قصيدة في (((الدره)))... وحاكم المملكه...وفاسد عرفات..

[ياسر]

((((الـــدره))))


مات الصغير الشهيد محمد الدره **** وماتت فلسطين والقدس وضواحيها

بمشوّكن في يد الصهيون مجمره **** لا وقّعت بالعظام الصلب تفريها

وشلون عظمن طري و أدنات ما ضره **** يلوذ عنهم بأبوه الله يجازيها

لين أصبح الدم إله من مندغه شره **** حسبي على اللي زمام العلم بيديها

جريمتن من سببها النفس منضره **** لو هو ولد حاكمن ما راح جانيها

وكم طفل مثله بري وجوه في غره **** وخلوا عظامه هشيم الدم غاشيها

وأعراضنا تنتهك بالقدس منجره **** غصبن على المسلمه توخذ برجليها

مهونتن للعرب نفاخة الصره **** اللي من الذل ما تقدر تلاديها

خوف وزعامة يهودن جالهم زره **** زر المريكان يهدمها ويبنيها

أحرار مستعمَرين لصانع الذره **** الى متى الذل نيرانه نصاليها

يثعون بالمسلمين وبأمنا البره **** وحنا نتفرج على الشاشه ونوحيها

قدام لولد وهي غادي لها صره **** لا وا حياة الغبينه ويش تاليها

الظاهر إني بأجيب العيد هالمره **** والروح مهما جرا بيدين واليها

يا واحدن بأضعف عباده وضع سره **** أنا دخيلك من الدنيا ومغويها

كان العرب طول هالأعوام مضطره **** من عاد يبغا يحررها ويحميها

ياسر يهودي نصب الزيت ويخره **** لا وا حلالاة تعطا القوس باريها

يا حاكم المملكة ما بالحكا سره **** وش غاية النفس والموت متقفيها

القلب له عين والعينين لَهْ قره **** قرر عيونن عدو الله معميها

لا تامن اللي يحط السم بالجره **** وانته تميّز بقاصيها ودانيها

صدام جا للكويت وجيت مجتره **** والقدس تبكي وتنخا اللي يواليها

اللي وطا القدس ما أنت بسالمن شره **** إن ما تجيله يجي دارك وياليها

جر الجريره على الصهيون هالمره **** مثلك يجر الجراير ما يخليها

أنته عميد العرب جر الوغا جره **** خل العرب تحترك روسَهْ وآذانيها

من كان في قلبه من الدين لو ذره **** بيحرر القدس بسم الله وأراضيها

وإن كان مالك عليهم قدرتن مره **** إسمح لنا راية التوحيد نحييها

ترى كبود العرب بالحيل محتره **** إفتح حصون الجهاد اللي تذريها

وصح في رجالن لهم بأرض الحرم فره **** صوتك يهز الرجال اللي تنادها

صح بالجهاد الجهاد الروس مفتره **** المحشر المحشر اللي حشرنا فيها

اليوم يوم الرجال اتطهّر الدره **** والنصر والا الشهاده بيد باريها

ياهل الوفا والنقا والنفع والضره **** وأهل البيوت الرفيعه في معاليها

يا من لكم بالحروب أشناب مغبره **** خلوا الدعا للعجايز يوم تدعيها

الحرب تبغا رجال تعاود الكره **** ما ترخي الروس للعدوان تاطيها

منوّل العُرْب بالعدوان مغتره **** واليوم تذري علينا من ذواريها

العوره اللي من الركبه ليا السره **** الله كشف ستر اهَلْها اللي مضفيها

هبّوا هبا الله من لاهب من حره **** الموت واحد وعز النفس يغنيها

على الوغا دام عين الشمس محمره **** حتى فلسطين داخنها يغطيها

لا ما غدت روسهم تشدي حصا الحره **** بكره يهدّون خيبر فوق راعيها

لا وا رجال الشرف شرابة المره **** اللي نهار اللقا تكثر عزاويها

يا نعنبوا لابتن ما تقطع الجره **** لا خير فيها ولا عزّن لماضيها

إن كان ما جا لنا بالقدس مجتره **** عيبن لحانا وشواربنا نربيها ********************************************************************


(شاعر الثقلين)

وسلامتكم....

[شبروح]

من هو هذا الشاعر يا أخ ياسر
بصراحة شاعر كبيـــــــــر.....
أسأل الله يجزيه خير

[ذكي مجتهد]

نعم :
هبّوا هبا الله من لاهب من حره
ـــــــــــــــــــــــــ الموت واحد وعز النفس يغنيها

شكرا لقائل القصيدة ، و كاتبها ..
لكن ما بالدار أحد على قد
هاالنخوه .

ومع ذلك .. سيزداد اليهود ضراوة
و فساد في الأرض ..
لكن الله عز و جل قد وعد بالنصر ..
بس الوكاد إن الحاضرين ليسوا هم
أهل النصر ..
وما بين طرفة عين و انتباهتها
ــــــــــــــــــــــــــ يبدل الله من حال الى حال

شكرا مره أخرى

[ياسر]

الأخ شبروح /

جزاك الله ألف خير..

الشعر هو (شاعر الثقلين)

عنيزه - القصيم - السعودية

هذا كل ما أستطيع قوله ..

الأخ / ذكي مجتهد..

من كان في قلبه من الدين لو ذره **** بيحرر القدس بسم الله وأراضيها

وإن كان مالك عليهم قدرتن مره **** إسمح لنا راية التوحيد نحييها

ترى كبود العرب بالحيل محتره **** إفتح حصون الجهاد اللي تذريها

وصح في رجالن لهم بأرض الحرم فره **** صوتك يهز الرجال اللي تنادها

صح بالجهاد الجهاد الروس مفتره **** المحشر المحشر اللي حشرنا فيها

اليوم يوم الرجال اتطهّر الدره **** والنصر والا الشهاده بيد باريها

ياهل الوفا والنقا والنفع والضره **** وأهل البيوت الرفيعه في معاليها

يا من لكم بالحروب أشناب مغبره **** خلوا الدعا للعجايز يوم تدعيها

الحرب تبغا رجال تعاود الكره **** ما ترخي الروس للعدوان تاطيها


وشكراً على المشاركه الرائعه

[درب العرب]

الله يعطيك العافيه
ما قصرت
وصح لسان الشاعر ألا في حاجه
لاهم عملاء جميعا وهم من وقع على معاهدة الأرض مقابل توحيد البلاد
فلا تدعي أحد ولعالم نيام

[ياسر]

الأخ درب العرب :
^1
الله يعافيك وأتمنى ان تكون اعجبتك..

والشاعر يقولك..(صح بدنك)

:D:D:D:D:D:D:D:D:D:D:D

[ياسر]

أتمنى ان تكون أعجبتك..

والغريب جداً ان هذه القصيده حذف منها (4) ابيات في احدى المنتديات ؟؟؟

وهي :

جريمتن من سببها النفس منضره **** لو هو ولد حاكمن ما راح جانيها

ياسر يهودي نصب الزيت ويخره **** لا وا حلالاة تعطا القوس باريها

اللي وطا القدس ما أنت بسالمن شره **** إن ما تجيله يجي دارك وياليها

وإن كان مالك عليهم قدرتن مره **** إسمح لنا راية التوحيد نحييها

لا تعليق على هذه الأبيات؟؟؟

احد الأخوان يقول انها أحتوت على الحقيقه المره؟؟؟ :(