View Full Version : منو سهران عالخط الحين ؟؟؟؟؟ ===>> تراني في مشكلة فعلية #
أنا الحين في غرفة المكتب ...
قربنا عالفجر ... ماشي باقي ... :(
أسمع صوت حد يمشي برع في الصالة ...
و تذكرت شي ... !
أنا كل يوم أقفل باب الصالة ... و اليوم كلهم راقدين
من وقت ... و نسيت أقفل البيبان :(:(:(
الباب اللي الورا و اللي قدام ...
نسيت أقفلهم :(
لأني جاية من حفلة مدرسات و تعبانة و ما حسيت :(
===>> يمكن حد دخل داخل بيتنا ... :(
احتمال يكون حرامي ... :(
لأن كلهم راقدين ...
والله اني خايفة حيل ... و الله العالم بحالتي ...
.. كيف نسيت أقفل البيبان ... :( .. الحين
أخاف هذا حرامي ... :(
لين الحين اسمع الأصوات
أصوات خطوات حريصة ... بسم الله ... :(
اصوات خطوات مترصدة ...
أول ما سمعت الأصوات قفلت باب غرفة المكتب على عمري ..
بعد ما ندهت : " منو هنيييييه .. ؟ " و محد رد علي ...
قفلت الباب على عمري ...
ألحين أنا خايفة فعلا ... :(
و مب عارفة شو اسوي ,,, ؟
لين متى بتم محبوسه في المكتب ؟
و شو بيسلمني من لسان امي و أبويه لو كان هذا حرامي ...
بيطيح اللوم على راسي ... :(
شو أسوي ؟
اسعفوني ...... :(
توتوة الخوافة :(
نجمة المساء
26-03-2001, 05:15 AM
ماكو الا العافيه
الدكتور ريان
26-03-2001, 05:20 AM
صباح الخير ...
سمي بالله واقرئي اية الكرسي ...واقرئي المعوذات ...وهذا كله راح يزول ....ذكرتيني بمرة كانت عندنا رحلة لمنطقة صناعية واعطونا بيت كبير انا ومجموعة من الزملاء وكان عندنا العديد من الغرف فهم نامو تحت وانا نمت بروحي في الدور العلوي ..وجالس اقرأ كتب الساعة الثالثة صباحا واشوي والا واسمع ضحك وخطوات على الرخام خارج غرفتي فتحت الباب وتتبعت الصوت (قلبي قاسي شوي )الى ان وصلت لغرفة كبيرة فيها صورة عيون قفلت على الصورة وقرأت اية الكرسي ورجعت للقرأة ....اليوم الثاني قالو اصحابي انهم سمعو صوت ضحكات عالية فوق بجانب غرفتي ...استغربت ولم اخبرهم بالاصوات ....ثاني يوم باليل قرأت القرأن بغرفتي وحاولت اقرأ شوي من الكتب ومافي الاضحكات عند الباب وصوت اطفال ..فتحت الباب لم ارى شيئا ...في الاخير صرت ازعق على منطقة الرخام هذة واقول " وبعدين واخرتها مااعرف اقرأ كتاب يعني والله لو سمعت احد انه مايصير طيب وراح اقرأ القرأن بكل الغرف "بعد شوي طلعو اصحابي على صراخي ..قلتلهم عادي فأصرو الا ينامون معي ..المهم نمت معهم ..وعلى اذان الفجر ..سمعت صوت مياة متدفقة من الحمام الله يكرمك ..جيت اروح للحمام نهناني احد الشباب وقال انه هذة الحركة تصير كل يوم ...بعد انتهاء الرحلة ذهبنا لواحد من المسئولين قالنا ان هذة المنطقة كلها بنيت على قبور ....عسى ماخفتي توتة..
والله .. ثم والله أني اسمع صوت الخطوات ...
أخاف انه حرامي يتجول ... :(
أكيد عرف اني في المكتب ...
يا ويلي .. يا ويلي
ادعي لي يا نجمة :(
توتوة :(
:(
:(
:(
دكتور ... خوفتني زيادة يا دكتور ... يعني كأنك تلمح
أنه احتمال يكون جني :(
يا للمصيبة :(
تصدق ... !
