تابع : تحليلا ت نفسيه لكل اعضاء سوالف

[hwajs]

بنكمل حلقتنا اللي بديناها امس
بنبدي
البحاري : شخصيه ثائره بالرغم من هدوئها ... بس تحوي الكثير من خفايا النفس البشريه
.. كل موضوع تشوفه بشخصيه مختلفه ..حبوب في ردوده .. تحسه احيانا عقلاني زياده عن اللزوم واحيانا ثانيه ولا له دخل بالعقلانيه يعني مرح الي ابعد الحدود المرح اللي يخالطه الجنون المحبب الي النفس
هدي 76: والنعم فيها .. شخصيه لها كل الاحترااام .. ما تحب تأذي احد .. ردودها ومواضيعها حلوه وهادئه .. تحس بشخصيتها الميل للهدوء اكثر من ..... (الربشه ) يعني الجنون المحبب اللي ما يزيد عن الحد
اما ضفره : فهي شي ثاني .. شخصيه الواحد يكسب بمعرفتها الكثير .. بجانب حبها للمرح .. روحها صافيه .. تحب الغشمره .. وعندها عقليه رهيبه
لكن اعتقد ان معضمها يدور حول النساء يعني كتابتها نادره عن مواضيع تبتعد شوي عن جنس البنات.. بس لمواضيعها نكهه وميزه خاصه تميزها وتكشف لنا عن شخصيه تحب الاعتدال بكل شي
فيها شوي( ربشه) عااد لا تزعلين الربشه المحبوبه تراا
واتمني من الجميع ان يعذروني تراا هذا اللي اشوفه من خلال متابعتي لمنتدي سوالف
والبقيه انشالله بتيي في حلقاات يايه

[ظفرة]

تحياتي لك مع شكري وتقديري لكتابتك

أما بخصوص ماكتبتيه عني ..........

فلك كل الاحترام... والتقدير ولك حرية

النقد عني شخصياً...................

فاذا كانت الكتابة يغلفها الادب والاخلاق

فانا ليس لدي مانع من أن افتح اذني وأسمع

ويمكن ان يكون من صالحي هذا النقد وليس ضدي

تحياتي مرة اخري

[hwajs]

هلااا ضفره لا تكوني زعلتي
انا اكن لك كل الاحترااام وهذي مجرد سولف تراا
اذا في الموضوع شي زعللك
سامحيني وانتي في العين والراس

[بياع القلوب]

هلا هواجس
مو كأنك نسيتني ؟
مفروض اكون بالحلقة هذي :( ؟
تحياتي

[فرفوشة]

:):):)

هواجس موضوعك حلو

:):):)

[ظفرة]

وليش ازعل

انتي اثبتي انك بعيدة عن المجاملة و واضحة

انظري الي أسفل ( شعاري ) وانتي تعرفيني جيدا

احب العقلانية في كل شي بالنقد بالكتابة بالتصرفات

عزيزتي ..... خذي راحتك وانا معجبة بموضوعك وايد

وتسلم اعيونك ومحفوظ راسك

باااااااااااااااااااااااااااي

[hwajs]

بياع القلوب لا ما نسينااك
هو المفروض انت بهذي الحلقه
بس ولا يهمك بتكوون اولهم في الحلقه اليايه.. انشالله

[hwajs]

تسلمين عزيزتي
بس اتمني ان احد ما يزعل علي تراا انا اختكم اولا واخيرا

[hwajs]

بس احب اقولك شي وااحد انا من اشد المعجباات بكتابتك
ومثل ما قلت لك انتي شخصيه بمعرفتك الواحد يكسب الكثير
اتمني اني اكون نعم الاخت لك وللجميع انشالله

[الشبح 999]

اعتقد انه العنوان فيه جميع اعضاء سوالف :) ويني انا

[Huda76]

أختي الكريمة هواجس

هلا بك والله أختي :)

عساك بخيـر وصحة ان شاء الله ..

تسلمين والله يعطيك العافيـة ان شاء الله :)

مشكورة أختي على كلامك الطيب ..

تحياتي لك :)

[hwajs]

في الحلقاات اليايه انشالله :)

[hwajs]

ترا مجرد سوالف وما بديت الموضوع الا لاني احترم كل الي يكتبون بهاالمنتدي
احترامي لك عزيزتي واتمني لك التوفيق

[hwajs]

احب اقول شي للكل في فرق واضح بين الكلمتين : النقد والتحليل
انا في هاالموضوع ما انقد ابدا بس تحليل وبعد تحليلي للجانب الطيب
اتمني من الكل لما يقراا هاالموضوع يخلي في باله انه مو تحت عنوان النقد انما التحليل وبعد تحليل متواضع من وجهه نضر خاصه وعاد مالي دعوه باللي يشوف شي ثاني
تحياااتي

[البحاري]

صباح الخير .. hwajs

( البحاري : شخصيه ثائره بالرغم من هدوئها ... بس تحوي الكثير من خفايا النفس البشريه
.. كل موضوع تشوفه بشخصيه مختلفه ..حبوب في ردوده .. تحسه احيانا عقلاني زياده عن اللزوم واحيانا ثانيه ولا له دخل بالعقلانيه يعني مرح الي ابعد الحدود المرح اللي يخالطه الجنون المحبب الي النفس )

أعجبني هذا التحليل .. وأن كنت أقل مما ذكرتي .. لكن أقبل الكلام بسعادة .. واشعر بالرضى عن نفسي :):)

تحياتي :)