View Full Version : ولمتى المسخرة هذي؟؟
المتدرب
14-03-2002, 07:00 PM
مساء الخير
يا شباب وش اللي صاير ؟؟
كل ما كتبنا موضوع انتشر بكل مكان ؟؟
هذا لحقناه وعدلنا الصور وكتبنا عليها
http://www.arabteam2000.com/vb/showthread.php?threadid=9499
لكن شوفو هنا
http://zohal.net/forum/showthread.php?threadid=19014
وهنا
http://66.34.235.41/vb/showthread.php?threadid=10720
ابي أعرف رايكم ؟؟ هي عداوة مع سوالف ولا أيش ؟؟
ترى محتار صحيح ولاني عارف تفسير لهذا ؟؟
أنا ما ابي شئ لنفسي .. ولا أبي أحد يكتب اسمي .. بس أبيهم يحفظون حقوق المنتدى اللي كلنا ننتمي له
يعني بالعربي يكتبون (المصدر: منتدى سوالف) وبس ما نبي أكثر من كذا
ياليت اسمع راي الاخوة .. وايش هي الطريقة الصحيحة بمثل هالامور
وألف شكر للي أرسلها
دكتور / مجنون
14-03-2002, 07:37 PM
الصور اللي انت وضعتها مع الموضوع .. موجود فيها اسم المنتدى و اسمك بعد .. وش تبغى اكثر من كذا ..
يعنى ما تبغى احد ياخذ مواضيعك ؟!؟ ليه طيب .. ليه ما تبغى الخير لاخوانكم المسلمين اللي بالمنتديات الثانيه .. ليه ما تبغى الناس تدعي لك بالخير . و الناس تستفيد منك ؟!؟!؟
و السلام ختام ..
ما احد قال ان المواضيع لهم .. نقلوها و عليها اسمك و اسم المنتدى ؟؟؟
و السلام ختام :)
المتدرب
14-03-2002, 07:44 PM
أنا كتبت عليها بعد ما نقلوها .. لانهم خلو نفس الروابط .. فعدلتها من موقعي .. فهمت ؟؟؟؟؟
وكلامي واضح فوق
متعب حاله
14-03-2002, 08:13 PM
لا جديد سبق ان ذكرتك بالموضوع
أكبر سرقه أنا شفت رابط الصوره مكتوب عليها المتدرب
ولكن انا ثبت الموضوع حتى يطلع عليها السارق ولا بد ان يأتي فى أي لحظه للبحث عن سرقة أخرى
-----
أرجو ان تراجع بريدك الان للاهميه
المتدرب
14-03-2002, 08:36 PM
اخوي متعب
ما أنكر فضلك وتنبيهك لي برسالة اثناء حوار سابق بيني وبينك
لكن ما كنت متصور إن المسالة بتصير بالشكل هذا
-------------------
الأخت مهره
أشكرك .. وللمعلومية ترى البريد فيه مشكلة بيني وبينك.. اليوم أرسلتلك رسالة أكثر من سبع مرات وترجع .. واضطريت بالاخير أرسلها من البريد الثاني
عاشق النت
15-03-2002, 03:09 AM
لوووووووووووول
بصراحة مت ضحك ياليت تنقلونه الى قسم الطرائف
محمد بن عبدالعزيز
15-03-2002, 04:45 PM
أخوي المتدرب
هاهاهاهاهاهاها
أجل وش رأيك بأني كتبت شرح لبرنامج وتم لطشة وتغيير أسمي واسم المنتدى الموجود على الصور إلى اسم الشخص الذي لطشه . حتى أنه يحدث الزوار في موقعه إلى أنه من قام بالشرح .
والشخص اللي لطش الموضوع أحد الأعضاء الجدد هنا ،،، والشيء المضحك في الأمر ، أنه أرسل لي رسالة يخبرني بانه اخذ بعض الشروح إلى موقعه ،،، قلت في نفسي عادي المعرفة من حق الجميع ،،، دام الصور عليها أسمي .
بس لما زرت موقعه أنصدمت .
اللي قاهرني وفاقع مرارتي ،، أنه في أحد الشروح في موقعه ، ناسب أحد الشروح إلى صاحبه ، إلا شرحي أنا ليش ما أدري .
---------------
بالله قولوا لي وش أسوي مع شخص مثل هذا ؟؟؟ أفضحه أو أسكت وأقول الله يسامحه .
المتدرب
15-03-2002, 10:38 PM
لا يا رجال لا تفضحه .. بس قول اسمه المستعار اللي في المنتدى .. وأعطنا عنوان الموقع
الستر زين وأنا أخوك
Computer
16-03-2002, 12:03 AM
http://www.alsaha.com/newimg/basmala2.gif
أحتسبوا الأجر ياجماعة ... فالمواضيع ستنقل لإخوان لكم في الله ...
