مدردش متقاعد
25-05-2001, 05:31 AM
لمن فاته قراءة الجزء السابق
درشــــات بحـــــــ( 9)ـــــــرية <<الشبح الغامض>>! (http://www.swalif.net/sforum/showthread.php?threadid=90509)
أنا أكره ما عندي إنه حد يزعجني و أنا نايم.. و خصوصا إذا كنت تعبان و باذل مجهود..حتى إخواني في البيت يا ويله إذا حد منهم قرب صوبي و أنا نايم.. و إذا بغوا يصحوني.. تلاقي كل واحد يتعازم ويا الثاني كم الخوف:)… بس مثل ما يقولون الي ما يعرفك ما يثمنك (أدري ما يركب المثل:)) فكنت في أمان الله راقد ..إلا و أشوف واحد يسحب البطانية؟
أعوذ بالله من الشيطان الرجيم… منو هذا الي ما يستحي على وجهه؟:(
أبطل عيوني و للا أشوف راس كبير...شكبره ماشاء الله تقول حبة شمام!!:p
أعوذ بالله من الشيطان الرجيم مرة ثانية… أعوذ بكلمات الله التامات من شر ما خلق و قعدت أدعو.. و أقرا آية الكرسي
!!
آآآوه.. جني لابس نظاره و مسوي لحية قفل (سكسوكة)؟؟! … يا ويلييييييي… غمضت عيوني مرة ثانية و انخشيت تحت الفراش..
قلت لنفسي: يمكن الجني مضيع.. و دخل غرفتي بالغلط.. أكيد الحين بيروح..!!
بس مو معقولة… جني .. و يجي في النهار عز الظهر؟…….. لا لا…أكيد كابوس… أنا يوم أكون تعبان تجيني كوابيس…:(
فجأة أسمع صوت واحد يقولي : Are you the Engineer cadet??!..
لا لا.. في الأمر إن .. مو معقول جني يتكلم.. و يسأل؟!
..تجرأت و بطلت عيوني مرة ثانية…. إلا أشوف واحد ماشاء الله تبارك الله… ما أدري كيف دخل من الباب… واحد متيييييييييينن… يمكن قدي أربع مرات…و قاعد يكلمني… .. يعني إنسي.. مو جني!
الحمدلل الحمدلله.. إنسي متين.. و لا جني ضيعف.!...
فنطيت من فراشي..و جاوبته و أنا خايف و مرتبك: أيوه نعم أنا هو يعينه.. و شحمه .. و لحمه!
رد و سأل: what is you name?
قلت له اسمي اسامة… و قعدت ساعة أحاول أعلمه كيفية نطق اسمي (Osama) ثلاث حركات… أووو… ساااا.. ماااا.. ما دريت إنه اسمي معقد لهالدرجة!:(
تصدقون حتى مدرسيني فيالكلية.. يغلطون في ينطق اسمي.. الي يسمين أسامي.. و غلي يسميني.. أسامو.. الله يستر بكرة شو يصير!!:(
فيوم شفت إنه تعقد.. قلت له ناديني : (SAM) .. اسمي مختصر .. و بهذا الاسم صرت مشهور في الأسطول كله هههه
الحين بديت أصحصح و عرفت إنه الموضوع جد...بس المشكلة ما كنت عارف من هذا الي قدامي .. أكيد مو جني.. و هذا الأهم.. بس من هو يا ترى؟
.. قلت يمكن هذا الكابتن.. يس الكابتن توني شايفه و عطيه أوراقي.. صح إنه متين.. بس مب نفس متن هذا الي جاني… مو معقول انتفخ في ساعتين.. و بعدين الكابتن ما كان لابس نظارة و لا عنده لحية… لا لا.. إذن مب الكابتن..بس أكيد واحد من الكبارية أو من الـ (Senior staff).. و للا ما كان تجرأ و دخل غرفتي… فقلت لنفسي أكيد هذا كبير المهندسين.. و خصوصا إنه شايب.. حوالي في الخمسينات.. فقلت له و أنا مرتبك و بعدني مو مستوعب الموقف: Hello Chief ..
