View Full Version : رد على قصيدة موت قهر
sozan66
15-05-2001, 01:47 PM
هاالحين انا الي سرت غلطانة
هاالحين انا ياناس اللي بديت
بعد ماخذت الي جيت عشانة
جاي (يابياع)وتقولي مليت
صدقت.. انا بالحيل ندمانة
اني بحبك ياما تماديت
ضحيت بقلبي وعمري وزمانه
وانت يالخوان بيش ضحيت
كانت لك بقلبي اغلى مكانة
لكنك يابياع انت الي نسيت
وهبتلك روحي وقلبي وحنانة
وهذا اللي انا منك جنيت
يعسوب
15-05-2001, 10:03 PM
جميلة هالابيات
والله وشاطرة في الرد سوزان خانم
تحياتي
gali1212
15-05-2001, 10:10 PM
بيااااااااااااع
انت فين الحق الي يصير
بياع القلوب
15-05-2001, 11:45 PM
هلا يعسوب
هو رد بعقل ؟
ياخي انا قريته الظهر الى احين مندهش :(
مو مشكله
انشوف
:)
بياع القلوب
15-05-2001, 11:47 PM
هلا بالغالي
لا تخاف معاك
بس خلني اشوف وش السالفه ...
جياك احوي وتسلم :)
بياع القلوب
15-05-2001, 11:50 PM
ماما توته
شفتي كيف؟
الحقي شعنونك الدلوع مسكين :(
بس حلوه
قم بس قم :):)
بياع القلوب
16-05-2001, 12:03 AM
هلا سوزان
وشكرا لردك الي خلاني امشي وأكلم نفسي
عموما مدري مين انتي
ولا مين تكوني ولا من وين طلعتي لي
ولا اعرف سبب ردك القوي هذا
لكن احس بشيء وهذا الشيء لازم اعرفه
لكن اشكرك عليه لأنك فعلا تعبتي ورديتي
وهذا يدل على تفاعلك مع الموضوع حقي :)
عموما
مـات حبـك والبقيـة فـي حـياتـك
فـي حنـايـا خـافقـي لاقـى مصيـره
خـذ مـع الجثـمان باقـي ذكـرياتـك
تجـربـة حبـي معـك كانـت مـريـرة
يا عـدو الحـب ركـب الحـب فـاتـك
لا تجـيب ان طعنتـني للحـب سـيــرة
ما يعـرف الحـب من سـوى سواتـك
يجهـل الاخـلاص مـن ضيـّع ضميـره
حبـك اللـي تدعّـي هـو حـب ذاتـك
ومـن يحـب الـذات ما يخلـص لغيـره
غـرنّي يا صـاحبـي ظاهـر صفـاتـك
غلطتـي للأســف كـانـت كـبيــرة
sozan66
16-05-2001, 11:38 AM
في البداية
-- شكراً اخوي يعسوب
وترى حنا مانجي شي عندكم
-- توتة الحلوة
وش القصد انا ما ادري لكن يكفي انك رديتي علي
-- gali1212
واضح ان بياع يهمك امرة .. وشكراً على انك رديت
-- بياع القلوب
في البداية انا الي اشكرك على ردك
وبعدين لا تضن انه في شي بيني وبينك كل ما في الامر اني احب
الشعر واحب القصائد الحلوة واحب ارد عليها بس انشاء الله
ما يكون ردي زعلك او ضايقك.
المهم وش رايك بلي كتبته بصراحة!!!!!!!!!!!!!!!!!!!!
لا تضن ان كلامك علي يفوت
ولا تضن اني مضيع ضميري
ولا تحسب الحب في قلبي يموت
بيبقى يدفي بقايا حنيني
حتى لو ما بقى فيني صوت
بصرخ وناديك انت ضنيني
ابرحل عن دنيتك بسكوت
بس لا تقول انك تخونيني
الدكتور ريان
16-05-2001, 04:11 PM
سوزان سياف :
طلعتي شاعرة رد بس كلماتك (دسمة شوي )حاولي تخليها خفيفة الدسم .
بياع (موتي قهر هاه)الحين سوزان خلتك (موتي سهر )وكمان تجيبو قصائد وتتحدو ..والله اانتم رايقين جدا جدا ..اهنيكم الاثنين الرائعين سوزان وبياع ..والي يفوز بنعطيه ربابة .