@@@
المتدرب ... إذا تبغى حق أخوك موجود (الإيميل عندك) ... ولي عودة إن شاء الله
المتدرب
16-03-2002, 12:16 AM
Computer
وعليكم السلام (على افتراض إنك نسيت السلام)
أخوي .. أولاً كلامك ماهو واضح
وبعدين يا الغالي اقرأ كلامي فوق
أنا ما طلبت حقوق لي .. أنا قلت ((((حق المنتدى))))
المتدرب
16-03-2002, 07:27 AM
اتفضلوا
http://www.arabsgate.net/vb/showthread.php?s=&threadid=122631
كتبت على الصور ((باللون الأحمر)) :( :( ... ورفعتها مرة ثانية (مثل ما نصحتوني) ... لكن بعد أيش ... معظمهم ناسخين الصور من قبل ما أكتب عليها ورافعينها لمواقع ثانية ... لا وبعضهم كتب عليها
أنا والله ماني عارف كيف الإنسان منهم يشعر بذاته وشخصيته وهو يسوي كذا
الموضوع الأصلي (http://www.swalif.net/sforum1/showthread.php?threadid=134151) ولاحظوا فوارق التاريخ الكبيـــــــــــــــــــــرة
أكرر أنا ما أبي شئ لنفسي ... أبي حقوق المنتدى اللي أنا أنتمي له ... والمسألة مسألة مبدأ
أبو عبد الملك
16-03-2002, 07:26 PM
اخي المتدرب السرقة لم يسلم منها احد
لكن ما فعلته عين العقل بان وضعت اسمك واسم المنتدى
وهذا ما يمكن ان نفعله فقط
ولا تأمن ربما تجد انه قد نسخ الصور ومسح اسمك ووضع اسمه
لكن كل ما يهمنا نحن من طرح مواضيعنا افادة الناس
وقد تحققت بفعلهم
تحياتي
المتدرب
16-03-2002, 08:18 PM
خلاص دام أبو عبد الملك تكلم أنا أنتهيت من الموضوع
يا أخي أغليك بالحيل وش أسوي بروحي :)
بس يا أخوي اففففففففففففففف عليهم والله حالة تقهر .... يا لطييييييييف على الأشكال هذي
<<<<<<< يبغى يسوي زعلان لكن ما يعرف :) :)
caprice
17-03-2002, 08:05 AM
السلام عليكم ورحمة الله وبركاته
:) :) :) :) :)
بالعكس انا لو كنت مكانك كنت فرحت :p حتى لو ما كتبو اسمي او اسم المنتدى :) ليش:confused: لانه معناه ان مواضيعي ممتازه ومفيده والا مكان احد ينقلها او ينسبها الى نفسه :) وبالتالي هذا الامر راح يعطيني ثقه بالنفس اكثر :) :) :)
وطبعا نقل الموضوع الى اكثر من منتدى راح يخلي الموضوع ينتشر اكثر ويستفيد منه الكثير :rolleyes: واكون انا السبب في ذلك:)
هذا طبعا راي الشخصي :) :) :)
;) اكيد راح تقول حمد الله على السلامه :D
:) راح اقول لك الله يسلمك:p :p :p :p
المتدرب
17-03-2002, 03:50 PM
هلا فيك
الحمد لله على السلامة :p
يا أخي أنا عصبي ايش أسوي :) :) :)
ما انت ملاحظ كمبيوتر نفسه يرجع قبل الصيف بس مستحي :) :) أشوفه جاي يحتك :D
بس خله يستاهل ... عشان ما عاد يسوي ثقيل علينا :)
الحبيب
17-03-2002, 04:49 PM
عزيزي المتدرب
مواضيعك الشيقة والمفيدة تتناقل بسرعة بين المنتديات سواء بالإشارة لصاحب الموضوع الاصلي أو دون ذلك, لكن عزيزي ثق تماما إن الأجر الذي تناله يزيد كلما كثر المستفيدين منك.
لا تفهم من كلامي هذا بانني أحبطك في الحصول على حقوقك الفكرية أو حقوق منتدانا الطيب هذا بل على العكس فأنا أحاول أن أجعلك أن لا تلتفت لهذه الأمور لأنها لن تضر ولن تنفع , كل مبتغاي أن تجعل تركيزك في نشر العلم والمعرفة.
أما عن كيفية المحافظة على الحقوق فأنا من رأيي في حال أن تم إكتشاف نقل أي موضوع لمنتدى ثاني دون الإشارة لصاحب الموضوع أو المنتدى المنشور فيه مسبقا بأن يتم إرسال رسالة لصاحب المنتدى المنقول له وشرح ذلك مع المطالبة برد الحق لصاحبه.
* يجب أن ننتبه لنقطة معينه الا وهي انه يوجد أعضاء ربما يكون لهم أسماء مختلفة بين المنتديات وبالتالي في حال وجود نفس الموضوع في أكثر من منتدى بأسماء مختلفة يجب التأكد من صاحب المنتدى الأصلي أولا من النقل أو هو نفسة صاحب الإسم في المنتدى الآخر.
أتمنى إني ساهمت ولو قليلا في إيجاد حل
((ولايكون خاطرك الا طيب))
الحبــيب
المتدرب
17-03-2002, 06:02 PM
أشكرك أخوي على مشاعرك
وأنا فاهم اللي إنت تعنيه تماماً
تحياتي