View Full Version : عندي مشكلة ردووووا علي رجاااءً ........
عندي صديقتين متهاوشين وكل وحده تقول عن الثانية كلام .....
وانا ابغى اصلح بينهم بس ما اعرف كيف ؟ مع اني كم مرة رجعتهم
لبعض ..وكل شوي يتهاوشون :(:(
ابغى حل يكون معقول ...... وشكرا لكم .....
وآسفة على الإطالة ......
اختكم :
الفارس الحالم
26-03-2001, 05:47 PM
الحل بسيط :) لا تحاتين وايد لأنه أي شخص يحاول يصلح بين متخاصمين الله يكون وياه وإن شاء الله يوفقج في هذه الصلح ...
شوفى أختى:)
إجمعى هذيل الصديقتين وي بعض في نفس الوقت ..وانت كونى موجوده وايهم ...( في حالة الطوارئ القصوي :) )
وخله كل وحده فيهم تتكلم وي الثانية طلع اللى في قلبها من ناحيتها كله ...كل شئ تكون متضايقه منه الثانية اتسوي لها ...بعد هذه بيتفاهمون لأنه كل وحده فيهم بتعرف غلطتها و بتحاول ما تكررها مرة ثانية ..لأنه لولا أنه في من بينهم حب و مودة لبعض ما كانوا رجعوا بيعض أبدا :)
بالتوفيق إن شاء الله *_____*
أخوج
الفارس الحالــــــــــــــــــم
الدكتور ريان
26-03-2001, 05:52 PM
مساء الخير ...
ويسعد اوقاتك بكل خير ...
جزاك الله خير تحاولين الصلح بين صديقاتك ..وهذة ميزة صارت نادرة هاليومين بالناس ..وياريت دائما تخلي الصلح عادة من عاداتك ..لانه نوع من انواع حب الخير والطيبة..
ادلك على طريقة قديمة ..شوي ..والبعض حللها وناس حرموها لكن ماعرف حكمها ...
تروحي لزميلتك الاولى وتكلميها على انفراد بعد ماتهدأتماما.
وتتمدحيها وتمدحي اخلاقها ..ثم تذكري لها انا صديقتك الاخرى (المتهاوشة معاه هذة البنت )ذكرتها ومدحت فيها وانه العالم اخذو كلامها وحرفوه وهي تحبك وتسألي عنك ودائما تجيب سيرتك بالخير وهذة صديقة غالية ومحترمة ..وتبغى تقابلك بكرة في مكان (معين انتي تختارينه مايجون الا هما الاتنين فقط )
وتروحي تجلسين مع الاخرى وتقولين نفس الكلام وتمدحينها وبعدين تقولين انه (الصديقة المتهاوشة معاه )تحبك وتسأل عنك وتحترم ارائك وطلبت تقابلك وتستسمح منك ......
وتروحين معاهم الموعد (الله يعنيك )وتبدأ الكلام بأنهم من افضل الاصدقاء واعقلهم وتبدأ تمدحين فيهم الاثنين وبعدين خلهم يتكلمون ويبوسون راس بعض ..ويستسمحون ..تلاقائيا تلاقيهم رضو عن بعض ورجعو اقوى من الاول .....تسحبين نفسك من بينهم وتخليهم بروحهم .....وبس
وتجي ثاني يوم تلاقيهم يتكلمون عليك ومتهاوشين عليك ههههههه لالا امزح . تجي ثاني يوم تلاقيهم احلى من السمن على العسل ..وتقولي لهم صافي يالبن يقولو لك : حليب ياقشطة.
اهلين الفارس الحالم :)
الثنتين ما يبغون يجتمعون مع بعض ولا يتكلمون مع بعض .....
