AseerX
27-11-2000, 10:22 PM
نسخه من الموضوع التالي في ساحة الأقلااااع
http://www.eqla3.com/file/ubb/Forum4/HTML/001997.html
*********************************
الموضوع : ركب شبكتك بنفسك خلك رجال واعتمد على نفسك لايضحك عليك رفيق ويسلكك بكم الف
اعداد : AseerX
التاريخ : 26 - 8 - 1421 هاء
مخصص لساحة الاقلاع ومقلعينها ((بتشديد اللام :) ))
********************************
الموضوع الطويل هذا كتبته وقت كنت طفشان للمقلعين اشرح لهم بطريقه مقلعه زيهم كيف يرص له شبكه وسط بيته او محله بالتفصيل الممل وبشكل مبسط.
بسم الله نبدا :
*** الادوات اللي لازم تدبر ابوها من تحت الارض :
1/ كمبيوترين او اكثر عشان نبد التربيط والتشبيك بينهم على سنة الله ورسوله
(( أذا عندك خمسين جهاز وما فوق رح يا حبيب ألبي اشتري كتاب ابو الف او الف وخمسمية صفحه او شف لك واحد الماني من اللي يصلخون 8000 ريال للساعه ولا تجي للموضوع هذا وتقعد تصدع لي راسي وتقول يا نصاب شبكتي ما اشتغلت انا بس اشرحها بطريقتي اللي اسويها دايم وتسلك معي ميه ميه ))
2/ كروت شبكه لكل كمبيوتر كرت (( ولا تروح عند هندي يرزها لك بالجهاز بمية ريال لان شغلتها شغلة 5 دقايق وهينه ))
3/ كيابل توصيل بحسب الطول اللي بين الكمبيوترين ولا تزود عن 90 متر بين كل جهاز وجهاز ... (( تقلي ليش!؟ اقلك لا تدف التفصيل جاي تحت حط في منخارك بطيخه صيفي وانثبر )) (( ايه ولا تنسى تزود متر ولا مترين احتياط لاني احس انك بتقعد تقطمها من كل طرف وانت تركب الرؤوس لين ما يبقى لك الا اثنين واربعين سنتيمتر تاخذها احسن لك و تربّط فيها طيس جديده للددسن حقك الموسوس ))
4/ رؤوس الأسلاك او اطرافها او كلبشاتها او كلبساتها (( لاتقول انك بعد ما فهمت ))
وعلى فكره اشهر نوعين من الرؤوس هي ( RJ - 45 ) ( RJ - 57 ) <==(( ولا تخلي الرموز هذي تخرط عقلك وتقول والله قدامنا مشوار تراها اختصارات خواجات لو حنا مخترعينها كنا سميناها واير-تلفوني و واير-دشي ولو انك فهمت الكتابه هذي فاضمن لك تركب شبكتك في اقل من ساعه لجهازين))
وحكاية واير تلفوني للنوع الاول لانه اخو سلك التلفون بالضبط (( بس اخوه الكبير لان هذا فيه 8 اسلاك صغيره مهوب 4 زي التلفون العادي )) والنوع واير-دشي اسمه كذي لانه رحيم اريل التلفزيون العادي.
الشرح اسفل بيكون للنوع ((واير-تلفوني)) لاني اشوفه احسن (( واذا مسكت مع واحد فيكم غلط وقال ابركب الدشي يعني الدشي على باله بيجيب النوفا يرد لي تحت واكتب له الطريقه والله يعينني ))
6/ <==((وين راح رقم خمسه؟؟))
المحور (( واذا بغيت تتفلفس عند خويانك سمه بالاسم الاصلي وهو (هبّ) مع تشديد الهاء وتكسر كراعين الكاف ))
7/ ست سندوتشات شكشوكه و 3 شاهي حليب و بكت ليلى مراد عشان تشتغل وانت مروق البطاطس.
---------------------------
*** زبدة خطوات الخطه المخمسيه
خمس حبات زبدة لوربك كالتالي:
1/ أول شئ نرز كروتك داخل الكمبيوترات (( كل كمبيوتر كرت واحد بس لا تروح تحشيها كلها بجهازك وتخلي جهاز خويك من غير ترى ما منها فايده غير توصيل بيانات))
2/ بعد كذه يبغالنا نعرف الكروت على كمبيوترك او الدرايفر انستوليشن <==(( ولد مانشستري سوا ))
3/ نضبط الوندوز عندك ونأنتكه ونهجد لوحة التحكم فيه (( نكسر عينها يعني ))
4/ نوصل الكروت بالمحور (( بالاسلاك طبعا اجل بايش؟ ))
5/ في حالة اننا جبنا العيد فوق رؤوسنا :(
6/ خلاص مافيه زبده هنا قلنا مخمسيه وبخمس حبات بس.
----------------------------
********** التفصيل للخطه المخمسيه **********
*** نوع وماركات القطع
1/ كرووووووت الشبكه :
يبغالك نوع جيد (( ولا يصرفونك النصابين في كروت قديمه وناشفه -- اشبها طعميه ذلحين )) يعني خذ لك ماركه مشهوره ولاوصيك اذا عندك من الـ$$$ واجد خذ لك ثري كوم (3Com).
واي موديل من الثري كوم بيمشي معك حلاوه (( لاتتدلع وتسوي فيها شبكة سي ان ان وتروح تشتري كروت ابو خمسيمة ريال الحبه وبدون علبه .. ترا افضل نوع اللي فوق وسعره من 150 - 200 ريال والتدرج في السعر يزيد تزايد طردي ويعتمد على الجذر التربيعي لدرجة كثافة نصب راعي المحل مضروبه في مربع جيب تمام زاوية دلاختك ))
وصيه ثانيه : خذ لك كروت من نظام بي سي اي (( بعدين تعرف تحت وش معناها ))
وصيه اخيره : خذ سرعتها (100/10) يعني مية ميقا الثانيه.
خلاص راح فيها 0
.
.
.
.
.
2/ الكمبيوتراااااات
لازم يكون فيها وندوز 95 او 98 او مليون يوم حتى كلها تمشي اعداداتها بنفس الستايل (( يا ولد يا ستايل )) حتى بيل جيتس ما غيرها اخيرا الا في الوندوز الفين بعد ما صميناها صم. (( بل جيتس اذا ما تعرفه فهو راعي شركة Micro$oft واذا ما تعرف وشهي (مايكروزفت) فـقـفـل الكمبيوتر الحين وارسله لجدتك في الديره تحطه بدل السحاريه حقتها ولا تحط ذهبها فيه )) .
3/ الوااااااااااايرات
ماركة السلك ما يبغالها خذ لك اي نوع وكله بيمشي واذا تبغى تعرف نوع محدد وجيد خذ لك اللوسنت (Lucent) .
وعالعموم اي نوع من كات 5 (Cat5) يكفي ويوفي (( انا ما غلطت وكتبت كات خمسه بدل فور كات 4Cat الفرقه اللبنانيه المحترمه انا اقصد كات خمسه يعني خمس عراري مهوب اربع))
(( ولا تقلي وشهو اللوسنت ولا وشهو الكات خمسه بس طب على الرفيق وسو نفسك ابو الشبكات المشبوكي وارفع خشمك (لايدق السقف ياللي في بالي ;) ) واصعق عليه: هات كذا متر من كات فايف لوسنت ( قف مي # ميتر فروم كات فايف تايب وذ لوسنت تنكولوجي) وهو يعرف الهرجه كلها.
