أيــــ أذهــب ـــن؟؟
 

لم أعـد داريـاً إلـى أين أذهـب

...................كل يوم أحـس أنـك أقـــرب

كل يوم يصير وجـهـك جـزءاً

.............من حياتي.. ويصبح العمر أخصب

وتصير الأشكال أجمـل شــكلاً

................وتصير الأشيـاء أحـلى و أطيب

قد تسربت في مســامات جلدي

.................مثلمـا قطـرة الـنـدى تتسـرب

اعتيادي على غيابــك صعـب

...............واعتيادي علـى وجودك أصعـب

كم أنا.. كم أنا أحـبـك .. حتى

..............أن نفسـي من نفسـها تتـعجـب

يسكن الشـعر في حدائق عينيك

...................فـلـولا عينـاك لا شـعر يكـتب

منذ أحببتك الشـموس استدارت

................والسـموات صـرن أنقـى وأرحب

حـبـك الـبربـري أكبر مني

.................فـلـماذا علـى ذراعيـك أُصـلب

أتمنى لو كـنـتِ بؤبؤ عيـني

.................أتـرانـي طلبـتُ مـا ليس يُطلب؟

أنتِ أحلـى خرافة في حياتـي

.................والـذي يتبـع الخـرافـات يتعـب


لنزار قباني

عوافي اختي ام شهد ..

واسعد الله قلبك اينما كنتِ .. كم نشتاق لحضوركم المميز والذي ليس لنا بالغنى عنه

اتمنى حضورك الدائم .. دائماً وعلى شغف ننتظر ابجدياتكم ,

ونتوق اكثر واكثر لترجمان احرفكم الطيبه .

كوني هنا ياانيقه ..

هلا بــ ابداع2004

تسلم اخي على الرد اللطيف :33: ... وتشتاق لك العافية اخي الكريم والبركة فيكم :glasses:

وعلى قولة القايل "الغياب ما هو جفا والحضور ما هو وفا" :Sad2:



عسى الله يقدّر ويعين



والسموحة

السلام عليكم ورحمة الله وبركاته

ما شاء الله عندنا متذوقين للشعر في سوالف

اختيار موفق غاليتي ام شهد

وعليكم السلام ورحمة اللـــه وبركاته



اللـــه يسلمك اخوي " عشّاق " .. ومشكور ع الرد :33:





تسلمين اختي بشاير ع الرد الحلو... اشكثر فرحت يوم شفت ردج ووجودج في المنتدى فرّحني اكثر



واذا ع الشعر تراني احب اقرا شعر من يوم ما قريت لـ علي الخوار وكريم معتوق وغيرهم...

والقصيدة هذي قريتها في جريدة البيان هاك اليوم وحبيت انقلها هني لأني حسيتبها تتكلم عن احساسي اتجاه مكاني القديم - اللي هو سوالف طبعا - :o

ولهت على هذاك الوقت... وعلى اليمعه اللي كنت فيها وياكم.


عسى الله لا يحرمنا منكم يا الغلا

واحنا بعد اشتقنا لج يا أم شهد

صحيح المنتدى صار شبه مهجور

لكن في كثير يمرون عليه واحيانا يشاركون بعد

وأنا أشارك علشان حبي لهذا المنتدى ومنها أطمن على الصحبة الطيبة إلي تعرفت عليهم من خلال سوالف

وبصراحة كل الموجودين ما قصروا وياي أبد (وانت يا الغالية منهم)

لما مرضت ولما سافرت ولما توفى ابوي الغالي الله يرحمه

الله يديم علينا الاخوة في الله ولا يحرمنا الأجر

تسلمين والله يا الغالية


بعد ما تخرجت من الجامعة شفت سوالف جدامي... حبيت مشاركات الناس اللي فيها... صحيح انها كانت مهجورة هاذيج الايام... فكنت الوحيدة في الساحة متحمسة اكتب وأرد وأنقل ... حبيتها من قلبي .. كنت حابة اكتب كل معلومة مفيدة اعرفها حبيت افيد الناس وكانت عندي طاقة والوقت الحمدلله لهالشي... وعقب تدرين باللي صار


بس يوم دريت عن مرضج تفاجأت وتضايقت وايد... والحمدلله انج موجودة بيننا الله يحفظج



ما تغيرت معزة هالمكان في قلبي :headshak:

سامحيني اذا غلطت عليج في يوم وانا ما ادري

حبيبتي يا أم شهد إنت ما عمرج غلطتي على أحد في المنتدى

والحمد لله وهذا فضل من الله إن الله أكرمني بالاستمرار معاكم ... والأعمار بيد الله

أما عن مشاركاتج فأنا عارفة إنج الحين صرتي مشغولة عن أول بس يا ليت في الاسبوع مرة تمرين علينا ومنها نطمن عليج

الله يغفر لنا ولكم ويديم علينا نعمه الظاهرة والباطنة وأهمها نعمة الإسلام