دردشـــــات كــــرتـــونــيــــــــة!!

[مدردش متقاعد]

مرحلة الطفولة هي من أجمل مراحل حياة الإنسان و مليئة بالذكريات الحلوة و البريئة الي ما نقدر ننساها:)

ما أعتقد في حد منا ما كان يتفرج على الرسوم المتحركة و الأفلام الكرتونية.. و يمكن بعضكم كان من المدمنين عليها:)
من الي ما يعرف غريندايزر ...و جونكر... و توم جيري... و رعد العملاق. و فلونة .. و الحوت الأبيض.. و هايدي.. و جزيرة الكنز.. و السنافر.. و سندباد....الشناكل.... بومبو... الكاتبن ماجد...المفتش و حيد....وعدنان و لينا و عبسي ... و الفرسان الثلاثة...توم سوير.... (بس تعبت .. الباقي عليكم):)

صحيح إنها كلها رسوم مدبلجة.. و معظمها ياباني لكن كنا نتابعها:)

فخطر على بالي سؤالين:)

شو هو المسلسلات الكرتونيةالي الي تحبونها و كنتوا تتابعونها و ما تملون من مشاهدتها:)

و بالمقابل

أكثر مسلسل كرتوني أو برنامج أطفال تكرهونه و ما تستسيغونه أو مثل ما نقول (يبط الجبد:))



http://www.harrythecat.com/graphics/k/smurf2.gif


ببدا بنفسي:)

أنا كنت أحب أموت في شي اسمه (سوزوكي).. بس للأسف منعوه.. ما أدري شو سوا:( و بعد كنت أحب أشوف الرجل الحديدي... تعجبني الداينوصرات الي فيه:).. و يوم كبرت شوي. كنت أشوف الكابتن ماجد.. بس يطلع الضغط.. يشوت الكورة في حلقة.. و توصل الهدف الحلقة الثانية:)
ووقت التقاعد الحالي.. اشوف البوكيمون ههه:)

أما أكثر برنامج أطفال كنت ما أحبه و لا أواطنه كان برنامج(افتح يا سمسم) :(
على طول الضغط و السكر يطلع عندي.. و خصوصا فقرة (الضفدع كامل) . يقززني :(
و أيضا .. مسلسل لولو الصغيرة... أغنية المقدمة بس.. تصدع الراس:(


ملاحظة:

ما لاحظتوا و إنتوا تتفرجون إنه في معظم المسلسلات اليابانية الكرتونية المدبلجة كل الشخصيات فيها..عيونهم كبيرة؟ مثل فنجان القهوة:).. بالرغم من إن شعوب شرق آسيا عيونهم خطوط.. ما تدري مغمض و لا مفتح:)
الظاهر إنهم متعقدين من شكل عيونهم!!


تحياتي
مدردش كرتوني:)

[mouza]

على فكرة انا لين الحين اشوف الرسوم المتحركه


انا كنت احب ساندي بل وفلونه وبعد وبعد
تتذكر مدردش ريمي
حلو كان صح
ههههههههههههههههههه
بعد بعد
سيزوكي غاوي كان والله
ليدي ليدي شفته بعد حبيته والله ما بخلص


عاد البرامج او الرسوم اللي صدق انقهر منه
كابتن ماجد
حلقتين والكرة تطير في السماء
ههههههههههههههههههههههههههههههههههههه

ما كنت احب المناهل
اف يقهر ها البرنامج



تعال احب اشوف بعد توم وجيري
ههههههههههههههههههههههههههههه

بس بس
بيقولون ابله وتشوف رسوم

[مدردش متقاعد]

طلعت الفضايح يا أبله هههههه

كل هاي الرسوم كنتي تشوفينها.. بس هاي من العصر الحجري.. (إنتي أكبر منا :))

أنا بعد كنت أشوف كل هايلا الرسوم:)
على فكرة ريمي.. كانوا يعرضونه الشهر الي طاف على قناة قطر الفضائية (فضحت عمري ههه)

المناهل حلو حرام عليج.. خاصة فقرة (أبو الحرووووووف) ..كشخة يوم يطير... يحط نقطة على الحاء و تصير خاء ههههه


تحياتي لك.. و شكرا على المشاركة:)

[mouza]

بلاك انت مصر الا تكبرني هاااااااااااااااااااااااا
انا اكبر منك بس بأربع او ثلاث سنوات
يعني نفس الجيل نحن
يا الشيبه

ههههههههههههههههههههههههههههه

والله اتصدق ما شفته
لا لا
مدردش
تحيد ريمي مب ها المطور ها يديد مخلين ريمي بنت
لكن ريمي الولد
تذكرته صح

بس على فكرة انا لين الحين احب الرسوم

[مدردش متقاعد]

ما صدقتيني.. أي ريمي بعد؟ أنا ما شفت إلا ريمي المؤنث.. بس عندي لمحات من المذكر.. ذكريني به:)

إني و سعودية نفس الجيل.. عيايز سوالف.. فأكيد كنوا تشوفون نفس الرسوم:)
أنا و سردال نفس الجيل:).. هناك فرق بين الجيلين ههههه

[يعسوب]

خليتنا نتحسر على ايام الطفولة:(

حتى الحين متيقدر الواحد يشاهد افلام الكرتون:(
الكلام هذا ما يصير تجلس تشاهد افلام الكرتون زي العيال الصغار

يالله خليها في القلب وتجرح لا تطلع برى وتجرح

تصدق لولو الصغيرة ونفيخه المنافيخ كان احلى افلام كرتون
بالاضافة الى سنشيرو وفارس .. وغيرها كثير

مااذكر انه في فلم كرتون ما حبيته حتى افتح ياسمسم كان جميل للغاية خاصة هذا ايش اسمه امممممممممممممم هذا المتين ؟؟؟؟
ايو افتكرت نعمان هاهاهاهاهههههههه:)
حسبي الله عليك زين ضحكت الناس علينا

تحياتي لك مدردش ولمواضيعك الجميلة.......

[mouza]

سعوديه اختي العوده
بس اكيد بتقولك انك غلطان

ما شفت شيء خلااااااااااااااااااااص
ما احب شيء

ههههههههههههههههههههههههههههههههه

حتى المناهل مااحبه


الحين اكيد شايف حضرتك لولو الصغيرة

قول بعد لا


ههههههههههههههههه

وينك يا سردال وينك

[مدردش متقاعد]

أطلع يا يعسوب و طلع فضايحك :)

أصلا هالموضوع لتطليع الفضايح هههه موزة و كشفناها وش تحب.. (ريمي و سالي:))
و إنت طلعت من أصحاب لولو الصغير و نفيخة المنافيخي هههه (و الله كنت ناسيه صراحة ):)

ماشاء الله كله عجبك :) ما خليت شي يعني.. اشفت الأخضر و اليابس:)

شو رايك في (سبانك) ههه؟

تحياتي

[MUSLIMAH]

يحليلك يا ابن الوهاج :)
تسترجع ذكريات الطفوله قبل لا ترجع الامارات :)

كنت اتابع السيده ملعقة .. و هايدي .. و العم وحيد .. و الله هذا اللي اذكره الحين ، اذا ذكرت شيء ثاني ان شاء الله :)

[يعسوب]

آآآآآآآآآآآآآآآآآآآآآآآآه منك

كذا عشاني على نياتي ومسكين ويش حليلي توقعني في المصيدة

معليش ضرب الحبيب زي اكل الزبيب تموووووووووووون يا غالي

[مدردش متقاعد]

خلاص كشفناج:)

