View Full Version : ممكن احد يفيدني عن ماركه GMC سوبر بان
السلام عليكم ورحمة الله وبركاته
كيفكم شباب سوالف طيبين الحمد لله
اريد من اهل الخبره والتجربه افادتي عن سيارة العائله
الاولى في الخليج او في العالم كما يقال GMC سوبر بان
لأني نزلت للمعارض ولقيت موديلات 2001 و 2000 بحدود 85الى 95الف ريال سعودي
واللي ابغاه جديد بس نزلت قلت ممكن احصل واحد نظيف بقيمه رخيصه
السؤال ؟
هل هذه السياره لها عيوب لأن كل شيء جديد يخوف
وهل الموديلات القديمه احسن 99 - 98
انا اسمع الناس يسبون الموديلات الجديده ولكن ما ادري ويش رايكم
السؤال 2 ؟
ماهو الفرق بين مقاس 1500 و مقاس 2500
وفيه نوع مكتوب عليه ورا 8100 وش يعني وهل GMC المجهز بالدبل له عيوب
السؤال 3 ؟
هل الفورد اكس كيرجن افضل من GMC
خلاصة القول اريد الافاده الكامله عن هذه السياره لأني راح اشتري في خلال الايام القليله الجايه
وشاكر لكم على اتعابكم معي :)
شبه خبير
08-08-2003, 03:18 PM
والله يا اخوي احنا عندنا موديل 99 ومشى 130000 كيلو متر وزي الفُل....
الموديلات الجديده زينه و اثنين من جماعتي واحد عنده 2000 والثاني 2003 ومايشتكون منهم......للعلم ان الذي عنده 2003 مسافر الآن فيه مصر.......
اما كلمة 8100 هي اكبر نوعية مكاين ركبت على السوبر لأنه 8,1 لتر بقوة 454 حصان........وتوجد فئة 5,3 لتر 300 حصان و5,7 لتر 350 حصان وآخر فئه هي الاكثر انتشارا.......
بالتوفيق ومبروك مقدما.....
SVT-COBRA
08-08-2003, 03:31 PM
السلام عليكم ورحمة الله وبركاته
الايجابيات :
سياره كبيره و واسعه جدا و مثاليه للاستخدام العائلي و شكل خارجي جميل نوعا ما و تجهيزات داخليه ممتازه .
السلبيات :
السياره ثقيله جدا جدا يعني مع ان محركها فيه قوه هائله لكن ما تحس ابدا بالقوه لدرجة ان الكورولا تطلع عليه , فيه بعض المشاكل في القير و الدفرنس , استهلاك عالي جدا للبنزين , سعر مرتفع , سعر منخفض عند اعادة البيع .
بالنسبه لي انا افضل الفورد اكسكيرجن لأن عزمه اقوى و اوسع و تجهيزاته الداخليه لا تقل جوده عن ال GMC لكن يعيبه حجمه الخارجي الكبير جدا جدا و اللي يسبب مشاكل في الزحمات و كذلك محركه ال V10 غير اقتصادي ابدا
و سلامتكم
انا عندي جمس 2001 والسياره ماشاء الله زي الفل
مقاس 1500 محركها 5,3 ليتر مع انها اضعف محرك متوفر في سوبربان
إلا ان قوته جباره واكثر من كافيه.
