سوالف للجميع - Lumina Ss Vs Altma 3.5

تويتي

04-03-2006, 08:03 AM

السلام عليكم ..
كيفكم شباب ..
أنا عارف انكم متوقعين انو مقارنة بين السيارتين :laugh1: :laugh1: ..
بس أنا محتار بين هذي السيارتين ممكن تساعدوني في الاختيار ..
من مميزات اللومينا .. :banana: :banana: المحرك الجبار
من عيوب اللومينا .. أنو الشكل راح يتغير قريب .. و أنها دفع خلفي ( هذا العيب الأساسي في نظري ) القير ما راح يستحمل ..
من مميزات الألتيما أنها .. قير عادي و النمر قريبة من بعض + سحب أمامي
من عيوب الالتيما الطبلون الداخلي تعبان شوووووية
ملاحظة : أنا أفضل السحب الأمامي لأني متهوور شوي .. و كما هو معروف أنه الأمامي متماسك في المنعطفات الخطرة ...

و ننتظر ردوركم ...

باااااااااااااااي

حاولت أفكر في السوبارو الليجاسي بس المشكلة أنها ضيقة ..

abn_salman

04-03-2006, 08:14 AM

خذ التيما ولا تحتار

قلق و رجه

04-03-2006, 08:34 AM

اذا ناوي على دعس وتهور

خذ لك الكوبيه وبقير عادي

وتمتع بالقوة :black:

والله يوفقك

NisFan

04-03-2006, 08:39 AM

خذ نصيحه معايش لمنتجات جنرال موتر 20 سنه
خذ الالتيما مع ان جودتها مهي الي
الا ان سوقتها ممتعه مرة

مؤيد اف1

04-03-2006, 11:37 AM

اول مره اشوف واحد يعيب الدفع الخلفي!!!!

شوف اللومينا جيرها ماراح يستحمل اذا انت دايم تفحيط وتخميس وقومات اكثر من اللازم..يعني بالله عليك يجي لك واحد مبرمج السياره ويطلع قومات بالساعات ولا يغير زيت الجير ويبي الجير يستحمل :damp: ..بالعقل ماتجي :shock2:

اللومينا صحيح بيتيغير شكلها بس حتى الالتيما بيتغير.. :D

ماراح تفرق وياك

اللومينا تعجبك وسواقتها ماراح تحصل مثل حلاتها..وسيفتيها اعلى من الالتيما الورق

اما مسئلة اعطال..اللومينا ماراح تتعطل عليك اذا عطيتها حقها واستعملتها كسياره بين الحين والآخر :D

اهم شي الصيانه تلتزم بها ولا تلعن خامسها اكثر من اللازم...شوي وباعتدال :laugh1:

الالتيما في ناس يستخدموها كسيارة قومات وكانها ماتعطل الحين سياراتهم تسلم عليك وايد في الخرابات :D

اذا اهتميت بالسياره بتهتم بك هي

انا اقولك السيارتين تمام...بس انا ماارتاح للالتيما لانها خفيفه اكثر من اللازم horror

NisFan كم عمرك :D

جايني فضول لو سمحت :shy:

تحياتي

abumhdi

04-03-2006, 11:42 AM

ايه ولله :OO: اول مرة اشوف واحد يعيب الدفع الخلفي ..!!!

مع أن سيارتي دفع امامي .. لكن ..

انصحك باللومينا .. لإنها دفع خلفي .. :D

mustang cobra

04-03-2006, 12:31 PM

خذلك منتج جي ام
لومينا ولا تتردد

TOP-SECRET

04-03-2006, 12:58 PM

والله اخوي اذا بغيت الالتيما للريس والسباق والقومات

خذ لك قير عادي 6 نمر وعندي لك قومات كثير مصوره

بين هالسيارتين

تصدق عندي قومه للالتيما قير اوتو مع لومينا اس اس قدمت على اللومينا

بس بعدين اللومينا في الخط راح

لكن القير عادي :laugh1: غيرر مافيه مستوى الصراحه الالتيما قدام

ولو بغيت المقاطع تقدر تضيفني وبرسلهم لك ماعندي مشاكل :laugh1:

بالنسبه لو انا مكانك بشتري الالتيما

معروف النيسان

1- خرابه قليل جدا

2- صرفيتها ممتازه

3- تعبي خزان البترول برخص

4- قير عادي غير الصراحه يطربك اكثر

ومع هذا ياباني يعني عب البنزين وتشييكت زيت المحرك وانسى الموضوع ;)

