قصائد مختارة(ملتي سستم -جميع الانظمة)

[الدكتور ريان]

اهلا .....جميعا
ربما تمر على الانسان مجموعة من القصائد من فترة لفترة يسمع بعضها ويحفظ الاخر ......لكن ان يظل فترة يرددها ويتذكرها هذا ..مافعلته هذة القصائد معي .وربما من قرأة القصائد تقدر تحديد نمط الشخص او طبيعته او شخصيته ..؟؟؟؟؟




إستكثرك وقتي علي وغدى بك

عادة زماني كل ما طاب هون

ليت الذي وداك يا زين جابك

تشوف عقبك كيف الأيام سوّن

شرق مشيت وغرب وقتي مشى بك

والقلب ماله لايم فيك لوّن

طويتني طي الورق في كتابه

حتى معاليق الحشى لك تطوّن

إشتقت لأيام الهوى في جنابك

يوم الشموع بليل الأحباب ضوّن

وإشتقت أقول لهاجسك مرحبابك

وإشتقت لغيوم الصحاري لتتكون

عود ترى داعي الهوى عند بابك

وإروي القلوب اللي بعد ما تروّن

غنيت لك عمري ولا جا جوابك

وإسمي مع مجنون ليلى تدوّن


#وايضا قصيدة



نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني

أنا حروفي في غيابك
لا هي حكي ولا هي قصيد
أكتب الظلمة وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم شكثرها.. ياللي بقلبي كثرها
ونام .. القمر بوسادتك نام
ليتك تغير عادتك
خل القمر ليلة.. يسهر معي ليلة

أنا حروفي في غيابك
لا هي حكي ولا هي قصيد
أكتب الظلمة وأعيد
وأنت يالفجر البعيد.. نامت عيونك

يا ساحر البسمة .. أساهرك نجمة
أبسمعك كلمة .. حتى و لو كلمة
قم نادني .. يالله عسى تحتاجني
إن زاد ظلمك ما عدلت
وإن مر ليلي ما سألت

أنا حروفي في غيابك
لا هي حكي ولا هي قصيد
أكتب الظلمة وأعيد
وأنت يالفجر البعيد.. نامت عيونك



# وقصيدة البرواز
البرواز

قلتيلي انسى

ومن يومها وانا كل ليلة..قدامي البرواز

حبر العيون ودمع القلم.. في دفتري

وصورتك..رغم الألم..ورغم انها خذت من اطباعك كثير

وخانت البرواز..اشوفها في خاطري

حبيبتي مابيدي حيلة

لاصرتي الصورة..وعيوني البرواز

وشلون ابنسى

اتعبتي الصوره مشاوير

وتعبت انا بلقى لغدرك معاذير

وصورتك اللي سجنت بروازها طول السنين..

كانت جسد وبروازها الروح

ويوم انزعت منها الجسد..تجرحت اطرافها

وبجروحها راحت لمين؟

لبروازها الثاني!!

مسكين..بيسجنك ويبقى سجين

مسكين

تشبهلك اقداره..خانته

وصورتك يجي يوم وتخونه

حبيبتي..أو للأسف حبيبته

لاصرتي الصورة..وجفونه البرواز

وشلون ينسى

حبيبتي لجل أنسى جرحك واستريح..ببكي

وبعد البكى ..ببكي

وأكيد في لحظة بتجي..وبيجف دمعي

وعندها صورتك اللي في عيوني

بتموت من ظلم العطش..