ارجو ان الصورة وضحت لك
اهلين د.ريان :):)
البنتين كانوا مع بعض صديقات ما في احسن منهم
وحده منهم سربت اخبار الثانية للبنات خارج الفصل :):)
وسوتلها مشكلة :( والثانية ما تبغى تكلمها ابدا ابدا ابدا :(:(
الدكتور ريان
26-03-2001, 06:08 PM
طيب ....بالنسبة الاولى لازم تهدا اعصابها شوي ..وبالنسبة للثانية ...يحتاج لها فكرة ....
حاولي تأخذيها مكان ..ماتتوقعه وفجأة تجيبين الثانية وتخليها تعتذر علشانك وتطلبي من الاولى ..انها تجلس علشان غلاتك انت مو بعشان الثانية وتبدئي الحولر ..واتجنبي نقاط المشاكل القوية وحاولي انك تقريبينهم غصب ..وتقولي لهم انه هذا الشيء راح يضر صداقتك معاهم اذا استمرو ..غامري بس خليهم كم يوم يهدؤا الان .
الفارس الحالم
26-03-2001, 06:10 PM
امممممممممممممم
شو رأيك أنج تحاولين تجمعينهم في مكان بدون ما يعرفون أنه كل وحده بتشوف الثانيه ...؟؟
يعنى اللى ملاحظه أنه علاقتج وي الأثنين ممتازة ما شاء الله وأتوقع أنه أنت الثلاث أصدقاء صحيح :) ؟؟؟ اللى أبغيه منج أنج تواعدين كل وحده منهم في كلاس يكون فاضي ( يفضل ) على أساس أنت اللى تبغين تكلمينهم ...بس ما تعرف أي وحده فيهم انه الثانية بتكون موجوده ....أنت أتأخري عليهم ربع ساعة أكيد هم في هذه الفترة بيحاولون يتكلمونوي بعض و هم ناطرينج ...؟؟؟
جربي هذه الطريقة و إن شاء الله يكون اللى فيه الخير :)
اسير_الصمت
26-03-2001, 06:11 PM
حقيقة هاذي بادرة حلوة من :) فهو ان دل على شي دل على طيبة قلبك :)
حاولي انك تجمعيهك بدون ما تعرف كل وحده منهم انه الثانيه موجوده ... يعني على خوانه :)
وان شاء الله يفتحوا قلوبهم لبعض وحاولي انك تخلي كل وحده فيهم تطلع كل الي في قلبها للثانيه ....
الفضفضه حلوه ...... :)
أخوكي
الدكتور ريان
26-03-2001, 06:12 PM
مساء الخير وعاش من شافك ..ياقمر ...وين الغيبات ولا اشوفك لي مدة...
وفكرتك حلوة بس اخاف انه الثانية لما تشوف الاول تنحاش (تشرد )
مشكورين : الفارس الحلام: صح صديقاتي مرررة :) د. ريان :شكرا على نصيحتك :)
شكرا لكم كلكم وما راح انسى كلامكم هذا :)
وإن شاء الله يرجعون مثل ما كانوا واحسن إن شاء الله :):)
اهلين اسير :):)
مشكووووووور على النصيحة :):):):)
FARES77
27-03-2001, 12:23 PM
صباح الخير
حاولي انك تتهاوشين معهم الاثنين و فهمي كل وحدة ان السبب في هواشك معها الثانية و الا زعليهم بزيادة حتى يتواجهون عشان يتطاقون لا تفرقين بينهم خليهم يتطاقون بالاخير بينصلحون على فكرة اذا عرفتي سبب الخلاف الحقيقي وهو مو بظاهر ديم رايح تعرف / تعرفين تصلحينهم
الفارس الحالم
27-03-2001, 01:05 PM
شو صار وياك ...و وي صديقاتك ..إن شاء الله صار كل شئ على حسب خططنا الجهنمية اللى مفعولها أكيـــــــــــــــــــــــد :)
بشرينا بالأخبار الحلوه ...ولا تنسين حلوان الصلح :)
الفارس الحالم
27-03-2001, 01:06 PM
شو يعنى تقرأ أفكاري كلها ...:)
بس لحسن حظك غلبك الفارس الحالم و قال لها عن الوصفة :)