وفي النهايه الخيار لك لكن عن نفسي افضل الالتيما في جميع النواحي :laugh1:

Mr_CoRvEtTe

04-03-2006, 01:44 PM

عيش شبابك وخذ اللومينا :anger:

الالتميا لاحق عليها :m:

مؤيد اف1

04-03-2006, 01:52 PM

والله انا جربت ويا التيما جير عادي صاحبها بتاع قومات وكان عنده موستنج 5 لتر من القديم الي يمشي على جنب :D

هذا وسيارتي توها جديده وقتها :laugh1: بعدها مافتحت زي الحين

هذا وسيارتي توها جديده وقتها :laugh1: بعدها مافتحت زي الحين

ومسخرته..المقاطع الي نشوفها في النت حالات نادره ان الالتيما تطلع والسبب السايق مايعرف للسياره وتلاقيه عليمي والسياره صار لها فتره بسيطه عنده ولا هو دعيس..

الحين هو لغم سيارته ولاعن خيرها وصارت تطلع اصوات غريبه :D

ونقس الشي للي يقول خرابات :rolleyes:

اعرف واحد عنده كابرس طب جيره تعرف ليش؟

مبرمج السياره والتعاشيق خلاها قويه مره ويخلي التعاشيق تعشق على 6500 وهي مصممه على 6100..وكل ليله اشوفه ويا جماعه على شارع من 11 ونص الليل الى الساعه 3 قومات رايحين وجايين..وهو مبرمج سيارته وهي جديده والحين هي ماشيه حدود 70 الف ولا عمره غير الزيت ويش تتوقعو يصير..طب الجير من كم يوم :D

واعرف واحد عنده 2001 لومينا دعيس من قلب ولما اركب وياه 180 او 200 مسافة مشوار نص ساعه ودايم صيانه عند الوكيل وماشيه سيارته 110 الف كلم وسيارته مثل العسل ماشاء الله عليه..

ماواجه مشاكل بالمكينه ماشاء الله على سيارته

يعني حتى مع الخفس ماقالت شي سياته لانه مهتم بالصيانه :banana:

توب سكرت

انت تدري كم تعبي تانكي الالتيما؟

وكيف هي بالوعه بترول كانها 8 سلندر؟

:D

TOP-SECRET

04-03-2006, 01:57 PM

بالوعه؟ ;)

http://www.modernracer.com/nissanaltimaser.html

يخي دورت مواقع كثيره عشان اشوف صرفية اللومينا اس اس بس ماحصلت

ممكن تعطيني موقع اشوف صرفيتها :rolleyes:

مؤيد اف1

04-03-2006, 02:00 PM

الارقام الي في النت اذا انت تتاتي السياره..بس اذا بتسوق مثل ماتسوق بالكروزر حقك بتقول بالوعه :D

هذا مو كلامي انا..كلام واحد من الشباب عنده هالسياره..وتقدر تسال TerroRx7

جداوي كول

04-03-2006, 02:05 PM

:rolleyes: التيما وبس حط عليها انتركولر وتيربو واكزوست وهدجرز وانتيك

:black: وقول للاس اس السلااااااااااااااااااااااااااااااااااااااااام

:laugh1: ولا تنسى تقلو how does my smoke smell :black:

:glasses: :lol: :lol:

مؤيد اف1

04-03-2006, 02:06 PM

TOP-SECRET

04-03-2006, 02:15 PM

TerroRx7 :laugh1: بوحميد عجيب هذا من زمان ماشفته عالماسنجر

مادري شنو اخبار السمول بلوك ;)

والي اعرفه عنده سيات ليون ;)

بس بشوفه في الماسنجر وبكلمه من زمان عليه horror

بالنسبه للكروزر صرفيته جيده وافضل صرفيته على الفورتيك 4.8

الي يجي على السييرا جربت السيارتين واشتريت السييرا فتره ماعجبتني صرفيته ;)

والمواقع دايما اقرب للواقع :laugh1:

مؤيد اف1

04-03-2006, 02:18 PM

على العموم طبيعي 8 يصرف اكثر من 6 سلندر..ومن العبط توقع غير ذلك

بس الالتيما تصرف بزياده

TOP-SECRET

04-03-2006, 02:28 PM

صحيح هذا شي طبيعي

حتى تعبئة التانكي اللومينا شي طبيعي اكثر

بس انـا صار لي فتره ادور موقع احصل فيه صرفية اللومينا

قلت انت عندك خبره في اللومينا وبتعطيني موقع اشوف صرفيتها ;)

رفجة عرب

04-03-2006, 02:54 PM

خذ ألتيما أفضل بمليووووون مره ..

