أما زالت البراءة موجوده أم لا ؟؟؟!!!

[bnt_elnoor]

السلام عليكم ورحمة الله وبركاته ....
شحالكم يا الطيبين ؟؟

اخواني و اخواتي ..موضوع أفكر به لساعات ..أسال نفسي هل فقدوا الاطفال برائتهم ..
صراحه استغرب على الحركات اللي يسوونها ...
يعني لو انا قاعده اكلم اختي اللي اكبر عني ..وحرمة اخوي وغيرهن..او اكلم صديقاتي القى الصغار يحبوون يسمعوون سوالفنا ..يحبوون يقعدوون ويانا ..
أما الفضول اللي يصير لهم فضييييييييييييييييييع ..يعني يحبوون يعرفوون كل شي .. يحشروون نفسهم في كل شي ..
صراحه على ايامنا ..واقصد مو اني عوده حليلي توني صغيره ..بس جيلنا كنا نحب نلعب بالعكس ما كنا نداني حد كبير بينا .. نحب نلعب العاب ..تضج بالبراءه ..علينا حركات حلوة نحبب غيرنا فيها ..اما هالايام والاطفال هالايام ..صراحه يخلون اعصابي تتلف .. والمشكله انا مو من النوع اللي يقدر يضبط اعصابه ..على العموم ابي وجهة نظركم لهالموضوع .. واتمنى من الجميع المشاركه
ويزاكم الله الف خير ..
اختكم بنت النور

[om-maryoom]

هذا لا يسمى فضول بل هو حب استطلاع
لكن تقدرين توفير الجو المناسب للاطفال حتى يلهو بلعبهم عنك .
وبالعكس حتى انا واناصغيرة احب اسمع سوالف الكبار احب اكتشف عالمهم واقلدهم .
وشكرا

[لآلئ]

يا إلهي .. السؤال جداً غريب ..
وجوابه : نعم .. الأطفال بريئيين ، بل إن تصرفاتهم التي تغضبك هي الدليل على براءتهم ..
إن الأطفال يحبون التعرف على كل ما هو جديد .. يكثرون من الأسئلة المحرجة التي لا نعرف الإجابة عليها ..
لكن صدقيني .. يجب أن نحاول أن ننمي حب الاستطلاع لدىأطفالنا وأن نعامل الصغار بشيء من الحنان والعطف ..
( يا حلو الأطفال ما شاء الله )
لكن كلامك صحيح بخصوص إن الأطفال في هذا الزمان اختلفوا ..
فأنا عندما أقارن بيني وبين إخوتي الصغار أجد الكثير من الاختلاف .. فهم يقومون بأعمال كنا ممنوعين منها ويتخيلي إنهم أجرأ كمان .. وأفصح وطلباتهم أكثر ما شاء الله ..
بس الخطأ مو من الأطفال ، الخطأ من ذا الشي اللي اسمه تلفزيون ..
عذراً على الإطالة ..