هذا بلا ابوك يا عقاب .... ممنوع العزاب للمتزوجين فقط ..رجاءً

[أبو نايف]

هذا بلا ابوك يا عقاب .... ممنوع العزاب للمتزوجين فقط ..رجاءً


السلام عليكم ورحمة الله وبركاته

سلام خاص لاصدقائي في سوالف جميعا وعذرا على الانقطاع:)




نخش في الموضوع:)

زمان كان الرجال يتزوج ...ثنتين ...ثلاث ...!! ابوي متزوج اربع ... وعمي ( ابو جاكلين متزوج ثلاث ) اسم عليهم ... :banana:

وماشاء الله فيه شده وحيل ....ومرجلة ...!! كان زمان ....والحين يادوب واحده ...!!مثل اخوكم الصغنون انا ... ما طلعلت شبل من هذاك الأسد ...:banana:

وفوقها حلاوة ابو نار ...!! وكوارع الدقل ....!! وعسل سدر ...!!
وحبة البركة ....!!ومأكولات بحيرة .... ( بن مهري ) ....

وكان زمان ....!!
الرجال نخوة وشيمة ...وجيرة ...وشجاعة ومرجلة ...!! واليوم لاشيمة ولا قيمة ...!!وذكور ستار اكاديمي اكبر دليل ... ولا عارف ولا معروف ...!!

كان زمان اذا شفنا واحد يتمايل ...!! كلنا ننقده ونمرجله غصبا عنه ...!!
واليوم يااااااه ...... يخساااا الا فيفى عبده ...!! قصات ....ومحزق وملزق ....والله يسترنا بستره ...!!

كان زمان كل حرمة ....تهف على قرصها بجد وتقوم من الفجر تعجن وتخبز ...!!
تضرم رجالها وتهتم فيه ...!! الله يطول في عمرك ياميمتي ...
سواء فى الاكل او الشرب ...او......... الواجبات الأخرى ...!! واليوم يروح للدوام لافطور ...ولاقهوة ...!! واذا رجع يمكن فيه غدا ويمكن القيلة ابرك ...!!

كاان زمان علوم سفرة ..!! ...واليوم همبرجر ...وبيتزا ...!! لا حليب ولا مرقوق ....!!

كان الواحد ماشاء الله يخلف اربعة خمسة سته ...!! واحيانا تسعة وعشرة ...!! واليوم ...!!

ودورت وبحبصت ...:think: ...وسألت علماء الطب والفلك والذرة ...!! يمين شمال شمال يمين ....!! لقيت السبب من ( اذاعة سوا عالهوا.....!! الرجال والمرة .....سوا سوا ....!! ولا احد يزعل ...!! موية (( التحلية)) هى السبب الأول....!!والأكل الي نضرمه هو السبب الثاني .....!!

ليه .....؟؟ خلينا نشوف موية التحليه ايش فيها يا جماعة الخير .....!!
فيها بلاوى ...........!!
زرقا وخضرا وحمرا وصفرا وكل الوان الطيف ....!!من كلور وبلورفين ...وموزنبيق ....تخلى الرجال ينام من اذان العشا ....

واذا احد عنده شك وخاصة من العزاب ....!! ينشد اى متزوج ويقوله كيف الفطير .....!! يلقا النتيجة فتاكة ...!! سيم سيم ....!!
لاتئذينى ولا اذيك ....ويابخت من نام خاوى ...!!

لالنا ولا علينا.....لا ندين ولا نستدين ...!! وتشوفون حالات الطلاق ماشاء الله حدث ولا حرج ....!! والعوانس ....بالكريك .....!!
والخكارية( اشباه الرجال ) فى ازدياد ....!! والفنلات الحمراء ......تغطى الشوارع ....!! وشى ملفت للنظر ....بدون عدسات او جزر ...!!
شى يمشى وشى يطير ....!!