وترى المتر بريالين هاه خلك ذيب.
واذا خليته يركب لك الروس بالمره تكون ريحت نفسك من شغلت تركيبها لكن ابشرحها انا اسفل بالتفصيل عشان اضمن كل شئ في الموضوع هذا.
ملحوظه : في حالة انك متنح مرره ودلخ ومخك يابس على الآخر خل الهندي يركبها بدل ما تقعد تطامر فيها انت الين عام 1500 .
4/ المحووووووور
(( ابصم بالسته وسبعين انك من اول وانت تقول منهو (المحولّ) هذا ؟؟
المحور يا حبيبي هو الصندوق الصغير (كبر كتاب الكوانتم حقي بالجامعه) اللي تجتمع فيه الاسلاك من كل الكمبيوترات وينظم الهرجه والعلاقات سواء سياسيه او اقتصاديه بينهم.
(( اذا عندك جهازين بس تقدر توصل مباشره بدون محور لكن تدري؟؟ رح اشتره يا رجال وش يدريك يمكن اطلع انا جاركم وامد معك سلك :) ))
يعني خذ لك واحد ابو 4 فتحات او 6 او 8 على حسب ما عندك من كمبيوترات. تراه رخيص النوع النظيف منه يمكن يجي له 200 ريال .
5/ عده مؤقته بس للتركيب الشبكه بعد كذه طشها في الشارع (( الشارع مهو القمامه خلك سعودي واعتز)).
العده هذي في حالة انك تبغى تسوي فيها ابو عررام وتركب الاسلاك بنفسك طيب مهي مشكله رح جب لي القائمه هذي:
- القطعه اللي تسلخ الجلد من فوق السلك (( او سلاخه زي ما اسميها))
- القطعه اللي تكبس لك راس السلك بالسك (( او كباسه زي ما اسميها ))
- الجهاز اللي يقيس لك توصيل السلك واسمه ملتي ميتر (( زي عداد طبلون هايلكس جدي الـ84 -------- الهايلكس هو الاربعه وثمانين مهوب جدي :) لو جدي الـ84 عنده هايلكس كان صار معي ابولو 2000 فل كامل وجنوط نيكل ))
العداد اذا غالي عليك رح استلفه زي ما استلفته من عند بهران اللي يصلح التلفزيونات بحارتنا.
لكن العداد خله للاخير لان الشبكه غالبا بتضبط معنا بدونه.
- باقي مفك مربع شف لك واحد من هنا ولا هناك. <== هذا لو ما استنتجته بنفسك اطلع فووووووووق واضغط × بالزاويه ==== (( يمين يا احول )) .
-----------------------------
*** تضبيط رؤوس الاسلاك ومافيها من حكم وأمثال
ما خليت الرفيق يسويها لك هاه؟ طيب ما علينا بنفصلها لك هنا بس سم بالرحمن وشمر عن ايدنك ورجلينك وانزل بالفاره تحت شف الطريقه :) :
اقطع لك من هبشة الاسلاك اللي اخذتها طول مناسب بين الجهازين وزود متر كذه عشان عمليات التفحيط في تركيب الراس تعمل كعوامل تعرية لطول السلك.
اجرح الجلد عن الاسلاك الصغيره ولا تتحمس مره مع الجراحه الجديده وتجيب العيد يوم تجرح حتى الاسلاك الصغيره اللي داخل.
الحين تشوف 8 اسلاك صغيره زي التلفون بالضبط ملونه زي كذه :
برتقالي – برتقالي مع أبيض – أزرق – أزرق مع أبيض – أخضر – أخضر مع أبيض –بني – بني مع أبيض
لاحظ اللي سواها عنده عقده سيجموكروتاطينيه ويشجع الهلال والاهلي مع بعض ولا كان حطها بارقام وريح نفسه.
الحين فرق الاسلاك عن بعضهم ومططهم شوي عشان يستقيمو معك زي الالف وافرقهم على شكل مروحه صغيره.
ترتيب الالوان فيه ترتيبات معينه له استخدم اللي يكيفك لكن اهم شئ لا ترتبها بشكل في طرف والطرف الثاني تحط ترتيب ثاني. عالعموم انا انصحك وبعنف انك ترتبها على الترتيب التالي ((اشمعنى هذا الترتيب؟؟ انا نفسي مدري لكنها ممسكه معي عليه من سنين)):
من اليسار ألى اليمين رصهم كذا : برتقالي مع أبيض – برتقالي – أزرق مع أبيض – أخضر – أخضر مع أبيض – أزرق – بني مع أبيض – بني
ملحوظه : اذا تبي تربط بين كمبيوترين بس بدون هب اقبل الترتيب اللي فوق.
حرك المروحه في ايدك ورصهم على الرصه اللي فوق وأنتكهم وزبرقهم ((عشان يدخلو الراس بسهوله وبدون لخبطه ووجع راس)) وحطهم بداخل الراس (( السنه حقت الراس اللي تثبته تكون لاسفل يعني جهة الارض )) وتأكد ان الاسلاك كل ابوها مدقره في نهاية الراس وان كل سلك دخل مجراه مهو مجرى غيره.
الحين جيب الكباسه ودخل الراس فيها واكبسها بقووووه (( مهو بقوه لاتجيب العيد وتفتفت الراس انا اقصد بقوه اذا كنت خكري بس :) عالعموم لا تزعلون الراس ما ينكسر مهما كانت قوتك لان نفس الكباسه تمنعك وجرب وشوف :) )
انتهينا من طرف رح الحين للطرف الثاني ولا خله هو يجيك وسو فيه زي ما سويت في الطرف الاول حرفيا.
كرر المشروع اللي فوق مع كل سلك عندك ولا تطفش خلك تستاهل مره ثانيه خل الهندي يركبها لك.
على فكره هذي أزفت خطوه لو انك سويتها فالباقي تفاهه خلاص مبروك عليك شهادة شبكات مقلعه من ساحة الاقلاع.
اذا لقيت بحارتكم بهران أو واحد زيه وسلفك الملتي او لطشته منه جيبه وحط مقياس حقه على 10K (( الدويرا اللي زي تلفزيونات عام الف واربعميه وصفر )) ووصل طرف بسنه من السنون الثمانيه والطرف الثاني بالسنه المقابله لها ونفس لونها في الطرف الثاني وتأكد انها كلها يفلل معها العداد (( مهو فل يعني فل لكن زي ما تقول يعني فل :) او 80% من القراءه ))
----------------------
*** تمديد الوايرات ((خطوه مقلعه))
((الخطوه هذي ما لأمها داعي ولا ادري ليش اصلا كتبتها واذا مستعجل ولا حشران \ مزنوق طنشها وانزل للي تحتها))
التمديد مهوب مشكله وموضوعه هين والحين خلها مرميه على الارض لين تنتهي من الشبكه وتضبطها واذا ضبطت معك لا تخليها منثرة بالارض زي سراويلك وفنايلك المصفرّه لكن أحكرها مع الزوايا تحت الفرش ولا مع الشباك اذا للدور الثاني ولا خذ بها لفه على بيتكم او حتى حارتكم عشان تستعرض بها لكن اهم شئ وصل هب ما بين كل 90 متر عشان ينعنش لك قوة الأشاره في السلك.
