صحيح زعلنا بس مالنا حق عندنا منتخب رفع راسنا فوق فوق فوق

[RED Chevy]

السلام عليكم ورحمة الله وبركاته

أول شي ماني عارف أقول شي لكن قدر الله وماشاء فعل...

تابعنا المباراة بكل حماس نعم...

تمنينا الفوز ودعينا من كل قلبنا وبكل صلاة إن نفوز نعم...

عجبنا أداء المنتخب كثير نعم...

لكن مافزنا بالمباراة:(

المنتخب الياباني يلعب بالحظ غلبوا عمان وهي اللي كانت تستحق الفوز...
غلبوا الأردن وهي كانت تستحق الفوز...

غلبوا البحرين وهي اللي كانت تستحق الفوز...

غلبوا تايلاند وهذي الفوز الوحيد المستحق لهم:D

زعلنا كثير بشكل ماتتوقعونه لكن صاحب هالزع والحزن فرحة كبيرة مدري كيف إجتمعوا مع بعض...

يوم اليابان تعادلوا في آخر دقيقة أعصابنا وصلت المريخ ورجعت...

الريموت كنترول تبعنا الله يرحمه صار فتات:D >>>( جاته ضربة في الأرض مزقته لأشلاء):D

تبون الصج راضيين عن منتخبنا نعم راضيين به لو طلع بالمركز الثالث أو الرابع حتى السابع هم راضيين به راضين بالأداء البطولي راضيين بإحراجه للكبار راضيين بزينه وبشينه...

كنا نستحق الفوز نعم كنا نستحقه لكن ضاع( ممكن إحنا اللي ضيعناه) الفوز ضاع لكن المستقبل ماضاع...

بهذا المنتخب يحق لنا نرفع راسنا فوق فوق فوق ونقول والنعم فيه:)

بيضتوا الويه شبابنا وماقصرتوا صحيح ضاع اللقب لكن فرحانين بكم وبأدائكم...

فرحانين بمنتخبنا فرحانين بمنتخب عمان فرحانين بمنتخب الأردن رفعوا راسنا حتى لو بدون إنجاز...

يكفينا فخر هالأداء مانحتاج لقب وإحنا متفوقين على اللي يحمله:p

يالحمر روح والله معاك رفعت راسنا ولاتقولون هارد لك قولوا الله يوفقهم في مبارياتهم الجاية وفرحوا ياشباب ترى البحرين اليوم فازت إي نعم فازت ماخسرت...

تحية طيبة ممزوجة بمشاعر البحرينين الحزينة الممزوجة بالفرح:) :( :)

[TOP-SECRET]

هاردليك لمنتخب البحرين والله اني حزنت بخسارتهم ضد اليابان لكن قدر الله وماشاء فعل وتتعوض ان شاء الله وفعلا المنتخب البحريني يستاهل انكم تفتخرون به لان المستوى الي طلع فيه رائع:)

بس انا ماقهرني الا اخر فرصه الي جات من تحت المهاجم الي كان جدام القول:(

[مهوس العين]

عزيزي RED Chevy .. :)

المنتخب البحريني أجاد في مباريات البطوله الاسيويه بكل اقتدار فكان المتسيد في معظم المباريات التي خاضها , و لكن الفوز هذه المره لم يحالفه لان سوء الحظ لازمه طوال زمن المباراه فشاهدنا الفرص المحققه تضيع ما بين اقدام محمد و علاء حبيل و دعيج و طلال يوسف و لو تم تسجيل هدف واحد لضمن الاحمر تأهله الى النهائي .. مع كل هذا المجهود يستحق شباب البحرين الشكر و الامتنان على اداءهم الطيب و الراقي و يكفيهم فخر انهم الوحيدين من بين 8 منتخبات عربيه مثلوا العرب و حملوا الرابه العربيه في نصف نهائي آسيا .. ان شاء الله البطولات قادمه لكم و ما عليكم الا تشجيعهم و مؤازرتهم .. ;)

[عاشق منتخب البحرين]

والله صدقت ياخي

[RED Chevy]

مشكورين ياشباب على الردود وماقصرتو والله يوفقهم في خليجي 16 وإن شاء الله يتأهلون لكاس العالم ويبيضون الويه هناك:cool:

[الحبيب]

http://www.ta7meel.com/up/42/1091625276.gif
لاتزعل ولا تحزن
الفن الأحمر صبغ الملاعب الصينية وجعل الآلاف من الجماهير تتسمر في أماكنها مندهشه من هذا المستوى الذي يأتي من "أكثر فرق آسيا تطورا" ولولا الحظ الياباني لكان الأحمر البحريني في النهائي يصارع صاحب الأرض ولكن الحمد لله ماوصل له الفريق هو انجاز في حد ذاته

تحياتي لأهل البحرين جميعا

[RED Chevy]

رد مقتبس من الحبيب
http://www.ta7meel.com/up/42/1091625276.gif
لاتزعل ولا تحزن
الفن الأحمر صبغ الملاعب الصينية وجعل الآلاف من الجماهير تتسمر في أماكنها مندهشه من هذا المستوى الذي يأتي من "أكثر فرق آسيا تطورا" ولولا الحظ الياباني لكان الأحمر البحريني في النهائي يصارع صاحب الأرض ولكن الحمد لله ماوصل له الفريق هو انجاز في حد ذاته

تحياتي لأهل البحرين جميعا
الله يحيك إخوي وتسلم على ردك لكن زعلنا مو على الخسارة...

بالعكس خسارتنا مو خسارة هذي بمثابة فوز..

أهم شي إن الفريق بيض الويه ومافشلنا...

مو مهم اللقب اللقب جاي اليوم أو بكرة لكن اللي زعلنا إن حنا كنا فايزين وطلعنا مع إنه حتى لو خسرنا من البداية بعد نعتبره لإإنجاز الأكبر للكرة البحرينية...

الحسرة على الفوز اللي كان تفصلنا عنه 120 ثانية بس لاغير:(

لكن الحمر مهما كان رفع راسنا بمستواه...

شوف كيف الأحمر العماني مفتخرين فيه وهو طلع من الدور الأول نفتخر فيه للأداء الراقي والبطولي وهذي نفس أسباب إفختارنا بالأحمر البحريني...

بكل صراحة أقدر أقولها أبطال الخليج وآسيا غير المتوجين هم الأحمرين العماني والبحريني:cool:

[Mr_CoRvEtTe]

كلام صحيح 100 %
اليابان يمشي والحظ معاه

وما قصرو الاحمران :D يعني (( البحرين وعمان ))

[RED Chevy]

رد مقتبس من Mr_CoRvEtTe
كلام صحيح 100 %
اليابان يمشي والحظ معاه

وما قصرو الاحمران :D يعني (( البحرين وعمان ))

تسلم لي عالرد يامستر وماقصرت وفعلاً ماقصروا الأحمرين:p