ويمكن واحد يقول ....!! انا مالى شغل ....انا اشرب من القوارير.......صافى مصفى ...!! واقوله هذه من تلك ..... والتحلية من القوارير والقوارير من التحلية ...وهذا بلا ابوك ياعقاب ...!! واذا سألت احد عن الكلور ليش ....!! قال تعقيم للماء ....!! :damp:

وطلع كلورنا مثل قهوة الرجال اللى انتم خابرين ...!! يهد جمال ....مهو برجال ....!!

وفوق هذا وذاك ....يا حالات اجهاض ....!!
وحالات عسر ....!! وحالات غريبة ما كنا نسمع بها ....!! لا ينفع معها طب ولا ينفع معها ....تمريخ ...!!
:damp::damp:

وهذا يجعلنى افكر ....ياولد الشعب كله منوخ ....!! معهم معهم عليهم عليهم ...!! وتقول التهديدات النصرانية ما تعنينا ...!!
وكأنهم مهددين بوركينا فاسووو ننعن ابو شيطانكم مومهددينا....!!
ما تهمنا ....ولا علينافيها .....!!
حتى حقوقنا ....وحقوق عيالنا ....ما ندورها....!! ما علينا ومطنشين ...!!

ولاكننا عايشين فى الدنيا ....!! سارحين مخيلين ...!! معهم معهم عليهم عليهم ....!! وخمسة بقرش وبقرش خمسة ...!!


ومادام الاذاعة سوا....!! وكروت التلفون سوا....!! ليه حنا بعد ما نصير سوا....!! على الاقل ....نلقا شى من الاحترام ....!! ونركب فى النقل الجماعى فى اخر كراسى ....!! وهذى المساوة بعينها وراسها.....!!
ولا انا غلطان ......؟؟

هذا ويقولك الأكل هو السبب الثاني لهذه المشكله .....!!ومااحط في ذمتي هم قالو .....!!من هم يا ابن الحلال ؟ياخوي علماء الذره .... لاترقد طول المحاضره بعدين تجي تسأل الله يصلحك ....!!
ويقولك ان القرابع الي ناكلها هي السبب ......!!من هام برجر وبيتزا ودريم ويب .....!!وما يصدرون لنا الا الشين الي به بلى .....!!
ولا الزين مخلينه لهم ...... اهب يالخوجات ........!!
ويوم يجيك الرجال ياكل من هل الخرابيط يتيس ......!!ويقفل مخه ...!!
ومعاد يعرف نسرين من مزنه .....!!ويدخل في غيبوبه اختياريه الين اليوم الثاني .......!!وينختم عليه معوق .......!!
ويصيبه الله ياكافي شلل نصفي ...... وانتو عارفين قصدي .......!!
ورعينا الله ياحافظ ادمنو هذا الداء من الصغر ........!! اجل لاكبرو ايش بيصير فيهم ؟؟والمشكله ها الجاويات الي دخلناهم بيوتنا .....!!
ومن كرمنا ودباشتنا خليناهم يدخلون اكلهم معاهم ....!!ويأكلون بزارينا من هالأكل الين انعدمت حواسهم .....!!سار البزر يقوم الصبح يدور الأندومي .......!!

وانا اشوف يا ايها الربع والربعات باننا نطلب من هيئة الأمم المتحده .......!!ووزير الطاقه الأمريكي .....!!ونيلسن مانديلا .........!!وفيصل القاسم .......!!وطارق عزيز ........!!وغرم الله جعان >> هذا واحد من عيال الحاره ماعليكم منه ....وفتحي خشبه واحي الحجه وكل الي في البلد واقولهم انا بخير وراجع ان شاء الله قوريب ( مسكة خط معليش )بان يكشفوا على المويه حقتنا والأكل وخصوصا الفاست فود .......!!واذا ثبت ان فيها ....خاش ولا باش ....!! من الى نخاف منه ....!!
والله مايرضينا فيهم....شى ...!! وياروح مابعدك روح ....وش راس مال الرجال ( غير علوم سفره )....تبيض وجهه ....وتبيض اسنانه ...!!

وانى محذركم يالربع ....كل يكشف على نفسه ...!!

