ويكفي إنها أعجبتني .. أستمر بارك الله فيك ..
أخوك الطائي

[دلوعة ماما]

ههههههههههههههههه
حلوة سردال:)
ياحليلك .. شكلك تبيها من الله الزواج:)
ترى جالس أدور على موضوع ومو لاقيه في القديم وجالس أطلع مواضيع حلوة من تحت
تحياتي:)

[سردال]

دلوعة ماما!!

أقول شو هذا الغبار اللي طالع!! :) أنتي تنبشين في الأرشيف!! :) على العموم! أدعيلي الله يزوجني من اللي في بالي! :) وأنا أريد الزواج! ليش لا! مو أحسن من الفساد اللي نشوفه :)

النابغة! أدري رد متأخر! لكن أحسن من لا شيء! :) وجزاك الله خير! واضحك يا عم! لو أنت شفت الوالد والله تخاف! لكنه طيب بس أخاف منه وايد! :)

الأسيرة: ردي متأخر وأعتذر! :) أتوقع إن السالفة تصير صدق بعد 20 سنة على الأقل :)

[الشاب اللطيف]

والله انك منســــــــــــــــــــــــــــم

[الغرضون]

سؤال:لماذا تخاف من الزواج؟؟من خلال قراءاتي المتواضعة لمشاركاتك أجدك ناضجا عقليا .. يعني تقدر أن تكون مسؤولا عن بيت واثنين .. أزيد ولا كفاية .. يا سيدي ربنا يكرمك ببنت الحلال التي تسعدك دنيا وآخرة .. وتخلفوا صبيان وبنات .. وتعيشوا في تبات ونبات.

[سعودية]

قريت الموضوع وعندي زوجي نايم ..

مت من الضحك الله يصلح قلبك ومن قوة الضحكة اخذت تهزيئة زي العسل

وقومت الرجال ويوم قلتله العذر قال والله يزوجونه ولا يهكون عليه

وش دخل ابوي انا ينزعج نومي :)

شفت ما وراك يا سردال غير ......:)

يالله جب لي هدية علشان اراضيه:)












صراحة سالفتك حلوة :) وتستاهل اقوم زوجي من النوم:)

[سردال]

الشاب اللطيف: شو معنى منسم! أقول تراني فهمتها بشكل ثاني! :) لأن منسم عندنا لها معنى مو طيب أبد :) لكن أكيد أنت ما تعنيه :p

الغرضون: ما تتخضش يا غرضون! المسألة كلوها لعب عيال بس! :)

حققة ليست خائفاً من الزواج نفسه، لكن من طريقة الاختيار والإجبار التي ظننتها للوهلة الأولى حقيقة! الزواج يحتاج مشورة وحسن اختيار! مو خذوه فغلوه! :)

سعودية: أصلحك الله! :) كان لازم تقرأينه والزوج نايم!! سلامي للزوج العزيز! والهدية أدعي له بالتوفيق! :) وبس!

[سعودية]

حوش اللي وءع منك يا ابني
*
*
*
*
*
*
*
*
*
*
الكرم الحاتمي ....................هذي الهديه وبس:)

[سردال]

قال والله يزوجونه ولا يهكون عليه


شو معنى يهكون هليه؟! :) هذي الكلمة غريبة واستحيت أسألك قبل :)

[نجمة المساء]

تعيش وتاخذ مقلب غيره

[سردال]

نجمة! ما دام الوالد موجود راح أخذ غيره! :) هذا الوالد يحب المقالب! :)

[ساهر1]

:)