إنيت جيل و أنا جيل.. و كلنا أجيال هههه

خليني أستغل الفصة مادام سردال في المدرسة ههههههه:)

يالله قولي سو من رسوم بعد تشوفين؟ ترى في قناة اسمها (SPACE TOON ) لا تفوتج:)

[mouza]

ومتى برجع سردال عشان اخليه يقرص لك اذنك

ولا اقول دام انا من جيل يعني اكبر منك ومعلمتك من حقي اضربك وارص على اذنك شوي

عيب اصلا الرسوم مال الكبار

الصغار يمتنعوووووووووووووووووون :):):)


اخبرك والله ذكرتني بسالي

اصلا انااليوم ما بكتب موضوع خلاص عايبني موضوع الرسوم

مدردش تتذكر بيبيرووووووووووووووو

هاهاهاااهاه النسر الذهبي :)
حلو كان صح
عاد قول بعد ما شايفنه
انا خاتي كبرك كيف هي شايفه وانت لا هااااااااااااااااااااااااا

وعن اسبيس تو لا تحاتي انا ومروان ولد اختي هاهاهااه ربع في المشاهده مع فرق السن طبعا :)

[مدردش متقاعد]

ذكرياتي دايما معاي أختي الكريمة.. كل يوم اراجعها:)


السيدة ملعقة؟ كيف نسيتها أنا؟ أحيد كان يعرضونه مع (كعبول):)
بس منو العم وحيد؟ و لا تقصدين المفتش وحيد؟:)

ما خبرتينا شو الي ما تدانينه من الرسوم؟


تحياتي

[مدردش متقاعد]

هههههه لا تزعل ترى أمزح معاك.. يالله قول.. شو كنت تشوف بعد؟ هذا غير الي كنت تشوفه في الفيديو:)

طلع طلع المخبا :)


تحياتي

[سردال]

كنت أتابع كل شيء! :) إلا رسوم المتحركة مال البنات مثل سالي وغيره، المناهل وافتح يا سمسم استفدت منه من الناحية اللغوية :)، بقية الرسوم المتحركة أتابعها، ويعجبني كعبول، السيدة ملعقة، بومبو، عدنان ولينا، جزيرة الكنز، سندباد، قصص عالمية (وهذا كنت أتابعه بشغف) بيبرو، وغيرها كثير.

وألحين إذا عندي وقت فاضي خصوصاً الصبح أتابع سبيس توون :)

وأنتوا طايحين فيه حش! أنا والعام الهجري واحد تقريباً :) يعني عمري 21 سنة وخمس شهور :)

[Huda76]

احم احم :) :)

أهلين مدردش كرتوني :)

أنا لما كنت صغيرة ( يعني أقول لكم اني الحين كبيرة :) ) مدري ليش كنت أحب أكثر شيء الرسوم اللي ما يكون فيها كلام هههههههههههه .. مثل :

* Tom & Jerry

* Pink Panther

* Road Runner

وكنت أشوف بعض الرسوم اللي تكون كأنها مسلسل مثل ( وافضيحتااااااه ) :

* سندباد
* سالي
* ساسوكي
* الرجل الحديدي
* عدنان ولينا
* بومبو و جازورا ( هذا مو من زمان بس البركة في أختي وفاء :) )

كنت أحب توم سوير بس أخاف من "انجانجو" مدري شسمه هههههههههههه

يحليلنا والله :) :)

بس لا تسألني الحين عن التلفزيون .. مدري عنه ولا أشوف شيء :)

[mouza]

وينك يا مدردشكووووووووووووووووو

جيل وجيل هااا

اكو سدرال شاف نفس الرسوم اللي كنت انا اشوفه


اعترف يلا

[سعودية]

شوف انت طلعت الفضايح طلعتها:)

بس ترى طلعتها عليك اكثر طلع عمرك اكبر من ما تقول وهذا باين في العمر اللي مرت على الكرتونات وش هذا انت اللي من العصر الحجري :)

اقول مدردش خف على البنية :(
حرام عليك وش جاب موزة لي انا ام عيال وهي توها بنية وصغيرة وما يهمك انها مدرسة ترى اهلها دخلوها للمدرسة قبل عمرها :)

بعدين قلي وش فرق جيلك عن جيل موزة ؟؟
صح يا موزة ولا لا ؟؟؟
:):):)

شوف أنا وحدة مهبولة كرتونات زمان والحين :)
ولقيت المهابيل والمدمنين علىالكرتونات كثير مثلي :)

اكثر شيء احبه هو :
بوباي ،،، توم & جيري ،،، بنك بانثر ،،، وودبيكر وهذا اكثر شيء احبه علشان يسوي مقالب في خلق الله ،،، تشيلي ولي ،،، سكوبي دوبي دو ،،، بايونيك سيكس ،،، كازبر أموت فيه ،،، المهابيل الثلاثة ،،، وهذاك اللي في طيارة وهو كلب ابيض ومعاه ثاني كلب اسود ودائماً يضحك على الكلب الأسود تذكرونه ولا صغيرين عليه :):)

كنت اتابع الكرتونات اللي بالأنجليزي لأنه ما كان فيه مدبلجات في ذاك الوقت :):)

بعدها تطورنا وصار فيه جريندايزر يا ولد والله روعة
وعدنان ولينا وسندباد وسنان يا سنان و هايدي وريمي المذكر :)
ما أعرف المؤنث .. يمكن متاهة تعرفه :p

يا سلام على افتح ياسمسم خصوصاً الضفدع كامل :o

بس ترى سلامتك اموت فيها واموت في كل اللي يسونه حقين الخليج المشترك وحمرون روعة والله بس ترى جاء بعد ما صرت كبيرة حبتين لا ليش الكذب 3 حبات لالالالا 4 حبات طيب لا تطقون خلاص 2000 حبة خلاص زين كذا ارتحتوا الحين :):)

بشار روعة وخطير وزينة ونحول يا سلام أنا ذينه الدميلة :)

ولولو الصغيرة ونفيخة يا عيني عليهم والله زمان :)
بس ترى كرتون نت ورك تجيب كل القديم اللي فقدته ومن زمان ما شفته مثل ميكي ماوس وبندق و........

وسلامتكم طولت عليكم والبقية في العدد القادم :)

تحياتي لكم

[يعسوب]

شوف انا بتكلم معاك باللهجة الخليجية وبشوف كم تعطيني من عشرة

مدردشوه بسك عاد عن المساخة ايوالله
ترى ماتنعطى وجه ايو الله
عاد ما صدقت ومسكت علينا كلمة الله يهداك
يالله يبه كذا الناس ماتامن لحد فيهم
اقلك اشلون الله يسامحك
روح ياشيخ ربنا ينتأم منك هاهاهاهاهاهههههههههههه


تحيات يعسوب االقلبية

[aziz2000]

طلعت الفضايح يامدردش .. :p

طلعت فضايح عجايز سوالف :p .. موزة وسعودية وهدى :) والصغيرة مسلمة :)

وشيابهم بعد .. مثلك انت ويعسوب :) والصغير سردال :)

أما أنا ماكنت أشوف غريندايزر ولاكان يعجبني الدوق فليد وابووه أما ابو الدوق فليد هذا تـــحـــفـــة غريندااايزر :)


ولاكنت أشوف جونكر ولا عدنان ولينا وعبسي .. ياعمري على عبسي هذا .. المسلسل كوم وعبسي كوم ثااني :) ولايوم يتعلم شلون يدخن :)

سوزوكي .. كعبول .. الكابتن ماجد .. ماكنت أشوفهم ..