والفرق بين 1500 و 2500في المحرك
الأول بمحرك 5,3 ليتر 327 حصان
والثاني بمحرك 6,0 ليتر 355 حصان
اما الـ 8100 سعه محركه 8.1 ليتر !!! اقوى من المحرك السابق بحصان واحد فقط لكن في العزم......اترك العالم خلفك:D
ماادكر بالضبط لكن يكفيك ان عزمه اقوى من الهمر بكثير:shock2:
هدي المحركات و اي استفسارات ثانيه انا حاضر
شبه خبير
معليش بس عندي شويه تصحيحات:rolleyes:
" لأنه 8,1 لتر بقوة 454 حصان"
قوة محرك 8,1 356 حصان ومتأكد من هدي المعلومه
الي دكرته يمكن يكون العزم
"وتوجد فئة 5,3 لتر 300 حصان"
327 حصان :o
"5,7 لتر 350 حصان"
مسوي تخفيضات :D
355 حصان <--- يدكرني بعلبة الببسي 355 ملي:D :D
SVT-COBRA
انت يبغالك تصحيحات جامده:OO:
نبداء من الأخير
"بالنسبه لي انا افضل الفورد اكسكيرجن لأن عزمه اقوى و اوسع و تجهيزاته الداخليه لا تقل جوده عن ال GMC لكن يعيبه حجمه الخارجي الكبير جدا جدا و اللي يسبب مشاكل في الزحمات و كذلك محركه ال V10 غير اقتصادي ابدا "
من كلامك فضلت الفورد بسبب السعه والعزم
في السعه الفورد اوسع بملي مترات قليله جد (راجع الأرقام الرسميه للتأكد) ماتستاهل انك تشتري السياره عشانها
وفي القوه اقوى بـ 20 او 30 حصان الغى تأثيرها الوزن الثقيل جدا ( اثقل من السوبربان بكثير) مع استهلاك عالي للبنزين
وفي احد اعداد سعودي اوتو مقارنه بين سوبربان واكسكيرجن عنوانها:
الفخامه تكسب الضخامه <---- اعتقد النتيجه واضحه من العنوان
"استهلاك عالي جدا للبنزين"
من الطايف إلى الباحه دهاب وعوده تاخد نص التانكي
ممادري هدي تعتبر كثيره على سياره ثمانيه سلندر؟
"فيه بعض المشاكل في القير و الدفرنس"
مشاكل ايش؟:confused:
"السياره ثقيله جدا جدا يعني مع ان محركها فيه قوه هائله لكن ما تحس ابدا بالقوه لدرجة ان الكورولا تطلع عليه "
معك حق السياره ثقيله جدا جدا لدرجة اني سبقت الكامري بالجمس:D :D :D
باضعف محرك لسوبر بان (5,3) والسياره فيها دبل (ثقيله)
يعني اقل اداء ممكن تحصل عليه من سوبرنا
بعد السباق كنت ناوي اكتب موضوع عنه لكن خفت على مشاعر اصحاب الكامريات:laugh: :laugh:
وصباحكم عسل ياعسل:banana:
corvette indiana police
08-08-2003, 04:13 PM
للتصحيح بس
454 و 350 هذي مهب القوه الحصانيه للسوبر بان والوانيتات
هذي حجم المكينه بـالكيوبك انش
HaKeM
08-08-2003, 04:58 PM
أخوي V 12 مع كرهي للأمريكان والسيارة الأمريكية فأنا افضل الجمس4x4 على جميع سيارت ال4x4 لأنه يجمع جميع المزايا صرفية البترول بمقارنتها بمثيلاتها من
HaKeM
08-08-2003, 04:59 PM
أخوي V 12 مع كرهي للأمريكان والسيارة الأمريكية فأنا افضل الجمس4x4 على جميع سيارت ال4x4 لأنه يجمع جميع المزايا صرفية البترول بمقارنتها بمثيلاتها من 8 سلندر جيوب فهي الأفضل ومن ناحية الهدوء في الخط أخر حلاوة وراسي ومريح وواسع وعزمه قوي
عند الوالد جمس موديل 95 (2500)
عزمه قوي السيارة مليانة من أولها لأخرها ومحمله طلعة الشفا 120 مانزلت غير20 صارت 100
عيوبه:
في البلد مكيفه نص ونص زي اي سيارة أمريكية
لو أنته من سائقي الإستعمال القاسي في الشوارع الرديئة المكسرة يمكن البيبان تطلع اصوات لأنها غير محشية بالإسفنج مثل السيارات اليابانية
يمكن في المستقبل بعد 200 ألف كيلو تواجه مشاكل في إرتفاع الحرارة
v8 تعجبني أنا صرلي موقف شبيه بموقفك طرحت كامري وأنا عندي البنزين على الأحمر يعني التنكي فاضي طرحت كامري حق يمكن 6 عواميد لكتن خط هوا راح ونفس الموقف صار مع كرسيدا جراندي 6سلندر طرحته والبنزين على شبه الصفر قومه وخط
الجمس عندنا ليه 9 سنوات زي الحلاوة لكن في أخر سنة لمن استعملته البيبان صارت تقربع وتشتكي من الحرارة وماشي أكثر من 300 ألف كيلو
تحياتي
SVT-COBRA
08-08-2003, 05:12 PM
السلام عليكم ورحمة الله وبركاته
تصدقون انه في يوم من الايام طلعنا بجمس على مكسيما :laugh:
و سلامتكم
SKYLINE GTR
