View Full Version : اتمنى من الاخوة الاعضاء سؤال ضيفتنا لهذا الاسبوع الاخت بنت العين !!!!
منصور السالم
14-01-2002, 02:59 AM
يسعدني ان استاذن مراقبنا العزيز بطرح فكره جديده وهي عباره عن ضيف لكل اسبوع او اسبوعين يقوم الزملاء والاعضاء الكرام بسؤال لهذا الضيف ثم يقوم الضيف بالرد عليهم واذا كان ذلك متاح فبسم الله نبدأ
ضيف هذا الاسبوع بنت العين
اتمنى من اخواني سؤال لضيفتنا الكريمه بنت العين
وسوف اكون انا الذي ابدا بسؤالها
السؤال:
من الشخص الذي اخبرك عن هذا المنتدى الجميل؟
بعد اذن الاخت بنت العين اتمنى الاجابة ولها جزيل الشكر0
بنت العين
14-01-2002, 03:36 AM
هلاااا منصور
فاجئتني..:cool: <<== بس مفاجعه..مفاجئه حلوه
تسلم..و لي الشرف اني اكون اول ضيفه ..:):)
السؤال:
من الشخص الذي اخبرك عن هذا المنتدى الجميل؟
انا عرفته فالجامعه..بالصدفه..كان موجود على الجهاز اللي قعدت
عليه..و عيبني..و حبيت اني اشارك..و فعلا شاركت.و ان شالله
اني كنت عضوه مفيده...و منصفه مع الكل..
تحياتي لكـ :)
al hages
14-01-2002, 10:32 AM
فكره ممتازه وانشاءالله الجميع يستفيد منها :)
المنتدى رياضي وانا سؤالي مهب رياضي ولا فيه من الرياضه شيء :)
وش رايك الحب اللي في الانترنت هل هو صادق وهل هو بيدوم ؟؟!!
طبعا سواء كان من شاب الى شاب او من شاب الى بنت او العكس من كل النواااااااااااااااااااااااااااااحي ؟؟؟؟؟؟؟؟
يالله ابي الجواب وابيه بصراااحه
طيب يا بنت ;)
بنت دار زايد
14-01-2002, 11:36 AM
هلا منصور
صراحه فكره جهنميه
وايد حلوه يعطيك العافيه
اما بنت العين
اول ما قريت الموضوع يني اسئله ما تتصورون شكثر
بس عقب اتراجعت
قلت شو هبله انتي
ساليها فيس تو فيس احسن
وهنيه ساليها سؤال محترم
قلت خل اسالها مممممممممممممم
صح انه خارج الموضوع لكن يالله
انتي حاطه فخاطرج عليه
هاااااااا الرد مو هنيه
ان كان ردك لي نعم لمح بعينك وابتسم
ومشكور مره ثانيه اخ منصور
;)
وحداوي للأبد
14-01-2002, 04:12 PM
ليش قلتي بنت العين مش بنت الأمارات؟
بنت العين
14-01-2002, 04:14 PM
هلاااا الهاجس
شحالك....عساك طيب..:)
وش رايك الحب اللي في الانترنت هل هو صادق وهل هو بيدوم ؟؟!!
النقطه المهمه هي..مدى صدق او جدية الطرفين...و هل النت
تعكس شخصية الفرد بصوره صحيحه..او لا ؟؟ بمعنى
اذا الشخص حب شخص ثاني عن طريق النت..معناته حب شخصيته
و طريقة تفكيره..و طريقة رده..
اذا كان الجواب ايه..فاعتقد انه حب صادق..و الحب الصادق يدوم
و اذا لا...فهذا حب وهمي...و يزول مع زوال السبب..
و برايي اهم عنصر فالحب الثقه و الصدق..و هذي العناصر يمكن تكون
مفقوده فالنت....<<== شو رايك ؟؟
هذا رايي بصراحه..و ان شالله اكون وفيت...
تحياتي لكـ :)
امل النصر
14-01-2002, 05:02 PM
لك كل الشكر اخ منصور
الاخت بنت العين
لماذا لاتتواجدين على الماسنجر دائما
lolly
14-01-2002, 06:25 PM
مساء الانوار
مشكور اخوى منصور السالم على الفكرة الحلوة عشان يتحرك هذا القسم ...
هلاا بنت العين ...