بعد ما تضبط الشبكه وتوصل الاسلاك راعي شعور و اشناب الوايرات من النواحي التاليه:
==>لا تحطها بجنب اضاءه (فلورسنت) لانها تلعب لك في حسبة ابو الاشارات وتقلب لك الشبكه عجينه وتقعد انت الضعيف تقطع في الاسلاك وتغير في الكروت وتفرمت وتحوس والمشكله في اللمبه !! :) .
==>لاتخرجها مع فتحات الأبواب (( تدري ليش؟ ولا ما تدري ليش؟؟ اذا ما تدري ليش يبغالك تخفف من البيض والسمك وتدهن ركبك اوزلين كل يوم قبل لا ترقد ))
==> الطول لايزيد عن 90 متر (( والله هم يقولون 130 متر في الكتب والمواقع بس ماعندهم هرجه اهم شئ لا اسمع كلام اسير ولا تزود عن اللي قلته )).
------------------------
*** عملية تركيب او رزع او زرع او رزّ او حشو الكروت داخل جهازك:
جيب المفك المربع وشمر يدينك ولصق الضمان اللي ورا اقشع ابوه لانه مافيه تعليم بدون تقشيع وتفكيك وتحويس.
اول ما تفتحه تعوذ من ابليس وسم بالرحمن ولا تخاف من شكل الاسلاك والبلاوي الملونه اللي داخل تراها كلها سهله ولو تقيس تلقى انها متشابهه من قبل اكثر من عشر سنوات بس يزودون سرعه وذاكره ووضوح ويزودون سرعه وذاكره ووضوح ويزودون سرعه وذاكره ووضوح وعلى هذا الحال.
اذا انك اخذت كرت من اللي قلت لك عليه فوق (PCI) تلقى كروت زيه داخل الجهاز وفراغات فاضيه .. هنا يا حبيبي مربط الحمااار اذا الكرت بي سي اي ارزعه في اي فتحه بيضاء تعجبك واذا آيسا (ISA) اقمع به في اي فتحه تكرونيه تعجبك :) .
بس ما يبغالك الا تشيل الغطاء الصغير من ورا الجهاز وتحط الكرت وتضغط عليه (اضغط بقوه خفيفه ولاتخاف ما بينكسر الين تسمع طقته وتتاكد انه مركب عال العال) وبعد كذه حط المسمار عشان يثبت الكرت.
((ملحوظة : قفل الجهاز قبل لا تركب الكرت فيه لاتروح تركبه والجهاز شغال تتسبب في انفجار ذري في غرفتك وتخرب ابو اللوحه الام على ام الكرت على ولد عمتهم الألتغ وتلعن الاسير على موضوعه على المنتدى على يوم دخلته ))
الحين خل الجهاز مفتوح عشان يمكن نحتاج له بعدين وشبك الاسلاك كلبوها فيه
----------------------
*** الـــــــــمـــــــــحــــــــــو ر
حطه مكان ما يعجبك حتى لو في غرفة الشغاله بس يا حبذا تحطه بنص المسافه اذا كانت طويل.
الحين اشبك طرفين بالمحور ((مهو طرفين لسلك واحد لاتكون اهبل مره وحده )) والطرفين الثانيين بالجهازين. بالنسبة للمحور اشبكهم باي مكان يعجبك اهم شئ لا تحطهم بآخر واعلى فتحه.
------------------------
*** تعريف الكروت
والله شوف يا طويل العمر : هذا الجزء يمكن يكون اسهل جزء او اصعب جزع في المشروع كله.. بحسب خلفيتك عن الوندوز لكن 90% يمشي تمام و 10% الباقيه تكون بسبب تعارض الكرت مع غيره (( صارو علوم قبايل وحركات الكروت ويتعارضون في المنافذ والمقاطعات من ياخذ ومن يتنازل ))
لكن ما عليك انا منيب فاكك الا والشبكه عندك زي (البرلنط) على قول المصاريه.
بعد ما ركبت الكرت تشغل جهازك تلقى الوندوز لوحده ((سبحان الله)) تعرف على الكرت وقالك املخني بدسك التعريف حقه (( الدسك اللي جاء معه لا يكون خمك الهندي وخذه تعليقة لمراية سيارته )) المهم انت املخه بالدسك وبالطريقه المشهوره حقة الوندوز والاعدادات اللي عمرها ما تتغير
Next=>Next=>Next=>A:\=>Finish
بعد ما الوندوز يضبط العلاقات والامور وتنتهي المفاوضات احتمال يطلب منك سي دي الوندوز خل معك نسخه بتحتاجها الحين او بعدين لما تضبط مسائل الشبكه في لوحة التحكم.
بعد كذا الوندوز بيطلب منك اعادة التشغيل (( يا حبه للرستارت .. الله يستر على الوندوز 2000 اللي قنوع ولا عمره طلب رستارت )).
الكارثه الكبيره هي اذا ما طلب منك اعادة التشغيل .. هذا معناه ان المحضور وقع والتعارض حصل بين القبايل لكن ما يهمك نفذ الاشياء اللي تحت وبنقمع بأبو التعارض ونصلح بينهم.
من لوحة التحكم ادخل على ادارة الاجهزه (( ولاتوقف الا عند المدير :) )) واذا مافيك حيل اضغط زر الماور اليمين على جهاز الكمبيوتر واختار خصائص او فيه طريقه ثالثه هي انك تضغط على زر alt باستمرار وبعد كذه دبل كليك على ماي كمبيوتر (جهاز الكمبيوتر).
الحين شوف الطابور حق القطع حقتك ما شاء الله عليه اذا لقيت احد منهم متخلف ولا مكتوب عليه علامة ؟ او ! صفراء لا اوصيك تحم واقبع بوالدينه برا ((يعني ازاله)).
بعد كذه واحد نفر رستارت للكمبيوتر وتلقى الوندوز يضارب ويدافس ويقلك هات دسك وخرج دسك انت بس خلك هادي واسمع كلامه واعطه اللي يبيه لين ينتهي والمره هذي اكيد بيطلب رستارت منك.
بعد كذه تاكد ان الاستفهامات انتهت وخلاص الحين ضبط الوندوز وروضناه.
----------------------------
*** سمكرة الشبكة في لوحة التحكم
الحين روح للوحة التحكم تلقى ايقونه اسمها شبكة الاتصال او نت وورك. اصمخها بدبل كليك يجي لك مربع فيه رصة بروتوكولات. تلقى منها اشياء كثيره للانترنت منها التي سي بي والملقم برضه بتلقى تعريف كرتك هناك. لكن اذا مالقيت تعريف كرتك وبجنبه تي سي بي اي بي خاص له.. فيبغالك تضيفه بنفسك عن من اضافه => بروتوكول => ميكروزفت => تي سي بي اي بي. بعدين اوكي لين يطلب منك سي دي الوندوز حطه له وبعدها بيطلب رستارت كالعاده.
واضيف الاشياء هذي بعد:
Client for Microsoft Networks
File And Printer Sharing
على العموم لو اخذت الكروت اللي وصيتك هي الجزء هذا كله لا هو ولا حق تعريف الكرت بترتاح لان الوندوز مع التعريف يضبطون لك المسائل كلها بسهوله.
بعد الرستارت رح مره ثانيه لشبكة الاتصال في لوحة التحكم (( صارت الدعوه مشوره وصارت لوحة مشاوير موب لوحة تحكم ))
الحين اضغط على مشاركة الملفات والطباعة وتأكد ان علامة الصح موجوده على الاثنين.
