مدردش .. يطلب النجدة

[مدردش متقاعد]

الجمعة الجاية أول امتحان لي .. و يوم السبت لازم أطلع من البيت الي أنا ساكن فيه.. لأن عقد البيت 3 شهور بس..بينتهي على السبت:(

يعني أدرس و لا أرتب غراضي و أنتقل؟

.. حالتي يرثى لها يا ناس.:(


حد عنده بيت للإيجار.. بس من الحين أقولكم.. أنا ما بدفع أكثر من 100 درهم في الشهر.. و البيت لازم يكون طابقين.. مب حيا الله بيت.. و ايا المطبخ عود علشان أطبخ على راحتي.. و حجر النوم سوبر ديلوكس.. و وورق جدران حلوة.... و فيها تلفزيون و ثلاجة و غسالة.. و ياليت لو تكون مفروشة بالكامل :p



عموما أي حد يبا يأجر بيته.. يتصل بي السكرتير سردال.. يحط اسمه و عنوان البيت:)


تحياتي

[بردان]

الله ياخذ بليسك تخ مدردش

والله في البدايه اندمجت معاك وكنت بوفرلك مسكن زائد عن الحاجه و يشيل ضيوفنا
بس بعدين قلت في خاطري طرار و يتشرط !!!

( الله يعينك اخوي )

[سردال]

أحم أحم! السكرتير يتكلم!

سلمك الله! حاول بكل ما أوتيت من قوة وعقل! (يجب أن تقترن القوة بالعقل، وإلا صارت حماقة، الله يجيرنا! :))

حاول أن تنظم نفسك! فأنت الآن في حالة طوارئ!! :) ما أدري كيف راح أساعدك! بس نصيحة

جيب دفتر صغير واكتب عليه كل الملاحظات، ولا تحاول تخزن كل شيء في مخك! وراح تستفيد من هذه الطريقة حق ما تعقد نفسك! :cool:

[الأسيره]

يدي اكيد انت مب صاحي (ليت الشباب يعود يوما فيعلم بما فعل المشيب )و الله حاله بيت ب 100 درهم اكيد غلطه مطبعيه و نسيت الاربع اصفار عادي عادي وين النظاره عنك ما عليه انا صلحت الغلطه (يدي يبا بيت ب (100000)

[مدردش متقاعد]

و الله صدق ابا بيت.. بس مب في البلاد.. ابا هني في بلاد الفرنجة:)

شوف حد من معارفك الانجليز... يمكن بيا يأجر.. أنا فاضي أستأجر بيت خالي و ايلس أثث فيه و أنا ما بجالي غير 5 شهور؟:)


يالله.. الي يحصل له جايزة:)



تحياتي

[بردان]

ياخوي يا مدردش

انا في بلاي بيت دخوله سهل

بس الاقامه فيه جبريه لا وازيدك من الشعر بيت راح توفر المئة درهم بعد !!! يعني الجائزه جائزتين :)

[مدردش متقاعد]

ياخي تلعوزت و الله..
اليوم سرت أشوف بيت أنا و ربيعي. ماشاء الله عليه.. فنان ماعليه كلام.. طابقين و فيه موقف للسيارة و قراج و حديقة و منطقة حلوة.. و أثاث حلو و محترم... بس في عيب واحد.. على قول ربيعي (عيب شرعي:)) الحمام و إنت بكرامة مافيه دش... يعني يبالك تاخذ حمام (باث)و نص ساعة لين ما ينترس البانيو:)

تخيل يوم بنسير الدوام الصبح؟؟ يبالنا طابور:)

يالله شد حيلك و دور لنا علي بيت:(

تحياتي

[نجمة المساء]

ادرس احسن لك

[مدردش متقاعد]

أقولك ابا بيت هني
مب في البلاد:)

عندك و لا لا؟