View Full Version : قرقيعان ..أو جرجيعان علي قوله أبله عطيات
ديمة2020
29-11-2001, 03:08 PM
القرقيعان عاده لدينا بالكويت وذلك عند انتصاف الشهر الكريم في يوم 13 14 15من الشهر.
والقرقيعان فيه يلبس الاطفال الملابس الشعبيه فالاولاد الدشاديش
والبنات الدراعات والبخانق (وهو غطاء للرأس) وبعد ذلك يقومون بلف
البيوت والمنازل من أجل جمع القرقيعان (المكسرات والحلويات )
(وإذا كانوا كريمين وايد يحطون فلوس ) وطبعا الاهالي ما يعطون القرقيعان للأطفال إلإ بعد
ان ينشدوا نشيده القرقيعان .
(عاده جميله ونفتقدها جدا ولكن نحاول نعوضها بعيالنا وأخوانا)
Huda76
29-11-2001, 03:18 PM
أختي الكريمة ديمة 2020
هلا والله أختي :)
عساك بخير وصحة وعافية ان شاء الله :)
" القرقاعون " مثل ما احنا نسميه في البحرين عادة جميلة جدا ..
اليوم راح أفتقده فعلا لأني راح أكون بالدوام وما راح أشوف الفرحة في عيون الأطفال وهم داخلين بيتنا ويقرقعون :( :)
تحياتي لك
ديمة2020
29-11-2001, 03:31 PM
هلا ياهدي
القرقاعون عندكم في البحرين شتقولون فيه
إحنا نقول بالكويت.
قرقيعان وقرقيعان بيتك قصير ورمضان
عادت عليكم صيام كل سنه وكل عام
وطبعا هي طويله ...............
بس هدي لو اني منج أغيب اليوم هي كلها مره بالسنه
:) :)
مرايا مبعثرة
29-11-2001, 03:51 PM
هلالالالالالالالالالا
احنا نقول في القرقاعون :
" قرقاعون ....عادت عليكم ...اوه يالصيام ... اوه يا رمضان ... الله يسلم ولدكم ولدكم يالحبابة ................"
اختج : الواحة ;)
شعنونة سوالف
29-11-2001, 04:07 PM
نحن مانقول شئ :(
حسينكو
29-11-2001, 04:12 PM
مرحبا اختي ديمة
القرقيعان أو القرقاعون أو القريقشون
أو الناصفة
تراث منتشر على طول الخليج العربي
.. واللي يميز اليهال لبسهم الحلو
واحنا نقول في السعودية
قريقشون ،، ناصفات ،، حلاوات ...على النبي صلاوات
وكل عام وانتم بخير يا اختي ديمة
وأعاده الله عليكم بالبركات
ديمة2020
30-11-2001, 11:15 AM
الواحه كلامك قريب بعض الشئ منها ويعله عاده ما تنقطع.
مس لبنان قد تكون هذي العاده موجوده بالكويت ولكن أليست لكم عاده في لبنان في رمضان.
هلا حسينكو والله اسماء عجيبه عندكم بس تظل عاده جميله وتراث رائع ومشترك في الخليج
وانت بصحه وسلامه.
أعاده الله علينا كل سنه وعام
شعنونة سوالف
01-12-2001, 02:46 AM
لا ياديمه نحن مساكين ماعندنا :(
بس انا اعرفه من السعوديه لما كنت عايشه هناك :)
ديمة2020
01-12-2001, 09:42 PM
يلا مايخاف كله واحد
احتفلي بالقرقيعان علي طريقتنا.:)
حسينكو
01-12-2001, 10:57 PM
مس لبنان ... جؤؤؤؤؤؤؤؤؤؤؤؤؤجؤؤؤؤؤؤؤؤؤؤ:D
تبغي حلاوة ... بنعطيكي
يالله البسي جلابية خليجية واخذي كيس من قماش معمول باليد واطلعي قرقعي مع اليهال ... والله روعة
بس انتي يوم كنتي جارتنا قبل لا تروحي كندا ... كنتي ما تعرفي تقرقعي زين:D :D الاولاد دايم يضحكو عليكي وياخذوا الحلاوة والهدايا اللي تجمعينها من البيوت :p :p أنا كنت اعمل بطل وأرجعها لك من عندهم
شعنونة سوالف
01-12-2001, 11:00 PM
الاولاد !!!!!
اه تقصد حسناء وشلتها :D