سوالف للجميع - ممكن قصائد للشاعر .........

fahad11

28-08-2002, 01:54 PM

تحيه طيبه لأعضاء سوالف الشعر والأدب الشعبي

هل يوجد موقع للشاعر الكويتي مسلم البحيري

او بعض قصائده

ولكم مني جزيل الشكر

غريب الطبايع

28-08-2002, 05:14 PM

البارحة قلبي تزايد اخفوقه
والليل قضيته هواجيس وخفوق
والنوم جفني ماتطعم ابذوقه
ماغير غطاتي تقاطيع وافوق
لين النهار اصبح وبانت اشروقه
والدمع من عيني على الخد مدفوق
اسباب من نفسي لنفسه شفوقه
الجادل اللي كامل الزين والذوق
اللي مشى وافي وكمل احقوقه
مايلحقه مني مشاربه واحقوق
اللي على شوفه اعيوني شفوقه
مالاقي لي غيره من البيض غرنوق
اللي غرامي جاري في عروقه
وحبه بقلبي خالط الدم بعروق
سافر وأنا نفسي عليه امحروقه
وهو بعد مثلي من الشوق محروق
وسافر معه عقلي وفكري وذوقه
اكل وكني لاطيب الزاد ماذوق
اتلا العهد الغيم حدره وفوقه
اقفت به اللي تسبق الطير بلحوق
ورديت نفسي من عناه امخنوقه
من عبرتي وامفارق الشوق مخنوق
قلبي كنوم مير عيني تعوقه
عيني عن الكتمان ياناس في عوق
العاشق المجبور عينه نطوقه
لو كان مايبدي على الناس منطوق
غصب على المشتاق بفراق شوقه
تكشف اعيونه ما بقلبه من الشوق

مسلم البحيري

fahad11

28-08-2002, 10:41 PM

هلا غريب الطبايع

مشكور على هالقصيده

بس ياليت لو موقع للشاعر مسلم البحيري

تحياتي