View Full Version : صباحات شرقيه ( 81 ) ليش كذا يامشرفين ؟؟؟
بياع القلوب
06-06-2001, 03:56 AM
هلا
لا تخافوا
ماني مهاجمكم :)
بس لي رأي
انا الاحظ كثير من اعضاء القدامى يرجعون سوالف هالايام
وهذا شيء رائع جدا ( لــــــكــــــن)
انا مااشوف هذاك الترحيب منكم لهم ؟؟؟؟
رغم انهم من الاعضاء المؤسسين للقسم ولهم بصمات قويه في العطاء الابداعي للقسم
وصدقوني كثير منهم قالوا لي ماعادت سوالف حميمه مثل اول وغيروا رايهم بالرجوع بعد ما شافوا برود بالاستقبال من كثير من الاعضاء
يمكن ما الوم الجدد لكن الوم الاعضاء القديمين الموجودين حاليا ..
فنصيحه عشان تصير سوالف اقوى واقوى - الاهتمام بعودة الاعضاء لأنهم مكسب حقيقي للمنتدى ....
صدقوني يا اخواني حرصي على الرقي بالقسم هو الي خلاني اذكر هالنقطه :)
تحياتي
فعلا الأعضاء القدامى يستحقون كل ترحيب ...
و لهم مكانة كبيرة في سوالف ...
لكن ياليت يوسعون صدورهم و يصبرون لين ما يندمجون
الأعضاء الجدد معاهم ... :):):)
و لو أعرفهم كان رحّبت فيهم ...
و يمكن أعرفهم بس هم ما يعرفوني .... :(:)
فتشجيعهم مثل ما قلت أمر ضروري ...
و يعطيك العافية أخي بياع على هذي اللفته المهمة ... :)
بس نصيحتي الصبر ثم الصبر ...
و قديمك نديمك مثل ما يقولون :)
بياع القلوب
06-06-2001, 04:59 AM
هلا توته
شكرا للمشاركه
وبانتظار خطوات ايجابيه من الجميع تجاه عودة القدامى :)
ولك تحياتي
aziz2000
06-06-2001, 04:05 PM
والله اللي واثق من قدراته سيثبت نفسه .. اذ المسألة ليست مسألة أسماء فقط .. واحنا قمنا باللي علينا ورحبنا فيهم .. ورجوعهم الآن بعد فترة غيبة جعلهم كالجدد هنا .. لايظنون بأن متابعة مواضيعهم ستكون مثل الأول .. وبعدين فيه كثير من الجدد أفضل من القدماء بمراحل .. فسوالف أقل حميمية بالنسبة لهم فقط لتغير الأسماء عليهم .. وعليهم أن يمروا بفترة اسبوعين ليدخلوا الجو العام لسوالف واللي صار غريب عليهم .. وليسوا هم جهابذة الكتابة ليُقال عنهم قدماء .. فهم قدماء بتاريخ التسجيل فقط .. والدعوة اللي انت تدعوا لها يابياع مفروض تكون للجدد على المنتدى وليس للقدماء .. لأن القدماء يقع على عاتقهم مثل ماعلى المستمرين هنا
وجهة نظر :)
نجمة المساء
06-06-2001, 04:13 PM
نحن هنا نرحب بالاعضاء القداما والجدد
من الصعب ان الواحد يتأقلم بسرعه لكن الصمت يكفي حتي يثبت الكلام ما يكفي
بياع القلوب
06-06-2001, 04:57 PM
عزيز؟؟ والله انك منت هين
خرعتني الله يهديك :)
شوف وانا اخوك
صعب نتجاهل اقلام تميزت سابقا وجعلت من سوالف لها مكانه بين المنتديات ليقدموه على طبق من ذهب للجدد...
انا بالعكس ارحب بالجدد واشيد بالترحيب بهم
لكن يجب ان يكون هناك واجب وفاء لمن ساهم سابقا بسوالف ، واعتقد هذا شيء ليش صعبا على الجميع ...
وش يمنع كلمات ترحيبيه فيها شوية ترحيب بالعوده؟ ما اعتقد بنخسر حروف من كمبيوترنا، صح؟
وبعدين هم اصلا عارفين الجو العالم لسوالف مسبقا ... ما يبغالها وقت ...
عموما الجديد ياهلا به والقديم ياهلا به :)
لنفرض ان احد الاعضاء المخضرمين حاليا غاب لسبب من الاسباب ثم عاد ولم يجد ترحيب ؟؟؟؟ وهذا غايب شهر وما مداهم ينسوه فما بالك بالغائب شهور واكثر من سنه؟
ويعطيك العافيه اخوي عزيز
بس ما تلاحظ ان مشرفين قسم الاداره نشيطين هنا :) ؟؟؟؟؟؟؟؟؟ غريبه والله ليش ياترى ؟؟؟ :)
تحياتي ..
بياع القلوب
06-06-2001, 04:59 PM
هلا نجمة سوالف
وشكرا للمشاركه :)
لك تحياتي
aziz2000
06-06-2001, 05:27 PM
شوف حبيبي :)
فيه أعضاء من القدامى متكبرة على الموجودين ألحين .. هذولا مايعجبوني .. لأنهم شايفين نفسهم زيادة عن اللزوم .. وأصلا هم ماتميزوا بشئ .. عشان كذا مو عارفين شلون يميزون نفسم بين الموجودين ألحين .. يظنون بأن عدد المواضيع كافي لتميزهم .. وهذا يدل على صغر العقل ..
أما الناس اللي يغيبون بعذر فنحن والله مومقصرين معهم .. ونرحب فيهم ونسأل عنهم .. ونحييهم في كل وقت يطلون علينا فيه
أما اللي موجودين ومايردون إلا بالقطارة .. لا .. ويظن انه اذا رد على موضوع خلاص بيصير هالموضوع أهم موضوع لأنه هو رد فيه .. والله ناس عاهات ياخي :)
تحياتي بيااعو :) وقول لسديم لايطول الغيبة :) هاه وش يبي سديمووه سألنا عنه :)
مشرفين الإدارة مرتاحين :) ومحسودين على قسمنا :) هع :)
تحياتي يادب :)
عبودي 1
06-06-2001, 05:33 PM
عزيز2000 عساني مو من الاعضاء القدماء المتكبرين ؟
aziz2000
07-06-2001, 03:50 AM
أبداً عبودي :) عارفين وش كان سبب غيابك عزيزي :) ومعذور :) أنا أقصد إللي موجودين في المنتدى ومايردون إلا عشان يقولون الله يرجع أيام سوالف قبل وكأن الأعضاء القدامى عظماء .. والأعضاء الجدد أطفالا
تقبل تحياتي :)
أسير الليل
07-06-2001, 03:52 AM
الغالي بياع القلوب..صباح الخير..
اخوي اخبارك زينه..
اكتفي بالقراءة في وجودك انت والاخوان.
تقبل تحياتي
الطارق
07-06-2001, 04:17 AM
تحياتي بياع القلوب ،،،
عزيزي ،،
والله لا أجد سبب لأن يغادر أحد السوالف
لمجرد أن بعض الأعضاء أو معظم الأعضاء
لم يرحبوا بهم ،،
ورغم هذا فنرحب بجميع الأعضاء الجدد ونرحب
بالأعضاء القديمين ونسعد بتواجدهم معنا من جديد،،
تحياتي ،،،
بياع القلوب
07-06-2001, 06:02 PM
هلا عزيز
شخبارك؟
مو قضية عدد مواضيع او شيء
في ناس وصلوا 3 و 4 الاف لكن ما عندهم وعند شغالتنا
لكن برضه العداله مطلوبه بين الجميع
وحنا لا نستطيع ان نحكم على نفسيات الاعضاء من خلال مجرد اسم وكم موضوع كتبه
ياما فيه ناس كنا نخسبها احباء لكنهم بداخلهم تسري دماء الغدر والاستغلال
وكم من واحد تحس لو تشوف اسمه بالمتدى ودك تكسر الشاشه ولا تشوف اسمه لكنك تكتشف انه قمة في الاخلاق والطيبه شخصيا ..
انا جربت هالشيء هذا شخصيا
عموما
قضيه الترحيب شيء شحصي تعتمد على انطباعات خاصه ...
لكن بقول شي
ملحوظه هامه :
سبب طرح الموضوع هو لاثبات شي والحمد لله صدق ظني ..... صح يا غريب نجد ؟
الله يردك بالسلامه اخوي ...
تحياتي
بياع القلوب
07-06-2001, 06:04 PM
هلا عبودي 1
حياك اخوي
:)
ولك الكرامة و الحشيمة وانا اخوك :)
تحياتي
بياع القلوب
07-06-2001, 06:06 PM
اسير الليل
هلا اخوي
تسلم والله وهذا من لطفك وتاكد اني اتابع لك وللجميع :)
تحياتي
بياع القلوب
07-06-2001, 07:22 PM
هلا اخي الطارق
تسلم اخوي للمشاركه
وهذا الشي مو انا قايله لكن كثير من الاعضاء لمحوا لهشي هذا
عموما هذا شيء راجع لهم
واهم شيء ان التواصل بين الجميع مستمر على الخير والاخاء
تحياتي :)
بنت الليل
08-06-2001, 06:18 PM
اهلين مادري وش اقول بس الان جاء دور الصراحة وفي ناس فعلن تنقصهم الشجاعة والجراء انهم يكونون صريحين وصادقين مع نفسهم اول ومع الااخرين ثانية كثير من الناس عند مواجهة موضوع يتهربون لماذا ؟ لآنهم عارفين انهم غلطانين وما عندهم هذيك الشجاعه الي يقدرون يقولون اسفين احنا غلطنا ونشكر الاخ بياع لانه طرح هل الموضوع المهم في شي من الصراحة والمواجه
بياع القلوب
08-06-2001, 09:13 PM
هلا بنت الليل
حلو تعليقك
:) خاصة في مسألة المواجهه
وهذا بحدذاته يبي له موضوع لوحده ومفصل
لكن طرحك للمثال هنا مناسب جدا :)
تحياتي