على بالي كبير المهندسين..:(
المهم شوي و و أسمعه يقول بدون أي مقدمات: تعال وراي علشان أعطيك ملابس الشغل (Overall) و سدادات الأذن و الـ (Safety shoes)
……ما عطاني أي مجال… الظاهر إنه معصب إني نمت و طنشتهم و ما نزلت أسلم عليه و لا على باقي المهندسين في غرفة المحركات كعادة اي واحد جديد توه ملتحق (من اولها مسوي مشاكل:))
شو أسوي طيب.. و الله كنت تعبان و بطاريتي مفضية على الأخير.. لو نزلت تحت.. كان أغمي علي من التعب.. و بعدبن أنا ما كنت أعرف إنه دوامي يبدا من اليوم.. متعود على الأسبان و النرويجان الي في السفينة الأولى (الله يرحم ايام العز و يرحم ولد المدير:()… كانوا متساهلين معاي… و بالمقابل هذيلا الإنجليز.. ما عندهم لعب و ما يتفاهمون… يكرفون الواحد من أول ما تطب رجله السفينة إلا آخر لحظة!
المهم نزلت وراه.. و رحنا المخزن… عطاني العدة أو مثل ما نسميه (working gears) .. و قالي بنفس اللهجة الآمرة: عندك ربع ساعة.. روح بدل و تعال هنا.. و بنتظرك هنا علشان تننزل سوا!
"لا حول و لا قوة إلا بالله.. شو يريد هذا… خلاص ما بقى من الدوام شي ؟!… الحين الساعة 2 الظهر.. و باجي 3 ساعات بس.. لازم أداوم يعني؟ خليني أنام.. و الصباح رباح.. (طبعا قاعد اكلم نفسي.. ما عندي الشجاعة الكافية إني أقول هالكلام في له.. على هالمتن.. بوكس واحد منه… يرجعني الإمارات!!) "
قلت له و أنا راسمابتسامتي المعتادة على وجهي(الي سوت لي مشاكل بعدين): حاضر يا Chief .. .. لللللللخلف درررر …. و رحت على غرفتي…و بدلت.. ملابسي.. و لبست الـ (Overall) الأزرق السماوي الجديد.. و عليه شعار الشركة..(محارة داخلها لؤلؤوة) الظاهر شركة تبيع كافيار.. مو شركة ناقلات غاز محترمة!… و تفحصت الجوتي ( عني عادة إني قبل ما ألبس أي شي جديد.. أحلله.. اعرف صنع وين.. و كيف طريقة استخدامه.. و كيف تنظيفه.. و وو .. كل شي يعني) … و على فكرة رجلي صغيرة قياسي 42 بس .. يا عيني عليه… ( أقصد الجوتي طبعا) يلمع لمعان يعمي العيون!.. طبعا على نهاية الـ 4 شهور صار شكله مقرف.. كله زيت و شحم.. و بلاوي زرقاء… شكلي اصلا بكبره صار مقرف.. صرت فحمة محروقة:(
(آآخ من هالشغلة.. شو الي خلاني أختار هالشغلة… الجامعة شو فيها؟):(:(
أووبس … مب وقت عتاب هذا .. و لا وقت ندم.. يالله خلوني أنزل بسرعة.. قبل ما يعصب .. و يجيني مرة ثانية… مب ناقص يجيني مرة ثانية و يطيح قلبي الأرض:(
عموما نزلت حسب الاتفاق أشوف شو السالفة…و طبعا نزلت باللفت (المصعد) .. تعرفون الواحد توه قايم من النوم.. متكاسل ينزل بالدرج.. خصوصا إني تعبان أصلا (عذر واحد كسلان) .. و تلاقيت مع السيد (الشبح الغامض سابقا)عند المخزن.. و نزلنا سوا للـ (control room) .. و نحنا نازلين قعد يشرح لي النظام في السفينة.. قالي إنه الدوام كل يوم يبدا الساعة 8 و يخلص الساعة 5 و طالعني بنظرة تهديد (كانه يريد يقولي: إن تأخرت لا تلوم إلا نفسك)…..