ويكفي انها 6 سلندر وغير هذا ياباني..يعني تخيل سيارة 6 سلندر وقاعدين يقارنونها ب 8 سلندر :m: شي عجيب بصراحة ..

مؤيد اف1

04-03-2006, 03:19 PM

اللومينا تانكيها 75 لتر..الالتيما 76 يعني في فرق :D باصير معقد زي ناس يتعاملو بالملي

بالنسبه لارقام الصرفيه الي عندي لتر / 100 كلم يعني الوحده مختلفه ;)

متوسط صرفيتها 14.8 لتر لكل 100 كلم طبعاً اعني متوسط صرفيتها يعني قياده ممزوجة داخل المدينه وعلى الطرق السريعه ;)

رجل المهام الصعبة

04-03-2006, 04:51 PM

السلام عليكم يا شباب

انا الصراحة كان عندي الالتيما لكن قدر الله وراحت للسكراب ( التشليح )

بس السيارة روعه من أفضل ما يكون بس :aoh:

إنها صرفية 12 سلندر بس هذي الحالة إذا كنت :anger:

أما إذا كنت مثل الناس فراح تكون :shy: ما لها صرفية أبدا

و عيب ثاني أنها وقت الحوادث لا قدر الله ما يفتح كيس الهواء :D

و الصراحة جربت اللومينا اللي كانت عند أخوي و ولد عمتي فما أنصح فيها

حاليا اللي اذكره ان عداد البانزين يعطي العلامة خطأ و السيارة و قفت في أخوي مرتين

و هذي كانت موديل 2005 ونفس الشيء مع ولد عمتي

بس الصراحة يعتبر هذا عيب في التصنيع

فتوكل على الله و خذ الالتيما

( هذا من خلال تجربتي للسيارتين )

و نأسف للإطالة

أبو حسين

04-03-2006, 05:11 PM

Genius

04-03-2006, 05:49 PM

القــــوة = ألتيما(القومة بس)
التحمـل = ألتيما
الصرفية = ألتيما
السعــر = ألتيما
الأمـــان = لومينا
تلــغيــم = لومينا
الشكـل = على ذوقك

مؤيد اف1

04-03-2006, 05:52 PM

مؤيد

في سؤال من زمان أبي أسألك فيه..

اللومينا 75 لتر بس كم كيلومتر تمشيك؟؟؟؟ أعطينا الزبدة :D

الزبده هالايام بمالايقل عن 400 كيلو :D

الشبابي

04-03-2006, 05:54 PM

انت لك القرار في اختيار السيارة اللي تعجبك واحنا نقول لك اراءنا وتجاربنا ولك الحرية ....
بالنسبة للإستهلاك فاللومينا تستهلك 16 / 21 ميل للجالون والالتيما 20 / 30 ميل للجالون وهذا فارق كبير جدا بالاستهلاك ، والمحرك 3.5 ممتاز من ناحية الصرفية واحسن من محرك المكسيما 3.0 فهو اقل استهلاك واقل ضغط واطول عمر واهدأ واعلى استجابة و يمشيك الفل 640 كيلو في المدينة و 896 كيلو بالخطوط السريعة ...

اخوكم الشبابي

مؤيد اف1

04-03-2006, 06:14 PM

sayedco

04-03-2006, 08:54 PM

مادري شنو أقولك ، بس الإس إس شكله سبورتي أكثر و له هيبة أكثر

في القوة إذا تبي قير عادي بتحس في الإثارة أكثر ، لكن إذا اوتو خذ اللومينا لأنها تطر الألتيما الأوتو بكل سهولة ، آنا طفته فما بالك اللومينا

و بالنسبة للصرفية

الأرقام تعني الصرفية إذا كنت تسوق مثل الأوادم :shy:

أما إذا كنت نفسي ، فبتصرف لك مثل ما تعطيك من قوة و على حسب حجم المكينة

مثلاً سيارتي بسواقة عادية "مثل الأوادم" تمشيني 400 كيلو

لكن بالسواقة ال Track تمشيني 280 كيلو

ما أبي أطول عليك بس المفروض ما تحتار بين V8 و V6 مهما كان مكينة الثمانية سلندر مرتاحة أكثر في الخطوط و بعدين دفع خلفي بيخليك تستاانس وايد :D

الشبابي

04-03-2006, 10:46 PM

راجع ارقامك اخوي..