والعذر والسموحة من الحريم ....!! العذروب من الماء .....والا حنا خذووو رجال ...!! لا علينا فى بوش ...ولا خوش ....!! الخلا الخلا ..... !!
بس ....... بعد التحليل .... !!والسموحة من الطيبين ...اللى مابعد اعرسو وما يعرفون العلوم هذي ...ولا يعرفون الطارى ....!!

او اللى باقى صغار ... ينخبشون الكمبيوتر نخبشة ولا يدرون وش نسولف فيه ...!! مع اني محذر دخولهم في عنوان الموضوع ..

هذا ويسلم عليكم أخوي الصغير اللي كتب الموضوع ( مو انا الي كتبته عشان ماتزعجوني بعدين هههههههه )



اخوكم الصغنون الفتى هنري:banana: :damp:

[حروف سوالف]

السلام عليكم ورحمة الله وبركاته

ابو نايف الحمدلله على السلامه ...قبل كم يوم كنت انا واحد غالي علينا نسولف فيك :)...

عموما تقول عزاب ،لا ؟!!..

اجل ناسي ان ثلاثه ارباع شعبك ملقف ؟!!..

ولا حد يمك ...

أجل نرفع خطاب للأمم المتحده ؟!!...وفيصل القاسم :confused:

وش رايك نرفق مع الخطاب صوره توصيه لنانسي عجرم ؟!!..ولا أقولك روبي ترا لها كلمه عندهم :(.

وبعدين لا تحط حيلك بالتحليه :corsair:

حطه بالي حاط رويسه عند روتنا ومتابع ..........تصدق يقولون أسعار البرتقال في أرتفاع وانا نويت ابيع اسهمي بسوالف وأشتري بردقان(برتقال)...

تبي الجد هذا من ذاك ولولا هذاك ما وصلنا لذاك


وتقول الشوارع احمر باحمر ...أقول اكتب الخطاب بخط نضيف لانه اولا واخير مصيره معروف :(



دام الصيف صيف والشتاء شتاء ما حولك أحد :(....


يبون رجال ؟؟!!

منهم ؟؟!!

أصلا التوجه معروف :(

وعلى المتضرر اللجوء للقضاء :(.....................


.....الا قلي هو انت نورتنا بقدومك؟!!!

ولا لسا هناك ؟!..

اها علشان كذا تشتكي من التحلية :)....

حياك ربي ابو نايف :)


أبو ريما

[أبو نايف]

أول شئ عليكم السلام ورحمة الله وبركاته



ثاني شئ " رحمة الله عليك ياحروف الحب" هو أنت اللي قتلت حروف الحب وتترحم عليه:corsair:

مالك حق ترى حروف الحب في قلوبنا عايش رغم أنف أبوريما:eek:


مرحبنبك وشكرا على أناقة ردك:)


وتسلم أنت وغالينا حتى لو حشيتو فينا:think:


وأنا منور وين ماأكون صح وألا ماودك تجاملني:anger:

[حروف سوالف]

هلا ابو نايف الا منور الحته يا قدع ( سبقت اسير بهالجمله ) :)

وبعدين حروف عاشي وين ؟؟!! في قلوبنا ؟!!

ناقص تحط شعار شبه الجزيره (واصفر وازرق وتكتب حروف في قلوبنا :)..)

تبي الجد

ودي ارجع حروف :(

بس معاد اقدر :(

وسلامتك :)

الا وشلون العرس؟؟؟

تنصحنا ؟؟@ ـ @

ابو ريما

[aziz2000]

أبووووووووووووووو ناااااااااااااااااااااااااااااااايف في سواااااااااااااااااااااااااااااااااااالف

ياااااااااااااااااااااااااااااامرحبااااااااااااااا يالقااااااااااااااااااااااااااااااااااااااااااااااطع

يااااااخي أقلقتنااااا علييييييييييييييييييييييييك

ويييين الغيبااااااااااااااااااااات يااااااااااااااخي ؟؟؟؟؟؟؟؟؟؟؟؟؟؟ :headshak: :headshak:

مشتاااااااااااااااقين والله ياااابونااااااايف :knight:

[أبو نايف]

ياهلا فيك أبو ريما


ودك ترجع حروف الحب هاه؟؟؟

عشان تسمع نصائح الخبراء الشيبان مثل أسير الليل ومن في حكمه :eek: :eek:


أما أنصحك بالعرس والا لا :think:

والله الزواج يالحبيب مغامره ...خضها بعد أخذ الاسباب

وستشرب من العسل مخلوطا بقليل وربما كثير من الحنظل.
:damp: :damp:

[أبو نايف]

عزيز 2000


هلالالالالالالالالا وغلالالالالالالالا


والله ياعزيز كنت مشغول ومحيوس والله يعيننا وأياكم

وترى حسابي في الهوت ميل جمدوه أدارة هوت ميل الله يحوس مريرهم لذالك أذا كنت أرسلتلي شي ترى ماقريته..

والقلوب عند بعضها ياأخي العزيز :) :)




أقول الصوره الاخيره في ردك من وين طلعتها:anger: :anger: :anger:

[المجاهد عمر]

السلام عليكم ورحمة الله وبركاته ، ، ،

حيا الله ابو نايف...:)


يا خوي وش ها لمواضيع اللي راجع لنا فيها....

فضحتنا الله يهديك :D


حبيت بس أرحب فيك...

والظاهر إنك ملكت وضربت فيوزاتك http://www.swalif.net/upload/files/knight.gif




المجاهد عمر

[Third Eye]

أقول

كيف ماتبغونا ندخل والكاتب عزوبي....

والى ردوا عزوبية....


شكلوا الهرجة شفرة:D

نداء للشغب الخرطبغالي:D :D :D

[البحاري]

يا هلا والله بدكتور سوالف الأصدقاء :D

ما شاء الله موضوع طويل بس جميل كالعادة في كل مواضيعك ..

الكثير من السطور كنت اتمنى أن اكتي مشاعري نحوها .. خاصة وأنها تلامس جوانب الحياة
لكن فضلت عدم البوح هذه المرة :damp:

أما السبب في نفس أبو عمر :think: :think: :think:

دمت لنا سالما ومميزااااااا:help:

[أبو نايف]

وعليكم السلام ورحمة الله وبركاته


ياهلا وسهلا فيك يالمجاهد عمر

كيف حالك وش أخبارك أن شاء الله كل أموركم تمام



تسلم على ترحيبك وياهلا فيك مره ثانيه:):)

[أبو نايف]

Third Eye

الله يستر علينا


يقولون بسبب الاطعمه المقليه ممكن الواحد تطلع له عين ثالثه:shock2:


الموضوع مشفر بس يمكن بالعين الثالثه تكشفها

:) :)



تحياتي لك وتحمل مزحنا الثقيل:D

[أبو نايف]

مساء العنبر البحاري

أهلا بك ياصديقي العزيز- ملك سوالف-:D

شكرا لوجودك وترحيبك وتعليقك:)

[Third Eye]

وأنت الصادق

العين الثالثة تطلع لما تجي مواضيع على طاري الزواج:D


تحياااتي للمكسيماواتي المغبر:D

[Misrمصر]

وعليكم السلام ورحمة الله وبركاته

مقال رائع أخي أبو نايف

ويمكنني أن أصفَه بأنه موضوع اجتماعي خفيف على المعدة وعلى حسّابة شركة الاتصالات اللي ورانا ورانا كل دقيقة محسوبة عليك،

لك تحياتي، والله يحفظ شباب المسلمين.

[Misrمصر]

وعليكم السلام ورحمة الله وبركاته

مقال رائع أخي أبو نايف

ويمكنني أن أصفَه بأنه موضوع اجتماعي خفيف على المعدة وعلى حسّابة شركة الاتصالات اللي ورانا ورانا كل دقيقة محسوبة عليك،

لك تحياتي، والله يحفظ شباب المسلمين.