المسلسل إللي دايم أحزن معه .. سالي .. هذي هي المسكينة إللي تكسر خاطري في مسلسلها .. يضيق صدري إذا شفته :)

افتح ياسمسم .. الضفدع كامل .. وقرقور .. هذولا تحفة المسلسل :)

شفت شلون .. أنا ماكنت أشوف أفلام كرتون ;)

[mouza]

ههههههههههههههههههههههههه

صح كلامج يا سعوديه حليلي صغيره
هو عمره 22 وانا 25 شو الفرق
ويقول عني عيوز بس عشاني مدرسه

واكو عزيز ترليون دخل وياه في الصف

[المهيب]

اشكرك يا مدردش على موضوع الفضايح

والله انك دايما متألق في موضوعاتك

لكن تبا الصدق؟

انا كنت اتخبل على شي اسمه ( عدنان ولينا)

اتصدق انهم عادوا المسلسل السنه اللي طافت في قناة سوريا

ما طوفت ولا حلقه:)

كله في صوووووووووووووووووووووووووب

ويوم يتعلق عدنان في الطائرة بصبع رجله (لا ويضربونه بالرصاص بعد) ولا يموت؟؟؟؟؟؟؟؟؟؟؟؟؟؟؟؟؟

ومثل ما قلت بعد سوزوكي اله نصيب الاسد في الرسوم المفضله لدي.

لكن لا تنسون كوكي.

وعن كابتن ماجد هناك ملحوظة: انا اول مرة اشوف مباراة تستمر ثلاثة ايام:)

*********************************************************

لكن تعال ليش تقول عن موزة انها من العصر الحجري

لا لا لا لا لا لا لا لا لا لا لا لا كللللللللللله ولا موزة

الله يهداك موزة مب من العصر الحجري

هي من العصر ما قبل الحجري:):):)

اخوكم

المهيب

[mouza]

استانس اول ما قلت لا تقول عن موزة جي

شو انقلبتو كلكم ضدي
بستقيل من التدريس جان التدريس يكبرني جي وتتحرون كل من يدرس كبير في السن

ههههههههههههههههههههههههههههههه


اخبرك مهيب والله انا بعد احب هاي اللقطه في عدنان ولينا يضحك والله

[اسير_الصمت]

فأنا للأسف مضطر أجاوب .... :(



انا كنت أحب :-

1) غرندايزر :)

2) جونكر :)

3) صقور الأرض :)



وأكره :-

1) كابتن ماجد .

2) الهداف .

3) الكابنت رابح



**** تحياتي موزه :):) هههههههههههههههع *****



وتسلم مدردش موضوع جدا جميل :)


أخوكم :) ههههههههههع

[يعسوب]

ماشاءالله عليك نطقتهم واحد واحد

والله اني بس اقرا واضحك اتخيلهم وهم يكتبون الردود اكيد شكلهم
يفطس من الضحك.......


موووووووووووووووووووووووووووزة
شوفي باقلك رهيبببببببببببببببببببببببببببببة
خليه اللي على بالي يضحك :)
عجوز ترجى ان تكون فتية ..... وقد نحل الجنبان واحدودب الظهر
تتدس الى العطار سلعة بيتها... وهل يصلح العطار ما افسد الدهر


لا تزعلي امزح
كلما اقل لامي هالبيتين تنزل في طراق وتزعل وما ترضى الا اذا
توسطت بالوالد ماعاد اعيدها


احنا الرجال ما ازعل والدليل على كذا مارديت عليه
يوم قالي شايب ....... اشفيها الشيب وقار


يالله تحياتي وبااااااااااااااااي

[فلونة]

إحم إحم

أكيد من غير ماأقول تعرفون إيش كنت احب من الكرتون

وأكره كابتن ماجد ..يطلعى الضغط

وأحب عدنان ولينا...غرانديزر...ريمي الولد..نساء صغيرات..

هايدي..قصص عالمية..كاسبر..ساندي بل..بايونيك سيكس

و....و..

وفوقهم كلهم فلونة

[مدردش متقاعد]

هالمرة مع أبو سردل ههههه

و تقول ما تشوف تلفزيون.. مسكناك يا سردال.. أتاريك متابع لسبيس تون من ورانا ها؟ ههههه

بس بسألك.. شو سر مسلسل (كعبول) ها؟ هههه فاهم علي إنت :)

و الله اختياراتك تحفة . طلعت من قوم موزة في العصر الحجري ههههه

[مدردش متقاعد]

ياعيني على هدوء اختيراراتج؟ طلعتي من عهد السينما الصامتة يا هدى:) أيام شارلي شابلن و ربعه هههههه
بس أحلى شي البينك باانتر مع أغنيته المميزة.. حتى بعض الشباب خلوها رنة في الجوالات ههههه


ماشاء الله
كل هاذيلا الرسوم كنتي تتابعينهم؟ إنتي من العصر (الجليدي ) ههه

بس منو "انجانجو" هذا بعد.. أول مرة أسمع به:)


تحياتي لك يا هدى 2001 (قبل الميلاد) ههههه

[غريب نجد]

مدردش والله منت هين يا اخي وش سويت للناس :):)

اثاري العالم كلهم مدمنين افلام رعب ... اسف افلام كرتوينه ..:)

صراحه الحق يقال ان التلفزيون ما فيه شيء افضل ولا الحى من ... افلام كرتون ....

بس يا خساره ما كنت اتابع ولا شيء بس كنت اسنتر عند التلفزيون .. لا تعلمون احد :):):)

مدردش تحياتي لك

[كايد]

تصدق الى الان لو اشوف عدنان ولينا على التلفزيون

اتفرج عليه

[مدردش متقاعد]

بعطيك..... صفر يعني..راسب .. بجدارة ههههه
من وين متعلمها ها.
من أي رسوم قلي بس إنت مو وين:)

كل الرسم الي شفتها باللغة العربية الفصيحة:)



مدردش بن الوهاج ههههه

[مدردش متقاعد]

ياخي شفت كيف... طلعنا فضايح البنات. الي تشوف الكابتن ماجد.. و الي تشوف (سالي) و الي من العصر الحجري.. و تشوف رسوم منقوشة في الكهوف الجيرية هههههه
و إنت تعرفهم:)


الظاهر إنت منولد و إنت شايب.. و على طول حطوك تشوفاالاتجاه المعاكس على قناة الجزيرة.. هههههههه

بس كيف عرفت أسامي كل هالمسلسلت يا ترى.؟ و لا سمعتها من برنامج (أكثر من رأي) هههه

ما تمشي علينا هالحركات. يا عزوز سلفكرين:)


تحياتي

[مدردش متقاعد]

بس أنا من نادي عبسي صاحب الشعر الوردي ههههه يا مهيب:)

طلعت مب هين إنت بعد... ياخي ما خبرتنا علشان أتابعه وياك.. و الله مشتاق أشوفه صراحة.. ايام حلوة ياخي.. صورايخ و طيارات و متفجرات كنا نشوفها..:)

تصدق.. يوم أرد البلاد بشتريها على الفيديو و لا DVD ههههههههه:)


الكابتن ماجد سالفته سالفة.. بصراحة اليابانببن مصخوها هههه
مبارة في 4 حلقات مب 3 و انت الصادق:)


يحليلها موزة.. صارت من العصر الجليدي.. أما سعودية فطلعت من العصر الدايناصوري هههههه

تحياتي

[مدردش متقاعد]