هذي ارقام الالتيما جير عادي

EPA Mileage Estimates: (City/Highway)
Manual: 21 mpg / 27

وهذي اللومينا جير عادي واوتو

EPA Mileage Estimates: (City/Highway)
Manual: 17 mpg / 29 mpg Automatic: : 16 mpg / 21 mpg

بس برضو السياره محرقه :D

ما ادري انت من وين تجيب ارقامك ؟؟؟؟
الالتيما الاوتو 4 سرعات تستهلك 20 /28 ميل للجالون والعادي 20/30 فكيف لقيت هذا الرقم ؟؟؟
ممكن تعطينا الموقع ؟؟

اخوكم الشبابي

مؤيد اف1

04-03-2006, 11:29 PM

من Edmunds ;)

تويتي

05-03-2006, 07:12 AM

أول شي أشكركم على تعاونكم معاي ..
أنا عارف إني طولت عليكم ..ما رديت عليكم بسرعة ..
قلق و رجة ..
الكوبية ما راح أقدر أخذ الأهل معاي :anger: علشان كذا أنا كنسلت الفكرة

مويد ..
:shy: :shy: تسأل عن عمري .. ترا النك نيم حق أخوي الصغير ... :laugh1:
و القصة و ما فيها أنو يوم السبت الماضي سيارتي راح تشليح .. علشان كذا قاعد أدور سيارة ثانية ( بعد كم يوم راح أنزل صور لسيارتي )
أنا افضل سواقة الدفع الأمامي لأنه حق مناورات فاهم عليا :anger:
أما الخلفي ما أحس أنه حق Drifting أو خطوط طويلة ..
وبعطين تقولي أنه الرابع حق اللومينا .. :rolleyes: يريح المكينة

طيب السادس في الألتيما ماراح يخلي المكينة ترتاح ؟؟؟
و اللي أنا شايفة في اللومينا أنه جودة المواد :damp: غير ممتازة

TOP-SECRET
أنت فاهمني ..

جداوي كوووول
هذي الأشيااء اللي حببتني في الألتيما ..

و سالفة الصرفية حقت البنزيين هذي .. ما راح أحطها في بالي أهم المتعة في القيادة ..
و أنها تستحمل لأني طالب جامعة و مشاوري شوية كثيرة ..

Sayedco
حتى في الأمامي بتستانس وااايد

مؤيد أنا دايما أشوفك متعصب على سيارتك ,,بس اللي أعرفة أنها أظن 2005 صح .. يعني ما بانت عيوبها ... ( الله يعطيع خيرها و يكفيك شرها ..)

و أنا ماني مستعجل على السيارة يعني .. أسبوع كمان و بعدين أختار .. و إذا تبغا تتعرف على يا مؤيد كلمني على الماسنجر ..

و مشكورين على الردود الحلووة
و أتمنى من اللي ما ذكرت أساميهم ما يزعلوا .. لأني مستعجل شوية ...

و للموضوع تكملة ...

cruiser2000

05-03-2006, 07:29 AM

طيب اذا انت مشاوير جامعة خذ الألتيما صرفيتها حلوة في المدينة على
كلام الشباب

بس هم ياخذون 4 سلندر للمدينة بس ماعندي فكرة عن ال 6

تويتي

05-03-2006, 07:44 AM

كروزر أنا ما ني شابل هم البنزين ... لأني ماشي بسيارة ستة سلندر
ترى السته لمن تسوق على مهلك مايصرب ذيك الصرفية ..

سدرك

05-03-2006, 03:00 PM

اللومينا عيبها تفصل على 230 أما الالتيما ما تفصل أبداً
واذا الالتيما قير عايدي راح تقوم على اللومينا بالاول بس

®Lumina ss 2002

05-03-2006, 03:12 PM

اللومينا عيبها تفصل على 230 أما الالتيما ما تفصل أبداً
واذا الالتيما قير عايدي راح تقوم على اللومينا بالاول بس
بسيطه سير وافتح الكتمه وشوف بتزل عندك 285 ع البراد بعدين خل لالتيما تشوفك عالخط:rolleyes:

سدرك

05-03-2006, 03:12 PM

الااس اس إذا زحفت على سرعه عاليه أنس تعدلها إلا إذا كنت طارة
أما الدفع الامامي أسهل في التعديل بكثير وخصوصاً أنك راعي مناورات

