أغراب .....

[T_zone]

حياكم الله ..
ونص آخر من كتاباتي .. أتمنى أن ينال إعجابكم أولا ..
وأن أسمع النقد الهادف والتوجيه .. بعيدا عن التجريح ..
تحياتي ..
__ _ __ _ __________ __ _ __ _ _ _ _ _

في عيونك سؤال .. عن الشفاه تايه ..
ظن الإجابه محال ..
وتلتفت نظره .. تداري اللهفه ...
وصمت القلب .. شال .. فدرب الأرياح ..
ياحايره .. والدرب إنتظار ..
يالابسه ثوب الوقار ..
كلي أنين ..صمت ومشاعر ..
كلي حنين .. شمس ومسافر ..

حبيبتي .. كل ذكر للغوالي ..
لعيني .. سفر ..
حبيبتي .. كل ذكر للأماني ..
لقلبي .. هجر ..
والليالي .. عمري الفاني ..
والخيال اللي بنيته ..
في لحظه ... أنهدم ..

لاتسأليني .. يانور عيني ..
ليه أصد .. لاأحتوتني نظرتك ..
لاتسأليني .. ليه ما أرد ..
لاسبقتني بسمتك ..
ولاعن الحزن اللي في عيوني ..
عيوني ؟؟؟؟
لاتغرك عيوني .. أنا دموعي جفتني ..
تعبت .. تعبت .. تعبت ..
كل ماضويتها شمعتي .. هبت رياح الشمال ..
وإن بنيت جدار شمال .. هبت رياح الجنوب ..
وإن أحتوتني غرفه .. تناثرت على الأرض .. الرطبه ..
أعواد الثقاب ..
أغراب .. كل مابنينا الدار .. تناثر حصا وتراب ..

وإنتي أجمل من الأمل .. في أي درب لاح ..
وأصفى من العسل .. من كل زهر فاح ..
ياإنتى .. برجع لصمتي ..
وبأودعك ..
_______

[albahar]

الله الله على الكلام الجميل

وأعجبتني ...

انتي اجمل من الامل

في اى درب لاح

واصفى من العسل

من كل زهر فاح


التشبيه جميل جدا جدا




------------------

[صوت وصورة]

السلام عليكم
حلوه الكلمات يا تي زوني
أعجبتني كثير كثير
والحزن فيها عنوان مثير
ممكن اعبر لك فيها عن رأيي

_ _ _

شفت بعينك حرف
وبين رمشك قصيده
شفت في ايديك الخوف
وبالشفايف نغم وما فهمته

مطر العين بلا سحب
عليك اليوم ذرفته
لو ما تهل عيني الدمع
اعصر القلب والشريان
لك قطعته

أهيم أهيم طير في سماك
كل ما ارتفع يطير ويرتجيك
يبكي فرح كله من غلاك
يتعذب وبعذابه بعد يهتويك
لو أعياه التعب في رجاك
ظل طول العمر غايته يهتويك


صوت وصورة بلا انعكاس
رغبه وشوق وباقي أحساس

[حبوب]

هلا ..


جميل اخي تي زوون http://www.swalif.net/swalif1/ubb/smile.gif


أغراب ..
كل مابنينا الدار ..
تناثر حصا وتراب ..

احب المقاطع التي تثير الاسالة وترسم لنا ذلك الغموض الجميل

لكن وبما انك تريد النقد http://www.swalif.net/swalif1/ubb/smile.gif
فأري عدم الارتباط الحميم بين مقاطع القصيدة ..
لااعلم هذا احساسي وربما اكون مخطأ ..

------
حبوب

[T_zone]

هلا ب albahar
حياك الله أخوي ..
تسلم والله على هذه اللفته الجميله ..
من ذوقك الراقي بس ياأخي .
تحياتي لك ..

هلا بصوت وصوره ..
أولا .. حبيت إني أرحب بك أخا عزيزا بيننا ..
ثانيا .. ردك كان قوي ورائع ... جلية به شاعريتك ..
خاصه في
مطر العين بلا سحب
عليك اليوم ذرفته
مفردة سحب هنا ... أعطت للمعنى بعدا آخر .. يثبت قوة فهمك وشاعريتك
شكرا لك ياأخي ..

هلا بحبوب ..
أخبارك الشيخ .. http://www.swalif.net/swalif1/ubb/smile.gif بشرنا عنك ..
حبوب .. أخبارك يالشيخ .. بشرنا عنك ..
إيه .. إطلع وبان عليك الأمان .. جميله روح الناقد فيك .. http://www.swalif.net/swalif1/ubb/smile.gif
أسعدتني فعلا .... http://www.swalif.net/swalif1/ubb/smile.gif
حبوب .. ممكن توضح أكثر شوي ...
عشان أقدر أرد .. http://www.swalif.net/swalif1/ubb/smile.gif
تحياتي لك

http://www.swalif.net/swalif1/ubb/smile.gif