بعد لو حرامي أشوى ... :(
انا من زياغي قمت أخربط ... أحاول اركز في قراية
الآيات ... :( ... و كلامك صحيح ... ماشي يخفف على
المسلم غير القرآن الكريم ...
لكن بعدني أحس ان هذا حرامي ... :(
شو أسوي ... ؟
أخاف أطلع يذبحني :(
صدق خايفة ... مب عارفه شو أسوي .... :(
توتوة :(
أحبها
26-03-2001, 05:34 AM
توته الحلوة 1980 ...
ياشيخة تراني بديت أخاف مثلك .. ياأنت بسوالفك هذي تخرعي ..
اتصدقين .. قطتنا الآليفة .. إنقزت في المطبخة .. وطيحت الصحون .. فانخرشت حسبته الحرامي اللي كان عندكم يا (توته)
ويوم قمت شفت العالم رقود .. قلت أحسن لي أروح أنام .. وراي بكرة .. دوام .. والله يعينا على قومت الصبح ..
وترى االأعضاء نايمين يا توتة ..
.................... ( أحبها ) .... بجنون
.................... ( أحبها ) ... نعسان وده ينام
نجمة المساء
26-03-2001, 05:34 AM
اقري سوره الكرسي والمعوذات وان شاء الله ماكو
الدكتور ريان
26-03-2001, 05:40 AM
هذو كلها ..اوهام .....وان اسف ان خوفتك .
بس كوني منطقية من هذا الحرامي الي بيجي بأخر اليل وبهذا البرد على شان يسرق توتة او بيتهم ....مايصير ..هذة كله اوهام ..الحين لو حرام وش يعرفه انك بغرفة المكتب ...اعطيكي حل يطمنك افتحي جميع انوار المنزل والمكتب وحاولي ترفعي صوتك وانتي تقرئي الايات ..وحاولي انك تتحركين تروحين الغرفة تطلعين الصالة لاتجلسين بمكان واحد ....لانه بطبيعة الحرامي ان يكون جبان ...وانا متأكد انه الموضوع راح يطلع يالاخير قطة صغيرة تمشي بين الغرف ....بس صدقني لازم تقرأئي الايات لانها راح تحسسك بالامان وفكري بأي شيء ثاني او اقرائي كتاب او فكري بنكت تضحك او اكتب كلمات .....لازم تشغلين نفسك ولا تجيك افكار مخيفة ..يلا خليكي قوية توتة ...
:(
ما كان قصدي أخوفك ...
لكن شو أسوي ...
طايحة في مصيبة ...
وودي حد يخفف خوفي
و يشجعني أطلع برع و أتأكد من السالفة
:( مع انها تكاد تكون واضحة ... :(
و الله اني اسمع الخطوات مرة ثانية
:( كان الله في العون
المشكلة خطوات .. مب تكسير صحون ...
اهئ اهئ اهئ اهئ اها ئها هئااههئهئهههاهاههاهائهئئئئ
:(:(:(:(:(:(:(:(
متى بتعدي عالليلة السودا ؟
توتوة :)
اهئ اهئ اهئ اه ئاها ئها ائه ائهئ
:(
ياربي ...
ياليتني قفلت البيبان .... :(
شو هالخطوات اللي برع :(
في حد جالس يذرع البيت .....
اهئ اهئ اهئ اهئ اهئ اهئ اهئ
بستمر في القراية ...
توتوة :(
:(
ما عرف كيف ...
لكن بحاول ...
بس يا دكتور ما اظن تطلع قطوة ..
لأن الخطوات ثقيلة وواضحة و متأنيه ...
خطوات القطاو أعرف صوتها ...
:( هذا يجول في البيت .....
و غرفة المكتب الوحيد اللي فيها نور ... :(
الله يعين :(
بحاول أقوي قلبي ....
-----> يعني ما بيقتلني ؟
:(
توتوة :(
الدكتور ريان
26-03-2001, 06:10 AM
اهلا ...