وخبرني إنه في فترتين راحة (Coffe Brake) نص ساعة .. وحدة من 10 إلى 10:30 …. و الثانية في الفترة المسائية.. من 3 إلى 3:30 .. غير استراحة الغدا من 12 إلى 1 .. و يوم السبت نص دوام للكل.. من الساعة 8 إلين 12.. و احلى خبر قالي إياه.. إنه المتدربين أمثالي لهم عطلات!..
يعني مو كل يوم لازم أنزل أداوم.. يوم الثلاثا الصبح… و الخميس بعد الظهر.. و يوم الأحد كله… يا سلام!!:)
… و على طول أنا ما صدقت قمت سالته (سؤال واحد ملقوف): بكرة يعني إجازة؟:p (أول يوم لي كان يوم لي في السفينة يوم الإثنين)…. طالعتي بنظرة و قال لي: لاااااا… إنت توك جاي.. شو بتدرس هالأسبوع أريدك تخيس (تعفن) في غرفة المحركات!:(
على فكرة نسيت أخبركم.. إنه الكلية عطتني ملف كبير… مقسم عدة أقسام … نسميه (Portfolio) و باختصار هو عبارة مجموعة من الشغلات المتسلسلة.. و متطلبات لازم أسويها خلال فترة التدريب معظمها على السفينة.. و جزء بسيط منها أسويه في الكلية… و كل (Task) جنبه مربع.. لازم المهندس الي سويت معاه الشغلة يوقع داخله بعد ما يتأكد إني قادر إني أسويه لوحدي و بدون مساعدة.. و فاهم هالشغلة بالضبط.. و أثبت لهم هالشي بإني أكتب تقرير أو بحث صغير عن الشغلة الي سويتها… (مثال: عمل صيانة على مضخة كهربائية أو Pump .. أروح اشتغل مع المهندس المكلف بالصيانة و أغطي كل متطلبات المهمة.. بداية من المتطلبان الأمنية Safety precaution و الخطوات الصحيحة.. ..و بعدين و أقرى شوية كتب عن الموضوع.. و أكتب تقرير كامل عنه… و أقدمه للمهندس يراجعه .. و إذا كل شي تمام.. يوقع لي على التقرير نفسه و في المربع داخل الملف..
و أوقات الدراسة الي خبرتكم عنها.. علشان أكتب فيها التقارير و اجهز الشغلات قبل ما أعرضها على المهندس الثاني الي هو المسؤول المباشر عن تدريبي و الإشراف علي…و يا ما عانيت و واجهت مصاعب علشان يوقعون لي… و مع كل توقيع كان يطلعون فيه روحي و يلوني ذل.. و يا ما صارت مشاكل بيني و بينهم بسبب هالموضوع.. و بسبب العنصرية الي كان يتعامل فيها بعضهم معاي… بس لأني… عربي!:(:(
…نرجع للسيد الشبح الغامض (لين الحين مو عارف من هو بالضبط و لا إسمه) ... الي نزلت معاه لغرفة المحركات و أول ما دخلت قابلني.. واحد انجليزي طوييييل.. و ضعيف… (عكس الشبح الغامض).. سلمت عليه راسم ابتسامة عريضة (أسوي دعاية معجون أسنان).. و عرفته على نفسي إني أنا مهندس متدرب.. و عرفت منه إنه اسمه روبرت (Roberet) بس يدعلونه و يقولون له : (ROB) رووب و لا زبادي.. لا تسألوني أي نوع… مراعي و اللا جمجوم ههههههههه و الله رحمته.. و قالي إنه المهندس الرابع (Forth Engineer)
قعد ت شوي أكتشف المكان و الأجهزة العجيبة الموجودة.. (الظاهر عجبني البراد و المكيف الموجود.. بالإضافة إلى الهدوء:))
.. و بعدين رحت الـ (Workshop) .. شفت كم واحد من الفلبينن قاعدين يشتغلون .. ما أدري شو يسوون و يخربطون.. و لاقيت واحد انجليزي طولي تقريبا.. شكله صغير و خدومي.. فسلمت عليه راسم نفس الابتسامة على وجهي (هالمرة دعاية فرشاة أسنان) : و قبل ما يسألني عن اسمي قلت له نادني سام (فرحان باسمي).. و لا تعور راسي.. و عرفت إنه اسمه (Andrew) و اسم الدلع (Andy) ..
(احفظوا هالأسامي زين.. ترى هم أبطال المسلسل معاي طبعا):)
.. و خبرني إنه مهندس تحت التمرين… يعني توه ناجح و محصل الشهادة.. يعني تقريبا ثاني رحلة له..و يمكن يترقى الرحلة الجاية…
بعد شوي دخل واحد معرق و حالته حالة..شكله كان يصلح شي (مستعصي) في غرفة المحركات و أول ما دخل ولع له سيجارة!
…. و تكرر نفس السناريو.. سلمت عليه و عرفت له عن نفسي.. بس ماأدري ليش ما ارتحت له..يمكن لأنه ردة فعله باردة معاي (معظم الانجليز كذا).. و للا يمكن لأنه متين شوي (بس مو نفس الشبح الغامض) .. و لابس نظارة ماشاءالله.. تذكريني بأفلام السبعينات..مغطية نص وجهه.. و لايقة على تسريحة شعره المفلفل:)
…و سبحان الله.. على شكله .. طلع إنه هو المهندس الثالث (Third Engineer) و اسمه كان… اسمه كان.. اللهم صلي و سلم عليه.. شو اسمه يا ترى.. ذكروني؟!!
مو (شارلز)… و لا (مايكل)… همممممم يمكن (جون)؟ لا لا لا… نسيت …تعبت و أنا أحاول أتذكر.. صار لي نص ساعة و أنا أفكر.. فالظاهر بوقف هني… حاولوا إنتوا معاي على ما أتذكر اسمه.. و بخبركم إن شاء الله في الجزء القادم:)
تحياتي لكم
درشــــات بحـــــــ( 9)ـــــــرية <<الشبح الغامض>>! (http://www.swalif.net/sforum/showthread.php?threadid=90509)
أنا أكره ما عندي إنه حد يزعجني و أنا نايم.. و خصوصا إذا كنت تعبان و باذل مجهود..حتى إخواني في البيت يا ويله إذا حد منهم قرب صوبي و أنا نايم.. و إذا بغوا يصحوني.. تلاقي كل واحد يتعازم ويا الثاني كم الخوف:)… بس مثل ما يقولون الي ما يعرفك ما يثمنك (أدري ما يركب المثل:)) فكنت في أمان الله راقد ..إلا و أشوف واحد يسحب البطانية؟
أعوذ بالله من الشيطان الرجيم… منو هذا الي ما يستحي على وجهه؟:(
أبطل عيوني و للا أشوف راس كبير...شكبره ماشاء الله تقول حبة شمام!!:p
أعوذ بالله من الشيطان الرجيم مرة ثانية… أعوذ بكلمات الله التامات من شر ما خلق و قعدت أدعو.. و أقرا آية الكرسي
!!
آآآوه.. جني لابس نظاره و مسوي لحية قفل (سكسوكة)؟؟! … يا ويلييييييي… غمضت عيوني مرة ثانية و انخشيت تحت الفراش..
قلت لنفسي: يمكن الجني مضيع.. و دخل غرفتي بالغلط.. أكيد الحين بيروح..!!
بس مو معقولة… جني .. و يجي في النهار عز الظهر؟…….. لا لا…أكيد كابوس… أنا يوم أكون تعبان تجيني كوابيس…:(
فجأة أسمع صوت واحد يقولي : Are you the Engineer cadet??!..
لا لا.. في الأمر إن .. مو معقول جني يتكلم.. و يسأل؟!
..تجرأت و بطلت عيوني مرة ثانية…. إلا أشوف واحد ماشاء الله تبارك الله… ما أدري كيف دخل من الباب… واحد متيييييييييينن… يمكن قدي أربع مرات…و قاعد يكلمني… .. يعني إنسي.. مو جني!
الحمدلل الحمدلله.. إنسي متين.. و لا جني ضيعف.!...
فنطيت من فراشي..و جاوبته و أنا خايف و مرتبك: أيوه نعم أنا هو يعينه.. و شحمه .. و لحمه!
رد و سأل: what is you name?
قلت له اسمي اسامة… و قعدت ساعة أحاول أعلمه كيفية نطق اسمي (Osama) ثلاث حركات… أووو… ساااا.. ماااا.. ما دريت إنه اسمي معقد لهالدرجة!:(
تصدقون حتى مدرسيني فيالكلية.. يغلطون في ينطق اسمي.. الي يسمين أسامي.. و غلي يسميني.. أسامو.. الله يستر بكرة شو يصير!!:(
فيوم شفت إنه تعقد.. قلت له ناديني : (SAM) .. اسمي مختصر .. و بهذا الاسم صرت مشهور في الأسطول كله هههه
الحين بديت أصحصح و عرفت إنه الموضوع جد...بس المشكلة ما كنت عارف من هذا الي قدامي .. أكيد مو جني.. و هذا الأهم.. بس من هو يا ترى؟
.. قلت يمكن هذا الكابتن.. يس الكابتن توني شايفه و عطيه أوراقي.. صح إنه متين.. بس مب نفس متن هذا الي جاني… مو معقول انتفخ في ساعتين.. و بعدين الكابتن ما كان لابس نظارة و لا عنده لحية… لا لا.. إذن مب الكابتن..بس أكيد واحد من الكبارية أو من الـ (Senior staff).. و للا ما كان تجرأ و دخل غرفتي… فقلت لنفسي أكيد هذا كبير المهندسين.. و خصوصا إنه شايب.. حوالي في الخمسينات.. فقلت له و أنا مرتبك و بعدني مو مستوعب الموقف: Hello Chief ..
على بالي كبير المهندسين..:(
المهم شوي و و أسمعه يقول بدون أي مقدمات: تعال وراي علشان أعطيك ملابس الشغل (Overall) و سدادات الأذن و الـ (Safety shoes)
……ما عطاني أي مجال… الظاهر إنه معصب إني نمت و طنشتهم و ما نزلت أسلم عليه و لا على باقي المهندسين في غرفة المحركات كعادة اي واحد جديد توه ملتحق (من اولها مسوي مشاكل:))
شو أسوي طيب.. و الله كنت تعبان و بطاريتي مفضية على الأخير.. لو نزلت تحت.. كان أغمي علي من التعب.. و بعدبن أنا ما كنت أعرف إنه دوامي يبدا من اليوم.. متعود على الأسبان و النرويجان الي في السفينة الأولى (الله يرحم ايام العز و يرحم ولد المدير:()… كانوا متساهلين معاي… و بالمقابل هذيلا الإنجليز.. ما عندهم لعب و ما يتفاهمون… يكرفون الواحد من أول ما تطب رجله السفينة إلا آخر لحظة!
المهم نزلت وراه.. و رحنا المخزن… عطاني العدة أو مثل ما نسميه (working gears) .. و قالي بنفس اللهجة الآمرة: عندك ربع ساعة.. روح بدل و تعال هنا.. و بنتظرك هنا علشان تننزل سوا!
"لا حول و لا قوة إلا بالله.. شو يريد هذا… خلاص ما بقى من الدوام شي ؟!… الحين الساعة 2 الظهر.. و باجي 3 ساعات بس.. لازم أداوم يعني؟ خليني أنام.. و الصباح رباح.. (طبعا قاعد اكلم نفسي.. ما عندي الشجاعة الكافية إني أقول هالكلام في له.. على هالمتن.. بوكس واحد منه… يرجعني الإمارات!!) "
قلت له و أنا راسمابتسامتي المعتادة على وجهي(الي سوت لي مشاكل بعدين): حاضر يا Chief .. .. لللللللخلف درررر …. و رحت على غرفتي…و بدلت.. ملابسي.. و لبست الـ (Overall) الأزرق السماوي الجديد.. و عليه شعار الشركة..(محارة داخلها لؤلؤوة) الظاهر شركة تبيع كافيار.. مو شركة ناقلات غاز محترمة!… و تفحصت الجوتي ( عني عادة إني قبل ما ألبس أي شي جديد.. أحلله.. اعرف صنع وين.. و كيف طريقة استخدامه.. و كيف تنظيفه.. و وو .. كل شي يعني) … و على فكرة رجلي صغيرة قياسي 42 بس .. يا عيني عليه… ( أقصد الجوتي طبعا) يلمع لمعان يعمي العيون!.. طبعا على نهاية الـ 4 شهور صار شكله مقرف.. كله زيت و شحم.. و بلاوي زرقاء… شكلي اصلا بكبره صار مقرف.. صرت فحمة محروقة:(
(آآخ من هالشغلة.. شو الي خلاني أختار هالشغلة… الجامعة شو فيها؟):(:(
أووبس … مب وقت عتاب هذا .. و لا وقت ندم.. يالله خلوني أنزل بسرعة.. قبل ما يعصب .. و يجيني مرة ثانية… مب ناقص يجيني مرة ثانية و يطيح قلبي الأرض:(
عموما نزلت حسب الاتفاق أشوف شو السالفة…و طبعا نزلت باللفت (المصعد) .. تعرفون الواحد توه قايم من النوم.. متكاسل ينزل بالدرج.. خصوصا إني تعبان أصلا (عذر واحد كسلان) .. و تلاقيت مع السيد (الشبح الغامض سابقا)عند المخزن.. و نزلنا سوا للـ (control room) .. و نحنا نازلين قعد يشرح لي النظام في السفينة.. قالي إنه الدوام كل يوم يبدا الساعة 8 و يخلص الساعة 5 و طالعني بنظرة تهديد (كانه يريد يقولي: إن تأخرت لا تلوم إلا نفسك)…..
وخبرني إنه في فترتين راحة (Coffe Brake) نص ساعة .. وحدة من 10 إلى 10:30 …. و الثانية في الفترة المسائية.. من 3 إلى 3:30 .. غير استراحة الغدا من 12 إلى 1 .. و يوم السبت نص دوام للكل.. من الساعة 8 إلين 12.. و احلى خبر قالي إياه.. إنه المتدربين أمثالي لهم عطلات!..
يعني مو كل يوم لازم أنزل أداوم.. يوم الثلاثا الصبح… و الخميس بعد الظهر.. و يوم الأحد كله… يا سلام!!:)
… و على طول أنا ما صدقت قمت سالته (سؤال واحد ملقوف): بكرة يعني إجازة؟:p (أول يوم لي كان يوم لي في السفينة يوم الإثنين)…. طالعتي بنظرة و قال لي: لاااااا… إنت توك جاي.. شو بتدرس هالأسبوع أريدك تخيس (تعفن) في غرفة المحركات!:(
على فكرة نسيت أخبركم.. إنه الكلية عطتني ملف كبير… مقسم عدة أقسام … نسميه (Portfolio) و باختصار هو عبارة مجموعة من الشغلات المتسلسلة.. و متطلبات لازم أسويها خلال فترة التدريب معظمها على السفينة.. و جزء بسيط منها أسويه في الكلية… و كل (Task) جنبه مربع.. لازم المهندس الي سويت معاه الشغلة يوقع داخله بعد ما يتأكد إني قادر إني أسويه لوحدي و بدون مساعدة.. و فاهم هالشغلة بالضبط.. و أثبت لهم هالشي بإني أكتب تقرير أو بحث صغير عن الشغلة الي سويتها… (مثال: عمل صيانة على مضخة كهربائية أو Pump .. أروح اشتغل مع المهندس المكلف بالصيانة و أغطي كل متطلبات المهمة.. بداية من المتطلبان الأمنية Safety precaution و الخطوات الصحيحة.. ..و بعدين و أقرى شوية كتب عن الموضوع.. و أكتب تقرير كامل عنه… و أقدمه للمهندس يراجعه .. و إذا كل شي تمام.. يوقع لي على التقرير نفسه و في المربع داخل الملف..
و أوقات الدراسة الي خبرتكم عنها.. علشان أكتب فيها التقارير و اجهز الشغلات قبل ما أعرضها على المهندس الثاني الي هو المسؤول المباشر عن تدريبي و الإشراف علي…و يا ما عانيت و واجهت مصاعب علشان يوقعون لي… و مع كل توقيع كان يطلعون فيه روحي و يلوني ذل.. و يا ما صارت مشاكل بيني و بينهم بسبب هالموضوع.. و بسبب العنصرية الي كان يتعامل فيها بعضهم معاي… بس لأني… عربي!:(:(
…نرجع للسيد الشبح الغامض (لين الحين مو عارف من هو بالضبط و لا إسمه) ... الي نزلت معاه لغرفة المحركات و أول ما دخلت قابلني.. واحد انجليزي طوييييل.. و ضعيف… (عكس الشبح الغامض).. سلمت عليه راسم ابتسامة عريضة (أسوي دعاية معجون أسنان).. و عرفته على نفسي إني أنا مهندس متدرب.. و عرفت منه إنه اسمه روبرت (Roberet) بس يدعلونه و يقولون له : (ROB) رووب و لا زبادي.. لا تسألوني أي نوع… مراعي و اللا جمجوم ههههههههه و الله رحمته.. و قالي إنه المهندس الرابع (Forth Engineer)
قعد ت شوي أكتشف المكان و الأجهزة العجيبة الموجودة.. (الظاهر عجبني البراد و المكيف الموجود.. بالإضافة إلى الهدوء:))
.. و بعدين رحت الـ (Workshop) .. شفت كم واحد من الفلبينن قاعدين يشتغلون .. ما أدري شو يسوون و يخربطون.. و لاقيت واحد انجليزي طولي تقريبا.. شكله صغير و خدومي.. فسلمت عليه راسم نفس الابتسامة على وجهي (هالمرة دعاية فرشاة أسنان) : و قبل ما يسألني عن اسمي قلت له نادني سام (فرحان باسمي).. و لا تعور راسي.. و عرفت إنه اسمه (Andrew) و اسم الدلع (Andy) ..
(احفظوا هالأسامي زين.. ترى هم أبطال المسلسل معاي طبعا):)
.. و خبرني إنه مهندس تحت التمرين… يعني توه ناجح و محصل الشهادة.. يعني تقريبا ثاني رحلة له..و يمكن يترقى الرحلة الجاية…
بعد شوي دخل واحد معرق و حالته حالة..شكله كان يصلح شي (مستعصي) في غرفة المحركات و أول ما دخل ولع له سيجارة!
…. و تكرر نفس السناريو.. سلمت عليه و عرفت له عن نفسي.. بس ماأدري ليش ما ارتحت له..يمكن لأنه ردة فعله باردة معاي (معظم الانجليز كذا).. و للا يمكن لأنه متين شوي (بس مو نفس الشبح الغامض) .. و لابس نظارة ماشاءالله.. تذكريني بأفلام السبعينات..مغطية نص وجهه.. و لايقة على تسريحة شعره المفلفل:)
…و سبحان الله.. على شكله .. طلع إنه هو المهندس الثالث (Third Engineer) و اسمه كان… اسمه كان.. اللهم صلي و سلم عليه.. شو اسمه يا ترى.. ذكروني؟!!
مو (شارلز)… و لا (مايكل)… همممممم يمكن (جون)؟ لا لا لا… نسيت …تعبت و أنا أحاول أتذكر.. صار لي نص ساعة و أنا أفكر.. فالظاهر بوقف هني… حاولوا إنتوا معاي على ما أتذكر اسمه.. و بخبركم إن شاء الله في الجزء القادم:)
تحياتي لكم