View Full Version : للاماراتيين ومن يرغب من القبائل
بنت دار زايد
30-01-2002, 04:16 AM
السلام عليكم ورحمة الله وبركاته
الصراحه ما اعرف شو اقول بعد المستوى المتدني لمنتخب الامارات خصوصا والمستوى العام عموما...يمكن انا اكتب هالموضوع عشان حد يواسيني لاني صراحه ما اقدر انسى المستوى اللي ضهرنا فيه ...يعني نحن نتريا هالدوره وفالنهايه نطلع........انا ما اتكلم على الترتيب لا ما يهم لكن اللعب وعدم التركيز وال مبالاه ..انا صراحه اقول السبب هوه البطره اللي معيشينه الاعبين خصوصا عندنا..وبعد كثرة المدربين الا واحد رايح وواحد ياي...دوخونا صراحه
والله لو يحطولهم مدرب مواطن انه يعرفلهم احسن عن هالاجانب على الاقل يقدر يتفاهم وياهم بطريقه سهله ويكون هوه فاهم وضعيتهم
صراحه انا فيه غيض والكل قاعد يجامل لكن الصراحه هاي انزل دوره مرة
وين ايامك يا الطلياني وفهد خميس واللعيبه كنا نحس باستمتاع ونحن انشوفهم صدق يشدونك للمباراه
لكن دوم انقول انشا الله المره اليايه هالمره اليايه متى الله اعلم
سوري طولت(وبعده عندي كلام لكن ما اعرف كيف اقوله)
تحياتي للكل
;)
lolly
30-01-2002, 04:52 AM
وعليكم السلام ورحمة الله وبركاتة
اختى بنت دار زايد الغصة ضاربة الكل والله ما عارفة شو اقول ولكن مثل ماقلتى البطرة ولكن الضيف عليج ان العناصر اصغيرة وما عندها خبرة كافية ....
والى رد على هذا الموضوع بعدين ...
بروح انام :)
تحياتى
lolly
Toldo's Fan
30-01-2002, 08:40 AM
اختي بنت دار زايد
و الله الكل حزين عالأبيض و على مستواه اللي شو أقول عنه يعني ,مافي شي ينقال أصلا ,, اللعيبة كلهم صغار و للأسف مافي خبرة و ........>>>>>>>>>
مافي قناااااااااااااااااص ,,ما في هديف
حرام اللعيبة كانوا يبذلون جهدهم و يوصلون للمرمى لكن للأسف محد يهدف ..هذا يعطي لهذا و هذا لهذا مرتبكين كل واحد يعطي الثاني و الله اذا الامارات ما لقتلها هديف ليظل هذا مستواها أبد الابدين
المدرب بونفرير,,,أنا ما بحط اللوم كله عليه لكن بونفرير أحد أسباب الخسارة بلا شك و السبب اختياره نص لعيبة الوحدة و اهماله لبقية اللاعبين في الفرق الاخرى
بس لأن الوحدة في الدوري متفوق قالوا يله اندخلهم ما يدرون ان الأجانب هم اللي يسوون الشغل كله,,,ما دخل الهديف المواطن كاظم علي و طلع معتز و محسن السوبرمان بعده يلعب ليش ما دخله و غريب حارب في اخر مباراة و في اخر اللحظات الظاهر انه بس يعدهم للدوري
و الله أمس بعد المباراة سيدة رحت أرقد و كنت خلاص بصييييييييييييح على الأبيض الجريح المسكيييييييييييييييييييين و ين كان و كيف صار
و بعدين نحن ما خذنا الكاس مع الطلياني و الفهد الأسمر و زهير فكيف بناخذه ألحين ؟؟؟
و لكن دام الله موجود لا تقول الأمل مفقود
و مثل ما قلتوا البطرة بعد الها دور اذا فازوا في مباراة و حدة بس خلاص الجرايد اتخلهم ايطاليا الخليج و كل وسائل الاعلام بعد
:( :( :( :( :( :( :( :( :( :( :( :(
BYE
Toldo's Fan
30-01-2002, 08:46 AM
و اللي يريد يفوز بيفوز و اللي ما يريد يفوز ما بيفوز لو سوى شو ما سوى
الارادة القوية تسبق كل شيء
الارادة ثم الارادة ثم الارادة ثم العمل
بنت العين
30-01-2002, 09:53 PM
هلاااا بنت دار زايد
متى نزلتي الموضوع..:confused: <<== و انا ما ادري..
لكن كلمه ودي اقولها..هونها..و بتهون ..و هي الا كوره..:D
يوم لك..و يوم عليك..و اللعيبه اللي عندنا..توهم صغار..و ما عندهم خبره
و انا من البدايه قلتلج..بعد مباراتنا ويا عمان..نحن بنكون المركز الاخير
و صدق ظني...<<== مع اني ما تمنيت...بس هذا حال الكوره
wa7ed
31-01-2002, 02:49 AM
السلام عليكم و الرحمه
باعتقادي الشخصي ان المسيو بونفرير يتحمل 99% من اللي صار فمنتخبنا
1- استبعاده لفيصل خليل ابرز قناص فالدولة حاليا
2- استبعاد بخيت سعد صاحب الخبرة الميدانية الكبيرة و اللي اكيد كان بيفيد المنتخب في دورة مثل هذي
3- عدم اعطاءه الفرصة لوجوه شابة اثبتت مع انديتها انها تستحق ان تلعب مع المنتخب مثل سالم سعد و سالم خميس و خالد درويش
4- تعاليه على الفرق الباجيه و الغرور الزايد اللي لازمه من بداية البطوله و تصريحه بان الفريق راح ينافس بكل قوة من اجل الفوز بالبطوووله (( مبرووك للمنتخب السعودي عالعمووم ))
5- لعبه بطريقة 442 و اللي اللعيبة مب متعودين عليها
6- اعطاء بعض اللعيبة مهام غير اللي كانو متعودين عليها في انديتهم
(( 5 - 6 ... عناداً ل عبدالله صقر و تيني رخس ... ))
7- وجود 6 لاعبين من نادي الوحده كلاعبين اساسيين (( شنووو ؟؟ قاعد يمرنهم ؟؟ ....))