انا اسألك اختى سؤال رياضى لانا فى قسم الرياضة احم احم :D
- ما الفريق المحلى او العربى او الخليجى او العالمى الذى تشجعينة ؟؟
- بنت العين انتى من الامارات واريد رائيك بصراحة بتشكيلة المنتخب الحالية ؟
lOLLY
بنت العين
14-01-2002, 10:05 PM
هلااا بنت دار زايد
هلاااا اختيه..:):):)
انا لو ابى ازعل منج..ما اقدر..;)
و انتي تدرين بهالشي..بس انتي احيانا تقهريني
و يبالج تاديب..هههههه..و كلمه اخيره ما فيه
داعي تفضحينا على النت..:D
تحياتي لجـ :)
بنت العين
14-01-2002, 10:38 PM
هلاااا امــ:)ــــل
احاول قد ما اقدر ادخل..يوم احصل فرصه..
و انا اصلا دخلاتي قليله..و يمكن ما نتاسب فالوقت
بس و لا يهمج راح ادخل اكثر..انتي تامرين امر..:):)
تحياتي لجـ :)
ايطالي
14-01-2002, 11:15 PM
هلا بالغاااااااااالي منصور
والله فكرة جهنميييييييية :):):)
وعلى السؤاااااااااال ممممممممممممم
اقولها ايش تشجعين بالسعودية ..... ياليت بدون مجاملة :) :)
والسؤال الثاني ... خارج الرياضة
ايش رايك بالجامعة الامريكية اللي بالشارقة ... يعني صعبة او لا
ورأيك فيها .... من جميع النواحي
وتحياتي لكم ....
بنت العين
15-01-2002, 12:18 AM
هلااا لولي
هلااا اختي..شحالج...:):)
ما الفريق المحلى او العربى او الخليجى او العالمى الذى تشجعينة ؟؟
المحلي...طبعا العــيـــن ..و العربي..الاهلي و الهلال السعودي !..و العالمي..الانتر الايطالي
بنت العين انتى من الامارات واريد رائيك بصراحة بتشكيلة المنتخب الحالية ؟
تشكيله لا باس فيها...لعيبه شباب..
((عبدالرحمن ابراهيم وعبدالسلام جمعة وعبدالرحيم جمعة وعبدالعزيز محمد وفهد مسعود وفهد علي وياسر سالم وسبيت خاطر وسلطان راشد وغريب حارب ومحمد عمر وحيدر آلو علي وحسين علي وجليل عبدالرحمن ووليد سالم ومسلم احمد وعبدالله سالم ومحمد قاسم جمعة ومحمد علي غلوم وعبدالله سهيل وبشير سعيد وعبدالله علي مصبح))
يمكن تنقصهم الخبره شوي..لكنهم من افضل اللعيبه المتواجدين حاليا
و لكن استغرب استبعاد اللاعب..(حميد فاخر) لاعب ممتاز و متحرك !!
و كل التوفيج للابيــــــض...
تحياتي لجـ :)
بنت العين
15-01-2002, 12:27 AM
هلااا وحداوي للابد
سوري ما انتبهت لك قبل..
ليش قلتي بنت العين مش بنت الأمارات؟
ترى العين من الامارات..<<== صح ؟
و بعدين اسم العين حلو...شرات اهلها ..<<== مغروره ;)
وانته ممكن سؤال..؟؟
ليش قلت وحداوي للابد..ما قلت اماراتي للابد ؟؟
<<=== وحده بوحده :D
تحياتي لكـ :)
ولد البدو
15-01-2002, 12:32 AM
فكره
ممتازه
بنت العين
سوال انت عيناويه اكيد
منو احسن لا عب عندج من فريق العين ؟
بنت العين
15-01-2002, 12:44 AM
هلاااا الايطالي
مساك الله بالخير..و النور و السرور..