تخيل نفسك مكان هذا الحرامي ..تلاقيه مسكين خايف اكثر منك ..هذا طبعا لو كان له وجود ...لالا صدقني مافي حرامي واثق من نفسه يجلس ساعات كاملة في بيت لو عندك تلفزيون بالمكتب او راديو او مسجل ..شغليه وعادي روحي الى المطبخ بكل ثقة ...
وقولي هذة الكلمات في نفسك ..
اصلا انا توتة مااخاف من اي شيء انا قوية وواثقة من نفسي هذة مجرد اصوات شجر او هواء ...اصلا انا مؤمنة بالقدر ومراح يصيبني الا ماكتبه الله لي وايش بيصير يعني ...ولاشيء...
وقومي روحي للمطبخ واطلعين الدرج وروحي المطبخ وسوي عصير عادي .....تصدقين انه احيانا في اخر اليل اروح المطبخ والنور غير مضاء واعتمد على اضأة الشارع او القمر لانه عادي انا حافظ كل شبر في شقتي ولاويجد شيء ينخاف منه ...والامور مقدرة قبل لااجي على هذة الدنيا...لاتخافين مايصير لك شيء خارج عن قدرتك ..والله عز وجل رحيم فينا يلايلا خرجي الخوف الي بقلبك انتي كبيرة على هذا الخوف..
جرح السنين
26-03-2001, 06:12 AM
^1
خطييييييييييييييرة انتي :( حرامي مرة وحدة :)
بس الحمدلله انها طلعت مشكلة فعلية ما هي مشكلة اسمية :)
الظاهر انهم قطاورة و فيران قاعدين يتهاوشون مثل الل بالصور
http://www.moveed.8k.com/images/java/hhh/bbb.gif
لا تخافين انتي :(
افا تبي تشمتين الملاقيف فينا :( انتي الشعنونة :)تخوفون بلد و ما تخافين :)
ها بشري شنو طلعوا قطاوة مثل ما توقعت :):(
:(
ألحين أحس اني تشجعت أكثر ...
أنا توتة الشجاعة ...
ماله داعي أخاف كل هالخوف ... :(
بطلع كأنه العيد ....
حتى لو في حرامي بيخاف و بينفذ بجلده ...
كلامك منطقي يا دكتور ....
جزاك الله الف خير مقدما لتشجيعي ....
و الحين أنا طالعة ...
أدعي لي يا دكتور ,,,,,
توتوة :(:)
:(
بروح أجرب حظي ....
تخيلي أشمت الملاقيف فينا .... !
لالالا هزلت ... ما أرضاها ... :(
أنا الحين طالعة ...
و بعون الله أوصل الحجرة سالمة ...
و بصلي الفجر ...
و بوافيج بأخباري ...
توتة + جرح السنين = على قلب واحد ....
توكلت على الله .....
توتة :(
الدكتور ريان
26-03-2001, 06:53 AM
ولا تفكرين بأي شيء ....
واصلا اذا سمعتي الاذان بيروح كل الخوف ...لانه كل الشياطين والظنون السيئة بتختفي ...وانتي توتة القوية ..مااحد يخوفك ابدا ...لانك شجاعة ...ويلا اطلعي خارج المكتب ...وبعدين في سؤال مهم ؟؟؟؟؟؟ايش معنى كلمة شعنونة انا سألت كل الي بسوالف قالو لي اسأل توتة ....هي وكيلة الشعانين!!! ويش معناها توتة ..قولي لي ؟؟؟
جرح السنين
26-03-2001, 07:04 AM
http://www.moveed.8k.com/images/java/misc/Planban.gif
اخيرا رجعتي :) خوفتينا عليكي يوم تاخرتي بالرد :(
قلت لا يكون طاعتني و طلع حرامي و ... :(:(
بس الحمدلله رجعتي يالغالية :)
توتة = شبوحة = جرح = friends and sisters for ever
بلا يالغالية ناطرينك تجيبين الاخبار السنعة :):)
بسرررررررررررعة :) و لا تطولين :(
فتحت باب المكتب ...
