تذكرون اول يوم في الجامعة او الكلية ؟؟ كيف كان ؟؟

[غالية]

صباح الفل على الكل ...
طبعاً قراتو السؤال...عن نفسي أنا ....كان اول يوم لي في الكلية ..في شهر 9 /1997 ..اول يوم كا ن متعب و طويل .."الى حد الساعة 4 العصر.و معظم باقي الايام كذلك..ما كنت متعودة على الدوام الطويل...حطوني في كلاس ما كنت اعراف فيه اي بنت ...تعرفنا في اول يوم على مدرسينا ... كانو كلهم رجال... وتعرفنا على اسماء زميلاتنا في الكلاس ..اللي بعدين صارو نصهم صديقاتي :)..
اذكر رجعت البيت كان راسي بينفجر...و ما اريد اسير اليوم الثاني ...لكن سرت ... شو عنكم انتو :) ؟؟؟

[Huda76]

أختي الغالية غالية :)

هلا بك واللـه أختي :)

بالنسبة لي كان أول يوم في الجامعة في شهر 9 من عام 1994 .. ما كان معي أي أحد أعرفه بالمـرة لأني حصلت إعفاء من السنة التمهيدية ورحت سنة أولى على طول ..

وسلمك الله راح معي الجامعة أخوي الكبيـر ودخل معي الكلاس وجلس معي لحد ما وصلت أول بنت وكانت حبوبة جدا .. لما أخوي تطمن أن أكو بنت معي بالكلاس راح عني ..

وبعدها توالت وفود الطلبة والطالبات :)

أول يوم ما كان فيه أي شـرح .. كان بس يجي الدكتور يعرف نفسه ويعطي نبذة بسيطة جدا وعامة عن المقرر ويطلع .. يعني ما ياخذ أكثر من 20 دقيقة ..

الا دكتور مادة الـ Calculus .. هذا شـرح من أول يوم :) :)

كان يوم حلو جدا رغم حالة الخـوف والحياء اللي كنت عايشة فيها :) :)

تحياتي لك

[غالية]

السلام عليكم...

كيف حالك اختي هدى ؟؟
ان شاء الله اتكونين بألف خير :)
والله ايام الكلية و الجامعة لها ذكريات...بعضها حلو واكثرها مر:D...لكن ممكن سؤال ...في اي جامعة كنتي تدرسين ??
عن نفسي أنا كنت ادرس في كلية التقنيا في دبي و متخرجة العام الماضي 2000 :)

[عاشقة]

أهلين الغالية:)

والله بالنسبة لأول يوم في الجامعة كان عام 1996 ، بس كان يوم عصيب...
من مكان لمكان ،، وياكبر الجامعة، تهت ولفيت وتعبت لما استقريت وعرفت الكلاس فين..

وماأنسى وحدة الكلاس أبدا،، لكن بعدين الكل صاروا صديقاتي وظلينا أصدقاء الى يومنا هذا حتى بعد تخرجنا،، الله كانت أيام جميلة..:)

ياليت تعود أيام الجامعة بس الأساتذة؟؟؟؟؟؟؟؟؟؟؟؟؟؟؟؟;)

[Huda76]

أنا الحمدلله بخيـر .. الله يسلمك من الشـر :)

أنا سلمك الله متخرجة من " جامعة البحـرين " .. بكالوريوس كمبيوتر + نظم معلومات ..

تخرجت في يونيو من عام 1999 :) :)

[غالية]

أهلين

أختى Huda76 شكراً لاجابتك على السؤال و مجال دراستك تقريباً نفس مجال دراستي ...تمنياتي لك بمزيد من التفوق والنجاح...