08-08-2003, 07:53 PM
^
^
^
عاد ذي كثر لي منها :D
يمكن الماكسيما كانت مع شايب :laugh: :D
الارهابي
08-08-2003, 08:08 PM
العيب
غباء الوكاله
و بعض قطع الغيار المهمه جدا و اللي بالتأكيد لازم بتغيرها و لو بعد 6 سنوات
مثل الرديتر غاليه جدا و لا تتوفر الا في الوكاله
رديتر السوبربان و اليوكن و الونيت من موديل 95 الى 99 ( يمكن 93 و 94 مثلهم ما ادري )
المنيوم من الداخل لكن جوانبه بلاستيك و يكفي اي تهريب خفيف في الجنب عشان ترمي الرديتر كامل
و قيمته في الوكاله
مناسبه جدا جدا جدا :D
بس
1900 ويال و شوي
بس:D
غير كدا السياره زينه
بس نصيحه
طبعا GM لازم تعطي سياراتها سمه مميزه
فكل موديل له العيب اللي يميزه
مثلا
موديل 95 و تحت
اغلبهم عانوا من مشكلات في EGR سيستم و المنظم حقه ب 400 ريال تقريبا و الوكاله اكيد سعرها غالي
طبعا المشكله مستمره في الموديلات الجديده ( ترى هالمشكله من 88 اول ما نزل البخاخ ) حتى اخر موديل 2002
و الحل عند الوكاله
انهم يكنسلوا الEGR valve و يعملوا له bypass لإي الكمبيوتر و يستغنوا عنه
طبعا الحل هذا و البرمجه توفر لموديل 96 و فوق
اما 95 و تحت ما سووا لهم برمجه ولا بيسووا
ازاله او الغاء نظام EGR تضعف العزم شوي و تزيد الصرفيه
لكن بشكل خفيف
موديل 98 مشهور بمشاكل التسريب بكل انواعها
صوفه مكينه
صوفه قير
صوفه طرمبه البور ستيرنق
و كل مكان فيه زيت توقع انه يسرب :D
و ما ان تصلحها ما تكمل معاك شوي الا ترد تسرب :D
طبعا العيوب مو على كل السياره
لكن هذا الشي مشهور و معروف و اللي مو مصدق يسأل الوكاله و خصوصا على سالفه EGR
و سمعت ان بعض موديلات الفورد تشتكي من نفس المشكله في EGR سيستم
يعني قبل ما تشتري السياره
احرص على سؤال اي واحد تشوفه عنده الموديل اللي بتشتريه
اسأله عن المميزات و العيوب
و وش يفرق عن الموديل اللي قبله
و بالتوفيق :D
السلام عليكم ورحمة الله وبركاته
شبه خبير
الله يبارك فيك بس باقي ماشريت
SVT-COBRA
كثر خيرك ومشكور على المعلومات المفيده بس عندي ملاحظه بسيطه
(( يطلع الجمس على مكسيما )) كثر منها
V8
ماشاء الله عليك تعجبني كلمة اترك العالم خلفك
corvette indiana police
ويش الكيوبك انش عطنا معلومات عنها
حاكم العدل
ان شاء الله تغيرونه بموديل 2004 وانا بشتري نفس الموديل ولا نشكي من اي عيوب وترا 9 سنوات معناها ابيض اوجه
SKYLINE GTR
مشكور على مشاركتك
الارهابي
ماقصرت سعر الرديتر 1900 رخيص مره :damp:
ويش نظام EGR
ومره ثانيه مشكورين شكر خاص ووفقكم الله على المعلومات الطيبه والمفيده
والظاهر اني بحول على الاند كروزر وهذي فكرتي من زمان بس الاخوان
غاثينني يبون GMC بأي وسيله كانت والله يكتب اللي فيه الخير
طبعاً ولا ننسى حاجه مهمه اذا شريت اي من الانواع المذكورة راح اعطيكم خبر وفكره عنها ;)
Infiniti Q45
09-08-2003, 02:20 AM
السلام عليكم ورحمة الله وبركاته
انا امتلك سوبربان 8100
المميزات :
واسعه جداً ، فتحات تكيف كبيره ، قوة محرك معقوله بعزم جبار ،
فخمه نوعاً ما ، سعر معقول ، ماتصرف بنزين كثير في الخط
العيوب :
إستهلاك مرتفع للبنزين في المدن ، لازم اول ماتشتريها تركب لها حساسات ، صعبة المناوره في الشوارع ،ماتمسك سعرها بقوة لكن مايطيح بقوة مثل الميني فان
بالنسبه لي اشوف السوبربان و الاكسكيرجن فئة لوحدها بين السيارات
يعني اهم مميزاتهم الضخامه و قوة المحركات
يعني اللاند كروزر حلو بس مو مثل حجم السيارتين
و بكل صراحه اخوي هذي اول و اخر سياره امريكيه اشتريها بعدها راح اقاطع :cool:
s500l
09-08-2003, 06:24 AM
نفس عزم 8100 بالتمام
انا عندي واحد
من يوم ما طلع من الوكاله ما دخلته الا تشييك 60,000
ولا فيه خرابات ابد الى الان بنزين و زيت و فلتر
اعبيه فل 120 ريال بس
:D
يمشي اسبوع ويومين
عيوبه:
يقفل عند 150كم
زبده الكلام
اذا بتشتري جمس مو 8100
اشتري اكسكيرجن احسن لك
...