بعد كذه نفرين كليك على التي سي بي اي بي حق كرت الشبكه (( لا تخلط بينه وبين حق الدايل اب او الاتصال ولا بين سعديه بنت عيضه )). وروح سوي الاشياء هذي:
IP Address
هنا تحط الايبي لكل كمبيوتر (( مهوب ايبي الانترنت.. هذي انترااانت داخليه يعني ولازم لها نود او عقده لكل جهاز -- عشان يتعرفو على بعض تمام -- اجارنا الله واياكم من العقد والامراض كلها ))
حط الرقم اللي يعجبك حتى لو تلفون بيتكم بس اهم ش اخر خانه باليمين حط ارقام متسلسله زي يعني 1 والثاني 2 والثالث 3 ........... الخ.
واذا تبغى الارقام المتعارف عليها دوليا خذها كذه :
الاول 10.0.0.1 والثاني 10.0.0.2 وكمل كذا الين توصل شارع ركوه في غليل.
Subnet Mask
هذا لا تتفلسف فيه وتحط بيجرك وحطه زي كذا بالضبط ولا تسئلني ليش انا نفسي مدري:
255.255.255.0
Wins Configuration
أملخها او اقمعها او انتفها او الغيها (Disable)
اضغط اوكي بعدين اوكي بعدين اذا قالك هات دسك ولا رستارت لا تعابطه واسمع كلامه لانك اذا عابطته بتجيب العيد مضبوط وقتها.
بعد الرستارت تعتبرالمسائل والامور كلها بحمد الله سالكه ميه الميه. وروح شارك ملفاتك وطباعتك والسي دي حقك وفنيلتك ابو رحله بعد. كل شئ تقدر تشاركه.
كأنك دمجت ابوهم الى جهاز واحد. وانصحك ببرنامج بي سي اني وير ركبه عليهم الاثنين تشوف كيف يسوي لك العجب؟
*** كيف اشارك الملفات؟؟؟؟؟؟؟؟؟
اضغط الزر اليمين على اي (مجلد - ملف - محرك اقراص - طابعه ) تبغى الجهاز الثاني يشوفه ويستخدمه واختار خصائص بعدين مشاركه او (بروبرتيز => شيرنق). (( على فكره شيرنق توه اكتشف بعد خمس سنوات صحبه ان بروبرتيز ولد عمته من الرضاعه !! )).
الحين تطلع لك الاختيارات هذي قدام خشمك :
غير مشترك = غير مشترك (اموت فيني وانا ذكي)
مشترك = غيرك يشوفه من جهازه
ملاحظات = رساله تنفر في خشم من يفتح المجلد من جهازه.
للقراءة فقط = يعني يشوفه وينسخ منه لكن يغير فيه او يحذفه ما يقدر لو يبيض خرفان.
كامل = يعني يقرا ويمسح ويفحط فيه بكيفه
كلمة مرور = كلمة سر تخليه ما يدخل الا اذا كتبها صح ولا سرقها منك يالفاغر :) .
ما علينا ....... حط كم مجلد مشترك جري باسرع ما عندك على الجهاز الثاني وافتح جوار شبكة الاتصال على سطح المكتب تلقى كم جهاز منجطله هناك (الاجهزه الموصله بالشبكه طبعا) ادخل على اي واحد منها وجرب شوف الملفات طلعت ولا لا !!!؟؟
في حالة ان الشبكه ما سلكت
والله مدري عنك يخوي انا دايم اضبطها كذه وتمشي معي لكن خذ هذي الخطوات تاكد منها وحده وحده وانشاء االله لو تلقى الحل:
1/ شوف اللمبه الخضراء في كرت الشبكه اول ما تشغل الجهاز لين يدخل الوندوز هل هي شغاله ولا لا ؟؟ اذا هي شغاله يعني هي موصله بالمحور تمام واذا هي سواق يعني المشكله بالهب او باسلاكك رح خل الهندي يركبها لك من جديد. او جرب تبدل بين الاسلاك.
2/ فك الكرت واقمع بابوه في فتحه ثانيه غير الاولى لانه احيانا تكون بعض الفتحات مفقوعه خاصة اذا كان جهازك ماركة ابو كلب.
3/ تاكد من روس الاسلاك وترتيب الالوان وامحص ابوها بالملتي ميتر (( رح عند محل يسلكها لك ))
4/ تاكد ان قطعك كلها سليمه لانها لو طلع منها وحده خربانه بتسبب لك مغص في عقلك ولا أكتئاب في أذنك وانت تقلب فيها وهي اساسا معطوبه من يومها.
5/ شيل قطعك كلها من كروت وهبوب ووايرات ورح ارمها في وجه راعي المحل قله ما اشتغلت :) .
-------------------------------
*** موسم الأعياد
- جبت العيد أنت ؟؟
اطلع فووووووووووق اعلى الملف هذا واقراه من جديد وتاكد انك ما نسيت شئ ولا فقعت شئ ترى انا مفصل ابوها لين صارت بسبعين ذراع.
- جبت العيد أنا ؟؟؟
والله شوف
يمكن انا من جنب امها في الشرح او ان طريقتي الغبيه في التعبير ما ناسبتك لكن اسمع .. انا دايم اسويها كذا وتمام التمام.. واذا كانت معداتك سليمه فـ99% انها تشتغل معك بدون تعب اذا قريت الملف هذا وفهمته.
لكن اذا مرررررررررره الدعوه خربانه يا رجال رح خذ لك الكتاب ابو 1590 صفحه واقعد اقرا فيه لين تلقى حل لموضوعك (( واشك ان القضيه الفلسطينيه بيحلوها وانت على كتابك وشبكتك )) ولا رح شف لك محل يسويها لك بالفين او ثلاثه.
-----------------
*** مشاكل البرمجة :
البرمجة هي عقدة كبيرة في الشبكات اللهم اعقدها على نفسها وفكنا من شرها يا رحمن
ولكن خذ الحركات هذي شوف يمكن تحل موضوعك :
1/ مفيش تعارض في النظام
2/ البروتوكولات كلبوها مرصوصه في الشبكه بلوحة التحكم
3/ اعمل بنق للكمبيوتر الثاني من موجه الدوس وشف يرد عليك ولا بيصفقك بواحد اشكل
من موجه الدوس اكتب كذا :
Ping 10.0.0.2 <<=== رقم الجهاز الثاني طبعا
اذا ما سلكت معك ولا وحده منهم اسئل واحد من خويانك اللي مسوي فيها شنتر بن عداد في الكمبيوترات عن الحل (( عشان تخجل شعوره وتحمر خدود العبد :) )) ولا شف لك كتاب تقراه او اي فني يتاكد لك منها.
و لأن هذا موضوع كتبته يوم كنت طفشان بعد ما فصلت الاتصالات السعودية كل خدماتي وقلت باي باي نت
ولان الطريقه السابقه مفصله تفصيل وبنص خصصته لساحة الاقلاع وللمقلعين اللي فيها ((لاني ادري انهم ما يفهمون الا بالذب :) ))
ولان ايدي تعبت وانا اكتب
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وش نزلك هنا؟؟ خلاص افهمها الموضوع انتهى ابي اروح انخمد.