نسيت سعودية:(

أنا قلت سعودية من عهد الداناصورات.. و الدليل الرسوم الي كنتي تشوفينها ههههههه

إنتي و موزة جيل واحد.. بس إنتي اقدم.. كان في عهدج الترنزستور (نوع من أنواع التيوس:)) و في عهد موزة كان موجود الضفدعيشن (نوع من أنواع الثيران) ههههه
أنا و الشباب غير.. جيلنا ارقى شوي ههههه


و الله ذكرتيني بي نحول و زينة .. و بشار يا بشار.. هيا إلى العمل.. أجمع لنا الأزهار.. لنصنع العسل هههههه

يعني تغيظيني يا سعودية. .. أنا أكره الضفدع كامل.. و تجين إنتي و تقولين إنج تحبينها؟ هههه مش علي يا سعودية:)

وش هو (حمرون) هذا ما سمعته به؟؟:)


و الله طلعتي (هيستوري) في المسلسلات الكرتونية... طلعي طلعي الي عندك.. خلي الناس يشوفون ههههه

بانتظار بقية القائمة :)

تحياتي لك:)

[سردال]

تذكرت رسوم متحركة قديييييييييييمة! :) تصدق أتذكر أغنيته أكثر مما أتذكر الرسوم نفسه!! :) الأغنية تقول:

آآتشو، آآتشو، آتشووو...
آآتشو، آآتشو، آتشووو...
إن تعطس أخرج من قدري، تأمرني أخضع للأمري...

آآتشو، آآتشو، آتشووو...


تتذكرونه؟! :) متأكد أنه ولا واحد يعرف هذا الرسوم :) لأنه نادر

وكذلك رسوم طمطم....

هيه هيه هيه هيه طمطاااااااااااااام :)

[MUSLIMAH]

اي نعم اقصد المفتش وحيد .

اللي ما أحبه ، ما أذكر ، بس أكيد أكره البوكيمون .

و بعدين ، مشكلة اذا شفنا كابتن ماجد ؟؟؟ حتى أنا أشوفه و لي يومك اذا حطوه أتابعه ، شرايك ؟؟؟ :)

اي و بعد نسيت اسم الكرتون ، اي تذكرت ، الرمية الملتهبة و بعد نصف بطل و صاحب الظل الطويل و و و و ..

[الفارس الحالم]

الله عدنان و لينا ...روووووووووووووووووووووووعة بصراحة الحينه يعرضونه على قناة أبوظبي و أنا أرجع بسرعة من الكلية بس علشان أشوفه ....و يا سلالالالالالالالالالام على عدنان أتمنى أعرف سر قوته بس :)

http://looney.physics.sunysb.edu/~daffy/conanpix/fbcb.gif


الصديق المخلص عبســــــــــــــــي (والله شعره عجيب بصراحة :)

http://insti.physics.sunysb.edu/~cmhung/conanpix1/jimsy1.gif


حراااااااااااااااااااااام كله عاد ولا كابتن ماجد :( بصراحة أنا كابتن ماجد زمانى في لعب الكرة :)


أنا بصراحة كنت أحب أحم ....كل شئ بس مالت البنات أمممممم ما كنت أشوفها وايد أحب رعــــــــــــــــد العملاق و جونجر و بعد شو شو شو والله وايد بتعب من العد لكم ...أووووووه بعدين بتعرفون و بتصدقون أنه الفارس الحالم بعده صغير :) >>
واحب زورو و المحقق كونان :)

http://www.geocities.com/Tokyo/Pagoda/5857/conanent.jpg





لبنات صور أتوقع تعجبكم ;)

http://digilander.iol.it/shoujomanga/review/HY_rin-a-e.JPG


http://digilander.iol.it/shoujomanga/illust/LL_ill3.JPG

[FARES77]

ما كان فيه فضائيات اول و كنا نشوف غصب واحد وغصب اثنين بس اسماء الدلع للقناة الاولى و الثانية بالسعودية غير ان اللي كانوا مطلين على الخليج مثل المنطقة الشرقية بالسعودية و دول الكويت كانوا يشوفون البث التلفزيوني لكل الارضيات بالخليج لكن حنا ما كان عندنا اختيار لازم نشوف اللي يعرض العصر و اذا جاءت مبارة ما عرضوا فليم كرتون و تلقى البنات تصيح و تبكي ليه الكورة اهم من ساندي بل و الا فلونة و هايديى و كان الخناق يصير على القناة الاولى و الثانية لاني كنت اتابع الغابة الخضراء و كان رايق لانه ما خوذ من روايات كان معنا في الجامعة صديق يتقن الحديث باللغة الانجليزية و كان يقول دايم الفضل لافلام الكرتون سكويس دوب و بابي على فكرة البلي ستيشن خذت حصة كبيرة من اهتمام الصغار و الكبار و قللت من اهمية الكرتون الا عند البنات اللي بالروضة.

[شبوحة]

كلة كوم وشبوحة كوم ثانى تصدق انا من فتحت عينى على طول حطو

المحقق كونان وداى الشجاع(وذلك لانى اصغر الموجودين)

لكن اللى تقولون عنهم ماعرفهم لانهم نصهم من العصر البربرى

والنص الاخر من العصر الهيروغليفى

ممكن تصنفنى الحين انا من اى عصر


(((شبوحة حبل الكذب قصير)))

[mouza]

اخبركم

تتذكرون جازورا


هههههههههههههههههههههههههههههههههههههه

سردال اكيد شفته صح

انا شفت طمطوم هههههههههههههههههههههههههههه

والله كان يضحك


وبعد وبعد عبده ونسمه :)
ههههههههههههههههه


والله حلوة الصور اللي حطيتوها ذكرتونا بالذي مضى
اظني بعده ما مضى لاني لين الحين اتابع

احب ميمي الصغيره بعد

[الفارس الحالم]

موزة ...أمممممم اتذكر عندي موقع فيه صور لميمى الصغيرة بشوفه لج ....و نفسه فيه صور لنساء صغيرات :)

برائه ما يخصنى في رسوم البنات بس كنت أدور على صور كابتن ماجد و كونان و لقيتهم عن طريق الصدفة لووووووووووووووووووول :)

[mouza]

انزين عطني اسم الموقع

[فلونة]

تصدقون من امس وكلما قريت هذا الموضوع اموت ضحك ههههه


فلونة

[الفارس الحالم]

اممممممممممم بصراحة العنوان يضيع....

بس ولا يهمج ما يغلى عليج انا بعطيج أياة انت اختاري الرسوم اللى تبغينه على حسب الحرف ...:)

http://www.anipike.com/

[Huda76]

ههههههههههههههههه

بالضبط .. من عهد السينما " الكرتووونية " الصامتة ..

انجانجو .. مو أنا قلت لك يمكن الاسم اللي أنا كاتبته غلط ( الله يسلمك من الخوف ما أحب حتى أسمع اسمه )

أقووول .. أنا شايفة كم عضو كاتبين كعبول .. من كعبول هذا؟ :) :)

قصدي من أي عصر ؟

الحجري أو الجليدي أو البربري ههههههههههههههههههه

تحياتي

[Huda76]

هلا حبيبتي ..

عسى دووووووم الضحكة ..