اختي العزيزة عاشقة طلال ...انا والله بعد احن احياناً للأيام الدراسة ..وبالنسبة لأصدقاء الدراسة للأسف نحن تفرقنا..و ما بقت لي غير صديقة واحدة منهن ...:)
و من خلال ذكركن اخواتي لسنوات دخولكن الجامعة تبين لي ان نحن تقريباً من نفسة الفئة العمرية ...تحياتي لكم :)

[Toldo's Fan]

بعدني أروح المدرسة :( و انشاء الله بعد 2 أخلص يعني لازم أتخيل كيف بيكون أول يوم لي في الكلية !!!
و حبيت أسأل شو تفضلون الكلية أو المدرسة ,, أقصد أيهما فيه صعوبة أكثر؟؟و شو أفضل الكليات حاليا في الامارات ؟؟ :)
و في السلام ختام

[غالية]

يا أهلا و سهلا يا Toldo's Fan

عن نفسي انا اشوف الكلية احلى بوايد من المدرسة...المدرسة صراحة ما كنت اطيقها مول ... اما عن الصعوبة ...على حسب الدراسة اللي انت بتكونين مختارتنها ...واذا كنت تحبينها بتكون سهله ...و اذا اجتهدتي من البداية و حطايتي بالك في دراستك بس ...ان شاء الله ما بتشوفين اي صعوبة ...كذلك اختاري الصحبة الطيبة ...لان اصدقاء السوء يأثرون وايد ....ام عن احسن الجامعات في الدولة فهذا موضوع يباله كلام وايد ...ان شاء الله بنتكلم فيه بعدين ....تمنياتي لكي بالتوفيق والنجاح الباهر :) :)

[om-maryoom]

اما انا فدخلت الجامعة سنة 2000 وجامعتي هي جامعة الكويت في كلية التربية .
والله اول يوم ما كان مشجع لانك ماتعرفين وايد بنات . لكن معاي اقاربي واخوي وهذا سهل علي شوي .
لكن الدراسة والزوج ومريوم اشياء صعب توفقين بينهم الا اذا بذلتي جهد كبير .
وشكرا

[BRABUS]

والله يا اخت غالية انتي أرحم

لين الساعه 4 العصر

أنا أول يوم كان لي في الكلية 9/2000

وكان دوامي من أول يوم من الساعه 8 الصبح لين 6 :(


أما ألحين

الدواااااام مصخره ههههههههههههههههههههههه

[Toldo's Fan]

أختي ,غالية
شكرا على نصائحك و أنا معك في كل كلمة قلتيها :) فعلا الصحبة السيئة تؤثر بشكل فعال و كبير و اللي يبدأ بالجد و الاجتهاد لا يتعثر أبدا :)

[البحاري]

مساء الأنوار .. غالية

والله ما اذكر اليوم بالتحديد :):) .. لكن كان في 1995 .. وكان يوم محرج للغاية ومرهق :):)

وكانت المحاضرات فترتين صباحية ومسائية :(:( .. كان كل شئ غريب جدا على :):) ومرت السنوات ونسينا أحداث الدراسة :):)

تحياتي :)

[ARAE]

أنا كنت في الجامعه


ودخلتها عام 98



ولله الحمد والمنه

[حسينكو]

مرحبا اختي غالية

أول يوم والله كان مرة ريح

لأني رحت الجامعة وكل شي كان جاهز ومع شباب يدلون داخل الجامعة

كان أول يوم في الجامعة ... في سنة 1997 ... بعد شهر ونص من وفاة الليدي ديانا

المهم ... اول يوم استلمت الجدول ... ورحت لل book store وخليت الجدول عندهم حتى يجهزون الكتب ورجعت البيت ... كان جدولي زي الحلاوة

ونمت

لكن في السبوع الاول ... صار شي يضحك ... كان عندي محاضرة كيمياء (حل اسئلة_وكانت ملغية لأننا بعدنا ما بدينا) أنا اتلخبط بمكان الكلاس ورحت حضرت ... الدكتور قال الاسماء في نهاية المحاضرة واسمي ما طلع ... فكلمته

اتاريني حاضر محاضرة رياضيات ... بس ما انتبهت لأن الدكتور كان يتكلم عن اسلوبه وطريقة الكورس ...

انحرجت اشوي ....

[دعد]

بأذن الله ادخل الجامعه سنه 2003
اذا كانت حساباتي صح..

