عشاق
11-08-2002, 10:15 PM
ياللي رسمتك وغارت اللوحه من ذاتك
سبحان رب (ن) كمّلك في تفاصيلك
يوم ان رسمتك حشا الألوان ما جاتك
حتى الرتوش* عجزت مع ريشتي نيلك
يا ما حلا عيونك ويا زين رمساتك
لبيه ياللي الملا كلها تلبي لك
زل وتمادى ماهوب من قل زلاتك
لكن خفوقي من غلاتك يعدي لك
باشيل عنك أهدني كل آهاتك
عطني حمولك أباحترق شمع في ليلك
فديت قلبك يا غلا كلي افداتك
ما بيك تدوس الرمل وأنا عيوني تشيلك
وليّاك تبكي على كل ما مضى وفاتك
حبي أنا لك شمعة (ن) في قناديلك
أكفكف بكفي يالمزيون عبراتك
تغرق كفوفي ولا يبتل منديلك
سيّر أموري على كيفك ومشهاتك
ويحليلك ان قلت (( عشقي )) آه يا حليلك
عدني صغيرك وغن لي عذب شلاتك
دلل صغيرك آه يا زين تدليلك
عـــشّاق
* الرتوش : هي اللمسات الأخيره التي يضعها الرسام في لوحته
http://qe9ayed.jeeran.com/resamtek.wav
سبحان رب (ن) كمّلك في تفاصيلك
يوم ان رسمتك حشا الألوان ما جاتك
حتى الرتوش* عجزت مع ريشتي نيلك
يا ما حلا عيونك ويا زين رمساتك
لبيه ياللي الملا كلها تلبي لك
زل وتمادى ماهوب من قل زلاتك
لكن خفوقي من غلاتك يعدي لك
باشيل عنك أهدني كل آهاتك
عطني حمولك أباحترق شمع في ليلك
فديت قلبك يا غلا كلي افداتك
ما بيك تدوس الرمل وأنا عيوني تشيلك
وليّاك تبكي على كل ما مضى وفاتك
حبي أنا لك شمعة (ن) في قناديلك
أكفكف بكفي يالمزيون عبراتك
تغرق كفوفي ولا يبتل منديلك
سيّر أموري على كيفك ومشهاتك
ويحليلك ان قلت (( عشقي )) آه يا حليلك
عدني صغيرك وغن لي عذب شلاتك
دلل صغيرك آه يا زين تدليلك
عـــشّاق
* الرتوش : هي اللمسات الأخيره التي يضعها الرسام في لوحته
http://qe9ayed.jeeran.com/resamtek.wav