كل واحد يكتب الشلخات القوية اللي سامعها عن السيارات :)
 

السلام عليكم

العنوان واضح

ملاحظة مهمة ، يمكن واحد ما يدري إن الشلخة هي حقيقة و ليست اشاعة و لا مبالغة ، فاللي يشوف شي يصحح

كمثال : سيارات فراري كل يوم لازم توديها الصيانة :smart:

- يستخدمون الPistons مال الكرسيدا في مكان الDrag لأنهم كبار و ثقال و يتحملون ! ، و السبب في إن صرفيتها عالية كبر قطر البساتن ! هههه

:D

يالله كل واحد عنده شي يقول ، و آنا عندي وايد بعد بس إنتوا شاركوا

يعنى ايش شلخات ... :m: باي لهجة .... :think:

يعني أشياء ما تدخل الراس و العقل

يعني صواريخ :D

يعني كلام ماله صحة ، و لكنه مضحك

مادري شلون بعد اشرح ، بس المفروض تفهم عن طريق الأمثلة اللي فوق :-)

لازم عن السيارات ؟


في واحد قالي إنه كان رايح البقاله و طلعوا له سلاحف النينجا يلحقونه ... :D


أدري مالها دخل بالسيارات بس تذكرت السالفه

سجل عندك:

-فولفو مستعده انها تعوض اي واحد ينقلب في سياراتها بملغ مليون ونص يورو :D

-قومة في خط قصير بين ايكو ولومينا اس اس الايكو طلعت ليش؟؟لانها قير عادي :D



هذا الي بالي ولو افكترت شي باضيفو :smart:

يقولون

أذا السيارة اللديتر حقها يسرب ماء (مخروق) حط فية بيض ني بيتوقف التسرب :D


_____________________________________________________________


كب سكر بتنكي البنزين بتسير السيارة حلوة :D


_____________________________________________________________


هذي مدري أذا كانت صحيح

يستخدمون مشروبات الطاقة مثل (ريد بول) مع البنزين يقولوا يزيد العزم :D



_____________________________________________________________


لحظة يمكن أفتكر شي :D

نسيت شي مهم :D

STP ملمع الإطارات ، يقولون يشقق التاير و يخربه

شكلك جايف MythBuster :D

هاذي حقيقه ..

..

Toyota LandCruiser .. For People Who Know The Earth Isn't Falt

:D :banana:

مرة رحت على شركة البي ام أول ما نزلت الفئة السابعة الجديدة

قبل 4 سنوات تقريباً

وقعدت اتكلم مع مندوب المبيعات عن مواصفات السيارة

ويقولي فيها كذا وكذا المهم

قالي شي مستحيل انه يتصدق

قالي ان السيارة لو اخترب فيها اي شي عندك من الليت لين الماكينة

السيارة راح تتصل اتوماتيكياً بالاقمار الصناعية على الشركة الأم في المانيا

وتخبرها بالأعطال الموجودة في السيارة

وبدورهم هناك في المانيا سيقومون بالاتصال بوكيلك هنا في قطر لاخبارهم عن اللأعطال التي في السيارة، ورقم الشاصيه للسيارة المتعطلة

ووكيلك بدوره سيقوم بالاتصال بك لإخبارك عن الأعطال التي في سيارتك وعن رغبتك في اصلاحها

وانا مستغرب من اللي يقوله وبعدين رجعت لنفس الشخص بعد فترة وقلتله عن اللي قاله

وقالي انا ما قلتلك هالكلام وانا :blink:

والحمد لله ان رفيجي كان معاي وسمع كل شي

يعني لو كنت بروحي كنت بقول يمكن انا كنت أحلم :D



ومشكور أخوي على الموضوع

الإطار اللي مركب على سيارات الفراري لو تسوق 300 و تلف فجأة 90 درجة السيارة تلف وياك بدون أي تأخير أو دوران :knight:

مشكور سيدكو على الموضوع

- يقولو اذا تسوق السيارة بدون فلتر الهوا تصير أسرع :blink:

هذا مالدي حاليا :p

اي شلخه توصلني بقولها لكم خخخخخخخخ :D

موضوع حلو منك, لأنه بالفعل في شلخات عجيبه و غريبه


فيه واحد عندهم جاغوار إكس جي بحالة الوكاله, قاللي إنهم مزودينها بقيمة 117000 ريال عماني, وطبعاً السياره قيمتها في الوكاله 25000 ريال عماني, و أنا شفت السياره وكاله.