:) :) :) :) :) :) :) :) :) :) :) :) :) :) :) :) :)
ترى الدعوه حبيه وبدون زعل يا شباب :)
http://www.eqla3.com/file/ubb/Forum4/HTML/001997.html
*********************************
الموضوع : ركب شبكتك بنفسك خلك رجال واعتمد على نفسك لايضحك عليك رفيق ويسلكك بكم الف
اعداد : AseerX
التاريخ : 26 - 8 - 1421 هاء
مخصص لساحة الاقلاع ومقلعينها ((بتشديد اللام :) ))
********************************
الموضوع الطويل هذا كتبته وقت كنت طفشان للمقلعين اشرح لهم بطريقه مقلعه زيهم كيف يرص له شبكه وسط بيته او محله بالتفصيل الممل وبشكل مبسط.
بسم الله نبدا :
*** الادوات اللي لازم تدبر ابوها من تحت الارض :
1/ كمبيوترين او اكثر عشان نبد التربيط والتشبيك بينهم على سنة الله ورسوله
(( أذا عندك خمسين جهاز وما فوق رح يا حبيب ألبي اشتري كتاب ابو الف او الف وخمسمية صفحه او شف لك واحد الماني من اللي يصلخون 8000 ريال للساعه ولا تجي للموضوع هذا وتقعد تصدع لي راسي وتقول يا نصاب شبكتي ما اشتغلت انا بس اشرحها بطريقتي اللي اسويها دايم وتسلك معي ميه ميه ))
2/ كروت شبكه لكل كمبيوتر كرت (( ولا تروح عند هندي يرزها لك بالجهاز بمية ريال لان شغلتها شغلة 5 دقايق وهينه ))
3/ كيابل توصيل بحسب الطول اللي بين الكمبيوترين ولا تزود عن 90 متر بين كل جهاز وجهاز ... (( تقلي ليش!؟ اقلك لا تدف التفصيل جاي تحت حط في منخارك بطيخه صيفي وانثبر )) (( ايه ولا تنسى تزود متر ولا مترين احتياط لاني احس انك بتقعد تقطمها من كل طرف وانت تركب الرؤوس لين ما يبقى لك الا اثنين واربعين سنتيمتر تاخذها احسن لك و تربّط فيها طيس جديده للددسن حقك الموسوس ))
4/ رؤوس الأسلاك او اطرافها او كلبشاتها او كلبساتها (( لاتقول انك بعد ما فهمت ))
وعلى فكره اشهر نوعين من الرؤوس هي ( RJ - 45 ) ( RJ - 57 ) <==(( ولا تخلي الرموز هذي تخرط عقلك وتقول والله قدامنا مشوار تراها اختصارات خواجات لو حنا مخترعينها كنا سميناها واير-تلفوني و واير-دشي ولو انك فهمت الكتابه هذي فاضمن لك تركب شبكتك في اقل من ساعه لجهازين))
وحكاية واير تلفوني للنوع الاول لانه اخو سلك التلفون بالضبط (( بس اخوه الكبير لان هذا فيه 8 اسلاك صغيره مهوب 4 زي التلفون العادي )) والنوع واير-دشي اسمه كذي لانه رحيم اريل التلفزيون العادي.
الشرح اسفل بيكون للنوع ((واير-تلفوني)) لاني اشوفه احسن (( واذا مسكت مع واحد فيكم غلط وقال ابركب الدشي يعني الدشي على باله بيجيب النوفا يرد لي تحت واكتب له الطريقه والله يعينني ))
6/ <==((وين راح رقم خمسه؟؟))
المحور (( واذا بغيت تتفلفس عند خويانك سمه بالاسم الاصلي وهو (هبّ) مع تشديد الهاء وتكسر كراعين الكاف ))
7/ ست سندوتشات شكشوكه و 3 شاهي حليب و بكت ليلى مراد عشان تشتغل وانت مروق البطاطس.
---------------------------
*** زبدة خطوات الخطه المخمسيه
خمس حبات زبدة لوربك كالتالي:
1/ أول شئ نرز كروتك داخل الكمبيوترات (( كل كمبيوتر كرت واحد بس لا تروح تحشيها كلها بجهازك وتخلي جهاز خويك من غير ترى ما منها فايده غير توصيل بيانات))
2/ بعد كذه يبغالنا نعرف الكروت على كمبيوترك او الدرايفر انستوليشن <==(( ولد مانشستري سوا ))
3/ نضبط الوندوز عندك ونأنتكه ونهجد لوحة التحكم فيه (( نكسر عينها يعني ))
4/ نوصل الكروت بالمحور (( بالاسلاك طبعا اجل بايش؟ ))
5/ في حالة اننا جبنا العيد فوق رؤوسنا :(
6/ خلاص مافيه زبده هنا قلنا مخمسيه وبخمس حبات بس.
----------------------------
********** التفصيل للخطه المخمسيه **********
*** نوع وماركات القطع
1/ كرووووووت الشبكه :
يبغالك نوع جيد (( ولا يصرفونك النصابين في كروت قديمه وناشفه -- اشبها طعميه ذلحين )) يعني خذ لك ماركه مشهوره ولاوصيك اذا عندك من الـ$$$ واجد خذ لك ثري كوم (3Com).
واي موديل من الثري كوم بيمشي معك حلاوه (( لاتتدلع وتسوي فيها شبكة سي ان ان وتروح تشتري كروت ابو خمسيمة ريال الحبه وبدون علبه .. ترا افضل نوع اللي فوق وسعره من 150 - 200 ريال والتدرج في السعر يزيد تزايد طردي ويعتمد على الجذر التربيعي لدرجة كثافة نصب راعي المحل مضروبه في مربع جيب تمام زاوية دلاختك ))
وصيه ثانيه : خذ لك كروت من نظام بي سي اي (( بعدين تعرف تحت وش معناها ))
وصيه اخيره : خذ سرعتها (100/10) يعني مية ميقا الثانيه.
خلاص راح فيها 0
.
.
.
.
.
2/ الكمبيوتراااااات
لازم يكون فيها وندوز 95 او 98 او مليون يوم حتى كلها تمشي اعداداتها بنفس الستايل (( يا ولد يا ستايل )) حتى بيل جيتس ما غيرها اخيرا الا في الوندوز الفين بعد ما صميناها صم. (( بل جيتس اذا ما تعرفه فهو راعي شركة Micro$oft واذا ما تعرف وشهي (مايكروزفت) فـقـفـل الكمبيوتر الحين وارسله لجدتك في الديره تحطه بدل السحاريه حقتها ولا تحط ذهبها فيه )) .
3/ الوااااااااااايرات
ماركة السلك ما يبغالها خذ لك اي نوع وكله بيمشي واذا تبغى تعرف نوع محدد وجيد خذ لك اللوسنت (Lucent) .
وعالعموم اي نوع من كات 5 (Cat5) يكفي ويوفي (( انا ما غلطت وكتبت كات خمسه بدل فور كات 4Cat الفرقه اللبنانيه المحترمه انا اقصد كات خمسه يعني خمس عراري مهوب اربع))
(( ولا تقلي وشهو اللوسنت ولا وشهو الكات خمسه بس طب على الرفيق وسو نفسك ابو الشبكات المشبوكي وارفع خشمك (لايدق السقف ياللي في بالي ;) ) واصعق عليه: هات كذا متر من كات فايف لوسنت ( قف مي # ميتر فروم كات فايف تايب وذ لوسنت تنكولوجي) وهو يعرف الهرجه كلها.