طاح صندوق السيديهات طيحة معتبرة ... :(
خليته يولي و طلعت ...
ولعت ليت الممر اللي يربط المكتب بغرفة الطعام ...
و في النص باب يودي الصالة ...
الصالة مفتوحة على مصراعيها.... !!!
سرت الغرف ... غرفة الوالد الوحيدة المفتوحة و باقي
الغرف مقفولة ... !
دقيت على اختي الباب ... ( كانت قافلتنه بالغلط ) و
دخلت و صليت الفجر ...
و لين ألحين ما اعرف اذا في حد فعلا دخل الصالة أو لا
... أنا بسأل الجميع ... يمكن حد مشى في الصالة في
هذا الوقت المتأخر ... !
أهم شي ...
اني ما شفت رقعة ويهه ... :)
تخيل يا دكتور ...
يمكن يوم سمع القرقعة شرد ...؟ :)
هههههههههههههههه
بصراحة بشوف السالفة اليوم ...
توتوة :)
:)
الحمد لله .. ما مت ؟؟؟
بعدني حية أرزق ..... :)
و لين ألحين ما اعرف منو اللي كان في الصالة :(
بشوف الوالد و اخوية ...
تصدقين
يمكن حرامي بس شرد يوم سمع القرقعة ... !
و مشكورة حبيبتي على السؤال عن الحال ....
يا كيف تنشد عن احوالي ؟
و انته عليم عن الحالة .... ههههههههههههههههههه
الحمد لله ...
أزمة و عدت ....
و الله يديم التواصل ...:):)
خففتوا وايد من حدة خوفي ...
و هذا شي طيب ...
جزاكم الله خير ..... :):)
توتوة :)
شبوحة
26-03-2001, 11:40 AM
توتة الشعنونةفى مشكلة وانا نايمة اشخر شو هالحالة:(
ياريت حد فزعنى من نومى علشان اقوم واشوف شو السالفة
بسم الله عليك اكيد ضحكتى وايد فى الحفلة وبعدين ظهر عليك هذاكلة
ترى احنا ماعندنا بنات تخاف(لاتصدقين ترى انا اكبر خوافة):(
يارب ان شاء الله تكون الاخبار على مايرام(ترى هاى عين حد من الملاقيف طلعت فيك)
________
تحياتى لحبوبتى جرح السنين
اللى هدت من روع توتوووووة
(((شبوحة تغلى جرح+ توتة حيل حيل))
سردال
26-03-2001, 11:48 AM
توتة....! الله يعينك! كل هذا الخوف؟! يا حليلك والله ما تستاهلين :) لكن أكيد السالفة إما خيال أو قطوة أو واحد من إخوانك أو الوالد، السالفة صدقيني ما تستاهل كل هذا الخوف :)
شوفي بيتنا، 10 سنوات ما سكرنا الباب الكبير، و10 سنوات ما نسكر البيبان الداخلية :)، ولا دخل علينا حرامي ولا غيره، كله خيالات يا توتة، بس أنتي اتبعي هذه الخطوات لتحصلي على طبخة ألذ ألذ...! أوه :p
- لا تسهرين! يا ويلك إن سهرتي بعد اليوم، راح أجيكم البيت أخوفك :)
- اذكري الله، واقرأ بعد كل صلاة آية الكرسي والمعوذتين مرة واحد إلا بعد صلاة الفجر والمغرب ثلاث مرات.
- كوني واثقة أن الجن خوافين :) والحرامية أكثر خوفاً منهم :)
Huda76
26-03-2001, 12:20 PM
هلا والله توتة الحلوة :)
حقيقي والله حسيت بخوفك :) :)
لأني أحيانا اذا أسهر على النت وكل أهلى نايمين أستوحش اني أكون صاحية لحالي وأسمع أصوات بره بيتنا بس كأن الأصوات تكون في حجرتي .. وأقعد طووووووووووول الوقت أصرح بخوفي للي معاي عالماسنجر ههههههههههه ..