سدرك

05-03-2006, 03:14 PM

بسيطه سير وافتح الكتمه وشوف بتزل عندك 285 ع البراد بعدين خل لالتيما تشوفك عالخط:rolleyes:
ما فهمت الطريقة؟؟

وهل فكة الفصله في الاكورد مثل؟؟

معليش أسئلتي كثيرة

®Lumina ss 2002

05-03-2006, 03:46 PM

ما فهمت الطريقة؟؟

وهل فكة الفصله في الاكورد مثل؟؟

معليش أسئلتي كثيرة
لا طبعا مو مثل اكورد بفصل واير مال قيج:D انا قصدي انك تعيد برمجه الكومبيوتر مالت سياره من جديد لان لومينات اللي عندنا لاعبين بكومبيوتر بداعي السلامه و مخفضين قوته و عزم السيارة ومحددين السرعة بس اذا برمجت السياره من جديد فيزيد عزم وتزيد القوة ويلغي فقل

مؤيد اف1

05-03-2006, 05:36 PM

برمجة الكمبيوتر الاصليه مالها داعي..مخلين السياره تشتغل على اسوء اوكتين..الي هو 87..الي يبغى يقدر يرسل كمبيوتره استراليا ويرفع سيارته 20 حصان على الاقل وبدون مشاكل..مو هنا يبرمجو لك السياره ويطق الجير من البرمجه المحترمه :(

مؤيد اف1

05-03-2006, 05:39 PM

تويتي..مانا متعصب ولا شي..كلام الانترنت واجد وكله ظالم اللومينا..وانا كلامي بنيته على صاحبي عنده لومينا انا دايماً وياه..مو على سيارتي..

واحلىمافي اللومينا لما تدور ترصها..وقتها كل الهم يروح ويصير وجهك :D

انا كفراتي الي ورى يبي لي اوديهم قدام قبل مايخلصو :laugh:

الشبابي

05-03-2006, 05:48 PM

من Edmunds ;)

طول عمرك تلعب بالكلام لعب ... :D انت حطيت استهلاك الالتيما ال 5 سرعات عادي واللي عندنا بالسوق 6 عادي واستهلاكه 20 / 30 .. فرق كبير ...

اخوكم الشبابي

مؤيد اف1

05-03-2006, 05:51 PM

انا ولا انت؟

الله يسامحك

2006 عندهم جير 5 سرعات؟

مؤيد اف1

05-03-2006, 05:59 PM

sayedco

05-03-2006, 06:26 PM

آنا أشوف الألتيما داشه خاطرك أكثر و إنت ما نزلت الموضوع لأنك محتار

لأني ما أشوفك محتار

كل ما قالوا شي عن اللومينا جبت عيبها و اثبت إنها مب زينة

بعدين القير لما تقول إذا السادس في الألتيما يريح المكينة وايد

فليش حاطين 6 نمر ؟ ، ترا النمر في الألتيما أقصر بكثييييير و كل ما زادت النمر يسوونها أقصر

و كل ما صارت أقصر تعطيك القوة في وقت أقل و متواصل أكثر

لكن ما أنكر عزم اللومينا الجبار خاصة في الخط << قومة بعد

Dreams_Maker

05-03-2006, 06:43 PM

أنا أقول خذ الألتيما...

وراح تدعيلي :D

sayedco

05-03-2006, 07:06 PM

أنا أقول خذ الألتيما...

وراح تدعيلي :D

سيم سيمات :D

سدرك

05-03-2006, 07:31 PM

WRX

06-03-2006, 07:03 PM

باختصار لو اني مكانك كان اخذت اللومينا ;)

وبالتوفيق حبيبي... :rolleyes:

سدرك

07-03-2006, 12:45 AM

إذا كنت مثلي طارة :D :D :D خذ لومينا ولا تشاور أحد

®Lumina ss 2002

07-03-2006, 03:42 AM

صدقني يوم بتشتري لومينا بتحس انك غير ومتميز عن اخرين:banana:...و كل واحد اللى عنده لومينا يبا يستوي ربيعك ((عن تحربه شخصيه)):D
يعني بعد كم يوم عندك ربع وايدين وكلهم اصحاب لومينات سبحان الله .... ترا ما يشتري لومينا الا واحد متميز كون متميز وتوكل على الله

راعي البليزر

07-03-2006, 02:15 PM

الااس اس إذا زحفت على سرعه عاليه أنس تعدلها إلا إذا كنت طارة
أما الدفع الامامي أسهل في التعديل بكثير وخصوصاً أنك راعي مناورات
نفس الكلام 100 % لو اللومينا دفع أمامي كان أقوى وأرسى في اللفات
وشروها كثير من الناس وأولهم أنا

Legacy

07-03-2006, 02:28 PM

خذ لك لجاسي و شوف موضوعي شو تقدر تسوي لها ........