وترى المتر بريالين هاه خلك ذيب.
واذا خليته يركب لك الروس بالمره تكون ريحت نفسك من شغلت تركيبها لكن ابشرحها انا اسفل بالتفصيل عشان اضمن كل شئ في الموضوع هذا.
ملحوظه : في حالة انك متنح مرره ودلخ ومخك يابس على الآخر خل الهندي يركبها بدل ما تقعد تطامر فيها انت الين عام 1500 .
4/ المحووووووور
(( ابصم بالسته وسبعين انك من اول وانت تقول منهو (المحولّ) هذا ؟؟
المحور يا حبيبي هو الصندوق الصغير (كبر كتاب الكوانتم حقي بالجامعه) اللي تجتمع فيه الاسلاك من كل الكمبيوترات وينظم الهرجه والعلاقات سواء سياسيه او اقتصاديه بينهم.
(( اذا عندك جهازين بس تقدر توصل مباشره بدون محور لكن تدري؟؟ رح اشتره يا رجال وش يدريك يمكن اطلع انا جاركم وامد معك سلك :) ))
يعني خذ لك واحد ابو 4 فتحات او 6 او 8 على حسب ما عندك من كمبيوترات. تراه رخيص النوع النظيف منه يمكن يجي له 200 ريال .
5/ عده مؤقته بس للتركيب الشبكه بعد كذه طشها في الشارع (( الشارع مهو القمامه خلك سعودي واعتز)).
العده هذي في حالة انك تبغى تسوي فيها ابو عررام وتركب الاسلاك بنفسك طيب مهي مشكله رح جب لي القائمه هذي:
- القطعه اللي تسلخ الجلد من فوق السلك (( او سلاخه زي ما اسميها))
- القطعه اللي تكبس لك راس السلك بالسك (( او كباسه زي ما اسميها ))
- الجهاز اللي يقيس لك توصيل السلك واسمه ملتي ميتر (( زي عداد طبلون هايلكس جدي الـ84 -------- الهايلكس هو الاربعه وثمانين مهوب جدي :) لو جدي الـ84 عنده هايلكس كان صار معي ابولو 2000 فل كامل وجنوط نيكل ))
العداد اذا غالي عليك رح استلفه زي ما استلفته من عند بهران اللي يصلح التلفزيونات بحارتنا.
لكن العداد خله للاخير لان الشبكه غالبا بتضبط معنا بدونه.
- باقي مفك مربع شف لك واحد من هنا ولا هناك. <== هذا لو ما استنتجته بنفسك اطلع فووووووووق واضغط × بالزاويه ==== (( يمين يا احول )) .
-----------------------------
*** تضبيط رؤوس الاسلاك ومافيها من حكم وأمثال
ما خليت الرفيق يسويها لك هاه؟ طيب ما علينا بنفصلها لك هنا بس سم بالرحمن وشمر عن ايدنك ورجلينك وانزل بالفاره تحت شف الطريقه :) :
اقطع لك من هبشة الاسلاك اللي اخذتها طول مناسب بين الجهازين وزود متر كذه عشان عمليات التفحيط في تركيب الراس تعمل كعوامل تعرية لطول السلك.
اجرح الجلد عن الاسلاك الصغيره ولا تتحمس مره مع الجراحه الجديده وتجيب العيد يوم تجرح حتى الاسلاك الصغيره اللي داخل.
الحين تشوف 8 اسلاك صغيره زي التلفون بالضبط ملونه زي كذه :
برتقالي – برتقالي مع أبيض – أزرق – أزرق مع أبيض – أخضر – أخضر مع أبيض –بني – بني مع أبيض
لاحظ اللي سواها عنده عقده سيجموكروتاطينيه ويشجع الهلال والاهلي مع بعض ولا كان حطها بارقام وريح نفسه.
الحين فرق الاسلاك عن بعضهم ومططهم شوي عشان يستقيمو معك زي الالف وافرقهم على شكل مروحه صغيره.
ترتيب الالوان فيه ترتيبات معينه له استخدم اللي يكيفك لكن اهم شئ لا ترتبها بشكل في طرف والطرف الثاني تحط ترتيب ثاني. عالعموم انا انصحك وبعنف انك ترتبها على الترتيب التالي ((اشمعنى هذا الترتيب؟؟ انا نفسي مدري لكنها ممسكه معي عليه من سنين)):
من اليسار ألى اليمين رصهم كذا : برتقالي مع أبيض – برتقالي – أزرق مع أبيض – أخضر – أخضر مع أبيض – أزرق – بني مع أبيض – بني
ملحوظه : اذا تبي تربط بين كمبيوترين بس بدون هب اقبل الترتيب اللي فوق.
حرك المروحه في ايدك ورصهم على الرصه اللي فوق وأنتكهم وزبرقهم ((عشان يدخلو الراس بسهوله وبدون لخبطه ووجع راس)) وحطهم بداخل الراس (( السنه حقت الراس اللي تثبته تكون لاسفل يعني جهة الارض )) وتأكد ان الاسلاك كل ابوها مدقره في نهاية الراس وان كل سلك دخل مجراه مهو مجرى غيره.
الحين جيب الكباسه ودخل الراس فيها واكبسها بقووووه (( مهو بقوه لاتجيب العيد وتفتفت الراس انا اقصد بقوه اذا كنت خكري بس :) عالعموم لا تزعلون الراس ما ينكسر مهما كانت قوتك لان نفس الكباسه تمنعك وجرب وشوف :) )
انتهينا من طرف رح الحين للطرف الثاني ولا خله هو يجيك وسو فيه زي ما سويت في الطرف الاول حرفيا.
كرر المشروع اللي فوق مع كل سلك عندك ولا تطفش خلك تستاهل مره ثانيه خل الهندي يركبها لك.
على فكره هذي أزفت خطوه لو انك سويتها فالباقي تفاهه خلاص مبروك عليك شهادة شبكات مقلعه من ساحة الاقلاع.
اذا لقيت بحارتكم بهران أو واحد زيه وسلفك الملتي او لطشته منه جيبه وحط مقياس حقه على 10K (( الدويرا اللي زي تلفزيونات عام الف واربعميه وصفر )) ووصل طرف بسنه من السنون الثمانيه والطرف الثاني بالسنه المقابله لها ونفس لونها في الطرف الثاني وتأكد انها كلها يفلل معها العداد (( مهو فل يعني فل لكن زي ما تقول يعني فل :) او 80% من القراءه ))
----------------------
*** تمديد الوايرات ((خطوه مقلعه))
((الخطوه هذي ما لأمها داعي ولا ادري ليش اصلا كتبتها واذا مستعجل ولا حشران \ مزنوق طنشها وانزل للي تحتها))
التمديد مهوب مشكله وموضوعه هين والحين خلها مرميه على الارض لين تنتهي من الشبكه وتضبطها واذا ضبطت معك لا تخليها منثرة بالارض زي سراويلك وفنايلك المصفرّه لكن أحكرها مع الزوايا تحت الفرش ولا مع الشباك اذا للدور الثاني ولا خذ بها لفه على بيتكم او حتى حارتكم عشان تستعرض بها لكن اهم شئ وصل هب ما بين كل 90 متر عشان ينعنش لك قوة الأشاره في السلك.
