للبنات فقط // ماذا تفعلين ؟؟؟

[تفاحة]

لو اراد الله وتمت خطبتك وعقد قرانك
على شخص طيب الخلق // يحبك //
واكتشفتي مع الايام انك لا تملين له //
مـــــــــاذا تفعلين ؟؟؟

[زورو]

أشمعنا بس للبنات فقط ......:(

حليلنا و الله احنا الشباب مالنا رب...( رزه صح :) )

http://www.zorro.com/shared/Sunday%20Panel.JPG

[تفاحة]

ولا يهمك اخوي رح حط موضوع
للرجال فقط // واطرح نفس الفكره:)

[الصديق العربي]

أيوة زورو شكلنا إهنا كذا متشردين مع بعض :)

[المعشوقه]

بما ان كل شي نصيب
بصبر واكمل المشوار معاه
تدرين ليش؟؟؟؟؟؟؟
لآني عندي اي حل اهون من الطلاق
وبعدين اعتقد ان الأطفال راح يهونون علي
بس
هاذي وجهة نظري
المعشــــــ http://www.harrythecat.com/menu/scream.jpg ـــــوقه

[تفاحة]

هلا وغلا بالمعشوقة //

كيف نعيش من غير حب ؟؟؟ وكيف تقنعين نفسك بهالعيشه ؟؟؟

[الصديق العربي]

شكله الموضوع عاجبني و أريد أعرف الإجاباته

أعرف لو تابعت دوخولي في هالموضوع نهايتي بتكون
في المستشفى
:)

بس
أختي المعشوقة
حبيت أقول نعم الرأي و رأيك ممتاز هنا
((ويش جابني انا عشان أقولها))
:)

[تفاحة]

وين اراءكم // ؟؟؟؟؟؟؟؟

[amera1]

كل شي في هالدنيا قسمه ونصيب هذا أولأ

ثانيأ وين كنت أنا فترة الخطوبه ؟؟؟ ليش ما أكتشفت هالشي إلا

بعد الزواج ؟؟ بصراحه لو حسّيت بهذا الأحساس راح أكون أنا الغلطانه وراح أهدم حياتي بنفسي

وبعدين حرام أظلم الشخص اللي حبني وتمنى إني أكون شريكة حياته لما تقدم لخطبتي وأنا وآفقت

يعني بإختصار راح أعيد النظر ألف مره وراح أتخذ القرار الأخير
وهو أكيد عدم الأنفصال

وراح أتمسك بالمثل اللي يقول الحب يأتي بعد الزواج :):):)

والله يسوّي اللي فيه الخير والصلاح لي وله:)

وتحياتي لج تفاحه :)

[دموع حائرة]

انااخالف وجهة نظر الجميييييع
لانك اذا لاتميلين له الان .. يمكن ان يستمر هذا الوضع الى مابعد الزواج وهنا يبدا البرود و تصبح الحياة نكد في نكد .. وفيها ظلم خصوصا ان الزوج يعطي ولا يقابل بالمثل ..
فقبل ان تكبر العلاقة اكثر من كده انصح بعدم الارتباط والاستمرار ..
مدري وجهة نظري ..
وتراني شفت مثل هاذي و اصحابها الذين استمروا يعانون الامرين الان ..
وقبل كل شيء ... ضروري تحكيم العقل و التفكير جيدا ..

[القط الوردي]

تفـاحـة بالله مامرت عـندكم
زهـرة الليلك :)انا كنت ادورها
بس وداري ان الجمعة نسـائية :)
والله يالمعشوقة يالـدبـة صايرة
تقولين أراء وحـكم :):)

[المعشوقه]

لو عشت بدون حب انا الوحيده الي بتعذب
بس لو تطلقت
اطفالي بيتعذبون وانا بعد معاهم

اعتقد اني الحل الول اهون
انا اتعذب مو مشكله بس ما أأثر على اطفالي


المعشــــــ http://www.harrythecat.com/menu/scream.jpg ـــــوقه

[sanfura]

