الغربة وماادراك مالغربة ...

[مستر]

انتهت اول سنة تدريس ....
في شهر ثلاثة الماضي .. تخرجت من الجامعة ..
احلى ايام العمر ...
رغم انها في غربة ... بس كل شي في جدة يهووون ...
مع شلة الانس ...
في احلى مكان .. السكن الجامعي ...
ياااااااااااااااه ... ايام ولا احلى من كذا ...
وصدق محمد عبده .. وينك يادرب المحبة ...
شلة الانس تتكون من :
1 - كوكو ....
الاب الروحي للسكن .. او لشلة الانس ...
رهييييييب ...
واحلى مافيه لما تجود قريحته الشعرية ...
ياااللللله .. الا نروح البحر ...
يابن الحلال اكتب قصايدك هنا .. في السكن ..
يقول كيف اكتب .. وهذي الاشكال قدامي ...
ونروح البحر ... ومع طلة القمر .. وامواج البحر .. يبدا جرير السكن بكتابة
اشعاره اللي محد يقراها الا شلة الانس .. وبالذات انا لانه كان معايا في
نفس
الغرفة ....
2 - طوطو ...
طويييييييييل ... ومافي طويل لايخلو من الهبل ...
داخل هندسة وخايف ...
طيب مالك ومال الهندسة ...
ادخل لغة عربية ولا تربية بدنية ...
المهم الى الان يكرف في الجامعة .. الله يعينه .
3 - طحلب باشا ...
اما هذا لو اكتب عشرين سطر مايكفيه ...
طول الليل ... سيدي الله يغفرله ويرحمه ... كان وكان وكان وكان ...
طبعا وقتها نكون كلنا نمنا ...
من كثر مايقول قصص ...
طبعا هو قصير ومتين .. والمشكلة سيارته تشبهله ...
نفس الشي .. قصيره وعريضة ...
طقم ...
4 - البصل ....
مطوع 2000 ...
يوم فلة ويوم طواعة ....
وماشي حاله ...
5 - الملحووووس ...
اما هذا عن جد اسم على مسمى ...
لا وداخل هندسة .. رغم انه اعداد المعلمين كبيرة جدا عليه ...
يناااااااااااااااااام ولما يصحى ... يستعد للنوم ثاني مرة ...
ومحاظراته .. سلملي عليها ...
يقول ياشباب تكفى صحوني بكرة .. والله بكرة محاظرتي مهمة جدا بكرة ...
اوووووكي
نصحيه ... ويقوم ونتكلم معاه .. ها ياملحوس صحيت ...
ايووووووه ..
متاكد ..
ايوووووه ...
يعني نروح نشوف محاظراتنا ....
ايوووووووووووووه
ولما نرجع نلقاه نايم ...
ولما يصحى ...
لييييييييييييش ماصحيتوني ....
حرااااام عليكم ....
وكل يوم على هذا الحال ....
6 - الصحفي ....
احلى مافي هذا الرجل ...انه عارف مستواه التعليمي ...
دخل لغة عربية ...
وهذا الرجل لايمكن ان تجد يده خالية من الجرائد ...
كل يوم سبعة وثمانين جريدة ..
ماادري من فين يجيبها ...
المكافأة 850ريال ...
تروح منها 750 ريال في الجرائد ...
اكيد عرفته ليش سميناه صحفي ...
7 - الكلب الفرنسي ...
رجل ولا سيد الرجال ...
مخلي الدنيا سهااااالة ...
كل شي بالبركة ...
ماشي بدعوات الوالدة الله يحفظها له ....
8 - الكرييييه ... او العنقز ...
ماادري ايش يبغى بوجهه ..
عليه حركات وجه مايسويها اكبر مهرج ...
والمشكلة انها تلقائية .. يعني يسويها بدون شعوره ..
وياما فضحنا في الاسواق ..
وخاصة اذا بدات حركات الوجه قدام بنت ...
اكيد راح تعتقد انه يستهبل عليها ...
وتبدا المشاكل ... والله هذا الادمي مريض هو كذا مايقصد شي ...
9 - واخيرا ... انا
اسوء موقف صار لي في الجامعة ....
لما جيت ااااخر الليل تقريبا الساعة 3:00
في منتصف الليل ...
جاي من سفر ... وافكر في الفرااااش ...
وفجاة ستة ... بالضبط ستة كلااااب ..
ورايا ...
ياهوووووووووو .. معقول ....
والله حافظهم اشكالهم واحد واحد ...
ايش تبغوا...
هو هو هو هو ...
قلت خير اللهم اجعله خير ...
وفكرت في اطلاق العنان لرجولي .. لكن اتذكرت انه اذا جريت اكيد راح
يتشجعوااا..
ويهاجموا ...
مسكت اعصابي .. الله واعلم كيف ..
وبدات في المشي البطئ ...
اسرع .. اسرع .. اسرع ...
بس ماجريت ...
والشباب ورايا ...
هو هو هو هو ...
انا بخاف من الكلب يطلعلي اسد ...
عفوا كلااااب ...
المهم لو صارلي شي ماكنت قدرت اكتب هذي الرسالة ...
مرت الحادثة على خير ....
والله ايااام حلوه ...
راحت وراحت معاها احلى الاوقات .. مع شلة الانس ...
اتخرجت وكنت منشكح ( مبسوووط ) طبعا محد قدي ...
وقلت اكيد راح ارجع لاخواني واهلي ,,,, قاموا شاتوني على الرياض ...
ومن غربة لغربة وياقلب لاتحزن ..
لدرجة اني نسيت اشكال بعض اخواني ....
عموما ..
هي الدنيا كذا ... عاشر من تعاشر .. ولابد من الفراق ....
سلااااااااااام
عبادي

[صمت الكلام]

مبروك التخرج

[عذوبة]

موضوع شيق............

أنا عن نفسي حتى ما أفكر إني أجرب الغربة........

[ســامــر]

اهلا اخي...موضوع جميل..قرائته مريحه وجميله....

وتضل الغربة لها فوائدها......فيكفي انها تعلمك ان الحياة ليس سهله وناعمة...بل هناك ايام قاسية تنهيك بليله واحده...
وايضا يكفي الاعتماد على النفس ......

انا اي ثلاث سنوات وبقي سنة......بس غربة وعزوبية ودراسه...صعبه بصراحة..لكن الله يعيننا.....

الف مبروووووووك التخرج وانشا الله حياة عملية مريحه وموفقه..
تحياتي