بروازها بيصبح نعش

وبتمرني الدمعة الأخيرة ...تاخذ معاها صورتك وطيح

وكني بالمسافة تطول مابين عيني..ودمعتي..وخدي

وكني بقلبي الحاير المسكين

نبضه يقول لا تودع الفرقى الدمع مايرقى

وعندها لانزلت الدمعة لمثواها الأخير

وفارقت وجهي

بغمض عيوني..واكسر البرواز


# وقصيدة فقير
فقير

فقير وعندي المال الكثير

فقير وملبسي غالي حرير

وياصاحبي الحافي الفقير

ابنشدك ابسئلك وشهو الحصير

وابسئلك وشلون انا امر وانهي

واذا حكيت قبل انتهي من كلمتي

يقاللي سم ويصير

ولاشكيت من غفلتي طول زمنها

يقاللي لاتشتكي ماخلقت الشكوى لأمير

وابسئلك وشلون انا مع كل ذا

!!!اقول عن نفسي فقير؟؟؟

ياصاحبي لاصار لضحكه ثمن

وصارو اصحابي كثيربس بثمن

والوفاء مابه وفاء الا بثمن

ابسئلك ماني فقير ؟؟؟

ولاصارت اقوالي حكم

ولاقالها غيري غدت .. حكي قديم

ابسئلك ماني فقير؟؟

ولاصرت انا مانيب انا

ولاغلطت قالو صحيح وكل شي اعمله يصبح عظيم

ابسئلك ياصاحبي ماني فقير؟

وياصاحبي ابنشدك لمن جفتني دنيتي

وابتدا الدرب الطويل الى ابد ماينتهي

وانتهي العز القديم وماكنت اظنه ينتهي

والموت بدد فرحتي .. وحطوني في قبر صغير

وحزنو علي وبكو هلي وناس من ربعي قليل

وارتاح من وجهي كثير

وبقيت وحدي في حيرتي مابه احد

لاطال عمرك ولاتحت امرك

ماغير انا وخوف ولحد وحساب قدامي عسير

وقتها ذكرت اني من زمان

يوم انه امهلني الزمان

هذا ظلمت هذا جرحت ياما كذبت

وذنوبي ماتحصي كثير

وقتها الا ندمت ونفسي كرهت

عرفت ان الله كبير وان الهلاك اصبح اكيد

واني انا مالي رجاء..ولاهروب من الدجاء

من الجحيم الا بأمل عندي وحيد

ان الله غفار ورحيم

ابسئلك ياصاحبي عني في وقتها

ماني فقير؟؟؟

#وقصيدة اسمحيلي يالغرام

http://www.alshamsi.net/sh3r3/aseer/esma7ele.html

# وقصيدة على البال
http://www.alshamsi.net/sh3r3/aseer/3alalabal.html

# واجمل قصائد الغزل (تفنن )
http://www.alshamsi.net/sh3r3/aseer/tfanan.html

# وقصيدة من يقول الزين (افضل مافي الغزل )
http://www.alshamsi.net/sh3r3/faisal/mn_yqool.html


# ومن اجمل ماقال خالد المريخي (جيت احس بلي راح )

http://www.alshamsi.net/sh3r3/faisal/mn_yqool.html

# وايضا
http://www.alshamsi.net/sh3r3/khaled/mabyan_b3ink.html


واعتذر عن التطويل

[الدكتور ريان]

و هناللك مجموعة قصائد رومانسية جدا




حسبت اشواقنا غابت وأثاري الشوق تو ما فاق

وأثاري بقلبي الساهي حنين لك بعد باقي

أنا ما كنت أحسب أن القلوب الساهية تشتاق

ولكنت أحسبك في يوم تجي وتحرك اشواقي

سهيت بصفحة كتابي لقيتك بأول الأوراق

أنا لاهي مع كتابي لقيتك كلك أوراقي

ألا يا حبي الأول ألا يا غايتي مشتاق

هقيتك مانت في قلبي وأثرك داخل أعماقي

من أشواقي أهلي بك حياتي والغلا سراق

نعم لأجلك سهى فكري حياتي وكنت لي باقي

أهلي بك من الفرحة أهلي بك من الأعماق

حسبتك ما انت لي باقي وأثرك مالك اشواقي

# وايضا
تدري أنا وياك قصتنا مثل شمس وقمر
من أول الوقت حتى آخره ما ينتهون
كل يدور صاحبه
حكم القدر تشرق تبيه يغرب يبيها
وفي السما يتخالفون


تدري أنا ماعاد أظن إن لي معك قسمة
ويا عزتي كل القدر هو نده هو خصمه
قاوم هبوب العاصفة وهدته نسمة
نسمة رقيقة ظالمة ما بقلبها رحمة
يا من عرفني الليل واقف على بابه
لأصرخ وأهد الليل ما أتحمل غيابه


آه يا حبيبي للأسف ما بيدنا حيلة
هذا نصيب قلوبنا ويا علها خيرة
كل شي حبيبي بينتهي وحبنا خالد
صفحة تشع من البياض الله بها شاهد
# وايضا
بالعون ماني عقبهم مرتاح