و حجمها ممتاز .........و في نوع إسمه B4
2.0 GTI turbo

انا معاي و بدون أي مشاكل .......... :rolleyes:

و أنا أسحب على لجاسي تاوير رنج 16 عرض 205 ملي ...

180 على اللفات و ممتازة .....و سابقت فيها لومينا و جلنت على اللفات ...^_^
و ما وصلوني

blue chevy

07-03-2006, 07:31 PM

خذ نصيحه معايش لمنتجات جنرال موتر 20 سنه
خذ الالتيما مع ان جودتها مهي الي
الا ان سوقتها ممتعه مرة

ماشاء الله شكلك شايب :D

الألتيما تصرف زيادة بحيث انها 6 سلندر
لو تاخذ 8 سلندر تصرف على بنزين زيادة خفيفة بس ترتاح نفسيا
وخرابات انسى مافي خرابات
الشفر واللومينا من موديل 2000 فما فوق
اذا ماصفيتها بانتظار وفحطت فيها راح تخترب عليك
انا كان عندي لومينا 6 سلندر
والحين كابريس اس اس

وأي سؤال انا حاضر

sayedco

07-03-2006, 08:00 PM

نفس الكلام 100 % لو اللومينا دفع أمامي كان أقوى وأرسى في اللفات
وشروها كثير من الناس وأولهم أنا

البليزر مالك دفع خلفي

بعدين الدفع الخلفي يضر حق واحد بكل صراحة ما يعرف يسوق ، لأنه من التهور و الإنتحار إنك تدوس كااااااامل في لفة و إنت مسرع ، لازم تسيطر على الوضع

يعني بالله عليك دوار ما يصير تلف و تدوس كامل أكيد بتدور عليك السيارة و هي أصلا مصممة عشان تدور على الدوسة الكامل << حق التفحيط و الإستعراضات و العزم العالي

و بعدين الدفع الخلفي خراباته أقل من الأمامي

و لو كان الدفع الخلفي شي سلبي جان ما خلوه على السوبر كارز ، مثل فراري و الزوندا و الفورد جيتي والكورفت و الفايبر

راعي البليزر

08-03-2006, 01:25 AM

بعدين الدفع الخلفي يضر حق واحد بكل صراحة ما يعرف يسوق ، لأنه من التهور و الإنتحار إنك تدوس كااااااامل في لفة و إنت مسرع ، لازم تسيطر على الوضع لو دفع امامي ادعس كل الدعسه وما راح تزحف مثل مايزحف الخلفي

الشبابي

08-03-2006, 01:57 AM

توني ادري ان جيرهم 5 سرعات

المفروض تنبهني من اول..شكلك توك تدري. ماعليه باحسن النيه فيك وباقول كدا. باشوف اذا ترضى بها.

انا غلطت مافيها شي بس ماتلاعبت..

الي اعرفه بره مواصفاتهم على من هنا..فما حطيت بالي 6 او 5 او مليون

انا كنت اظن انك عارف هالشي و الوكيل بدل ما يكثر النسخ فضل انه يجيب ال 4 اوتو وال 6 عادي .... فيقلل الخيارات ، وشكرا على حسن النيه :D

اخوكم الشبابي

مؤيد اف1

08-03-2006, 05:12 AM

بغيت اضيف شي عن الالتيما..ومادري عن مدى صحة المقوله..

صاحبي عنده مكسيما 2003 توها موضبه..وداها الوكاله عشان تشييك..يقول الالتيما الجديده كلها خرابات..شاف صف التيمات هناك فيهم اعطال جامده ولا ادري ويش يقصد بس شاف حدود 5 سيارات فيها اعطال قويه :rolleyes: حتى هناك حصل واحد نازل من سيارته وهو معصب :anger: سيارته كانت ترفع وتنزل ريس لحالها :laugh1:

سبحان الله انا ماعمري تكلمت له عشان اعطال..وهو من نفسه قالي :o

غريبه ماحد يشتكي منهم في المنتديات :D