اقولها ايش تشجعين بالسعودية ..... ياليت بدون مجاملة :) :)
اخاف اخسر الاعضاء...:D ..و انا احب اللعب الحلو..و احب لعب
بعض اللعيبه المميزين..مثل الشلهوب..التمياط..و الجابر..عبد الغني
و غيرهم..واايد..:):)
ايش رايك بالجامعة الامريكية اللي بالشارقة ... يعني صعبة او لا
ورأيك فيها .... من جميع النواحي
صراحه ما عندي فكره عنها..بس ترى ما شي يجي بالسهل..يعني
اكيد صعبه..حالها حال كل الجامعات..و ما سمعت عنها الا كل خير..:)
شو ناوي تدرس فيها <<== فضول ..:D
تحياتي لكـ :)
الروايه الزرقاء
15-01-2002, 12:50 AM
أهلا ببنت العين وكلنا لها عين
وشكر ا أخ منصور علي هالفكرة
س/ ...... ما أكثر المنتديات في سوالف يشد انتباهك ؟
س/ وما هو الكاتب الحقيقي في نظرك في المنتدي ؟
س / هل بينك وبين الاخريات الاماراتيات علاقة ومن هن إذا سمحتي وما عليش ؟
وشكرا لك .
بنت العين
15-01-2002, 01:06 AM
هلااا ولد البدو
يا مرحبا بالعضاء الجدد..:):)
منو احسن لا عب عندج من فريق العين ؟
تقصد شكلا او لعبا..او مضمونا...:D
كل اللعيبه ما عليهم زود..و فنظري الاعب
( سلطان راشد ) احسن لاعب وسط..
( فهد علي ) احسن مدافع..
و فالهجوم كلهم مستوى واحد..
و تعيبني تحركات الولد الشقي..و حميد..و سبيت..و هلال
و غيرهم..واايدين..:):)
تحياتي لكـ :)
بنت العين
15-01-2002, 01:18 AM
هلااا الروايه الزرقاء
هلا بكاتبتنا المبدعه..:):)
س/ ...... ما أكثر المنتديات في سوالف يشد انتباهك ؟
صراحه احب افتّر على الكل..و احب الرياضه..و الاصدقاء
و الطرائف..و الشعر ..<<== ما خليت شي :D
س/ وما هو الكاتب الحقيقي في نظرك في المنتدي ؟
هو اللي يقدر يعبر عن افكاره..بطريقه سلسه..و بعيده عن التعصب
و اهم شي تكون هالافكار من بنات افكاره..يعني ما يكون استوحاها
من مكان ثاني..و ان يطرح موضوع مفيد...يعني شراتج ..;)
س / هل بينك وبين الاخريات الاماراتيات علاقة ومن هن إذا سمحتي وما عليش ؟
بنت دار زايد <<== اختي و الباجيات خوياتي..و كل الاعضاء خويني
و انتي تامرين امر..:):)
تحياتي لجـ :)
غريب السيف
15-01-2002, 03:02 AM
اولا احب اشكر اخوي منصور على فكرته الحلوه...
وعندي سؤال لج يا بنت العين....
انتي شو تدرسين في الجامعه؟اى تخصص؟
شكلج تدرسين اعلام...maybe غلطان
وش رايج بتخصص العلوم السياسيه؟..(اللي انا ادرسه فالجامعه الحين)
وشو طموحاتج بعد التخررررررررررررررج؟
و............
و...............
و.....................
و............................
و........................................
افا........نسيت باقي الاسئله:rolleyes: :rolleyes:
Dentist
15-01-2002, 06:40 AM
هاااااااي شباب وصبايا .. :)
أصالة عن نفسي ونيابة عن اعضاء منتدى السيارات فإني أسال بنت العين هالسؤالين <<<< يمديكم عالأسلوب;)
السؤال الأول / ماهي سيارتك و ماهي سيارة عائلتك وماهي سيارتك المفضلة وماهي سيارتك المستقبليه وماهي سيارة جدك وجد جدك وماهو اللون المفضل في السيارات لديك وهل تحبين الماكسيما;) وما هي سيارة ولد اخت جارتكم وماهي سيارة جد خالة ابو امك وهل قد مريتي على منتدى السيارات وهل قد كتبتي في منتدى السيارات و ... انتهى الشريط:D :D :D :D ؟
السؤال الثاني / بنت العين ... يحفظك ربي من كل عين انتي وجميع اعضاء سوالف الرااااااائعين .. حبيت بس اسلم عليكم واقوللكم يعطيكم الف الف عافيه واعذروني على مداخلتي البايخه ...
بنت العين
15-01-2002, 04:13 PM
هلااا غريب السيف
كيفك..خيو...<<== اسمك واايد مميز..:)
انتي شو تدرسين في الجامعه؟اى تخصص؟
شكلج تدرسين اعلام...maybe غلطان
لا انا ادرس فكلية العلوم تخصص علوم حاسب..