معناه الغلط فيني إذا هو انسان طيب وحنون وخوش ريال
الظاهر في ها الحالة يبالي ريال يوعيني بطراق ورقدني ببوكسات علشان اسكت وانطم

الحب بعد الزواج اتوقعه لذيذ واتمنى أعيشه
واذا ما حبيته تراني انا بعد فيني عيوب وهو مع ذلك حبني وراضي بعيوبي

الله يعينا على بعض(:
وهذا رأئي

[زورو]

شو رايك عيل انقلدهم و نحط لنا نفس الموضوع ..........:)

لا لا لا بعدين البنات يقولون قلدونا ^__^ :)
يالله احجز لى غرفة وياك في المستشفى لانى الظاهر بكون وياك :)

[تفاحة]

اميرا // حبوبتي // لو فرضنا ما كانت فيه فترة خطوبه
يعني كذا خبط لزق // صار عقد قران :( // يعني زواج //
هل هذا يغير شئ في رأيك //


دموع حائره // اشلونك يالغالية //طيب سؤال ؟؟
هل ممكن تضمنين يجيك واحد يحبك ؟؟؟//


القط الوردي // حياك اخوي / زهره الظاهر ما شافت الموضوع :)


المعشـــوقة // تونا بدري على الاطفال يعني لو فرضنا ماكو اطفال
هل هذا الشئ يغير من الحال ؟؟؟


سنفــــــــــوره // والله رأي ممكن حنا الحريم مانمشي الا بالعين الحمرا :)
بس تصدقين وعيتيني على شئ كان خافي عليّ // تحياتي


زورو // هلاوين اخوي // الله لا يقول :)


وتحـــيـــاتــــي

[amera1]

عزيزتي تفاحه
الزمن تغّير
وأنا مسسسسسسسسسسسسستحيل أتزوج بطريقة الخبط لزق ذي :):)

ولو تخيلت وفرضت هالشي على طول راح أتذكر زمان أول آبائناوأمهاتنا
تزوجو بهالطريقه وكانو في منتهى السعاده :):)

تحياتي لج تفاحه :)

[تفاحة]

يعني تأيدين زواج الخبط لزق //
والدليل قالولو :)// اقصد الدليل امهاتنا
اللي عايشين بسعاده //

تحياتي لك يا اميرة //

[دموع حائرة]

هلا تفاحة الغالية .. اناتمام والله ..

طبعا مااضمن بس هذا مو معناه انه محا يجيني احد يحبني
ومسالة الحب هاذي ممكن تكون بايدك .. بشخصتك وطباعك ومظهرك....وغيره ممكن تكسبي الحب من اي شخص ..
ولا انك تقيدي نفسك وحياتك اللي حتعيشيها مره وحده بس .. مع انسان ما تحسي بالحب و الميول تجاهه واللهفة عليه ..
لازم يكون قلبك مغمور بحبه و تحسي انك تبغيه معاكي 24 ساعة ..
...
تحياتي عزيزتي .. وهذا مجرد راي ..

[تفاحة]

هلاوووين وغلا // رأي جميل // ومقنع // سلمت اختي :)

[المعشوقه]

اذا ما في اطفال
اقول لك شي
ما في ريال موزين من كل النواحي
يعني لازم هذا شي طبيعي بالأنسان
كل حد لازم يكون فيه شي زين يحبب الناس فيه
اني احاول اتأقلم معاه او اشوف الأشياء الي تحببني فيه اهون من اني اتسمى مطلقه

تعرفين اشكثر صعبه هالكلمه؟؟؟؟؟؟؟؟؟؟؟؟؟؟؟

المعشــــــ http://www.harrythecat.com/menu/scream.jpg ـــــوقه

[المعشوقه]

شنو قصدك
لا والله مودبه
شنو دبه بعد؟؟؟؟؟؟؟؟؟؟؟؟