الارهابي
09-08-2003, 08:43 AM
EGR = exhoust gas recyclation
هذا السستم وظيفته
يرجع غازات الشكمان اللي ما احترقت مزبوط و يرجع يحرقها من جديد
لكن
اهم قطعه فيه هي البلف EGR valve
يفتح واسع على السرعات العاليه
و لما تمشي على راحتك يكون ضيق
اغلب المشاكل تصير
لما يكون البنزين وصخ و الموتر مكربن شوي
و انت ماشي على الخط
فيكون البلف مفتوح على اخره
و الوسخ يطلع ويروح على كيفه :D
المهم
من تخفف السرعه
احتمال ذره صغيره من الكربون تجي بالغلط و تسد هالبلف
و يعدين تعال شوف حاله الموتر
يقطع rough udle تقول عليه كام :D
deaddly 99 yukon
09-08-2003, 10:14 AM
و الله حنا عندنا YUKON 99 وما اظنه يختلف كثير عن السوبربان غير الحجم
العزم ماشاء الله عليه طرحت كراون فكتوريا فيه بمسافه كبيره وهاذي القومه الوحيد الي سويتها فيه :D
بالنسبه للمشاكل فامن شريناه ما صارلنا الا مشكله وحده هي حقت الراديتر الجوانب البلاستك انكسر واحد منها ودينها الصناعيه فصلولنا المونيوم ب 150 ريال و بس يعني انسى الوكاله و السياره شغاله تمام
المكيف حقها لك عليه شوي يعني مو ذاك الزود
الجديد 2000 و فوق اسمع ان صرفيته اقل من الباترول و الاندكروزر و المكيف الجديد احسن بكثير من القديم و الفرامل بعد احسن وهذي كانت اكبر عيوب القديم انا اتصحك تشتري جديد احسن لان المستعمل ممكن يكون مكروف و فيه مشاكل طبعا بعد 150000 كم توقع بعض المشاكل زيه زي الامريكي كله و قطع غياره مناسه جدا ترى يعني مو غاليه الا بعض الاشياء و تلقى التجاري موجود بكل مكان و باسعار حلوه
وهذا رايي بالنسبه للفورد فاعتقد انه ضخم جدا جدا جدا و اتوقع انهم لو يسمونه تيتانيك احسنلهم بس هو من ناحية الفخامه و الراحه اريح من الجمس بالنسبه للمكاين فاعتقد ان الشباب كفو ووفو
و الله يباركلك فيه
رد مقتبس من SVT-COBRA
السلام عليكم ورحمة الله وبركاته
تصدقون انه في يوم من الايام طلعنا بجمس على مكسيما :laugh:
و سلامتكم
يعني مومصدق؟
جب لي كامري وانا جاهز:banana:
ولعلمك مره سابقت مكسيما على الطاير من 20 إلى 80 كلم
وماقدر يتعداني:D
بس هذاك السباق كان له ضروف مختلفه;)
والي يسوق المكسيما مو شايب كان فيه سته انفار:shock2:
والطريق مرتفع بزاويه 45 درجه :D :D
s500l
"عيوبه:يقفل على 150"
180 مو 150:rolleyes:
King 4x4
09-08-2003, 12:06 PM
حلوه ذي :OO:
8100 ضد كامري ومكسيما :p
HaKeM
09-08-2003, 03:08 PM
V8 أيش العالم دي ماتصدق انه الجمس قومته قوية
ترى الكامري ال2002 وتحت مافيها قوة نهائي
أطرحها والسيارة مافيها بنزين الا حق 3 كيلو ههههههه
تحياتي
TOP-SECRET
09-08-2003, 03:32 PM
رد مقتبس من SVT-COBRA
السلام عليكم ورحمة الله وبركاته
السلبيات :
السياره ثقيله جدا جدا يعني مع ان محركها فيه قوه هائله لكن ما تحس ابدا بالقوه لدرجة ان الكورولا تطلع عليه , فيه بعض المشاكل في القير و الدفرنس , استهلاك عالي جدا للبنزين , سعر مرتفع , سعر منخفض عند اعادة البيع .