يعني لوعة جبد...<<== و الحمد لله افتكيت
بس ليش يعني اعلام..و الله الاعلام حلو..بس مجال
العمل صعب بالنسبه للحريم..
وش رايج بتخصص العلوم السياسيه؟..(اللي انا ادرسه فالجامعه الحين)
الله يوفجك..و دراسة السياسه حلوه..و ممتعه..و انا احب
اتابع الاخبار السياسيه...بس شو هو مجال العمل؟؟
وشو طموحاتج بعد التخررررررررررررررج؟
طموحاتي زي اي ست..(ربة بيت ) :D
لا جد ودي اشتغل فمجال تخصصي..فمكان يناسبني
يعني بعيد عن الاختلاط..<<== اكره الرياييل :D
تحياتي لكـ :)
بنت العين
15-01-2002, 04:37 PM
maxima driver
حياك الله..و حيا الله اهل الرياضه كلهم..:):)
السؤال الأول / ماهي سيارتك و ماهي سيارة عائلتك وماهي سيارتك المفضلة وماهي سيارتك المستقبليه وماهي سيارة جدك وجد جدك وماهو اللون المفضل في السيارات لديك وهل تحبين الماكسيما وما هي سيارة ولد اخت جارتكم وماهي سيارة جد خالة ابو امك وهل قد مريتي على منتدى السيارات وهل قد كتبتي في منتدى السيارات و ... انتهى الشريط :D :D :D ؟
جريده هذا هب سؤال ...:D
و انا ابشرك ما عندنا حريم يسوقن سيايير..و سيايير العايله
كلهن فور وييل..لا صح اخوي عنده بي ام...و الباجي ستيشنات
و نياسيين..يعني مكسيما ما عندنا :D ..بس المكسيما شي
خصوصا اليديده...
و قسم السيايير..كد كتبت فيه مره وحده..و كنت ابغي راي
اهل الخبره...و رايهم فاخوي اللي باع سيارته ( ابو دمعه ) و خذ
اودي..و لا ابشرك الحين باع الاودي..و خذ نيسان :eek: <<== لعاب
و السؤال الثاني..تسلم عليه...و و ربي يحفظك..
تحياتي لكـ :)
zidane
15-01-2002, 05:55 PM
أولا احب احيي بنت العين واحب اشكرها على مواضيعها المتميز .
ماذا تقولين لكل من:
العين , الهلال , سامي الجابر , المنتخب السعودي , زيدان ,
ونتمنى ان ارى منك المشاركات الهادفه القادمه. وشكرا
الاخت بنت العين ...صراحة ماعندى اى سوال...
بس عندى كلمة .....مميز ولا لك شبية ومثيل..;)
البحاري
15-01-2002, 08:36 PM
شكرا لك منصور .. على المقابلة .. ممكن أكلم الضيفة ؟؟!!
شكرا منصور :)
مساء الورد .. بنت العين :)
شكرا لك ..
في الحقيقة أول مرة أعرف أن لك ميول أدبية ههههه اقصد رياضية
الرياضة النسائية .. كيف تراها بنت العين ؟!!
ما الشروط التي ترين أنها إذا طبقت فأن الرياضة النسائية سوف تنشر :)
هل تتمنين أن تلعبي كورة القدم :):)
وختاما .. أشكرك لأنك اختري الاهلي السعودي والانتر ميلان هههههههه الفرق المفضلة عندي :)
بنت العين
16-01-2002, 12:35 AM
هلاااا zidane
يا مرحبابك ..:):)..و العفو اخجلتم تواضعنا ..:)
ماذا تقولين لكل من :
العين , الهلال , سامي الجابر , المنتخب السعودي , زيدان ,
العين ..<<== شد حيلك و الكاس او الدرع من نصيبك..و لا تشتت
من تغيير المدرب...و كل التوفيج لكـ :)
الهلال.. <<== اول شي الف مبروك على الفوز (2-0) على
الاهلي.....يستاهل..فريق مميز
و يكفي انه يملك احسن لاعب اسيوي..(التمياط )..و يستاهل انه
ياخذ الدوري...و هو الفريق الوحيد على ما اعتقد اللي ما خسر و لا
مباراه...و كل التوفيج له، :)
سامي الجابر..<<== لاعب مميز..و لا تسمع كلام الحساد..