مدري شسوي ضاعت أفكاري

هم عودوا قلبي على الأفراح

واليوم مالي عندهم طاري

ما هقوتي يرجع زمان راح

يوم الهوى في قلوبنا دارِ

ياليت هم بالحشى ينزاح

ويرجع عشير باع تذكاري

أنا أشهد أنك يا هوى فضاح

ولعت قلبي وبحت بأسراري


# وايضا
صدق ضني و زرتيني بعد ما طول غيابك

بعد ما هانت أيامي على عمرك ذكرتيني

بعد ما أنكرك وقتك عرفتي قيمة أحبابك

بعد ما أستيقظ إحساسك وتفكيرك فقدتيني

بعد ما تاهت دروبك وكحّل حزنك أهدابك

بعد خذلانك إحساسي بدمعاتي بكيتيني

بعد ما ضاعت أحلامك وضاع الشوق بأسبابك

بعد ما حطمك يأسك بعد ياسك رجيتيني

تحسبيني على خُبْرِك أموت وأحيا بك

أنا لو ما نسيت الود ما أنسى إنك خذلتيني

وكيف يسامحك جرح السنين ورحلة عذابك

خسرتي كل شي أدري ومع هذا خسرتيني
# وايضا


غرك كلام الناس عني وتخليت

والا انت ما صدقت تسمع اشاعة

مثلك يسامح اذا بحقه اخطيت

عمر الشجر ما ينكر جذور قاعة




أنا مو ولهان أنا دنيا من الوله محتاجك أبيك

أنا مو تعبان أنا دنيا من التعب راحتها بيديك

وأنا ناقص حب ثاني انجرح منه واعاني

الله يرضى لي عليك




بلا سبب تزعل وتجرح بالكلام

تقلب الدنيا على راسي وتروح

لا معاك ينفع عتاب ولا ملام

وين اسافر عن عذابي وين اروح

انت والدنيا يا قلبي علي

انت غير الناس عندي وكل شي




من يقول القلب بغيرك سلى

يعلم الله مالك بقلبي شريك

لا تخاف الناس وعيون الملا

كان خايف لا تجي أجيك

اهجر الدنيا واخليها عشانك

منهو يستاهل لأجل ياخذ مكان

# وايضا


خمس الحواس يسائلني

عنك وقلبي فيه جرحين

جرح التجافي والتجني

وجرح سكن في قلبي سنين


كلما نسيت يذكرني

الشم والتفكير والعين

واحساس قلبي لك يعني

ويحير دمي في الشرايين


ان كان قصدك تمتحني

اترى حياتي بين قوسين

صنت الليالي وغدرني

والحين وين انت وانا وين

وايضا
مختلف، ما احد مثلك.. ولا بعدك ولا قبلك
حبيبي يكفي ما اتحمل.. تراك اخجلتني بوصلك
علشاني و من شاني.. تخبي الجرح وتعاني
ولا فكرت في نفسك ولا فكرت تنساني
حبيبي.. حبيبي.. حبيبي

حبيبي جيت بأشكيلك تجيني.. أو انا أجيلك
انا مابي نهار الناس.. انا مجنونة في ليلك
انا قلبك انا ذاتك.. انا اصدق كلمة في شفاتك
انا وان كنت ما تدري.. احبك موت وحياتك
حبيبي.. حبيبي.. حبيبي

حياتي والفرح دربك.. و فيني كل شي حبك
ترى دمعك يعذبني.. سلامة عينك وقلبك
حرام أعيش من دونك.. وقلبي صار مفتونك
عساني ما انحرم منك.. وعساني فدوة لعيونك
حبيبي.. حبيبي.. حبيبي

# وايضا
يبان الشوق في عين المعذب

ويبقى الدمع تذكار الأحبة

أنا أتعب أنا بالحيل أتعب

ولا قالوا تحبه قلت أحبه

على العشاق ما في شي أصعب

من فراق الأحبة للأحبة

بقلبي الهم والهوجاس يلعب

واتعذب ولكني أحبه

ولا به شي في هالكون أعذب

من عناق الأحبة للأحبة

فؤاد الصب أعند شي واصلب

من الياس القوي لا قال أحبه