بس الواحد يتعوذ من الشيطان ويذكر الله وان شاء الله كل هالأشياء تزول :)
تحياتي لك
أكيد يا شبوحة هذي عين ما صلت على النبي ... :(
تعرفين ...
الحفلة كانت روعة ... و انا كنت سعيدة .. و قايزه
بجائزة حلوة ...
يا فرحة ما تمت .... :(
سألت الوالد ....
و قال : أنا بعد سمعت أصوات :( في نفس الوقت اللي انا
سمعت فيه أصوات .....
---> يعني ما كانت أوهام ... :(
شفتي يا شبحبح ...
لا تخليني بروحي يا بنت خالتي ... و تتركيني في
مهب الريح ...
توتوة :(
جرح السنين
26-03-2001, 08:09 PM
^1
توتة للحين خايفة .. :(:(:(
يا شماتة الملاقيف فينا :)
فشلتيينا توتوة الحين يقولون الشعنونة خايفة :(:(
يمكن انه فار تحت الكرسي اللي قاعدة انتي عليه الحين :):)
http://www.moveed.8k.com/images/java/hhh/b1.gif
هههههههههههههههههههههههههههه :)
يوم قت للفار هو اللي خاف من الشعنونة كايداهم و فارساهم :)
انتي تخوفين بلد مو تخافين :):) لحوووووووووووووووووول :) شنو الحل :)
شبحبح >> اهلن شعنونة الحين شفتي شلون توتة تبي تفشلنا :(
بس يارب محد من الملاقيف يشوف الموضوع :):) و الا نروح فيها :(
الحل سهل جدا جدا
لو انتي طلعتي في الصالة والحرامي شافك
واللهي يبتحسف ان دخل البيت وشافك
لول لول لول
وتحياتي
جرح السنين
26-03-2001, 09:30 PM
فشلتينا توتة :(:(:(
هذا واحد منهم دخل و شافج و انتي خايفة :(
فضحتينا :(
وينك يا شبوحة وينك تشوفين توتة شنو سوت فينا :(
شمتتهم فينا :(:( وين نودي وجهنا :(:(
لا تفرح يا جاسم :( هذي توتة قبضت على الحرامي و ودته الشرطة بنفسها :9 بعد مطاردات خطيرة مثل الافلام الاكشن :):)
لا تفرحوووووووون و تشمتون :(:)
http://www.moveed.8k.com/images/java/hhh/b16.gif
لا تفرح يا جاسم حيل .. :( .. هذي توتة ويانا احنا اللي كايدينهم و فارسينهم :)
>>> الحقينا يا شبحبح :)
10 سنين ما تسكرون البيبان ...؟؟؟
يا خرااااااااااااااااااااشي ؟؟؟؟ :(:(:(
صدقني سألت الوالد ... ما طلع هوه لأنه هو بعد
سمع نفس الأصوات .... :(
النقاط اللي قلتها مفيدة .. جزاك الله الف خير عليها
:) لكن متى بتجي تخوفني ... :):(
توتوة :)
:):)
علشان نخوف بعض طول الليل ...
:(:(
بصير لك فرعون بدال ما اكون عون :):(
توتوة :)
فشييييييييييييلة .... !
أنا قبض علي بالجرم المشهود ...
و دخل أول الشعانين جسوم :(
و الله يستر ما يدخل غيره ..... :(
والله صدقتي يا جروووووحة ....
يا شماتة الملاقيف فينا ...
لكن أنا اقول لهم :
بخ عليكو
بخ عليكو
ما جت رجليكو
ما جت رجليكو
بخ
بخ
بخ
لكل ملقوف يتعدى على توتوة :)
توتة + جرح = القضاء على الملاقيف مهمتنا :):)
ما عليج يا جرح .. أنا توتة الشجاعة
يا جبل ما يهزك ريح ... :)
توتوة :)
مرة ثانية اذا جا الحرامي براويه صورتك
و بتلقاه اختفى
لوووووووووووووووووووول :)
توتوة :)
شو أخبار الطرائف يا جاسم ؟ :)