View Full Version : يا صاحبي........
سحابة
24-09-2001, 09:08 AM
يا صاحبي ما فادنا كثر الاحلام
واللي بخاطرنا عجزنا نطوله
ماتت امانينا على كف الايام
وحكم القدر فارض علينا ميوله
نمشي ورا والوقت يمشي لقدام
ضعنا وضيعنا كلام نقوله
تعبيرنا ما ضمته روس الاقلام
تكسرت كل الحروف بسهوله
طيف السهر في نظرة العاطفة حام
يرمي شباكه للعيون الخجوله
نسهر .. وتسهرنا مقادير الاعوام
ودروبنا .. متفرقه.. ومعزوله
العمر ولى.. والبخت طاح ما قام
والحظ وقف والليالي عجوله
نصبح على هم ونمسي على اوهام
وظيم الدهر بالدرب نوخ ذلوله
باحلام عشنا.. وافترقنا بالاحلام
نحلم .. ونحلم من زمان الطفوله.......
عاشقة
24-09-2001, 10:47 AM
:):):)
http://www.geocities.com/dr3_site/p39.gif
نحلم ونحلم من زمن الطفولة....
كلام ..جميل ....:):)
تسلمين ..:)
SAUD33
24-09-2001, 12:07 PM
^1
أحلامي كثرت بك يا مضنوني وين القاك
والدمع من عيني يهل لين افتكر رؤياك
اشقد حلوة شوفتك لين التقي واياك
حلم عسى الله يحققه واقول خذ قلبي هاك :)
خذ قلبي لك يا زين وافعل به على شهواك
روحي وقلبي ومهجتي وكل شيئ بايدي يفداك :)
بس لا متى حلمي يظل؟؟؟ أريد مرة شوفاك:)
على العموم اخت سحابة كلمات جميلة ومشكورة وما قصرتي .
^2
يا سلاام عليك ابوي سعود ....:)
المواهب الدفينه << حتى لو انك مب اللي مؤلفها :)
يكفي عرفت وين تلصقها :):)
ســامــر
24-09-2001, 12:14 PM
هلا سحابة......
كلمات جميلة وحلوه وخاصة
ماتت امانينا على كف الايام
وحكم القدر فارض علينا ميوله
واعتقد انها (وفية) للغاية......
تحياتي
SAUD33
24-09-2001, 12:17 PM
^1
ويش رايك حبيبي ثائر أعجبك يعني ؟؟؟؟؟:)
^2
الا دخلت مزاجي على طوووووووووووووووووووول :):):)
SAUD33
24-09-2001, 12:27 PM
^1
ابني ثائر المسلمي معاي على المسينجر!!!
^2
المسلمي ....سلم عليه حيييييييييييل
و قل له وين حلولك الجهنميه ؟؟؟؟
انا استنى هل الرسايل عشان يشوف لي حل حق المسنجر هتميل
<<<<<<<<<<<< انفضحنا :):)
SAUD33
24-09-2001, 12:35 PM
^1
والله قلت له ثائر موجود واستانس .
وقلت له يسير علينا هنية قال هو يسير يقرا ويمشي :(
بس ابشرك هو يقول انه بيجي اشوية :)
اش رايك يالمسلمي ؟؟؟
مسلمي ... زعيم المستسلمين ..:):):)
قل له يسير احسن له لأصلح المسنجر هتميل << يا ليت يتصلح :(
و اطب عليه ..:):):)
الله يسلمه ...و انا بعد استانست لوناسته :):)
البحاري
24-09-2001, 05:23 PM
مساء الخير .. سحابة
كلمات رائعة ومعبرة .. أعجبتني كثيرا هذه الكلمات لوقعها في نفسي ..
" العمر ولى.. والبخت طاح ما قام
والحظ وقف والليالي عجوله
نصبح على هم ونمسي على اوهام
وظيم الدهر بالدرب نوخ ذلوله
باحلام عشنا.. وافترقنا بالاحلام "
تحياتي لك .. :)
صح السانج ياسحابة
و يامعودة امطرينا زود