بعد ما تضبط الشبكه وتوصل الاسلاك راعي شعور و اشناب الوايرات من النواحي التاليه:
==>لا تحطها بجنب اضاءه (فلورسنت) لانها تلعب لك في حسبة ابو الاشارات وتقلب لك الشبكه عجينه وتقعد انت الضعيف تقطع في الاسلاك وتغير في الكروت وتفرمت وتحوس والمشكله في اللمبه !! :) .
==>لاتخرجها مع فتحات الأبواب (( تدري ليش؟ ولا ما تدري ليش؟؟ اذا ما تدري ليش يبغالك تخفف من البيض والسمك وتدهن ركبك اوزلين كل يوم قبل لا ترقد ))
==> الطول لايزيد عن 90 متر (( والله هم يقولون 130 متر في الكتب والمواقع بس ماعندهم هرجه اهم شئ لا اسمع كلام اسير ولا تزود عن اللي قلته )).
------------------------
*** عملية تركيب او رزع او زرع او رزّ او حشو الكروت داخل جهازك:
جيب المفك المربع وشمر يدينك ولصق الضمان اللي ورا اقشع ابوه لانه مافيه تعليم بدون تقشيع وتفكيك وتحويس.
اول ما تفتحه تعوذ من ابليس وسم بالرحمن ولا تخاف من شكل الاسلاك والبلاوي الملونه اللي داخل تراها كلها سهله ولو تقيس تلقى انها متشابهه من قبل اكثر من عشر سنوات بس يزودون سرعه وذاكره ووضوح ويزودون سرعه وذاكره ووضوح ويزودون سرعه وذاكره ووضوح وعلى هذا الحال.
اذا انك اخذت كرت من اللي قلت لك عليه فوق (PCI) تلقى كروت زيه داخل الجهاز وفراغات فاضيه .. هنا يا حبيبي مربط الحمااار اذا الكرت بي سي اي ارزعه في اي فتحه بيضاء تعجبك واذا آيسا (ISA) اقمع به في اي فتحه تكرونيه تعجبك :) .
بس ما يبغالك الا تشيل الغطاء الصغير من ورا الجهاز وتحط الكرت وتضغط عليه (اضغط بقوه خفيفه ولاتخاف ما بينكسر الين تسمع طقته وتتاكد انه مركب عال العال) وبعد كذه حط المسمار عشان يثبت الكرت.
((ملحوظة : قفل الجهاز قبل لا تركب الكرت فيه لاتروح تركبه والجهاز شغال تتسبب في انفجار ذري في غرفتك وتخرب ابو اللوحه الام على ام الكرت على ولد عمتهم الألتغ وتلعن الاسير على موضوعه على المنتدى على يوم دخلته ))
الحين خل الجهاز مفتوح عشان يمكن نحتاج له بعدين وشبك الاسلاك كلبوها فيه
----------------------
*** الـــــــــمـــــــــحــــــــــو ر
حطه مكان ما يعجبك حتى لو في غرفة الشغاله بس يا حبذا تحطه بنص المسافه اذا كانت طويل.
الحين اشبك طرفين بالمحور ((مهو طرفين لسلك واحد لاتكون اهبل مره وحده )) والطرفين الثانيين بالجهازين. بالنسبة للمحور اشبكهم باي مكان يعجبك اهم شئ لا تحطهم بآخر واعلى فتحه.
------------------------
*** تعريف الكروت
والله شوف يا طويل العمر : هذا الجزء يمكن يكون اسهل جزء او اصعب جزع في المشروع كله.. بحسب خلفيتك عن الوندوز لكن 90% يمشي تمام و 10% الباقيه تكون بسبب تعارض الكرت مع غيره (( صارو علوم قبايل وحركات الكروت ويتعارضون في المنافذ والمقاطعات من ياخذ ومن يتنازل ))
لكن ما عليك انا منيب فاكك الا والشبكه عندك زي (البرلنط) على قول المصاريه.
بعد ما ركبت الكرت تشغل جهازك تلقى الوندوز لوحده ((سبحان الله)) تعرف على الكرت وقالك املخني بدسك التعريف حقه (( الدسك اللي جاء معه لا يكون خمك الهندي وخذه تعليقة لمراية سيارته )) المهم انت املخه بالدسك وبالطريقه المشهوره حقة الوندوز والاعدادات اللي عمرها ما تتغير
Next=>Next=>Next=>A:\=>Finish
بعد ما الوندوز يضبط العلاقات والامور وتنتهي المفاوضات احتمال يطلب منك سي دي الوندوز خل معك نسخه بتحتاجها الحين او بعدين لما تضبط مسائل الشبكه في لوحة التحكم.
بعد كذا الوندوز بيطلب منك اعادة التشغيل (( يا حبه للرستارت .. الله يستر على الوندوز 2000 اللي قنوع ولا عمره طلب رستارت )).
الكارثه الكبيره هي اذا ما طلب منك اعادة التشغيل .. هذا معناه ان المحضور وقع والتعارض حصل بين القبايل لكن ما يهمك نفذ الاشياء اللي تحت وبنقمع بأبو التعارض ونصلح بينهم.
من لوحة التحكم ادخل على ادارة الاجهزه (( ولاتوقف الا عند المدير :) )) واذا مافيك حيل اضغط زر الماور اليمين على جهاز الكمبيوتر واختار خصائص او فيه طريقه ثالثه هي انك تضغط على زر alt باستمرار وبعد كذه دبل كليك على ماي كمبيوتر (جهاز الكمبيوتر).
الحين شوف الطابور حق القطع حقتك ما شاء الله عليه اذا لقيت احد منهم متخلف ولا مكتوب عليه علامة ؟ او ! صفراء لا اوصيك تحم واقبع بوالدينه برا ((يعني ازاله)).
بعد كذه واحد نفر رستارت للكمبيوتر وتلقى الوندوز يضارب ويدافس ويقلك هات دسك وخرج دسك انت بس خلك هادي واسمع كلامه واعطه اللي يبيه لين ينتهي والمره هذي اكيد بيطلب رستارت منك.
بعد كذه تاكد ان الاستفهامات انتهت وخلاص الحين ضبط الوندوز وروضناه.
----------------------------
*** سمكرة الشبكة في لوحة التحكم
الحين روح للوحة التحكم تلقى ايقونه اسمها شبكة الاتصال او نت وورك. اصمخها بدبل كليك يجي لك مربع فيه رصة بروتوكولات. تلقى منها اشياء كثيره للانترنت منها التي سي بي والملقم برضه بتلقى تعريف كرتك هناك. لكن اذا مالقيت تعريف كرتك وبجنبه تي سي بي اي بي خاص له.. فيبغالك تضيفه بنفسك عن من اضافه => بروتوكول => ميكروزفت => تي سي بي اي بي. بعدين اوكي لين يطلب منك سي دي الوندوز حطه له وبعدها بيطلب رستارت كالعاده.
واضيف الاشياء هذي بعد:
Client for Microsoft Networks
File And Printer Sharing
على العموم لو اخذت الكروت اللي وصيتك هي الجزء هذا كله لا هو ولا حق تعريف الكرت بترتاح لان الوندوز مع التعريف يضبطون لك المسائل كلها بسهوله.
بعد الرستارت رح مره ثانيه لشبكة الاتصال في لوحة التحكم (( صارت الدعوه مشوره وصارت لوحة مشاوير موب لوحة تحكم ))
الحين اضغط على مشاركة الملفات والطباعة وتأكد ان علامة الصح موجوده على الاثنين.