8- تفضيله لياسر سالم و حيدر الو علي على محمد عمر و غرييييب المظلووم
9- عدم اعطاء الفرصة لسبيت المرعب
........................................................................
طبعا في اشياء ثانية كنت ناوي اقولها بس للاسف ما حظرت لها بشكل اوكي
...................... عالعموم .. لا ينفع الندم على اللبن المسكووب
بس اللي غلط لازم يتحمل الغلط اللي سواه
و هذي مب غلطه عادية .. هذي فضيحه
.......................................
شكر خاص لصقورنا على اللي سووا في الشوط الثاني من مباراة الكويت ..... الشوط الوحيد اللي شفنا فيها اللعيبة يلعبون برووح قتالية .... بس للاسف .... لا فات الفوت . ماينفع الصوت .....
..........
سلام خاص لفهد علي
...... و السمووووووحه
ولد البدو
31-01-2002, 03:47 AM
والله كلامج كله صح
والمنتخب يباله شل وحط من يديد
ولد البدو
بنت دار زايد
31-01-2002, 04:26 AM
هلاااا لولي
هاه ما نشيتي من الرقاد اتريا الرد :D
======
Toldo's Fan
صراحه كلامج ما عليه زود ..كل الصح
لكن صح ان مع اللعيبه القبليين ما يبنى الكاس لكن على الاقل كنا ننافس على البطوله
مشكوره على الرد :)
تحياتي لكم
;)
بنت دار زايد
31-01-2002, 04:33 AM
هلاااا بنت العين
والله انا يالحبيبه نزلت الموضوع وانتي راقده:)
وصراحه انا كنت حاسه انا بنطلع فهالمركز لكن كنت اقولج لا غصب عني احاول اقنع عمري :(
======
هلااا واحد
اشكرك على ردك
صراحه انته كتبت اللي كان خاطري اكتبه لكن اترددت
تحياتي لكم
;)
بنت دار زايد
31-01-2002, 04:34 AM
هلاا ولد البدو
اكيد كل كلامي صح عيل شو:D
تحياتي لك
;)
tornado
31-01-2002, 05:09 AM
مرحب...
بنت دار زايد كلامش كلهhttp://alfreej.net/noncgi/graemlins/xyxthumbs.gif
الاخطاء جميعها على الجميع .....
مدرب فاشل.....لعييبه موقد المسؤلية بسب البطره والاداره قاعده
وترش فيهم تعطيهم بيوت وسياير بدون تقديم اي مستوى يدل على انهم لعيبت كورة!!!!!!
وكما قال الشاعر
فريقنا دار عـــــــــــــــــــــــــــــــــليه الزمان
استوى مــــــــــــــــــــتصخرة للهنود والبتان
حتى لــــــــــــــــــــــــــــــــــــــــعيبت زمان
قالوا شــــــــــــــــــــــــــــــــــو يسر الآن؟!!
هل نــــــــــــــــــــــحن على كوكب الاحزان
منتخبنا ســـــــــــــــــــــــــــــــار مثل اللبان
يتكلمون عــــــــــــــــــــــــــنه في كل مكان
وين زمـــــــــــــــــــــــن بخيت وزهير وعدنان
تلك الاســـــــــــــــــــــماء التي تهز الابدان
وين المنتخب اللي صعد كاس الطليان (90)
هل هــــــــــذا حلم لم نفق من الا الآن؟!!!
الله يـــــــــــــــــــــــــــعلم واشهد يا انسان
ان مـــــــــــــنتخبنا يمكن يخسر من الافغان
بو حميد
وسلامتكم......
واسمحولي اذا نسفتهم...وهذا الكلام من قلبي....
بنت دار زايد
31-01-2002, 05:39 AM
هلا والله فيكtornado
مشكور على الرد
والقصيده وايد وايد حلوه
والحلو ما اي الا من الحلو
يعطيك العافيه
;)
tornado
31-01-2002, 06:05 AM
:D :D :D :D :D :D :D
Toldo's Fan
31-01-2002, 09:29 AM
للأسف كل اللي تقولونه صح في صح في صح ,,,, تمنيت نكون أحسن لكن الحظ يلعب دور في الكرة بالذات
آه ليش ليش ليش ؟؟؟؟الكويت طلعت في المركز الثالث؟؟؟؟والله البحرين تستاهل لكن الحظ و آه يالحظ
سؤال:!!!!!!!!! ليش و كيف خذنا جائزة أحسن جمهور :eek: :eek: :eek: :eek: :eek: :eek: :eek: :eek:
مبرووووووووووووووووووووووووووووووك للأخضر و خيرها في غيرها يالأبيض
الأخضر بين انه منتخب قوي بمعنى الكلمة و أهدى جمهوره أحلى هديه اللي بعدنا في الامارات نتمناها و نعيش على ريحتها ,,,,منو كان يتوقع 3 أهداف في 10 دقايق بس
ماشاءالله ماشاءالله ماشاءالله عليك يالأخضر