ة ةاحد قال إنه بودي المكسيما قوي كثير و ثقيل, وطبعاً كلنا نعرف بودي المكسيما إنه ريشة

و ننتظر الباقي منكم

1- محرك شيفروليه كوبالت يتحمل 1000 حصان بدون تبديل القطع الداخلية :lol:

2- نيسان سكايلان يتزود لغاية 1200 حصان ببرمجة فقط :lol:

3- هوندا تتحدى اي واحد يقدر يخلي ال NSX تنقلب :lol: << جيبوها لي وانا اقلبها :D

4- 300M تطلع على هوندا فيتك ستوك :sss: امزح سيدكو موتقلب علي :D


اذا تذكرت شي بعد لي رجعة :D

كانوا زمان يقولون تسنن مكينة الجمس الـ 79 ويصير يطبق الطبلون مرتين ويمشي 300 :D :D :D

السلام عليكم...

ذكرتني بسالفه قالها لي رفيجي....يقول مره دخلت محل يبيع اغرض سيارات..(الله يستر عليناو عليه :D )

يقول يوم سألت عن الار بي ام قالي اللي يشتغل بالمحل انه الار بي ام يزيد قوه السياره بمقدار 11 حصان (يعني الاخ مسوي دقيق بالضبط 11 لا اكثر ولا اقل) :damp: :D

يعطيك العافيه على الموضوع :D :banana:

:D
EL_3grab
لاتفضحنا :D

يقولك ان ابرد مكيف حطوه التيوتا كان في الكرسيدا 85 ، من زود برودته في الصيف لي تفتح الباب عشان تركب يطلع دخان ابيض زي اللي يطلع من الفريزر :sleep:

شباب اسمعوا ذي قويييييييييه

هذا واحد من الشباب يقول

مره كانت كابر موديل 2000 ماخذ الدوار انفكت الطاسه تبعه رجع كمل الدوار رجعت الطاسه وركبت في محلها

فرديت عليه قلت له اشوى ماجات كابرس ثانيه وركبت عليها

كاااااااااااااااااااااااااااااااااااااااااااااااااااااع
:D :D :D :D :knight:

موضوع حلو وفيه ترفيه
أكثر اللي يضحكني هم إخوانا البياعين في وكالات السيارات ومعلوماتهم الغير دقيقه أو المؤلفه
عند وكالة النيسان قالي واحد من البياعين إن الزد تصف مع اللمبو وهم فئه وحده

وفي كثير من الأساطير القديمه المتداوله بين الناس الصراحه مايحضرني شي منها وإنشاءالله بكتبها لمن أذكرها

مشكوور

هههههههه شلخات عجيبة :lol:

الهمر ما ينقلب أبداً لأنه من تحت في مغناطيس قوي جداً يجذب السيارة للأرض :banana:

و كذلك البورش فيها مغناطيس من تحت

<< توها فرش :D

شلخه دايم اسمعها من اخوانا اصحاب الشفر :D

يقولون فيه مكينة 511 مع ان المصنع عمره ما صنع هذي المكينه و غالبا تكون هذي المكينة على سيارات الشرطه و خفر السواحل و سلاح الحدود :-)


نفس الشي عن اداء مكاين الشفر يقولون ان المكينه اذا كانت صمامين لكل اسطوانه افضل من اربع صمامات لكل اسطوانه :D

التغيير في قواعد الفيزياء و الكيمياء شي غير منطقي :shy:

:D

ايام الابتدائي كانوا يجيبوا كرتون هيابوزا :D

واحد الله يستر عليه يقول خاله عنده 240 ال اذا طبق طبلونها يطلع من ايده دم زي راعي الهايبوزا :D

و ثاني يقول نسيبه عنده ونيت اذا يسوي حركه واقف تشوف البساتم لونهم احمر و هم طالعين نازلين :knight:

و واحد الله يعافيه يقول ان صابونتهم ال91 عليها مكينه كوررررررررررفت :D

و واحد الله لا يبلانا يقول ان الزد 300 التيربو القديم قويييييي و مو اي واحد يسوقه
و مره و هو يمشي في الهايوي دعسه و مشا به عرض خمس دقايق و هو يحاول يمسكه ما عرف في النهايه هده على الجهه الثانيه و رده اول و كمل سيدا :blink:

نكمل ؟ :D

هذي فقشه اخبرها من قبل سنين

ايام الشبح .... جاي واحد من الشباب يتفلسف وش يقوللل؟؟

كفرات الشبح الواحده بي 4 الاف ريال :m:
قلنا كيف يابو ... قال الشبح ما يركب عليها الا كفر الوكاله ومصمم لها فقط
يعني الطقم بي 16 الف ريال ...... وين حنا عايشين كان طفرو الخاق


_________________________________________


وهذا واحد الله يستر عليه ايام 740 ال 97 يقولك كان مستاجر وحده وقام اخينا لف تسعين درجه وهو رجله على ال180 ..... ولا صار شي .... يقول ايش ثبااااات :think:


ومشكور سيدكو على الموضوع



NEXT PLEASE
:30:

موضوع حلو الصراحه وفيه استرجاع لذكريات الماضي


من سنتين تقريبا او ثلاث مب متأكد كنت رايح الصناعيه في مهمه سريه و يوم وصلنا اخر الصناعيه انا وربيعي
سمعنا صوت وحش لهو بصوت امريكي ولا ياباني طالع من كراج قديم يصلح تكاسي و سيارات مال التعليم
لكن شفنا العمال متجمعين عدال كورفت موديل 98 اصفر من جدام في ضربات خفيفه لكن صوته كان غريب شوي
احنا قلنا السالفه اكيد هالكراج يزود واحنا ما ندري عن شي ..... وبدت تحرياتنا
قلنا الدليل الوحيد انا انشوف مكينه الكورفت كيف شكلها , و اول ما شفنا المكينه......وهنا الصعقه
:blink: :blink: :blink:
:damp: :damp:
:blink:






مكينه وجير صني 96 1,6 ............. اكزوز سفك

وحاولنا نفهم شو الموضوع ..........


كل الموضوع وما فيه انه جار الكراج وهو سكراب ياه واحد وباعه الكورفت بعد ما سوا فيه حادث ودمرت مكينته والجير
راعي الكراج و هو هندي حب شكل الكورفت وقال هالسياره انا باخذها لي وبصلحها وخذها عند جاره اقرب كراج له

راعي السكراب اتكفل بالمكينه والجير بوكس والاكزوز وراعي الكراج عليه الطبخه ........ وانتهت الطبخه بطبق كورفت بمكينه صني اتخيلووووووووو

المشكله احنا ما عرفنا شو صار بعدين لان كانت عدنا دوره لكن بعد اول نزله لنا سرنا للكراج ونبغي انشوف اخر اختراعاته


اول ما وصلنا لقينا الكورفت فاخر السكراب كانه مكنسل من 20 سنه وسالنا الدكتور صاحب الكورفت شو صار قال الطبخه فشلت الموتر نقع عليهم اول ما طلعوه من الكراج يا فرحه ما تمت





هذي اغرب سالفه شفتها فحياتي واغلب الشباب ما صدقو لين ما وديتهم بنفسي عشان يشوفون كورفت بمكينه صني محترقه

شباب احد يذكر هذي السيارة :D ...









على ايامها كنا صغار وكل واحد يشلخ على الثاني :knight:

اللي يقول شافها تطير فوق بيتهم واللي يقول تكلم وياها واللي يقول شافها وسلمت عليه وطارت :lol:



ذكريات :cry1:

على طاريهم

قبل كم يوم شفت البرنامج

و سوو تجربة على فورد اكسبدشن

نتيجة التجربة انه

السير بالسيارة و المكيف شغال يستهلك بنزين اقل من استهلاك البنزين عندما تسير و الشبابيك مفتوحة

==============

غير كذا الحياة واقعية جدا معايا :D

أقوى شلخة يقولون أن المكسيما إذا جابت الطبلون لازم يمسكون الدركسون ثنين

ههههههههه

بس سناري صحيح هالكلام ؟! يعني لهالدرجة الإنسيابية تأثر ؟ عيل وآنا أقول بعض القومات ليش أتاأخر في الخط ، شكله مأثرين وايد

شلخة الساعة :D

واحد توه شاري سوبارو ليجاسي موديل 95 ، يقول عمه فنان في الميكانيكا ، قاله هاي مكينته كانت مكينة هليكوبتر ركبوها على السيارة :knight:

أقوله هاي H4 يقول يمكن اختصار Helichopper

:D

ههههههههههههه ..