بعد كذه نفرين كليك على التي سي بي اي بي حق كرت الشبكه (( لا تخلط بينه وبين حق الدايل اب او الاتصال ولا بين سعديه بنت عيضه )). وروح سوي الاشياء هذي:
IP Address
هنا تحط الايبي لكل كمبيوتر (( مهوب ايبي الانترنت.. هذي انترااانت داخليه يعني ولازم لها نود او عقده لكل جهاز -- عشان يتعرفو على بعض تمام -- اجارنا الله واياكم من العقد والامراض كلها ))
حط الرقم اللي يعجبك حتى لو تلفون بيتكم بس اهم ش اخر خانه باليمين حط ارقام متسلسله زي يعني 1 والثاني 2 والثالث 3 ........... الخ.
واذا تبغى الارقام المتعارف عليها دوليا خذها كذه :
الاول 10.0.0.1 والثاني 10.0.0.2 وكمل كذا الين توصل شارع ركوه في غليل.
Subnet Mask
هذا لا تتفلسف فيه وتحط بيجرك وحطه زي كذا بالضبط ولا تسئلني ليش انا نفسي مدري:
255.255.255.0
Wins Configuration
أملخها او اقمعها او انتفها او الغيها (Disable)
اضغط اوكي بعدين اوكي بعدين اذا قالك هات دسك ولا رستارت لا تعابطه واسمع كلامه لانك اذا عابطته بتجيب العيد مضبوط وقتها.
بعد الرستارت تعتبرالمسائل والامور كلها بحمد الله سالكه ميه الميه. وروح شارك ملفاتك وطباعتك والسي دي حقك وفنيلتك ابو رحله بعد. كل شئ تقدر تشاركه.
كأنك دمجت ابوهم الى جهاز واحد. وانصحك ببرنامج بي سي اني وير ركبه عليهم الاثنين تشوف كيف يسوي لك العجب؟
*** كيف اشارك الملفات؟؟؟؟؟؟؟؟؟
اضغط الزر اليمين على اي (مجلد - ملف - محرك اقراص - طابعه ) تبغى الجهاز الثاني يشوفه ويستخدمه واختار خصائص بعدين مشاركه او (بروبرتيز => شيرنق). (( على فكره شيرنق توه اكتشف بعد خمس سنوات صحبه ان بروبرتيز ولد عمته من الرضاعه !! )).
الحين تطلع لك الاختيارات هذي قدام خشمك :
غير مشترك = غير مشترك (اموت فيني وانا ذكي)
مشترك = غيرك يشوفه من جهازه
ملاحظات = رساله تنفر في خشم من يفتح المجلد من جهازه.
للقراءة فقط = يعني يشوفه وينسخ منه لكن يغير فيه او يحذفه ما يقدر لو يبيض خرفان.
كامل = يعني يقرا ويمسح ويفحط فيه بكيفه
كلمة مرور = كلمة سر تخليه ما يدخل الا اذا كتبها صح ولا سرقها منك يالفاغر :) .
ما علينا ....... حط كم مجلد مشترك جري باسرع ما عندك على الجهاز الثاني وافتح جوار شبكة الاتصال على سطح المكتب تلقى كم جهاز منجطله هناك (الاجهزه الموصله بالشبكه طبعا) ادخل على اي واحد منها وجرب شوف الملفات طلعت ولا لا !!!؟؟
في حالة ان الشبكه ما سلكت
والله مدري عنك يخوي انا دايم اضبطها كذه وتمشي معي لكن خذ هذي الخطوات تاكد منها وحده وحده وانشاء االله لو تلقى الحل:
1/ شوف اللمبه الخضراء في كرت الشبكه اول ما تشغل الجهاز لين يدخل الوندوز هل هي شغاله ولا لا ؟؟ اذا هي شغاله يعني هي موصله بالمحور تمام واذا هي سواق يعني المشكله بالهب او باسلاكك رح خل الهندي يركبها لك من جديد. او جرب تبدل بين الاسلاك.
2/ فك الكرت واقمع بابوه في فتحه ثانيه غير الاولى لانه احيانا تكون بعض الفتحات مفقوعه خاصة اذا كان جهازك ماركة ابو كلب.
3/ تاكد من روس الاسلاك وترتيب الالوان وامحص ابوها بالملتي ميتر (( رح عند محل يسلكها لك ))
4/ تاكد ان قطعك كلها سليمه لانها لو طلع منها وحده خربانه بتسبب لك مغص في عقلك ولا أكتئاب في أذنك وانت تقلب فيها وهي اساسا معطوبه من يومها.
5/ شيل قطعك كلها من كروت وهبوب ووايرات ورح ارمها في وجه راعي المحل قله ما اشتغلت :) .
-------------------------------
*** موسم الأعياد
- جبت العيد أنت ؟؟
اطلع فووووووووووق اعلى الملف هذا واقراه من جديد وتاكد انك ما نسيت شئ ولا فقعت شئ ترى انا مفصل ابوها لين صارت بسبعين ذراع.
- جبت العيد أنا ؟؟؟
والله شوف
يمكن انا من جنب امها في الشرح او ان طريقتي الغبيه في التعبير ما ناسبتك لكن اسمع .. انا دايم اسويها كذا وتمام التمام.. واذا كانت معداتك سليمه فـ99% انها تشتغل معك بدون تعب اذا قريت الملف هذا وفهمته.
لكن اذا مرررررررررره الدعوه خربانه يا رجال رح خذ لك الكتاب ابو 1590 صفحه واقعد اقرا فيه لين تلقى حل لموضوعك (( واشك ان القضيه الفلسطينيه بيحلوها وانت على كتابك وشبكتك )) ولا رح شف لك محل يسويها لك بالفين او ثلاثه.
-----------------
*** مشاكل البرمجة :
البرمجة هي عقدة كبيرة في الشبكات اللهم اعقدها على نفسها وفكنا من شرها يا رحمن
ولكن خذ الحركات هذي شوف يمكن تحل موضوعك :
1/ مفيش تعارض في النظام
2/ البروتوكولات كلبوها مرصوصه في الشبكه بلوحة التحكم
3/ اعمل بنق للكمبيوتر الثاني من موجه الدوس وشف يرد عليك ولا بيصفقك بواحد اشكل
من موجه الدوس اكتب كذا :
Ping 10.0.0.2 <<=== رقم الجهاز الثاني طبعا
اذا ما سلكت معك ولا وحده منهم اسئل واحد من خويانك اللي مسوي فيها شنتر بن عداد في الكمبيوترات عن الحل (( عشان تخجل شعوره وتحمر خدود العبد :) )) ولا شف لك كتاب تقراه او اي فني يتاكد لك منها.
و لأن هذا موضوع كتبته يوم كنت طفشان بعد ما فصلت الاتصالات السعودية كل خدماتي وقلت باي باي نت
ولان الطريقه السابقه مفصله تفصيل وبنص خصصته لساحة الاقلاع وللمقلعين اللي فيها ((لاني ادري انهم ما يفهمون الا بالذب :) ))
ولان ايدي تعبت وانا اكتب
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وش نزلك هنا؟؟ خلاص افهمها الموضوع انتهى ابي اروح انخمد.
:) :) :) :) :) :) :) :) :) :) :) :) :) :) :) :) :)
ترى الدعوه حبيه وبدون زعل يا شباب :)