وعسى الله لاااا يغير علينا :)

[mouza]

الله يسلمج الغاليه :)



شكرا اخوي فارس الحالم



كعبول اظني الكلب اللي مع عبقرينووووووووووووووووو

[زهر الليالي]

http://www.mgm.com/pink/homepage/saksheader.gif

[سعودية]

اليكم اعزائي القراء الجزء الثاني من سهرتنا الشيقة :)

البطولة :)

مدردش بن الوهاج :p

موزة الحلوة :)

سردال ابو السراديل :p

عزيز ترليون :)

والمخرج لهذا العمل العظيم :)

اسامة انزور :p


تطورت شوي وصرت اشوف ليدي ورانزي وسالي وهايدي وفلونة :)

اما رانزي وقتها كانت امها اذا تبي تشوف احلامها تدخل للسحابة اللي فوق راس بنتها وياسلم تشوف كل اللي تبيه كنت ودي اشوف السحابة بس ما كان فيه امل ولا فاطمة :)

وسالي كانت كأبة وتضيق الصدر وهذيك الثانية اللي اسمها بثينة كانت بعد كائبة والبؤساء كنت اصيح معهم :(

بس لين كانت فنانة مثل مايقول شيطوني :)
عيونها روعة ورسوماتها خيال واحب اشوف لما يركبون الخيل لأني ما اعرف الا طشاش ودائماًابو شيطوني يتريق علي :(

وكانت فكرة جديدة عالم تغير ثيابها ياسلم :)

بس ترى الكابتن ماجد احسه فنان خصوصالم يكون مع ياسين ويسون الضربة اللولبية يختي عليهم ولا لما يتعلق بالشبكة وما يخلي بسام يدخل هدف ما ادري وشلون بس هي ولله الحمد اللي افهم فيها كورة الكورة الصدقيه انا فيها ترللي ترى ما ادري مين اللي يكون صاحب الشبكة واشجع بس اللون :):(


الليث الأبيض متى ينادي الكل يسمع هذا اكثر واحد روعة :)

وش بعد انتهى افلام كرتون جيلي :)


بس الحين اقول انا ما أشوف كرتون بس اتفرج عليها مع شيطوني علشان اوجهه التوجيه السليم واقوله وش اللي لازم يتفرج عليه واناقشة في الأمور والدعوى كلها طل :):)


تحياتي للمدردش والله استمتعت بالطفولة لا تحرمنا من فترة لفترة بالراوئع هذي :)

[مدردش متقاعد]

مع مين هالمرة؟:)

لحظة.. و راجع لكم:)

[مدردش متقاعد]

للي يحبون غراندايزر:)

http://www.geocities.com/Tokyo/8384/DukeFleed.jpg

http://www.geocities.com/Tokyo/8384/UFOhead.jpg


تتذكرون هالأغنية؟.... (http://www.massart.edu/~symbios/f5/grand1.mp3)



دورة كاملة...

http://lavender.fortunecity.com/searchers/63/grand25.jpg



الأشرار:(

http://lavender.fortunecity.com/searchers/63/grand36.jpg

[مدردش متقاعد]

موزة.. خلاص مافي فايدة إنتي من العصر الصقيعي هههههه

أسير الصمت.. أيوه أيوه.. اطلع يا خويه:)

طلعت مثلي تحب جراندايزر.. شفت الصور و الأغنية الحلوة الي حطيتها لك:)
و جونكر بعد و صقور الأرض؟ الظاهر تحب ارسوم الخيال وايد:)


كيف ما تحب رسوم الكابتن ماجد؟ كذا زعلتني صراحة:(


تحياتي لك أخوي أسير و شكرا على المشاركة:)
ههههه

[مملوزي]

مرحبااااااا....

ضحكتوني...شو هااا...يعني مب بس انا اللي اشوف بباي...والله الناس كلهم...انا الصراحه كنت احب هايدي وعدنان ولينا..واحب في عدنان ولينا اكثر شي عبسي والكابتن نامق..اموت على هالثنينه..

ممممممممم...ما اداني فريدي( هذا اللي شكله مثل النمله السودا)
وافتح يا سمسم اييب المرض.....بس هذا اللي اذكره...

[مدردش متقاعد]

شوفوهم يحليلهم و هم صغار:)

http://members.nbci.com/Wilson_Li/ct/image/ct01.jpg

فرجة تسجيل الهدف:)
http://members.nbci.com/Wilson_Li/ct/image/ct02.jpg

الضربة المدربحة حقت الكابتن ماجد:)
http://members.nbci.com/Wilson_Li/ct/image/ct03.jpg


الضربة الصاعقة.. حقت بسام :)
http://members.nbci.com/Wilson_Li/ct/image/ct04.jpg

[فرفوشة]

المشكلة انه انا اسا صغيرة (12 سنة) يعني كرتوناتي غير

كرتوناتكم بس احب:-

توم اند جيري

كابتن ماجد 3

ريمي

بوكيمون اهم شي

والسنافر مع انه قديم هو ولولو الصفيرة


وبغض شي هو "افتح يا سمسم" بس كان عمري 5 او 6 سنين

بس انه بغيييييييييييييييييض صح مدردش؟؟

تحياتي:
فرفوشة:):)

[mouza]

والله اظني صقور الارض هاي

قبل ما انا انولد

هههههههههههههههههههههههههههههههههههههه

كيف كنت تشوفه انا ما احيده


بس من ساعه وانا يالسه ويا خواتي تذكرت رسوم قلت الا اقولهم عنه

تتذكر عقلة الاصبع
كان حلو بعد

[مدردش متقاعد]

ترى هاي خطة جهنمية.. لا يغرك إنه موضوع فرفشة.. أصلا أنا بغيت أكشف الأعضاء إلي من العصور السحيقة.. و الحمدلله كشفناهم ههههه

موزة و سعودية على راسهم.. كانوا يشفون رسوم بالأبيض و الأسود هههههه

بنشوف شو آخرتها:)

[mouza]

بعلن عليك الحرب يا مدردشكووووووووووووووووووووووووو

شو بعد رسوم ابيض واسود

عيل انت كنت تشوف السينما الصامته
ههههههههههههههههههههههههههه

[مدردش متقاعد]

أشوا طلعتي من العصر الروماني.. قريب قريب.. مب بعيد:)

ماشاء الله عليكم يالبنات.. أكثر منا تشوفون الرسوم.. ما خليتولنا شي و الله:)


تحياتي لك يا فلونة:)

[يعسوب]

اولا انا زعلان اني اخذت صفر من عشرة..
من وقتها وانا في حاله نفسيه مايعلمها الا الله :(

والحين صرت انا من الازمنة السحيقة....
لا عاد طفح الكيل..


ابصير مع موزة وسعوديه ضدك وبنسوي انقلاب ...


موووووووووووووووووزة يدي بيدك وانا عصاك اللي ما تعصاك
ولا يهمك منه. عاد انتي صحيح عجيز بس مهو لها الدرجة (افلام كرتون بالابيض والاسود) هاهاهاهههههههه
يقطع ابليسك يا مدردش


يعاسيبووووووووووووووووووو

[مدردش متقاعد]

نورت الموضوع أخوي:)

شفت عاد.. حد يشوف عبسي.. و عدنان و لينا.. ما يخوف ياخي؟:)

بس بيني و بينك.. ما كنت تشوف شي؟:)


تحياتي

[مدردش متقاعد]

شو سالفتكم مع عدنان و لينا؟

لهالدرجة كان حلو؟:)

شو رايكم نسوي ترشيحات؟:)

[مدردش متقاعد]

أيوه إطلع إنت الثاني:)

ضحكتني الله ياخذ إبليسك:)
آآتشو، آآتشو، آتشووو...
آآتشو، آآتشو، آتشووو...
إن تعطس أخرج من قدري، تأمرني أخضع للأمري...

آآتشو، آآتشو، آتشووو...




