اقـرا الـكـتـب واقـرا تـواريـخ الامـم

[نايف الاول]

بسم الله الرحمن الرحيم

السلام عليكم ورحمة الله وبركاته :

طلب مني احد الاعزاء كتابة قصيده
في اول يوم من شهر رمضان الكريم
بعيدا عن الحب الذى لااعرف اكتب
شعر الافيه..وخرجت هذه القصيده
المرتجله السريعه..ولم ارد تحسينها
او اضافة ابيات لها..وضعتها كما
هـي وكما كتبت امس .

==========


ابسالك وانت المحنك بالفهم
تفهم كلام ٍ واضعه لك في سطور

الشعر بعض احيان فبيوته حكم
ماهو كلام يقال تعبيره شعور

كم واحد مظلوم واخر له ظلم
والجاهل اللي ماعرف دنيا تدور

وكم واحد ٍ سارح وعايش في وهم
يلقى سروح الفكر فاخرته دبور

وكم واحد ٍ ينشاف شكله محترم
نقال هرج ولا حكى فالقول زور

وكم واحد ٍ يحسد على الناس النعم
ماودك الا تدفنه وسط القبور

وكم واحد ٍ لاشاف فرصه يغتنم
ماله مبادي غير كم عنده قصور

وكم واحد ٍ قدم ولكن مااستلم
ياغير لقمه ماتشبع في فطور

وكم واحد ٍ ضيع وليفه ثم ندم
والسبه الحساد مع طيش وغرور

وكم واحد ٍ يفتح خفوقه من عشم
عله يلاقي حب ويعيش ابسرور

وكم واحد ٍ قد صد عن خل ٍ جزم
يعطيه كل العمر جزام ٍ جسور

وكم واحد ٍ تمدح بشخصه لك يذم
ماتدري انه حاقد ( ــ ) السعور

وكم واحد ٍ يحط في دربك لغم
ومثلك يحسبه صدق مخلص مايبور

واقرا الكتب واقرا تواريخ الامم
طبع البشر نفسه وفي كل العصور


======= نايف الاول

ملاحظه هامه : هذا لايعني ان الخير غير موجود
والله الخير واجد..والناس فيهم من الطيب واجد
ولكن لنعتبر ان القصيده نصيحه وعضه للتذكير
ليس الا.....وعذرا على الاستعجال..في كتابة
القصيده..واعذروني على القصور.

==========

[الحفار]

صح لسانك وقصيدتك مابها قصور ولا تعودناه منك وانا ابصم بالعشره على ما ذكرته اعلاه

[الصريحة]

الى نايف الاول واللة انك عبقري مرررررررررره .

تحياتي نجود الفلاسي

------------------
الصداقة اسمى شئ في الوجود

[نايف الاول]

اخوي الحفار...صح بدنك ..وترى رايك مهم عندي...
ان كتبت قصيده وماشفت لك رد عليها اعرف اني
لم استطع ان احظى باعجابك هذه المره..تسلم لاخوك.

=========

اختي الصريحه...تسلمين وتدومين بصحه وعافيه لاخوك
ولكل محبين الصريحه..وهم كثير في سوالف الحب والاحباب
وترى مالي غناه عن ردودك..فتشريفك دائما يجعلني
اشعر اني قدمت شي لمس فكرك وقلبك الطيب.


مع تقدير واحترام نايف الاول

==========