بياع القلوب
16-05-2001, 06:36 PM
هلا سوزان
حياك الله :)
وماشاء الله قصائدك قويه مرررررره :(
بس حلوه :)
والله انا اول شكيت بعمري قلت وش صاير ؟ مين هذا الي تركتها ؟ :):)
بس ماشاء الله اسلوب حلو :)
وقصيده رائعه يعطيك العافيه :)
تحياتي واستمري الله يسلمك :)
وهذي هديه :
هـــلي الجدايل ظــلليني عـــن الشمس
داري جــبيني عــن لهيب الســـمومي
لا تســـــــاليني عن عذاب مضى امس
انـا نصيتك هـــارب مــن هـــــــمومي
ما تـلمسين الجرح في مهجـــتي لمس
جــــرح الهوى ما يــخفينه هــــدومي
يظهر على صمتي ويــنزف مع الهمس
وبالدمعة بفضح بقـــايـــــــــا عـلومي
لو ما كفاك اني وهبتـــــك هوى النفس
وســـــهر الليالي يوم انا انكرت نومي
خلي الرجى يفــني شـــــبابه مع الياس
لمي الجدايل عن لضى الشمس قومي
بدر بن عبدالمحسن
بياع القلوب
16-05-2001, 06:39 PM
هلا ريان
شخبارك
حلو هذي ( سوزان سياف )
فعلا قطعتي بقصيدته الاوليه
بس هذا دليل على قوة تعابيرها :)
وتسلم على تشجيعك :)
تحياتي
sozan66
16-05-2001, 08:18 PM
دكتور ريان
الف شكر على هذا الاطراء
وانشاالله بنحاول نخفف الدسم مع اني انا عارفة اني ماراح اقدر بس راح احاول لاني بصراحة اكتب وانا متحمسة شوي..
وانشاالله بفوز بالربابة
sozan66
16-05-2001, 08:25 PM
انشاالله الحين ارتحت
بس ارجوك لا تجاملني لاني ترى اصدق..
وشكراً على الهدية
ولا تخاف بيجيك الرد بس ها المرة رد حلو يا ....
بياع القلوب
16-05-2001, 10:26 PM
هلا سوزان
بالعكس كلامي مو مجامله
لكن فعلا قصيدتك حلوه
وتساهلي الهديه
:) وبانتظار الرد :)
تحياتي
sozan66
18-05-2001, 03:50 PM
يـكفي يادموع العين هديتي الحيل
تجرحين خدودها وتذبحيني
مـاهو غريب دمعها في تالي الليل
الغريبة دمعها قدام عيني
واذا بداء دمعك أشوف التهاويل
واسمع صدى صوتك بقلبي حزيني
انا الشموخ اللي يصبر على الويل
وانتي زرعتي فرحة الوقت فيني
سفينتي تاهت بموج الغرابيل
وانتي شراع الليل وانتي المعيني
ظروفنا قالت نشوف التهاويل
نصـبر على الفرقا وضيم السنـيني...
بياع القلوب
18-05-2001, 10:26 PM
هلا سوزان
كتابه رائعه
بعطي ألف عافيه :)
زين الزين
18-05-2001, 11:12 PM
موتي قهر هذي قصيده مشهوره
وماهي لك يااخ بياع
ومن باب الامانه الادبيه والاخلاق ان لا تدعي انها لك
المعذره مره اخرى
بياع القلوب
18-05-2001, 11:16 PM
ياخي ماقلنا شيء
ما قلت انا كاتبها
وعارفين انها مشهوره
وكلنا عارفين
يعني ما جبت شيء من عندك
وشكرا للاهتمام
sozan66
19-05-2001, 09:28 AM
الف شكر لسوالف واعضاء سوالف المميزين
الف شكر بياع وانشاالله ما تكون زعلت او اخذت بخاطرك
وما تصدق كيف سعادتي لما اسمع واحد يمدح كتاباتي
القصيدة الأخيرة للشاعر المعروف الهاجري
بس القصيدة الأخيرة والباقي لي!!!!!
بياع القلوب
20-05-2001, 02:10 AM
هلا سوزان
شكرا للتوضيح
وبانتظار مشاركاتك :)
او اختياراتك ايضا :)
تحياتي