و فالنهايه هو بشر...و كل انسان يخطي..بس يبقى البطل..:)
المنتخب السعودي..<<== شد حيلك..و لا تضيع الكاس من ايدك
خصوصا انه الدروه على ارضك و بين جمهورك..و الشعب السعودي
يستاهل...و كل التوفيج لكـ :)
زيدان..<<== من تقصد ..انته او اللاعب العالمي زيدان :D
انته عضو مبتدئ..و مميز..و اتمنى منك الاستمرار..
و زين الدين زيدان <<== ممكن احتفظ برايي لنفسي ;)
لكن ان ييت للحق..هو كان لاعب مميز...و متحرك..و يملك الموهبه
و يعطيك العافيه :)
بنت العين
16-01-2002, 12:44 AM
512 هلااااا
<<== ممكن اعرف لون اللوحه :D
ادري كل لوحاتكم بيض..:p <<<==== ( نحن الوان )
و تسلم و الله و كلك ذوق..و اخلتمونا..و ترى
كل من يرى الناس بعين طبعه..:)
تحياتي لكـ :)
بنت العين
16-01-2002, 01:49 AM
هلاااا البحـــاري
مســ الورد..و الفل و النرجس ـــا...و يلكم هيير
فقسم الرايضه..حتى انا تصدق..اول مره ادري انه لك ميول ادبيه :D
و الله يفرحني انك تحب الفرق اللي احبها..بس عندي سؤال..
ما تحب فريق العيـــــن <<== ترى هو فريق مميز..و يرفع الراس
الرياضة النسائية .. كيف تراها بنت العين ؟!!
ما الشروط التي ترين أنها إذا طبقت فأن الرياضة النسائية سوف تنشر
هل تتمنين أن تلعبي كورة القدم :):):)
تبى الحق..ما اشجع الرياضه النسائيه...و اشوف انه الرياضه لو كانت حصر
للرجاجيل احسن ما ادري بس يمكن لعقليتي الشرقيه دخل فرايي هذا..
و لكن جد المرأه ما تناسبها الرياضه..و خصوصا العاب القوى
و الجري..و السباحه..و غيرهن..و ما اقول غير الله الهادي..
و انا احب العب كرة قدم..بس فالبيت..و دايم اكون حارس :D
او هجوم.. <<== مره وحده :D :D
و اكثر العب كرة طايره..خصوصا انه عندنا ملعب فالبيت..
و عندي المهاره <<== مغروره :rolleyes:
و تحياتي لكـ :) و زورنا دايم..نورت الرياضه
منصور السالم
16-01-2002, 03:26 AM
اشكر جميع الاخوه الذين
شاركوا معنا في سؤال ضيفتنا
بنت العين كما اتمنى من جميع الاخوه
الذين لم يشاركوا ان يشاركوا0
ولامانع من ان يسال احد مره اخرى
اذا تذكر سؤال ؟ اخر! لكن اتمنى عدم تكرار السؤال؟
لان الوقت مازل مبكرا والوقت مع الاخت
شيخة المنتدى الرياضي مازال في ثوانيه الاولى
اشكر ضيفتنا مره اخر واقول الله يعينك؟
على جمهورك الحبيب؟
مها الرياض
16-01-2002, 03:46 PM
السلام عليكم ورحمة الله وبركاته
كنت متابعه للمنتدى من وقت طويل
وهذي احسن فكره 0 لانه كاد يخسر جمهوره؟هذا المنتدى؟
ضيفه خفيفة الظل , بنت العين مساء الخير0
اولا : شكر خاص للاخ منصور السالم0
السوال/1 للبنت المحبوبه بنت العين0
البطاقه الشخصيه كامله0
واتنمى ان لا يكون سوال ثقيل عليك0
اذا كان خفيف فهذا السوال الثاني
السوال /2 بما انا في الرياضه
توقعك لهداف الخليج , افضل لاعب, احسن حارس, الاعب النضيف؟
مع الشكر والتقدير لك؟
لاتكوني متعصبه وتقولي الامارات هههههه
بنت العين
16-01-2002, 04:03 PM
هلااا منصور..
العفــــو....و تسلم..
(شيخة المنتدى ) <<== منو هذي..اعرفها :D
و الله اخجلت تواضعنا..و تسلم يا بو الشباب ..