حلوه يا سيدكو ..

..

سناري .. كل شي كان قدم عينك .. كميه البترول .. والسرعه والسيارتين نفس الشي .. :D .. ياخي يعجبوني ..

..

واحد امس مقابله يقول لي ان سيارته المرسيدس

E320 1998ماكينتها جايه طلبيه لأنها 6 سلندر على شكل v ويقول 12 بوجي :ranting:

ويحلف الرجال ويقول انا مغيرها بيدي

هلا شباب
والله الشلخات ماتوقف
هذا شباب الدمام يعرفون الشارع اللي فيه الساحة مكان مايتجمعون الشباب في الووك اند للشو والقومات
المهم واحد من الشباب عنده GMC بكب موديل 84 ومكينته ديزل
ومعروووف في الشارع أن هذا البكب طلع على الكومارو موديل 99 سنة 99 والكل مصدق السالفة
المهم السالفة ان خوينا داعس من أول الشارع ولما وصل عند الكومارو دعس الكومارو وأكيد ماقدر يجيبه والكل شاف اللقطة الأخيرة لما كان البكب قداااااااااااااااام والكومارو مو قادر يلحق ههههههههههه
خوينا ساموا البكب حقة ب50000 ريال ههههههههههههههههههههههه

سيارتي نقس المكينه ونفس عدد الشمعات كلامه صحيح

يقولون قاسو وزن المكسيما وهي تمشي 260 وطلع 8 كيلوووو :D

انا كل يوم اسمع شلاخ جديد :lol: بس المشكلة الذاكرة تعبانية ما فيها كاش ممري :sss:

وحدة من الشلخات ان الموستنج وارد اليابان ما يمشي ليش ؟


لأن وارد أمريكا بستمه أكبر :lol:

من الشلاخ القديم

الجمس تدبل الدعسة على الخط تطبق 300 كيلو :eek:


سالفة قديمة مرة مرة


الصابونة تشلخ الموستنج :eek: :eek:

اخي سيدكو.... شكرا على الموضوع....

الماجنا يقطع البي ام 535 ....خخخخخ

بس انت قلت
- يستخدمون الPistons مال الكرسيدا في مكان الDrag لأنهم كبار و ثقال و يتحملون ! ، و السبب في إن صرفيتها عالية كبر قطر البساتن ! هههه

هذا الكلام صحيح مية مية....

هذا الكلام صحيح بس بدون " و السبب في إن صرفيتها عالية كبر قطر البساتن ! هههه
"

الماجنا فعلاً تطلع على الـ 535 و خاصة ا>ا قير عادي تعطيها مسافات

لاكن سالفة البستم هدي واضح شلاخها 100% و سمعتها من قبل من راعي سوبرا 7m واحد عبيط :D

بستم الكرسيدا أصغر بشوي من الـ 7m و هو على نياته و قال لي يركب

كل خلطة لها بستم خاص دوم معين تعطي نسبة انضغاط يطلبها الإنجن بلدر

و البساتم اللي يستعملوها في التزويد لازم تكون خفيفة و يفضل انها تكون فورجد المنيوم

اما التويوتا فهي كاست حديد يعني صبة و خلاص و هدا شي رخيص :D


على العموم من الشلخات اللي جت على بالي يقولو لك GT-S في كورنيش القطيف جا يدوس بنزين و بدون بريك عشق أول و ثاني و ثالث و دق سفتي على الثالث ولا تحرك شبر

مش لأن توايره 14×180 مسحولين سحال بس لأنه قوي :lol:

من الإعتقادات الخاطئه إنا السياره إذا إفتر التاير وهي واقفه يعني هذا سياره قويه جدا وممكن تقاوم مكوكات فضائيه مايدرون إناهذي طاقه
ضايعه علي الفاضي

يعني يجيي واحد يقولك أقووولك يصرخ التاير وهي واقفه

سيارتي كورلا v8

:good:

الكرسيدا بساتن ثقال + حديد

المطلوب المنيوم + خفيف + يتحمل تغير حرارة أكبر عكس الألمنيوم


_____________

سناري و العقرب ، وين يحطون هالبرنامج ؟ و متى ؟ خلنا نتابع شكله مفيد للصحة :D

_____________

أخوي Rer_RPM

من جد ؟ أو تتغشمر ؟