و سلامتكم
اخوي انا عندي تعقيب على كلامك :D احنا عندنا جمس سوبر بان 1500 ومره طلعت قومه حتى 140 مع اخوي وهو عنده لاندكروزر 2001 وطلعت عليه فرق سياره هذا اول شي وعلى فكره مكينة السياره اقل عزم في مكاين الجمس لانها 1500 ... ثاني شي موترنا موديل 2001 ورحنا فيه الاردن ورجعنا ومشاء الله مافي يوم طق عندنا القير ولا حاجه وثالث نقطه الاستهلاك للوقود انا اقول لك كان عندنا واحد موديل 94 وحجمه 2500 وكان يستهلك وقود اكثر منه بكثير رابع نقطه السعر عندنا للفل اوبشن ب 139 الف كاش من غير دبل خامس نقطه سياره امريكيه يعني لازم يطيح سعرها بعد البيع وعلى فكره الفورد يطيح سعره اكثر منه :)
اخوي انا انصحك في الجمس والله موتر عائلي وروعه وماعليه اي كلام اقصد الموديل الجديد غير ان الحديد مش على عادة الجموس القديمه حديد قوي كثير ... على الخط رساوته ماعليها كلام مشاء الله عليه وسعر موديل 2001 تحصله يمكن ب 80 الف او 85 ماعتقد تحصل اقل سعر الا اذا كان تعبان الموتر ;)
بالتوفيق اخوي وانشاء الله انا من اول المباركين لك في السياره;) ;)
ACCORD-VETIC
10-08-2003, 08:26 PM
السلام عليكم ورحمة الله وبركاته
الوالد عنده سوبربان موديل 99
والسيارةمكينة 350
وما شاء الله عليها 6 مرات رايحة مكة المدينةو اخر مرة لبنان وما عليها كلام شوية شغلات استهلاكية بسيطة + EGR :(
لكن والشهادة لله السيارة ما عليها كلامفي القومة و حتى لوكانمعاك 7 ركاب ما تحس
:black: يا شباب لا تنسوا المقاطعة:black:
VIP_GTS
11-08-2003, 01:58 AM
V8
لهجتك رهيبه ;)
:laugh: :p :laugh: :p :laugh: :p
حاكم العدل
"ترى الكامري ال2002 وتحت مافيها قوة نهائي
أطرحها والسيارة مافيها بنزين الا حق 3 كيلو ههههههه
تحياتي"
"أنا صرلي موقف شبيه بموقفك طرحت كامري وأنا عندي البنزين على الأحمر يعني التنكي فاضي طرحت كامري حق يمكن 6 عواميد لكتن خط هوا راح ونفس الموقف صار مع كرسيدا جراندي 6سلندر طرحته والبنزين على شبه الصفر قومه وخط"
يمكن هدا الي خلاك تفوز:D
لما يكون التانكي شبه فاضي تسير السياره خفيفه وهدا يساعدك في السباق
ماادري الناس من وين جابو فكره ان السياره لازم تعبيها فل قبل ماتسابق:damp:
لكن انا لما سابقت الكامري كان البنزين على النص وبعد السباق
اكتشفت اني محمل اسطوانة غاز :shock2: :D ومليانه كمان
وفوق هدا صاحب الكامري دعس قبلي بعدة ثواني
كمان كان مركب دبه رياضيه :help: :sleep:
رد مقتبس من VIP_GTS
V8
لهجتك رهيبه ;)
:laugh: :p :laugh: :p :laugh: :p
:D :D
وش اسوي اللاب توب مافيه حرف (د) ....اقصد حرف الدال اووووه
الدال الي فوقه نقطه:D :D
تسلفني حرف الدال؟
تعرف حرف الدال ضروري ماتقدر تكتب بدون الدال لأن الدال
من الحروف المهمه ......عندك حرف الدال؟:damp:
ماقلت لنا رايك في الموضوع