تحياتي لكـ :)
من أنا
16-01-2002, 07:36 PM
الاخت بنت العيننننننننننننننننننننننننننن
"""""""""""""""""""""" السؤال الاول والاول طبعا كم عمررررررررررررك
اعرف سؤال صعب ولكن كم ؟؟؟؟؟؟؟؟؟؟؟
"""""""""""""""""""""""""""" السؤال الثاني هل انت من العين كما هو واضح من اسمك واي امارة في الامارات تحبببببببببينها !!!!!
السؤال الثالث واكيد اني ما طولت عليك (هههههه ) نسيته !!!!!!
ايوه السؤال هووووووووو مارأيك في نادي النصر طبعا السعودي
واكيد انك تعرفين نجومه والا !!!!!!!
السؤال الراببببببببببببع بنت زايد هي نفسهههههها بنت العين والا خطأ ...... السؤال الخامس عشر سؤال شوي صريح واريد الجواب صريح ماذا يعني الحب للمرأة وخصوصا الحريم الشرقيات ...
وشكر للعيناويه وللسالم وللمنتدي وفكرة محبوبة للجميع ولكن صارت في وقت الاختبارات ماعليش
يابنيةةةةةةةةةةةةةةةة الع:o ي
:rolleyes:
:rolleyes: :p :p :p :p :p :o
بنت العين
17-01-2002, 03:02 AM
هلااااا مها الرياض
و عليكم السلام و الرحمه
مسا الخيرات..و هلا بالاعضاء الجدد..كلهم ..:):)
السوال/1 للبنت المحبوبه بنت العين0
البطاقه الشخصيه كامله0
انا من العين..ادرس فالجامعه..تخصص حاسب الي..
عمري 21 سنه...و مممم شو بعد..مخطوبه <<== يالفضيحه :o
و بس..ما عندي شي اقوله زياده..
السوال /2 بما انا في الرياضه
توقعك لهداف الخليج , افضل لاعب, احسن حارس, الاعب النضيف؟
هداف الخليج <<== الهويدي..
افضل لاعب <<== فيه لاعب بحريني..لفت انتباهي..فتصفيات
كاس العالم..بس و الله ناسيه اسمه...اعتقد انه الافضل..
احسن حارس <<== الدعيع
اللاعب النظيف <<== كلهم متسبحين و نظاف :D
لا بس جد صعب التكهن..لكن ان شالله يكون غريب حارب :)
و شكرا لج...و العفـــ:)ـــو..
تحياتي لجـ :)
بنت العين
17-01-2002, 09:06 PM
هلااااا من انا
مساك الله بالخير..و حيا الله بالاعضاء الجدد..:)
السؤال الاول والاول طبعا كم عمررررررررررررك
اعرف سؤال صعب ولكن كم ؟؟؟؟؟؟؟؟؟؟؟
لا عادي..و ليش صعب..;)
عمري 21..و شهرين..الا 3 ايام..و و 15 ساعه و 44 دقيقه
و 43 ثانيه <<== :D
السؤال الثاني هل انت من العين كما هو واضح من اسمك واي امارة في الامارات تحبببببببببينها !!!!!
انا من العين دار الزين..و كل اماره لها سحرها..
احب اروح دبي..بس يومين هب اكثر..لاني احب الهدوء
وما احب الزحمه..و احب ابوظبي..لهدوئها..و كل الامارات
ايوه السؤال هووووووووو مارأيك في نادي النصر طبعا السعودي
واكيد انك تعرفين نجومه والا !!!!!!!
اكيد اعرف...نادي قوي...هو و الاهلي..و الهلال..من اقوى الفرق
السعوديه....و منافس قوي على فالدوري..
السؤال الراببببببببببببع بنت زايد هي نفسهههههها بنت العين والا خطأ ......
كيف يعني خبله ارد على عمري :D
هي تقدر تقول انا..بس هي هب انا <<== لغز..
يا طويل العمر,,هي اختي..من الابو...و هي كتبتلي..اتحراني
زعلانه عليها..و انا ما ازعل منها الا اذا غابت عني..:):)
السؤال الخامس عشر سؤال شوي صريح واريد الجواب صريح ماذا يعني الحب للمرأة وخصوصا الحريم الشرقيات ...
الحب...احلى ما في الحياه..سواء للحريم..او الرجاجيل..و ما يفرق
الشرقيات عن الغربيات...و الكل يسعى انه يلقى حب صادق..و طرف ثاني..يحبه لذاته..و لكن الفرق..عن الغربيات..هو اهميته..و كيفية
الحصول عليه...