من وين يبت هاي بعد.. طلعت إنت إلي من العصر الحجري ههههه

طمطم نعرفه.. بس هاي الأشتو يديدة صراحة ههههه

تحياتي

[مدردش متقاعد]

بصراحة ما يركب عليج المفتش وحيد:)

قولي هايدي.. قولي سالي.. بآ أولي كلام غيرده:)

مفتش وحيد.. هذا الي إيده تطول و من قبعته يطلع ههوليكبتر .. و فيه قطوة شريرة هههه

ماشاء الله.. من هوات الكابتن ماجد طلعتي:)

عموما أنا حطيت لج صور للكابتن ماجد هدية:)

بس على فكرة.. شو هي رسوم الرمية الملتهبة؟ ما أعرفها صراحة!!

تحياتي

[MUSLIMAH]

صبحك الله بالخير و الايمان و طاعة الرحمن أخوي مدردش :)

ما تعرف الرمية الملتهبة ؟؟؟ هو يمكن شوي جديد هذا الكرتون ، بس ما تعرفه ؟! ما ادري بس البطل اسمه سامي .. و نسيت اسم ابوه :)

شفيه كابنت ماجد ، واااايد حلو :)
المفتش وحيد ، امممممممممم ، كنت طفلة ، أي شيء يشدني يعجبني و هذا كان يشدني بحركاته و بايده اللي تطلع و القطوة اللي تقول عنها و غيره :)

اي كنت اتابع سالي و بوليانا و ووو غيره بس ناسية اساميهم :)

و مشكوووور على الهدية :)

[مدردش متقاعد]

ساخي من وين جبت هالصور؟
و الله عجيبة صراحة:)

شكلك مدمن عدنان و لينا هههههه.. متى يعرضونه ياخي؟ و على قناة أبوظبي؟ و لا مرة شفته:( خبرني الساعة كم الله يخليك.. يمكن ألحق عليه!


الظاهر لين الحين تتفرج.. اعترف أحسن لك.. ما بقول لحد هههه:)


تحياتي

[مدردش متقاعد]

صدقت و الله.. نحن ما كان عندنا فيديو.. فكنا قنوعين إلي ييجي في التلفزيون نشووفه و الي ما ييجي.. الله يعوض:)

بس أحلى شي يوم يكون عندك أخ أو أخت و كل واحد يريد يشوف مسلسل معين و إثنينتهم يعرضون نفس الوقت... بتولع ههه

تحياتي لك

[مدردش متقاعد]

علينا يا شبوحة حركات التمويه هذي..:)

الحين تريدين تقنعيني إنج ما لحقتي على غريندايزر و جونكر و الرجل الحديدي؟ (بآ ده كلام يتآل:))


بعد أيام كونان كانت مب جريبة.. فأصنفج من العصري الفنينقي الثاني ههه

تحياتي

[مدردش متقاعد]

قلت لج إنج من العصر الجليدي ما صدقتي:)

شو هالرسوم بعد.. جازورا و عبده و بسمة.. من أجل الناس الناس.. الناس الناااااااااااااااس.. من أجل الخير الخير.. لكل الناااااااااااااسسسسس.. ههه .. أوبسس فضحت عمري:)

أتذكر الوالدة.. مووول ما تداني ميمي .. يطلع لها الضغط.. ما أدري ليش هههه

[مدردش متقاعد]

شو السالفة.. الظاهر حطوك وكيل لصور الرسوم المتحركة.. ياخي من وين تجيب هالحركات:)

و الله مسوي جو صراحة:)

تحياتي

[مدردش متقاعد]

يعني تصنيفي ما خاب هههه

السينما الصامتة :) .. انجانجو هذا أول مرة أسمع عنه.. ما أدري من وين جايبته لنا ههه

كعبول و عبقرينو.. ما تعرفينهم.. علينا يا هدى؟:)
هذا توهم عارضينه قبل 10 سنوات بس.. يعني عصر العولمة هههه

[فلونة]

والله والله كلما قريت هذا الموضوع اموت ضحك ههههههه

امي افتكرت اني اصبت بالجنون

الحمدلله اني من العصر الروماني

لكني برضوه شفت بسمة وعبدة :)

وسنان ياسنان ياخير الاصدقاء هانحن في انتظار :):)

ولاتنسوا..

ولابلاش لتصفوني من العصر الحجري :D:D


http://www.harrythecat.com/graphics/k/duck6.gif

فلونة

[mouza]

اتصدق مدردش وايد عايبني موضوعك حتى لو طلع الفضايح
كل دقيقه ادخل اشوف من كاتب شيء جديد

هههههههههههههههههههههههه

صدقني فلونه نسينا سنان

والله حلو كان


مدردشكو انا جني خربطت وقلت عبده ونسمه وهيبسمه معلوماتك احسن عن معلوماتي
وهذا دليل شوووووووووووووووو
هههههههههههههههههههههههه

بس الوالده الله يحفظها ليش ما تحب ميمي

[فلونة]

احصائية

أفضل فيلم كرتون

عدنان ولينا...غرانيزر

أسوأها

سالي للنكد اللى فيه ..وكابتن ماجد لسخافته 3 ايام وهو طاير

في الجو ..ماصارت.


سؤال بسيط كيف طلعتوا الصور..دخلت الموقع وتعبت وانا ادور

:):)

اتصدقون..أتخيل الأعضاء الجدد لو قرأو موضوعنااكيد واحد فيهم

بنزل موضوع عن ماهي اعمارنا ؟ :)

فلونة

[زمردة]

ألحين صدقت أنك متقاعد :)


مادام كنت تشوف كل هالرسوم إللي ذكرتها .. أكيد كانت تعجبك هذي الأغنية ..









































































































لولو الصغيرة .. لولو .. حكايتها مثيرة .. لولو ..
لولو الصغيرة .. لولو .. http://www.qal3ah.com/vb/images/icons/icon15.gif

[فلونة]

شوفوا زينة ونحول

http://www.alshamsi.net/cards/rsoom_cards/sam_rsoom2.jpg

ولولو الصغيرة مع نفيخة:)

http://www.alshamsi.net/cards/rsoom_cards/sam_rsoom17.jpg


http://www.alshamsi.net/cards/rsoom_cards/sam_rsoom16.jpg

وعدنان ولينا وعبسي ونامق وسميرة:)

http://www.alshamsi.net/cards/rsoom_cards/sam_rsoom20.jpg

والبطل الغنضنفر عبسي:) لأن جماهيره كثير هنا
http://www.alshamsi.net/cards/rsoom_cards/sam_rsoom13.jpg

والليث الأبيض:)
http://www.alshamsi.net/cards/rsoom_cards/sam_rsoom12.jpg

بسمة وعبدة :)
http://www.alshamsi.net/cards/rsoom_cards/sam_rsoom8.jpg

زووووور
http://www.alshamsi.net/cards/rsoom_cards/sam_rsoom5.jpg

[يعسوب]

الحمدلله يالله عقلي وداعتك......

الجماعة استخفوا.....
http://www.bluemountain.com/homegifs/q2/aprilfool_lg.gi

[فلونة]

يعسووووب ايش فيك

انا قلت الوقوف على الأطلال هههههه

:):)

فلونة

[توتة]

هههاهاهاهههههههههههاهاهاهاهاههها

---> يا عصافير الجنة يا حبايبي يا حلوين :):):)

ههههههههههههههههه يهالوووووووووووووه :)


:) <=== منو اللي يتكلم ؟ أكبر متابعة للرسوم
و لي ويه بعد اتمسخر ....