[البحاري]

صباح الخير .. للجميع

أقول دعد .. خليها مع بداية عام 2008 تكون الحرب العالمية الثالثة بدأت ( زي ما قالوا في عدنان ولينا ) .. تحصلين اجازة وما تدرسين :):)

[غالية]

السلام عليكم

أهلاً اختى om-maryoom و اشكرك على المشاركة اما بالنسبة لزوج و مريوم فلا تشلين هم ان شاء الله امورك كلها بتكون OK لان لما كنت ادرس كانت عندي صديقة ما شاء الله عليها كانت تحمل و تولد خلال العام الدراسي ..و خلال دراستي معها انجبت اللهم صلى على الرسول 3 اطفال ... وما شاء الله بعد كانت من المتفوقين..كل شي بالطموح يصير :)

[غالية]

السلام عليك ...
اي كليه هي دوامها مصخره خبرني عنها عشان اخوي ينفع له كليه من هالنوع :D: ....any way ...بالتوفيق و تمنياتي لك بالنجاح :)

[غالية]

السلام عليك :)
اهلاً بك ... واشكرك عل المشاركة في الموضوع :) :)

[غالية]

السلام عليك :)
و اشكرك على المشاركة ..يا اهلا و سهلا :)

[غالية]

السلام عليك :)
اشكرك على المشاركة ... ما شاء الله عليك اسلوبك شيق في الكتابة ...تحياتي لك :)

[غالية]

السلام عليكي :)
إن شاء الله انك بتدخلين الجامعة ...بس انتي شدي حالك عاد :)
تمنياتي لك بالتوفيق والنجاح :)

[المبتسم]

اووووووف لاتفكريني
اول يوم كان مرهق جدا
لان الجامعه كانت علي جبل
ومبني السكن الطلابي علي الارض
وعلشان اخد غرفه في
السكن الطلابي لازم اخد ورقه واعبيها
واوقعها من اداره السكن (علي الارض)
واصدقها من عماده القبول(علي الجبل)
وارجع ادراه السكن(علي الارض)..استلم المفتاح..
وبعدين اروح شؤون الطلاب(علي الجبل)
واعمل بطاقه جامعيه...
وبعدين نزلت للمطعم الجامعي(علي الارض)
اتغديت..ورحت الغرفه ومدري كم يوم نمت بعدها..
لوبييز.

[دعد]

البحاري..تصدق حسبت عمري طلعت قد سميره..الي بعدنان ولينا..
انت قد رامي..جد لينا..هههههههه

[المبتسم]

ياللله عدنان ولينا؟
كاني سمعت الاسم دا
من 20 سنه؟
عجيب والله؟
يخلق من الشبه50

[غالية]

يا اهلا و سهلا يا lopez ...
والله سالفتك سالفه مع الجامعة :D ..اكيد انت من سكان المناطق الجبلية :) ...تدري اسمك يذكرني بحد يا ربي بس ابي اذكره .....ممممممم اعتقد ان هو هذا الاسم... جـينفر لـــوبيز المغنية الامريكية اللي من اصل مكسيكي :)

[المبتسم]

اهلين غاليه
لا والله لا مناطق جبليه ولا يحزنون
انا اصلا من جده
وبعدين الجامعه في الشرقيه
ما لقوا يبنوا الجامعه الا
فوق جبل
من قله الاراضي؟
======================
وبعدين اسم لوبييز انا عمري ما فكرت اني احط اسمي
علي اسم مغنيه ساقطه
بالعكس لوبييز دا اسم لاعب كوره ارجنتيني
وتسلمي علي ذوقك

[غالية]

الظاهر انك زعلت ...ان ما كان قصدي ان اربط اسمك بأسم وحدة ساقطة على حد قولك مثل جينفر و هي بلفعل ساقطة ...والله انته محشوم عن ها الاشكال ...لكن كانت مجرد مزحة ...و انا والله ما اعرف بعد لاعيبت الكورة المحليين ..فما بالك بالعالمين :D
و يا حياك الله يا ولد جدة ....و اسمح لنا عاد ... تحياتي لك :)

[المبتسم]

لا والله ما
زعلت لاني ادري انها مزحه
وعلعموم شكرا
وشدي حيلك علشان توصلي للمئويه وانزلك تهنئه