للبنات فقط والشباب عن اللقافة

[دمدم]

ليش البنات يحبوا يطولون اظافيرهم؟؟

ليس له اجابه محدده

لكن هناك من يراه انه جزء من الجمال

وطبعا وبقولها على بلاطه شكل المناكير حلو لما الاظافر تطول وينحط شي من المناكير عليها كشخه بعض البنات يشوفونها

وهذا الكلام ما اعممه على كل البنات بل بالعكس الكثير منهم لا يؤيدوا الشي هذا

يعني وجهات النظر تختلف وكل بنت عن الاخرى غير واصابع اليد مو وحده

يعني لا نعمم الشي هذا ونتحامل على جنس البنات

وهو عموما امر منهي عنه لان فيه تشبه بالكفار

**********

ليش البنات يدورون السوق ولايعجبهم شي يشترونه؟؟؟
انت الظاهر ترى البنات من زاوية وحده او فئه معينه

مو كل البنات كذا

اما بالنسبة لهذه الفئه الي ما يعجبهم شي

المفروض ان لا نلقي الملامه عليهم لانهم هم كذا

حرام.. يعني ذوقهم صعب ويحبوا التميز......... والتزين من طبيعة الفتاة وهي تختلف وتتفاوت من فتاة لاخرى

************

ليش البنات لأقل حاجة يبكون؟؟
سبحان الله

هكذا خلقت المرأه عاطفتها تغلب تصرفاتها

خلقت رقيقة

كتلة من المشاعر

ولهذا اوصى عليه السلام بمعشر النساء وقال ((رفقا بالقوارير

وكان يوصي صحابته بذلك

***************

ليش البنات من صغرهم يحبون يتصبغون مكياج يغارون من الكبار؟؟


عجبا لك

فطرة الفتاة

مثل العيال من يكبروا وهم يضاربوا ويكسروا ويلعبوا بالسيارات والدبابات

بعدين يمسكوا اللعبه من غير تفاهم على الجدار مكسوره

هل لك تفسير لذلك

الفتى بفطرته وكذلك الفتاة وكل شي لحكمه

الولد يقلد ابوه

والبنت لامها

يعني سؤالك يجاوب نفسه

*************

ليش البنات مخلصين في كل شي حتى مع اللي مو وفيّ

يا حرام على نياتهم

بس ترى مو كلهم

لان الفتاة بطبيعتها ومكانتها يجب ان تكون حذره في حياتها ويجب ان تكون واعية لمى حولها من مجريات الامور حتى تستطيع ان تكمل وتؤدي وظيفتها في الحياة

يعني هذا السؤال مرفوض لانه ليس عادة في البنات

بالعكس البنت حذره في الغالب الا ما ندرصراحة

*************

ليش البنات يعصبون بسرعة؟؟

يا حراااااااااااااااااام

ما الومهم

من الكتمه والحبسه

يعني الولد لا ضاق صدره اخذ مفتاح السياره وطلع بره يحاول يلهي حاله

اما البنت هذي حيلتها فيجب مراعاتها

وانا هنا ما اقصد انه تعطى البنات حريتهم بالخروج لكن احاول ابحث اجابه

وهذا من ناحية

الناحية الاخرى لا ننسى ان الفتاة عاطفيه متسرعه ليس مثل الرجل

*************

ليش البنات أشطر من الاولاد ويحبوا المذاكرة؟؟
لان ما عندهم سياره

هذا ابسط جواب

يعني ما عندهم شي يلهيهم عن المذاكره

ربما الأولاد يكونوا مرتبطين بطلبات البيت احيانا ومسؤوليات اخرى

اما الفتاة وخاصة ما انتشار الخادمات وما في شي يلهيهم يجلسوا على كتبهم افضل لهم

***********

ليش البنات دلوعات؟؟

يعني ايه دلوعات

يعني يصيرون مثل العيال يتضاربوا

اعتتقد انها ميزه حلوه

يعني ليش ننتقدها او حتى نسأل هم ليش كذا

***********

ليش البنات يتابعون الموضة؟؟

فطرة

يحبوا التزين والظهور بهيئه محببه

وبعدين الشباب هم الي دفعوا البنات لشي هذا

ما تشوف كيف المقاهي مليانه وعلامات الاعجاب واضحه على الشباب للبنات والمذيعات الي يطلعو بالدش

بعد هذا كله تبون البنات يلبسوا جلابيه

وانا بكلامي هذا

لا احلل بعض اللبس المخل بالاداب والمخالف للشرع

************

ليش البنات ما يقتنعون بسرعة؟؟ تحاول فيها سنه.... وبعد اللاتي والتي يقولون لك ما اقتنعنا؟؟
بعد ما تفقع مرارتك.. وتنفجر كبدك؟؟



تلقاها مقتنعه بس تدلع مثل ما تقول )))))

((((تحب تتغلى

بالعكس انا اشوف ان الفتاة سلسه وسهل التعامل معها

اذا استخدمنا الاسلوب المناسب

*******************

اتمنى ان اكون وصلت للجواب الشافي

وطبعا كل هذا من وجهة نظري انا وليس الكلام عموما

يعني ربما غيري يرى اجابتي ليست وافيه او مخطئه

وانا احترم الشيء هذا لان كل انسان يتكلم على حسب منظوره للحياة

وايضا تجاربه

فاذا قلت شي ليس معناه انه صحيح مئه بالمئه

والسلام مسك الختام

###############################






‎
‎
‎

[دمدم]

UP