انا كان يعجبني :

*جزيرة الكنز ----> خاصة هذاك بو ريل مقطوعة ... نسيت اسمه :(
* ساندي بل ----> قصة حلوة و رومنسية
* سبانك ----> أحب الكائنات الأليفة .. كنت اموت عليه
* في قصص الشعوب ----> مضمون القصص اكثر من رائع
* الهداف ----> لأن قصتهم عكس التيار .. و تتكلم عن فريق فاشل
* الرجل الحديدي ----> لأنه كان يخوف :(

و غيرها من الرسوم الحلوة :)

و الرسوم اللي ما احبها :
====================

:( <--- أبطال الملاعب
:( <--- أفتح يا سقم
:( <--- الكابتن ماجد


عموما .. ما خليت رسوم متحركة ما تابعتها ..... :)
بعدني اتحسب عمري نونو :(:)



توتوة :) الحلوة

[مدردش متقاعد]

طلعت من أعضاء نادي (PINK PANTER )

و الله تحفة صراحة هذا:)

طيب وش الي تكرهه؟:)


تحياتي لك

[مدردش متقاعد]

وراك معلقة على إسم أسامة.. و كأنك ما شفتي حد إسمه أسامة في حياتك:)
لا و حطيتني أسامة أنزور.. و مرة أسامة بن الوهاج.. هالي ناقصني:(

قولي أسامة بن زيد .. هالأاسامي الي الواحد يفتخر فيها

بعدين عفوا.. أنا المخرج و البطل و كاتب السناريو و الحوار و الكومبارس و المنتج و كل شي.. هههه (واحد اناني:))


يا سعودية ترى كل ما تكفين شي من الي كنتي تشوفينه ترجعين عصر لورا.. أول صنفناك على العصر الحجري.. إلحين بعد الي قريته.. برجعج 4 عصور للورا.. عصر (البقدونوسي):) ههههههه


بس سؤال حيرني.. شو الي طيحك على الكابتن ماجد؟ هذي رسوم حق الأولاد.. إنتي و عجبك فيها ها؟:) ههههه

الليث الأبيض كان صدق رهيب.. أتذكره يوم كنت في الصف الأول الابتدائي.. يعني قبل 3 سنين و شوي فوقها عشرطعشر سنة هههه

الظاهر فاتحة تسجيلات من ورانا يا سعودية..
عندك رسوم بومبو السيارة العجيبة؟ هههه

تحياتي لك.. و لنا جولة قادمة إن شاء الله:)

[mouza]

انا ما كنت احب الليث الابيض
ايامها كنت في الروضه

[مدردش متقاعد]

لا لاتخافين.. هذا الموضوع لنشرح الفضايح :)

ما شفتي موزة طلعت من العصر الحجري.. و سعودية من البقدونيسي.. و فلونة من العصر الفينيقي.. و هدى من عصر السينما الصامتة:) و و .. (نحن الشباب تونا صغار:))


بس طلعتي منهم.. من وين يبتي فريدي بعد؟ مااااال أووووللل:)


اختاري لج عصر و تعالي:)


تحياتي

[يعسوب]

مراوغة ذكية منك بس مكشوفة
الوقوف على الاطلال على مين عاد:)
خلاص اظهر وبان عليك الامان...

ماشاءالله الى الحين متذكرة كل هل الافلام..
يعني ما تابعيها الى الحين على الفديو
هاااااااا

اكيد..
طيب.. طيب.. خلاص صدقناك لا تحلفي .





مدردش الجماعة ماصدقو تنفتح هالسيرة واحد يتكلم عشان الكل يفضفض ويقول اللي محبيه هاهاهاهاااااااا

[مدردش متقاعد]

12 سنة بس؟ مو معقول صراحة؟:)

يعني إنتي من عصر النهضة و التجديد؟ أخاف ضعتي في العصور الحجري لموزة و الجليدية لسعودية:)

كرتون عن كرتون يفرق:)

بس شو الي عاجبج في كابتن ماجد؟:)


صدقتس و الله... افتح يا سمسم.. من أسوا برامج الأطفال.. بل هو الأسوأ على الإطلاق:(


تحياتي لك

[مدردش متقاعد]

أول شي اعذرني على التأخير في ردودي.. و الله كنت مشغول ببحث الكهربا.. لين الساعة 3 في الليل و أنا يالس عليه:(

بس الحمدلله اليوم راحة و بكرة راحة و بعد بكرة:) وييكنددددددددددد:)

تعرفين شو مشكلتج؟
































بعد شوي:)





























المشكلة...





















إنج بعدج مصممة إننا من جيل واحد هههههههه







صقور الأرض هاي أنا ما أعرفها و لا لي خص فيها:)

عقلة ممكن أتذكره.... بس حكولي عنه (حركة تمويه:))



طلعي طلعي.. في شي من العصر الحجري الي كنتي فيه؟:)

[مدردش متقاعد]

بتنضم لحزب المعرضة علشان (كرتوووووون)؟:(

افا و الله أفا.. و ين المبادئ و القيم و و و و.؟

خلاص. تعال و بنسوي جلسة ثنائية.. و بنتفاهم فيها في كل النقاط... كله و لا إنك تروح مع حزب (جيل الأبيض و الأسود و السينما الصامتة):)



موزة.. قولي الحمدلله.. إني ما قلت إنج من عصر الرسوم الي يسمعونها في الراديو هههههه


تحياتي

[مدردش متقاعد]

الله يمسيكي بالنور و السرور و عذرا على التأخير اختي مسلمة:)

الرمية الملتهبة؟ هممممم سامع بهالإسم بس ما أدري وين.. خلاص بطلت أنا كل الرسوم.. ما أشوف إلا البوكيمون (أحيانا:p )

ما أنكر إني كنت أحب كابتن ماجد.. بس يغيظني إنه يخليك تتخيل زيادة عن اللزوم.. ما صارت و الله .. كرة تطير طول حلقة كاملة.ههه


سالي و ما أدري إيش الي قلتيه معقول.. بس كابتن ماجد؟:)
ما تشوفين كابتن رابح بعد؟:)

تحياتي

[mouza]

مدردشكووووووووووووووووووووووووو

شو بعد رسوم في الرادو

شووووووووووووووووووووووو وين نحن

هههههههههههههههههههههههههههههههههه

اههاااهاهاهاهاهاهاهاهها


والله كل كااتذكر الرادو اموت من الضحك

[مدردش متقاعد]

اعترفي أحسن لج يا موزة.. ترى مع أي جدال و اعتراض ترجعين عصر للورا:)
الحين وصلنا لعصر الراديو.. أي إعتراض ثاني بترجعين لعصر الرسوم الي يعرضونها في الأكشكاك (الصنادق) الخشبية في الأسواق ههه

بعدج مذكرة سنان؟:) أحلى شي فيه ضروسه الكبار الي جدام ههههه

تصدقين عندنا مكتبة في بوظبي ما أدري إذا بعدها موجدودة و لا لا.. عدال بيت سردال.. إسمها مكتبة سنان هههه

بس ما أقول غير.. و منكم نستفيد:)

[مدردش متقاعد]

لا لا أنا أعترض. أحسن رسوم هو سوزوكي.. و اسوأها هو إفتح يا سمسم.. سالي أهون و الله.. على الأقل نندمج فيه.. بس في افتح يا سمسم.. أعوذ يالله.. ايام سوداء:(


الصور يبغالها تدوير.. اتعبي شوي.. بعدين بقولك:)

بس الموثع الي عطانا إياه الفارس الحالم رهيب راحة.. إذا متذكرة اسم الشخصية.. بتلاقينها على طول:)

و الله صدقتي... الأعضاء اليدد.. بيضحكون لين ما يقولون بس ههه
انفضحنا:)


