الخبر للجميع .... قهوة وغداء العيد الأول عندي ... خلاص ..

[النابغة الطائي]

شب النار يا ولد من هاالحين .. وقم بارك الله فيك وعلم الشعب أن يوم العيد القهوة والفطور والغداء عندي يوم العيد الأول ..
والحاضر يعلم الغايب ..


وقلهم يقولكم النابغة تقبل الله منا ومنكم صالح الأعمال ..
وكل عام وأنتم بخير .. ومن العايدين ..

[سردال]

النابغة! إذا جينا أنا ومدردش للمملكة، راح تضيفونا؟! :) عن جد أسألك....! شوف العزايم على الإنترنت بلاش! :) لكن الضيافة الحقيقة تعب والله.

لازم تعد مكان ينامون فيه، وحمام (أعزك الله) نظيف ومجهز بالضروري، وعشاء وفطور وغداء يمكن، ويمكن يجلس ثلاث أيام على عادة العرب، بعدين تسأله شو أخبارك! يقول لك: والله حبيت أسلم عليك وبس! :)

على العموم جزاك الله خير ;)

[النابغة الطائي]

الكلام عن جد وجدة ..أنت أجزم .. وما عليك بالباقي ..
الطائي يحط باللي تبي .. وشدعوى ...

يا أخي لو ماتقول شيء ..بس تنقصنا شوفتكم ..

السكن لا تأخذهمه أنت تعال بس ..

[سردال]

ما أشك في هذا لحظة! :) أنتم أهل الكرم والجود...! :)

وصدقني إن كان في العمر بقية، وفي أقرب زيارة لي للمملكة، راح أخبرك وأخبر الأخوة الباقين! عادة ما نزور الحرمين بس :) بنشوف من هو في المدينة.

صراحة أحلى مكان رحت له المدينة، أحسست فعلاً بالراحة ولا حبيت أطلع منها :)

[مدردش متقاعد]

بس الخوف خوفي.. تتشاردون إنت و الفرزدق و جرير.. و ما ألاقي غير عزيز:)

بس إن شاء الله إذا الله أحياني.. أجي أنا و سردال نحضر عرسك

من الحين أقولك تراني:)

و إنت يا سردال.. اي رحلة عمرة مع النادي.. سجل اسمي.. غصب أنا جاي:)


تحياتي

[سردال]

النادي!! :) :) النادي خلاص ما في رحلات خارجية! :) الميزانية ما تكفي للرحلات الداخلية فكيف بالخارجية؟! خلنا نطب على اخوانا في المملكة! ونشوف كيف الإرباك...!!

الشيخ عبدالله (سردال) حياك الله... من ها الصوب... تفضل تفضل... أقلط... :) سامحنا طال عمرك... مقصرين معاك!

عبدالله وبكل تكبر: صحيح مقصرين!! بس آخر مرة... سامع!! :)


لا لا لا أمزح بس... والله أنا متواضع والحمدلله، حتى إني أجلس مع الهنود على الأرض وآكل معاهم :)

[مدردش متقاعد]

المثل يقول..

مداح نفسه.. يباله......



































بوسة على الخشم:)


تحياتي لك يا ابو السراديل.. و الله اشهد إنك متواضع و حبيب:)

[جرير]

انتم بس تعالوا

والله نحطكم في عيوننا

ليش مستكثرينها علينا


طيب منتم رايحين لمكه في هالشهر .. خلونا نقابلكم إذا بتروحون ثم نجيبكم للرياض .

[سردال]

يا جرير!! والله ماشي فرصة نروح مكة! ولا ودي أروح، صار لي أكثر من خمس سنوات ما رحت للعمرة! بس بإذن الله إذا حصلنا فرصة راح نخبركم قبل ما نروح :)

[مدردش متقاعد]

و صراحة أصلا يوم جيتها ماشفت فيها شي.. اللهم مرينا بالسيارة و بتنا ليلة في فندق البطحاء و كملنا طريقنا لمكة!!

بتحوطوني في الرياض ولا لا؟ أريد أطلع البرج الكبير مالكم:)

[جرير]

هههههههههه :)

ما شفت شي يا مدردش ؟
أكيد ما شفت شي دام انك في البطحا وش تشوف ؟ :)
ما فيه إلا الهنود هناك :) :)


وبعدين وين تبي تطلع على البرج ،
أخــاف تطيح ونبتلش فيك :):):)


أقول انت بس تعال ومالك إلا اللي يطيب خاطرك :)

[الفرزدق]

هههههههههههههههه
مدردش في البطحاء:):):):)


هلا فيكما أخ سردال ومدردش:):) تعالوا الرياض وبس:)
نحن أيضاً سنذهب إلى مكة،،،

[النابغة الطائي]

سردال ومدردش ...
يالله تحييهم ..

أنتم أجزموا وتعالوا ..بيوتنا مفتوحة .. وأن بغيتم فنادق ..فالفنادق واجد ..
والتمشيات تعجبكم إن شاء الله ..
وتذكروا أن لكم أجراً أن زرتمونا إذا أخلصتم النية ونيتنا ونيتكم المحبة والأخوة ..


الفرزدق و جرير ..كفوا والله .. ما قصرتم أنتم قدها وقدود ..


عزوز 9200 تراك معزوم معاهم نبي نجتع في الرياض وننطلق عمرة إلى مكة هاه وش قلتم ..



أمنية أتمنى أن تتحق في هذا الرمضان ..

[النابغة الطائي]

العيد قرب ... لاتنسون الموعد ...
بكيفكم أنا علمتكم ...

[uae girl]

واحنا مو معزومين:(:(:(

[منصور]

أتمنى بس أكون معزوم ... ترى عندي إجازة من الدورة في العيد .. يعني جهز قهوتك وإقنادك .. تراني جاي ..

التلميذ الفاشل ...

[النابغة الطائي]

uae girl

ومنصور
هلا فيكم ..والموعد لاتنسونه