و تسلم..و العفو..
محامي الزعيم
18-01-2002, 11:45 PM
هلا ببنت العين
بس احب اقولك
السؤاال هو
اممممم
كيف حالك
؟؟؟؟؟؟؟
اخ ايطالي تراهم فتحوا جامعه امريكيه بعد في دبي على مااظن
فارس الفارس
19-01-2002, 03:17 PM
الاخ منصور السالم
صراحه فكرة رائعه
مبروك
وهذا بفضل منتدى سوالف
ـــــــــــــــــــــ
سؤالى
للاخت بنت العين
بصراحه
من هو الاسم الذي اذا شاهدتيه في المشاركات
ذهبتي الى قراءت موضوعه
ـــــــــــــــــــــــــــــــ
بمعنى هل الاسم يشدك ام العنوان
ـــــــــــــــــــــــــــــ
الاخ منصور السالم متى اكون ضيفكم
عاشقة
20-01-2002, 02:51 PM
هـــــــــــــــــلا وغــــــــــــــــلا ومرحبااااااااااااا
:) :) :) :)
وأناااااااا أقول .. وأطالع .. وأدور .. وين راحت هذي؟؟؟ :confused:
وأنت هنااااااااااا بالرياضة .. لك وحشة حبيبتي..
كيفك ..؟؟؟ .. شخبارك..؟؟؟
ومادام أنت هنا .. راح أظل أنا هنا كمان ;)
وبعدين رأيك بسوالف وأعضاء سوالف؟؟ .. :rolleyes:
تحياااااااااااااااتي..
بنت العين
21-01-2002, 02:53 PM
هلااااا بالمحامي..
احلى و اخف سؤال..:D
بس حالي و الله هب على بعضه :(
و ثانكس للسؤال..:):)
و بالنسبه للجامعه...اعتقد انه كلامك صحيح
و هي اصلا موجوده قبل ما يفتحون الثانيه اللي فالشارجه
و تحياتي لكـ :)
بنت العين
21-01-2002, 02:58 PM
هلاااا فارس الفارس
يا مرحبا...و حيالله بالفارس..
بصراحه
من هو الاسم الذي اذا شاهدتيه في المشاركات
ذهبتي الى قراءت موضوعه
فيه اسامي..وايده...من اشوفها موجوده
لازم اقرا موضوعها..سوا كان العنوان ملفت..او لا..
و ادش بعد على العناوين الملفته...:):)
تحياتي لكـ :)
بنت العين
21-01-2002, 03:12 PM
هلالالالالا و غلالالالا عشاقه
و انا اقول المنتدى منور...ثره عشااقه هنيه..;)
حياج الله...و تسلميلي..و الله لج و حشه اكبر..:)
بعدين رأيك بسوالف وأعضاء سوالف؟؟ .. :):)
هب انا اللي اقول راي في سوالف..و اعضائها..
اعضاء سوالف..و منتدى سوالف..اول منتدى اشارك فيه
له سحر خاص..مميز...باعضائه..و مواضيعه..تصدقين شاركت
فمنتدى ثاني..من شهرين..و مالي الا 10 مواضيع...لا موضوع
واحد عضوه جديده :D ..و ردود على اللي رحبوا فيني..و بعدها قطعت
مالي الا منتدى سوالف...من اول مره دخلت عليه..حبيت اني
اشارك فيه ..و الحمد لله ..شاركت....بس انا ودي اسمع راي الاعضاء
فيني..و احب اسمع رايج..:):)
تحياتي لجـ :)
عيناوي مغروم
21-01-2002, 06:23 PM
احم احم
الصوت خربان بعدل المكرفون وبي
سـ؛شو النادي الي تكرهينه
س؛شو النادي الي تحبينه(((((((ما عدا العين))))))))
بنت العين
22-01-2002, 04:26 AM
هلاااا عيناوي مغروم
حيالله اهل العين كلهم..:):)
ما فيه نادي اكرهه..بمعنى الكلمه..و لكن كل
نادي يلعب ضدنا اكره..كره وقتي..و بعدها ارجع
لطبيعتي...لاني ما اعرف اكره..;)
و النادي اللي احبه..بعد العين..هو نادي النصر..
و كل نادي يلعب كوره مشرفه..و ترفع الراس..
تحياتي لكـ :)