تحياتي

[mouza]

لا لا يا مدردش ما بعترف

عيل من بسير بوظبي واشوف مكتبه سنان بعرف انه بيت سردال هني

هههههههههههههه

بس انا اللي كان يعجبني في سنان الدختر مالهم التيس
الدكتور نعمان اظني اسمه
هههههههههههههههههههه

[ثامر2000]

السلام :)
أيام الطفولة أجل وافلام الكرتون
اللي أحبه
1-بنك بانثر
2-توم آند جيري
3-الرجل الحديدي (أحلى شي)
4-كعبول
أما اللي ما أطيقة
ليدي
و البنت المغروره اللي مع سالي :( تجيب لي الضغط والسكر والسرطان والأمراض النفسيه وجميع أنواع الأمراض
:)
ما أتابع أفلام كرة القدم
ولا احب البوكيمون
:):):):):):):):):):):):):):):):)

[مدردش متقاعد]

عميدة سوالف الكبيرة:)


يعني تغيظني و لا شو السالفة؟
ترعفيني ما أحب لولو و لا نفيخة.. و الله يطلع الضغط.. ما أدري شو عاجبكم فيه:(


بس يا ترى إنتي من أي عصر.؟ مع موزة و لا سعودية و لا هدى؟:)

و لا أقول.. اختاري لج عصر بروحج:)


تحياتي

[مدردش متقاعد]

لازم يعني تقلبينن المواجع:(


بصراحة حطمتيني يوم عرضتي الصور.. وذ1كرتيني بطفولتي البريئة.. قبل ما أسافر بريطانيا بسنتين:)

صور تحفة صراحة.. مازال عبسي متصدر القائمة ههه


تحياتي

[مدردش متقاعد]

صباح الليل:)

توج ييتي تنشرين الغسيل؟:)

ماشاء الله. مسوية توب تن.. مب رسوم هاي:)

جزيرة الكنز..ويييييييي.. هذا صدق مال أول.. ممكن تذكريني فييه؟ ما أتذكر غير الطير إلي على كتف بو ريل وحدة ههههه

بس وين عدنان و لينا عن الإختيارات؟ كيف مب موجود؟:(


ليكون لين الحين تتفرجين على الرسوم... قولي لا تخافين ما بخبر حد:)

[مدردش متقاعد]

و الله صدقك.. و كأن الرسوم صار هم ثقيل في القلب و الكل يريد يفضفض به ههههه

حد ناسي رسوم مني و لا مني قبل ما ننر النتايج؟:)

[المهيب]

ياااااااااااااااااااااااااااااااااااااااااااااالله

96 رد على الموضوع

صراحه......

اسمحلي اهنيك يا مدردش على الموضوع

كفو عليك والله .... ما ادري وين تخترع هالمواضيع

لكن تعال وحليلهم المزوحيين اشوفك لبستهم (ما عطيتهم ويه)

رد عليهم ...خذ ويه الله فيهم

تحياتي

المهيب

[مدردش متقاعد]

طلعت من عهد السينما الصامتة إنت بعد؟:)

بينك بانتر و توم و جيري؟:)

أما الرجل الحديدي .. صلااحة كان رهيب.. كل يوم دايناصور جديد.. أحلى شي يوم كان الرئيس الشري يضرب الدايناصورات يوم تفشل.. كأنها عنز .. مب داينوصورات ههه

و الله أيام صراحة:)

تحياتي

[مدردش متقاعد]

اعذرني على تأخري في الرد.. إنت أدرى بظروف الامتحانات:)

الحين بتفرغ سواء هني أو في المزوحي.. بس إنت وينك غايب؟:)


يا ترى غطينا كل الرسوم و المسلسلات الكرتونية:لا لا:)

ين الحين عدنان و لينا متصدر:)



تحياتي لجميع المشاركين:)

مدردش كرتوني:)

[ألب أرسلان]

السلام عليكم و رحمة الله و بركاته.....

و ينك طول هذه المدة ....

وحشنا... أوي... أوي .... أوي .... أوي .....أوي .. أستاز مدردش... :)....

سوالف ما تسوى بلياآك......و القعدة حلوة و يآك...

مدردش متقاعد عاد إليكم من جديد.....

مدردش متقاعد الجزء الثاني....

حاليا في سوالف....

لا تدعو الفرصة تفوتكم.... :)

دائما تتحفنا بمواضيعك المسلية و المرحة.....

و يا حبك للفضايح.... :)

ما شاء الله عليك أشوفك خبير في الحفريات و العصور....:)

إذا كنت أتريد تعرف من أي عصر أنا .... تذكر هذه المسلسلات....

( يقضان، الفتى ياقوت، مخمخ و مشمش ثنائي مدهش، إستانلي و آلي ما أذكر الأسماء)

أما أحسن واحد كنت أتابعه.....

كـــــابامارو إيجانوا ...نينجا المغامر...


ربنا يستر من أي عصر باطلع.....

تحياتي....

[زهر الليالي]

Pink Panther
(بسيط)
(عبقور)
(سندباد)
(مدردش متقاعد)
(شنبوحه)

:)

[مدردش متقاعد]

أيوه ايو:) طلعت الفضايح :)

حتى إنت يا ألب أرسلان؟ هههه أول شي حمدلله على السلامة.. وينك ياخي ما تبين.. لا حس و لا خبر.. و لا إيميل و لا حتى رسالة SMS :)

ما يصير ياخي.. عنوب ماصارت دراسة هاي.. قطعت الكتب ههه.. ماشاء الله عليك.. و الله فرحت يوم شفت اسمك في الموضوع.. صار لي مدة و أنا مفتقدك.. أحيد آخر موضوع رديت في عليه كان موضوع (لحية ديجيتال) قبل 3 شهور:)

يقضان، الفتى ياقوت، مخمخ و مشمش ثنائي مدهش، إستانلي و آلي

كل هذيلا تشوفهم؟ بعضهم أعرفهم بس أكثرهم لا.. منو مخمخ و مشمش الثنائي المدهش؟ أي عصر هذيلا ياترى؟ ههه


تحياتي لك.. و نشوفك على خير

[مدردش متقاعد]

أول 4 و نعرفهم.. بس رسوم مدردشض متقاعد و شنبوحة. ما عمري سمعت عنهم .. ممكن تعطيني الشخصيات؟:)

تحياتي لك:)

[lolly]

مساء الخير والنور

الموضوع جميل ورائع..:cool:
شكرا اخ مدردش متقاعد لطرحة وبعدين جييييية ما تحب لوولو الصغيرة:OO: هه اتغشمر

المهم انا احببببب انواع كثيرة من الرسوم: مثل جورجى- هايدى - توم سوير- لولو الصغيرة ساعات - الكبتن ماجد - الرجل الحديد - عدنان ولينا - االكثير والحين اشوف ياصاح الظل الطويل:D ورسمى ورعة احم احم

واكرة شىء عندى واتغصص واموت لما يحطونة:mad: القط الوردى ما اعرف شكايل شكلة ما احبة:cry:


تحياتى
:Sad2:

[هديل الحمام]

لع لع لع لع ترا الوتر مررررررة حساااااااااااس



مسلسلات كرتوووون ؟؟؟؟؟ يا سلام والله يا مدردشينو


انا اذا تكلمت ما راح اسكت ...شكلي راح اجيب فراش ولحاف واجلس ارد على الموضوع


لكن احلى مسلسل كرتوني يعجبني هو سندريلا


واللي يبط الجبد ابطال الديجيتاااااااال <<<<للحين مو فاهمة قصته


:damp: :damp: