للمسؤلين عن المنتدى ،،،مالذي حدث للمنتدى ؟؟

[الفرزدق]

السلام عليكم ورحمة الله وبركاته ،،،


ماأدري حاس أن البرنامج حق المنتدى متلخبط ،،،
يروح يفتح أشياء مالها دخل ،،، ويضع الصور في مكان آخر ،،،

وأشياء كثيرة ؟؟؟


ماأدري ،،، يمكن ،،،

فيه أحد شايف كذا بعد؟؟؟

[توتة]

بصراحة ما فهمتك .. شو تقصد بالضبط .. أي صور ؟ :(:)

أنا بالنسبة لي خاصية البحث ما تشتغل بالمنتدى :(


تحياتي ,,,

[mouza]

يمكن شيء خلل عندكم في اتصالا ت السعوديه

[الفرزدق]

ماأدري ؟؟؟



بس مثلاً ،،،

أول مادخلت المنتدى ،،، كنت بضيف رد ؟؟

طلع لي الصورة اللي للتوقيع ( مال التوقيع:))،،،

مثلاً ،،،

الصورة اللي تحت ( الملف الشخصي )
طالع فيها صورة كبيرة ،،، من وين جت ؟؟؟

ماأدري ؟؟؟


هذا قبل ،،،

لكن الآن ،،،
كل شيء تمام؟؟؟


وش المشكلة؟؟

[الفرزدق]

وش فيها أتصالات السعودية؟؟؟؟؟:(


الله يخليهم ،،، خايف يقطعون النت عنا:) ،،،

بس يارب نشوف شركات منافسة:) ،،،
إن شاء الله قريب ،،،

[mouza]

الله يساعدكم

[الفرزدق]

آميـــــــــــن ،،،





كذا سمعنا بيصير إن شاء الله ،،،

[توتة]

بعدها المشكلة :(:)

يمكن الاكسبلورر يسوّي update تلقائي .. و قالب الدنيا

لأن من يومين دخلت سوالف و شفت الخلفية ظلام ..

و كله بسبب الأبديت ... :(:)

و بصراحة الله يعينكم بعونته على شركة اتصالكم :(

تحياتي ,,,

[أحبها]

قـــــــــــــــــــ{ فيصل بن عبدالرحمن }ـــــــــــال

توتة يابنت الكرام .. قولك ثور الخوافي ..
أنا حياتي دمع بدموع في دمع ..
ماله قراري ..
ودي أبكي .. على شيء صار لي وجرالي ..

مابين الهم والحسرة ..
أنا بشكي ..

أشيل أوجاعي .. واروح لديار ابعاد ..
أدور من يشاركني .. أحلامي .. أهاتي ..

في كل ديرة .. تحط أخطاي ..
يسألوني من وين .. جاي ..

قلت .. وانا اداري دمعتي .. بيمناي ..
أنا .. قالوا لي .. ارفع راسك أنت ( ... )
أنا .. من الحرمين .. وهي أوطاني ..

قالوا لي يابن الناس .. خلك بدربك ساري ..
مالك عندنا مكان .. قلت أه منك يازماني ..

يممت شرق .. وغرب .. وجنوب .. وشمال ..
مالقيت .. من يقول مرحباً بك يا ابن الأجواد ..

حملت .. بين ضلوعي .. قهري وأحزاني ..
ليتني من الواق واق .. أو دولة الطلياني ..

هذا أنا ( أحبها ) .. وش أسوي بزماني لجفاني ..
ياأخية ..
ياتوتة ..
هـــذه ..
لوعتي ..
ودمعتي ..
وشكاتي ..

وش أسوي بزماني لجفاني ..

......
ودمـــــــــــــــــ{ الكريمة توتة }ـــــــــــــــــــتي .
ودمـــــــــــــــ{العزيز .. الفرزدق }ـــــــــــــــــتم .

قـــــال ( أحبها ) .. أأأأأأأه من زمن الخذلان .. والأحزان !!
.... أكلما قلت سلوت .. قال لي أطفال العراق وفلسطين .. كلا !!
.... فأبكي .. ثم ابكي .. فتقول أم عبدالله الصغير ..
.... أتبكي كما تبكي النساء .. أأأأأأأأأأأأأأأأأأأأأأأأأأه

[توتة]

حيا الله أهل السعودية ...
ورود من دار زايد هدية ...

حيا الله الناس الطيبين
حيا الله ورد الحرمين ..

حيا الله أهل الكرم و الجود ...
حيا الله قول لو قصر ممدود ...

مكانكم عالعين و الراس
ياهل الشعر و الطيب و الاحساس
يا من جعلكم الرب بين الناس نبراس ..

ارفع الراس ... تراك سعـــــودي
و يا بسمة ردي لأحبها و عودي

و عسى الله لا يجيب الياس ...
تحياتي لكم عدد هالناس

و دمـــــــ{{{ أخي الكريم أحبها}}}ــــت

[بياع القلوب]

اقول
لا تحطوا العذر بالاتصالات السعوديه
ترا برنامج سوالف مخترقينه من زمان
وسلامتكم

[البراء]

اخواني في الله
السلام عليكم ورحمة الله وبركاته

الله يهديكم حاطين على الاتصالات وانا أعمل فيها وترى عندي ولاء للشركة والي يرشها بالماي نرشه بالورد والياسمين ، هم ربعنا صحيح مصخوها لكن تحملوها شوي علشان أخوكم البراء 0 يعني نبي نسترزق ) .

على العموم أخواني أبشركم كلها مئة سنة وبيتعدل الحال ان شاء الله تعالى .

الأخت توتة مشكورة على هذه التحية لأهل السعودية وحنا كلنا أهل وإخوان في الدين .


أخوكم في الله البراء

[اللامع]

انا اتوقع هذا بسبب ثقب الاوزون .
واحد غشيم بالمرة .

[mouza]

عشان الدنياارزاق
بنسكت كله عشانك