انا اليوم فرحانه

[mouza]

وصلت مواضيعي 300 وفوق بعد
يلا اباكم تكتبولي التبريكات
بسرعه :)

[الفرزدق]

م

[الفرزدق]

مبروك

[mouza]

اهاهاهاهاهاهاه يا فرزدق

[الفرزدق]

موزة أعصابك ،،،
وصلتي 300 كيف لو وصلتي 300000،،، وش اللي بيصير؟؟؟
:):):)


متى الحفلة؟؟؟

[mouza]

يوم بوصل هاك الرقم بقولك شو بسوي هاك الوقت

والله الحفله يا فرزدق كالعاده حصيرة عند باب برج العرب :)
باجر على الفطور

[BRABUS]

وألف مبروك

[الفرزدق]

الصباح ولا المغرب،،،

[ShaMsHoOoNaH]

ويييييييييييو طاع ها تنقز من الفرح نزين يا بوتش مبارك عليج .. :)

[mouza]

الله يبارك فيك يا برابوس



الفرزدق المغرب ان شاء الله


وشكرا مادري اسمج صعب

[متعب .ع.ع]

هلا فيك واشكرك على الموقع المميز
وانشاء الله تدوم افراحك يوم ورى يوم ،،،،
بس نبغا حفل يليق بك وفرحتك ...

[بردان]

هلا و الله استاذم موزه مبروك
بس ما اعتقد انج توصلين الي رقم اعلي من هذا لانج بتنتحرين قبله و السبب وجودي هنه اكيد بكسر مياديفج ...
اقول لاتنسين تردين الحصير يوم بتخلصون الفطور ومره ثانيه اعزمينا عشان نكون اول المهنئيه بس ما عليه عادي اذا فوتنا الفطور بنتوثق من الزكاة مالج لوول

[aziz2000]

وعقبال الأصفار الثلاثة .:):)
ويالله بسرعة جالسين ننتظر الإحتفال التاريخي ..:):)
تحياتي ..:)

[الفرزدق]

بهذه المناسبة الكبيرة والغالية علينا ،،،
يمكنكم إرسال الهدايا على صندوقي البريدي ،،،
ويمكنكم التفاوض معي حول تلك الهدايا من خلف الكواليس ( على بريدي)،،،
وأنا بعدما تأتيني الهدايا أحولها إلى الصندوق البريدي لموزة:):):)

[نجمة المساء]

عقبال ال 3000

الف الف مبرووووك

[عيون دبى]

مبرووووووووووووووووووووووووووووووووووووووووك :):):)
ألف ألف مبرووووك يا موزة :):):):)تستاهلين والله ...وان شاءالله تدوم الفرحة ...آمييييييييين
وان شاءالله تزيدين للرقم اللي وصلتيه 6 أصفارمن اليمين مو من اليسار ...انشاءالله



عيــــــ متى بوصل إلى هالرقم ؟؟؟متى بس متى ـــــــــــــــــون دبي

[سلطان نجد]

الف الف الف الف الف الف الف الف الف الف وكرريها لين تتعبين انا تعبت :) :) :) مبرووووووووووووووووووووووووووووووووووووك
وعقبال 3000000000000000000000000009
لاحظي التسعه لها حكمه ترا :) :) :)

[ساهر1]

وانشاء الله دوم :)
( الف مبروك )اس 1000
:)

[mouza]

والله اشكركم كلكم على التهنئه ومشاركتي الفرحه بس ليش ما يتو العزيمه ها
خليتوني يالسه على الحصيرة روحي اتريا واخر شيء عزمت روحي وكلت الفطور عنكم


وبعدين بردان تلحف منو قال انك مي معزوز :) واخبرك محد يكسر انا مياديفي ويا راسك

وكيل اعملي استاذ فرزدق اهاههااهاه كم هديه وصلت لين الحين
؟

وبعد منو ساهر 1 الف شكر
سلطان نجد اشكرك وايد
وعيون دبي وفديت دبي واهلها اشكرج اختي الغالية واختي نجمه ومتعب اشكركم يا اخواني
حبيت اقول بالاسماء عشان محد يزعل مني :)

[alnahlan]

بهذه المناسبة يسرني أن أدعوكم للحفلة التي سنقيمها بهذه المناسبة في مطعم ماكدونالز في المقر الرئيس في امريكا................................................................. العزيمة.فطور




مع التحية التذاكر على حساب ميين ؟..؟.؟.؟.؟.؟.؟.؟.؟.؟.؟.؟.؟.

