فصول ومناجل .. لبــدر بن عبدالمحسن ..

[هيفاء]

وللكلام فصول ومناجل .. قمح وحمام زجل ..
وقصة وله ونحول .. وباقول وباقول ..
مشقق الأسمال .. مغبر ..
اجيك .. مترنح ومصفر ..
بأمراضي أجيك .. يالمورق الزاهي ..
ماعاد بي أخضر .. وتتذكر أشباهي ..
تقول : أنت فلان .. ؟ ..
وأهز .. راسي .. وأجمع حواسي كلها .. وأضحك ..
في بالي اني أضحك .. مادري عن اشفاهي ..

وللكلام أسفار .. جنحان وزعانف ..
وللكلام أعمار .. مثل الزهر .. وذبول ..

في آخر الشاهي .. ورق ..
وتصب لي .. نفسي ..
مثل الذي في بريقك المعدن ..
من الماء... والورق ..
أتنفس الفوح ..
واستمهل البوح .. عن حالتي ..
أسكت .. لآخر قطره في بيالتي ..
وبقول لا نز العرق .. من جبهتي بقول ..
لا .. لانت أطرافي ..
من الرحيق الدافي .. يمدي ..
الكلام .. يطول ..
وبقول ..

أحاكيك ..
عن كل المدى والبيد ..
او.. مافي الشبابيك .. من المدى والبيد ..
عن شوكة في الأرض .. خلقت لأبهامي ..
أو أرض تحت الشوك .. مرتها أيامي ..
لو أدري وش يكفيك .. كلي على شفاهي ..
شوك وعطش .. ووحول..
وللكلام خمول .. وقوافل ..
وارث الزمان الغافل .. وباب على المجهول ..
بس قلي وش يرضيك ؟؟
وأنا أقول ..
وأنا أقول ..



بدر بن عبدالمحسن

[نعناعة]

كلمات جميلة .... الحلو إنه يرسم لوحة بالكلمات لا بالرريشة ولا الألوان ..

[هيفاء]

بسم الله الرحمن الرحيم


اختى .. النعناعه ..


حيالله معجبة البدر .. الله حييها..


شكرا لك .. انك رديت علي ..

وخصوصا بعيارة جميله كهذه ..


شاكره ومقدره ..

[كريم سبلا]

مشكوره هيفا على ها القصيده الجميله لشاعرنا الكبير
البدر لي طلب صغير عندك اتمني ما ترديني خايب
هناك قصيده للبدر يقول فيها
لاجيت انا بسامحك تبكي الجروح ما ودها
مشتاق ودي اصافحك عييت يدي لامدها
اتمني اذا كانت القصيده عندك وحافضتها انك تكتبينها لنا
لاني ما حفضت منها الا البيتين ذي
وتقبلي تحياتي

[الالم المهاجر]

انني من اشد المعجبين بسمو الامير/ الشاعر بدر بن عبد المحسن 0
وبشعره الرومانسي0 الحزين والذي يبحر بمن يقراءه الى عالم من الجنون المحبوب لدى الانسان 00وانني احب كل من يحب هذا الشاعر 00
ذكرتك كانت ضلوعي خشب اثل وحشاي دروب
وقلبي غرفة من طين تهاوى سقفها الدافي
ومن شح الدمع غنيت لك مرثيت الدغلوب
وطفل للمطر يجري على الصخر الخشن حافي
**************************************
هذه من روائع البدر00والت ي احبها كثيراااااااااااا(((())))0

[هيفاء]

بسم الله الرحمن الرحيم


عزيزي .. كريم سبلا ..

بس .. انت تامر امر علي ..

لك طلبات مو بس طلب واحد او بالأصح اوامر ..

انشالله القصيده بنزلها لك هنا ..

واذا ممكن ارسلها لك على ايميلك كملف ..

مع موسيقى وصوره بدر..لاني ماعرف انزل ملف هنا اعذرني ..

[هيفاء]

بسم الله الرحمن الرحيم



حيالله معجب البدر .. الله حييه الغالي معجب الغالي ..

انا اللي احب وافتخر بمعجبن البدر ..

اسعدني اطراءك بالبدر..اللي طبعا يستحق منامالانستطيعه..



شاكره ومقدره لك ..

[كريم سبلا]

اشكرك عزيزتي هيفاء وما يامر عليك عدو يالغاليه ومتلهف لقرائة
القصيده اتمني ان تعجلي بارسالها
لك فائق تحياتي وشكرا

[هيفاء]

عزيزي كريم ..

ارسلتها بس رجعت لي ماعرف ليش !!؟؟

يمكن بريدك ممتلئ او شيء ؟؟

خبرني لو سمحت .. ولك مني اللي تبي

مو بس قصيده وحده ..

وكله لعيون آبوخالد .. :)

[كريم سبلا]

اييييييييه داري انك مرسلها بدون نفس
لكن مو مشكله اعد المحاوله
ترى من قبل يومين وانا كل شوى فاك الايميل انتظر قصيدتك
لكن ما حصلت شي
اول ما تقري ردي دايركت ارسلي ياهيفاء

اوكي
ومشكوره

[هيفاء]

ليش كذا تقول يااخوي :(

انا ليش مشتركه بالمنتديات الا عشان كذا

وليش حاطه ايميلي الا عشان تامرون باللي تبون

لا والله مو هذا تفكيري ابدا .. الله يهيدك بس :(

على كل حال انتظرهاالليله انشالله تصيب هالمره