[mouza]

طبعا العزيمه على حساب فرزدق :)

بس نحن مقاطعين البضائع الامريكيه ممكن تختار مكان ثاني ؟

[يتيم الحب]

إنشاء الله ألف مبرك يا أختنا العزيزه ((موزه)) وعقبال ال 1000000 المليون موضوع ، بس أهم شيئ تذكري دائما أنكي بدأت صغيره وقد أصبحت ولله الحمد كيره (( ليس كثيرا)) . ولا تنسيني من الدعاء و النصائح لأني مستجد كما ترين .
***أخوكي : يتيم الحب

[الجمل]

وعقبال الالفيه

[بردان]

انا طبعا ما عزمت نفسي لسبب واحد فقط وهو استناداً للمثل الشعبي : الي ايي بلايا داعي يرقد بليا لحاف وانا ما احب اللحاف لول

[mouza]

انا عزمت الكل اول شيء
بعدين ويا راسك
المثل يقول (اللي يسير بليا عزيمه يبات بليا فراش )

بس انا كنت جايبه لك لحاف مال النمر ها البرنوص مال اول

[بردان]

ما عليه انا مب متلحف لانه عندي حرارة ايمان بس انا كنت بردان من البنكه اليلاسيه يالجديمه
ومعلوم انه البرد ما ينخر عظامج لانج لابسه كندوره غليظه مال هذا الخام بو تيله و مخورتنها بتلي زاد مشرده البرد

[mouza]

كيف عرفت اني جي لابسه
والله شو اسوي بردانه وايد اليوم انا لو سافرت بلاد اجنبيه عزاتني تيمدت هناك :)

وبعدين هاي البنكه تشرد البرد مب اتيبه انت مال اول

[بردان]

انتي سلمج الله لو تيبيلي شادر مسواي من خلقه بو تيله ولا من يونية عيش وتقوليلي تلحف بها عز الله اني ماخالفج الراي و بتلحف

[بردان]

لا ماعليج اني تيمدين بلاد خاليه مافيها حد و ماتيمدين انزين اخبرج الصخام و الكوار الي عندج وينهم ليش ماتوريلج ضو شويه حق الدفاء و تسويلج زنجبيل ولا لازم يعني الزنجبيل يكون مدغدغ من ايد حسينوه الخباز ولا ما ينشرب :)

[mouza]

انا الحين مدفيه عدل ويالسه اشرب الزنجبيل والله اتدفيت صراحه كنت بردانه وايد
تفضل اقرب

[بردان]

زين يوم دفيتي
بس طال عمرج انا ماحب الزنجبيل الا اذا بتسوين لي حبه حمرا ولا حلبة بقرب

[mouza]

انزين يا بردان تلحف بسوي لك اقرب
لا يرد الكريم الا اللئيم
عفوا
اههااهاهاهاها

[بردان]

عاد تتحريني خبله بقرب ليش انشالله
عشان تغرني الحلبه ولا حبة الحمرا مال العامات الاوي النخرانه الي مصيحه الديدان فيها ويلات
لوووول لا بس اذا بتسقيني تركش زين من طيبج

[مدردش متقاعد]

عيني عليكم باردة.. ما شاء الله عليكم..
سويتها شات
ههههههه

تحياتي:)

[mouza]

احسن بعطي حق مدردش متفاعد
اقرب مدردش بعطيك زنجبيل اشرب وادفا

[بردان]

لا ياخوي مدردش مب شات بس المشكله انتي ما كنت اقري في مجاة ماجد عن موزة الحبوبه و صديقها بردان ابووووبز اقصد رشود و الحين كبرت و اعيش طفوله متاخره و رجعت لي طفولتي الضائعه علي يد الاخت الاتاذه موزه يزاها اللف الف خير

***** واذا في شات احنا بعد حاظرين :)

[مدردش متقاعد]

و بعد في اختراع اسمه ماسنجر..كان في فريتل بس انقرض :)
شو رايكم تجربونه

[mouza]

نحن نحي السوالف هني ما نحب ها الاختراعات الجديده

[بردان]

يا اخ مدردش الايسكيو و الماسنجر للشباب الليداد
اما انا و الاستاذه موزه مال اول و بعدنا ما نعرف هاي السوالفه حدنا النجره و الحنه والرنه جدام الناس :)

[mouza]

انا وبردان تلحف جي لول
نحب السوالف جي جدام العرب :)
اخبرك بردان تلحف ما خبرتني عندكم جامي

[بردان]

ايه انتي سيري ارقدي الحين و باجر انشالله بيبج جامي
سلمج الله اليوم يابو للوالده الله يطول في عمرها لبن من بقرتها و باجر بوصيها تحط السقاء و ادور تخظ البن و اتفوره واتسويلج جامي من العين بس الحين وقت سحور و صلاة ورقاد باجر انشالله بالحياة .

[همسه حائره]

لكن ميخالف الف مبروك اختي mouza تستاهلين يزودونك صفر وتصير 3000 موضوع ورد :)


هـمســــــــــ في الاصدقاء ــــــــــــــه

[سنبل]

مبروك لشعب الأمارات رجوع زايد الخــــــير
والف سلامه ........ وعقبال مئـ 100ـــــــة عام